வியாழமாற்றம் (24-11-2011) : விளையாட்டு அரசியல்


மேகலா

mekala[2]மேகலா யார்? என்று பலரும் கேட்கிறார்கள். இதில் என்ன விஷயம் என்றால் மேகலாவை யாராலும் காதலிக்காமல் இருக்க முடியாது. உதயசங்கர்  ஒரு பதிவில், ஜேகேக்கு(ஜெகேபி என்று சொல்லாதவரைக்கும் ஓகே!) அவன் விரும்பிய மேகலா கனவிலும் நிஜத்திலும் வரவேண்டும் என்ற வகையில் வாழ்த்தி இருந்தான்.
யார்  அந்த மேகலா? உங்கள் மேகலாவும் அவளே! நீங்கள் காதலித்த பெண் தான். சிலசமயம் இப்போதும் நினைப்பீர்கள்!  என்ன அவள் பக்கத்தில் இருக்கமாட்டாள். பக்கத்தில் வந்தால் அப்புறம் அவள் மேகலாவாக இருக்க மாட்டாள்! குமரனை தேடிக்கொண்டு இருந்தபோது மேகலாவை கவனிக்கவில்லை, கண்டு பிடித்தபோது குமரனை மேகலா கவனிக்கவில்லை!! கவனிக்கும் போது இருக்கும் காதல் கவனிக்கப்படும்போது இருக்காது. என்ன ஒரு irony இல்லையா! The world is full of hallucinations. நான் என்று இல்லை. இவனும் இதைத்தான் எழுதி இருக்கிறான். நல்லவேளை எல்லோருமே எழுத வருவதில்லை, அதுவரைக்கும் இலாபமே!!

senthil-18மனமதகுஞ்சு: எச்குய்ஸ் மீ மச்சி, றாவா அடிச்சதெல்லாம் அப்பிடியே எறங்கீட்டுது. இப்பிடியே ரெண்டு நாளைக்கு எழுதிக்கிட்டு இரு. நீ கூட உண்ட பதிவுக்கு வோட்டு போட மாட்ட மாப்பிள! ஹிட்ஸ் முக்கியம் அமைச்சரே… ரூட்ட மாத்து!!

அரசியல்

behind_cambodian_killing_fi75ம் ஆண்டு முதல் 79ம் ஆண்டு வரை “கெமர் ரூச்”(சிவப்பு கம்போடியர்கள்)  ஆட்சியில் கம்போடியாவில் நடந்த ஏறத்தாழ பதினேழு லட்சம் வியட்நாம் வம்சாவளிகள் படுகொலைகளின் விசாரணை இப்போது தான் ஆரம்பமாகி இருக்கிறது. இதன் மூலகர்த்தாவான போல்போட் 98 இலேயே காலமாகிவிட்டார். ஆடிக்கொன்று ஆவணிக்கொன்று என, பெங்களூர் சொத்து குவிப்பு வழக்கு போல இழுத்து அடித்தார்கள். ஐநா தலையீடு இருந்ததும் இத்தனை காலதாமதம், இப்போது குற்றம் சாட்டப்பட்டவர்களுக்கு வயது எண்பதுக்கு மேலே. மொத்தமாக அந்த காலகட்டத்தில் மாத்திரம் மூன்று மில்லியன் பொதுமக்கள் படுகொலை செய்யப்பட்டார்கள். “Killing Fields” என்ற பதமே அங்கிருந்து தான் ஆரம்பமானது. எண்பதுகளில் சீனாவும் அமெரிக்காவும் “கெமர் ரூச்”சுக்கு உதவி செய்ய, அழிவுகள் தொடர்ந்தது. வழமை போலவே கொசுக்கடி போல அமெரிக்கா பொருளாதார தடை விதித்து தொட்டிலையும் ஆட்டியது. பின்னர் மன்னராட்சி(!), அப்புறம் இன்னொரு ஸ்கூப், பின்னர் ஜனநாயகம். முப்பது வருடங்களுக்கு பின்னர் சென்ற வருடம் யுத்தகுற்றங்களுக்கான விசாரணையில் முதலாவது தண்டனை விதிக்கப்பட்டது. இழப்புகளில் சின்ன இழப்பு பெரிய இழப்பு என்பது இல்லை தான். ஆனால் இத்தனை கொடுமை செய்த கெமர் ரூச்சர்களுக்கு முப்பது வருடம் கழித்து தான் விசாரணையே நடைபெறுகிறது என்றால், இன்னும் எத்தனை வருடம் காத்திருக்கவேண்டும் என்று கணக்கிடுங்கள்!
இப்போது விசாரிக்கப்படும் குற்றம்சாட்டப்பட்ட “நுவான் சியா”(Nuon Chea) என்ற கெமர் ரூச் தாம் நடத்திய கொலைகளை பெருமையாக சொல்கிறார்
“if we had shown mercy to these people, our nation would have been lost. We didn’t kill many,We only killed the bad people, not the good”
 
800px-Buddhist_monks_in_front_of_the_Angkor_Wat

 
நாமே நமக்கென ஒரு அறிவை அதிகப்படுத்தி, அதை நாகரீகம் என்று சொல்லி, இன்னும் ஒன்றை கூட்டி ஏழாம் அறிவு என்றெல்லாம் பேசுகிறோம். நமக்குள்ளேயே G8, AAA, 18+, EURO, EUROZONE, BRIC என்று பிரிவுகள். மனிதவகை விலங்குகளை முதலில் devaluation செய்ய வேண்டும். அட அதையும் அமேரிக்கா தானே செய்யும். இங்கே எதுவுமே மாறப்போவது இல்லை!
senthil-18மனமதகுஞ்சு: டேய், கம்போடியா பத்தி ஓகே .. அதென்ன கடைசியா அதிகபிரசிங்கிதனம். சீரியசா தான் சொல்றன் மச்சி. நீ என்ன எழுதுறாய் என்பதை விட என்ன எழுதாமல் விடுகிறாயோ, அது எழுதுவதை விட அதிக வீரியம் கொண்டுவரும்.  நீ இன்னும் நிறைய படிக்கணும் செல்லம்.. ஓகே!
 

விளையாட்டு அரசியல் || அரசியல் விளையாட்டு

ஆஸ்திரேலியா அடிச்சு பிடிச்சு இரண்டாவது டெஸ்டில் தென் ஆபிரிக்காவை வென்று விட்டது. தலைக்கு வந்த பிரம்மாஸ்திரம் பாண்டிங்கின் ஹெல்மெட்டை மட்டும் தட்டியது. அட விஷயம் அது இல்லை. அலுவலகத்தில் ஒரு தென் ஆபிரிக்கர். இங்கே மெல்போர்னில் குடியேறி இருக்கிறார். ஐம்பது வயது இருக்கும். அடிக்கடி மதிய உணவு ஒன்றாக அருந்துவோம். எங்கள் உரையாடலையே இங்கே தருகிறேன்.
14n_ponting_narrowweb__300x407,0

நான் : “Who do ya support? Aussies or South Africans?”
அவர்: “Ofcourse Aussies, how on earth you would think I support South Africans”
நான் : “Guess, its your home country”
அவர் : “Oh Yea, then why would you never support Sri Lankans?”
நான் : “Cmon, maite, you know why”
அவர் : “So is the same here … South Africa is no more our country!”



 
அவர் சொல்லும் போது தான் சில நாட்களுக்கு முன்னர் நான் வாசித்த “Disgrace” என்ற நாவல் ஞாபகம் வந்தது. நாவல் ஏறத்தாழ தென் ஆபிரிக்காவின் வெள்ளையர்கள் நிலைமையை விவரிக்கிறது. “படிச்சதென்ன பிடிச்சதென்ன” பகுதியில் இந்த வாரம் எழுதவேண்டும். நண்பர்களே, இந்த “♫♫ உ.. ஊ.. ம ப த ப மா ♪♪”  இசைத்தொடருக்கு அவ்வளவு ஆதரவு இல்லை போல இருக்கிறது. இசை ரசனை என்பது ஒரு பெர்சனல் விஷயம். என் விருப்பம், நான் ரசிக்கும் பாணி உங்கள் விருப்பமாகவோ பாணியாகவோ இருக்க வேண்டியது இல்லை. அதனாலேயோ என்னவோ காமெண்ட்ஸ் செக்ஷன் வறண்டு போய் இருக்கிறது. பேசாமல் “படிச்சதென்ன பிடிச்சதென்ன” தொடரை செவ்வாய்கிழமைகளில் எழுதவா? சொல்லுங்க பாஸ்! ஏதாவது பேசினா தானே லவ் பண்ணுறீங்களா இல்லையானு தெரியும்?அப்புறம் முரளி மாதிரி முட்டை கண்ணீர் வடிக்ககூடாது ஆமா!
 
senthil-18மனமதகுஞ்சு: அப்ஜெச்ஷன் யுவர் ஆனர்! ஆ இவரு தொடர  நிறுத்துவாராம், உடனே நாங்க போயி, அய்யா நீங்க தொடர்ந்து அரசியலில இருக்கணும்னு உண்ணாவிரதத்தில குதிக்கனும். அப்புறம் இவரு எழுதுவாராம். நல்லா வாயில வருது பாஸ். நேற்று பொறந்த பொண்ண பாக்கவே நேரம் இல்ல. நீ வேற ஒன்னுக்கு போற கேப்ல ஒரு பதிவு போடுற.. அடங்கடா மொதல்ல!
 

இந்தவார பாடல்


ஜெயலலிதா யார் என்று என்னைக்கேட்டால் ஒரு நல்ல தேர்ந்த கலைஞர் என்றே சொல்வேன். “சுமதி என் சுந்தரி” படத்தில் அவரின் நடிப்பு அத்தனை அழகு என்றால் “இருவர் உள்ளம்” படத்தில் சிவாஜியை ஆங்காங்கே தூக்கி சாப்பிட்டே விடுவார். என்ன, எம்ஜிஆர் அந்த பொண்ணுக்கு டப்பா ரோல்கள் கொடுத்து வீணடித்து விட்டார். அவரும் அப்படியே அரசியல் அது இது என்று இன்றைக்கு முதலமைச்சர் ஆகி விட்டார்.  தமிழ்நாட்டில் மிகப்பெரிய சோகம் அதனை கலைஞர்கள் ஆள்வதே! கலைஞர்கள் ஆள்வது தவறில்லை. அவர்களால் மட்டுமே அது முடியும் என்று நினைக்கிறோமே, அது தான் தவறு. யாரிடம் என்ன எதிர்பாப்பது என்ற விவஸ்தையே எங்களுக்கு இல்லை. ரஜனியிடம் அப்படி எதிர்பார்த்ததால், அவர் தளபதிக்கு பின்னர் நடிப்பதையே நிறுத்தி விட, தமிழில் இன்றைக்கு ஒரு “சீனி கம்” மாதிரி கிளாஸிக் ரொமாண்டிக் காமெடி எடுக்க முடியாமல் போனது. ஒரு பேச்சுக்கு, ரஜனியும், ஜோதிகா இல்லை பூமிகாவும் அந்த படத்தில் நடித்து ராஜா இசைத்தால் … கனவு தான்!

 
ஆ சொல்ல வந்த விஷயம், இந்த கலைஞர்கள் அரசியலுக்கு வருவதால் இரண்டு விஷயங்களை இழக்கிறோம். ஒரு நல்ல முதலமைச்சர்! ஒரு நல்ல கலைஞர். இன்றைக்கு குஞ்சு குருமான் எல்லாம் கொலைவெறியோடு பாடிக்கொண்டு இருக்கிறது. ஜெயலலிதாவின் குரலை கேளுங்கள். ஒரு காந்தம் இருக்கிறது இல்லையா. She is some talent!

senthil-18மனமதகுஞ்சு:  டேய், ஹம்சிகானு சொன்ன ஓகே, அப்புறம் சுருதி, போறுத்துகிட்டோம், அஞ்சலிய வேற ஜொள்ளு விட்ட. அது கூட ஓகே. மதுபாலா, ரேவதி .. சரி உனக்கும் வயசாகுது .. ஆனா ஜெயலலிதா பொண்ணா? ஆண்டிப்பட்டி பக்கம் போயிடாத மாப்பு, இருந்தாலும் இதெல்லாம் ரொம்ப ஓவர்டா.. என்ன சின்ன புள்ள தனமா இருக்கு?

ஆப்பிள் A.K.A Yarl IT HUB!!!!

jobs-and-wozniak-steal-the-show-at-a-meeting-of-the-homebrew-computer-club-by-demoing-a-predecessor-to-the-first-apple-computerஆப்பிள் பகுதி ஏன் வியாழன் மாற்றத்தில் தொடர்ந்து வருகிறது என்ற காரணத்தை உடைக்கும் நேரம் வந்து விட்டது. முன்னரும் சொல்லி இருக்கிறேன், ஸ்டீவ் ஜோப்ஸ், வோஸ்நியாக் போன்றவர்கள் ஒரு சின்ன circuit செய்து வைத்திருந்த போது, கூட இருந்தவர்கள் அவர்களை வாரா வாரம்  நடைபெறும் அவர்களை போன்றவர்கள் கூடும் சந்திப்புக்கு அழைத்துசென்றார்கள். அங்கே ஒரு கலந்துரையாடல். அப்போது வோஸ்நியாக் பார்த்த integrated processor தான் பின்னாளில் ஆப்பிள் கணணி ஆனது. அதை வாங்க ஆட்கள் வேண்டுமே? உடனே ஒருவர் முன்வந்து முன்பணமும் கொடுத்தார். இன்றைக்கு ஆப்பிள் எங்கே? இந்த நிலை தான் 70களில் அமெரிக்காவில் உருவாகிய தொழில்நுட்ப நிறுவனங்கள் எல்லாவற்றுக்கும். இன்றைக்கும் அந்த நிலை தான். ஆனால் யாழ்ப்பாணம்? நான் ஓரளவுக்கேனும் எழுதுவேனோ என்று தெரிவதற்கு என் குடும்பத்துக்கு முப்பது வருடங்கள் ஆயின. எனக்கு பெயர் தெரிந்த இசை கருவி எல்லாம் மீட்ட கூடிய, ப்ரில்லியன்ட் கம்போசர் தீபன், சமையலறையில் பியானோ வைத்துஇருக்கிறான், ஐம்பது பேருக்கு அவன் திறமை தெரிந்தாலே ஆச்சரியம்.  இதிலே உள்ள விஷயத்தை பாருங்கள். நம்பிக்கை ஊட்டவும், தூக்கிவிடவும் ஒரு சூழல் இருக்கவில்லை. இருந்திருந்தாலும் நான் பெரிதாக ஒன்றும் கிழித்திருக்க போவதில்லை(அதே அவநம்பிக்கை, இன்னமும்). ஆனால் என் நண்பர்கள் ஒரு கலக்கு கலக்கி இருப்பார்கள். குகன் என்று ஒரு நண்பன். பத்து வயதிலேயே மெழுகு எல்லாம் வாங்கி தவளையை வெட்டி ஆராய்ச்சி செய்ய, வீட்டில் கிடைத்த பரிசு அடி உதை தான். நண்பர்கள் மத்தியில் “He is crazy” என்ற வசை.

JPLTCB64

அந்த crazy மனிதர்களை யாழ்ப்பாணத்தில் தேட போகிறோம்! நம்பிக்கையும் ஊட்ட போகிறோம். வெறும் கையுடன் அவர்கள் திரும்பவும் தேவையில்லை. எங்கள் துறை தகவல் தொழில்நுட்பம். அது சார்ந்து நண்பர்கள் சிலர் ஆரம்பிப்பது தான் “YARL IT HUB”, சும்மா வெறும் charity நோக்கத்தில் செய்ய நாங்கள் ஒன்றும் இளிச்சவாயங்கள் இல்லை! இலாபநோக்கம் இருக்கிறது. எங்கள் யாழ்ப்பாணம், எங்கள் சுவாசம் சுவாசிக்கும் தலைமுறை வாழும் தேசத்தில் இன்னொரு “silicon valley” உருவாகவேண்டும் என்ற இலாபநோக்கம்!! தனிப்பட்ட இலாபநோக்கம் எதுவும் கிடையாது. யாழ்ப்பாணத்துக்கு இலாபம் வரவேண்டும். வரவைப்போம். வரவைக்கிறோம். கிறோம் கிறோம் என்று சொல்கிறேனே. அந்த கிறோம்களின் எண்ணிக்கை போதாது. ஆதரவு தேடி நிற்கிறோம்!

senthil-18மன்மதகுஞ்சு : Hats Off தல, இது நூத்தில ஒரு பேச்சு.  இப்ப பாரு நம்ம பசங்கள இறக்கி பிரிச்சி மேஞ்சிடலாம்! நாங்களும் கை கொடுக்கிறோம். சேர்ந்து தட்டுவோம். திறக்கும் வரை.. Alala நாமளும் ஜேகே மாதிரி எழுத ஆரம்பிச்சிட்டமா? விடு ஜுட்!

ஹாட் நியூஸ்


321617_10150395602522337_714962336_8688667_1053233121_n
டேய், உனக்கு கொலைவெறி, பட் எனக்கு நரவெறி, ஜாக்கிரதை
senthil-18கடுப்பேத்துகிறார் மை லார்ட்

சென்ற வாரத்து பலன்கள்!
வியாழமாற்றம் (17-11-2011)
வியாழமாற்றம் (10-11-2011)
வியாழமாற்றம் (03-11-2011)
வியாழமாற்றம் (27-10-2011)
வியாழ மாற்றம் (20-10-2011)











11 comments :

  1. புதுசா ஒரு ஆதிவாசி கமென்ட் அடிப்பது போல், உங்களை நீங்களே போட்டு தாக்கி கொள்வது.. ரசிக்க வைத்தது...

    ReplyDelete
  2. Yarl IT Hub இற்கு நல்லா அறிமுகம் குடுத்திருறீங்க..

    //
    இதிலே உள்ள விஷயத்தை பாருங்கள். நம்பிக்கை ஊட்டவும், தூக்கிவிடவும் ஒரு சூழல் இருக்கவில்லை.
    //

    நிலைமை இனி மாறும் என்று நம்புகிறேன்.

    ReplyDelete
  3. மன்மதகுஞ்சு11/25/2011 3:25 pm

    மச்சி மேகலா யாருன்னு ஊருக்கு வேணுமின்னா தெரியாம இருக்கலாமம ஆனா நம்மள்க்கி தெரியாமல் இருக்காமல் முடியாதே அந்த கம்பஸ் முன் ஒழுங்கை ..( வேண்டாம் ஒரு இந்தா JK குமர் கரைசேர்ப்போற நேரத்தில ஏன் மண் அள்ளீ போடுவான்)

    கம்போடியா மட்டுமில்ல பொஸ்னியாவில் கூட இதே நிலைமைதான் நாளை ஈரானாக கூட இருக்கலாம் ..ஆனாலும் வரலாற்று பதிவு தகவல் அனவரும் தெரிந்திருக்க வேண்டியதுதான் தகவலுக்கு நன்றி..

    இசை ஆர்வம் என்பது அனவைரிடமும் இருக்கு ஆனால் ஒரு சிலருக்கு உனது ரசனையுடன் ஒத்துப்போகும் ஆனால் பலர் வாசிப்பதோடு சரி விமர்சனம் செய்வது முடியாமல் இருக்கலாம்,எனவே மனம் தளர்ந்துவிடாதே ( என்னடா ராஸ்கல் 50 படம் நடிச்சிட்டு முதல்வர் பதவிக்கு ஆசைப்படுற அணில் மாதிரி நீயும் ,எழுது மச்சி உடனே ஆதரவு வராது நாள் போக கூட்டம் கியூவில நிக்கும் சீடி வாங்க)

    என்னைப் பொருத்தவரை ஜெ ஒரு நடிகை என்பதை விட ஒரு சிறந்த தலைவராக தெரியுறார் ( உ+ம் நேற்று நடந்த் சொத்த்உ குவிப்பு வழக்கில் நீதிபதி கேட்ட கேள்விகளுக்கு அவர் சொன்ன பதில் என்னிடம் உள்ள உடைகள் செருப்புகள் நகைகள் அனைத்தும் நான் சினிமாவில் நடிக்கும் போது எனக்கு கொடுத்தது,சுதாகரனின் திருமண செலவுகள் அனைத்தையும் பெண்வீட்டார்தான் செய்தார்கள் நான் ஒரு சல்லி காசு செலவழிக்கவில்லை) கேட்கிற நமக்கே கொலைவெறி வருதே அடக்கமா இருந்த ஜட்ஜ் அய்யாவுக்கு எப்பிடி இருந்திருக்கும்.
    ஒரு கட்சியை எப்படி தன் கட்டுப்பாட்டுக்குள் வைத்திருக்கிறார் அதுவே அவருக்கான தலைமைத்துவ சான்றுதான் என்ன செய்ய கூட இருக்கு இந்த சோ போன்றவர்களும் தவறாக வழிநடத்துகிறார்கள் அவரை..

    உண்மையிலேயே நமது நண்பர்கள் பலரிடம் பல திறமைகள் ஒளிந்திருக்கின்ரன் என்பதை மறைக்கமுடியாது.ஆனால் அவர்களை சுற்றீ இருப்பவர்கள் அவர்களை உற்சாகமூட்டவேண்டும் ஆனால் ஒரு சிலர் மட்டுமே அப்படி செய்வார்கள் ..சின்ன உ+ம் தென்கச்சி கோ சுவாமிநாதன் அவர்கள் சின்ன வயதில் ஒரு கதை எழுதி பத்திரிகை ஒன்றுக்கு அன்உப்பியிருந்தாராம் தனது பாடசாலை முகவரி போட்டு. ஆனால் அந்த பத்திரிகை நிர்வாகம் அதனை பிரசுரிக்காமல் திருப்பி அவரது பாடசாலைக்கு அனுப்பி விட அதனை பார்த்த ஆசிரியர் உனக்கு படிப்பதற்கு முடியல கதை எழுதுறியா என்று அவரின் காதை திருகினாராம்,பின்னர் இந்திய வானொலியில் "இன்று ஒரு தகவல்" நிகழ்ச்சியை கேட்ட அந்த ஆசிரியர் அதற்கு ரசிகராகி இவரை சந்திக்க வானொலி நிலையத்துக்கு போயிருந்தாராம ஆங்கே போய் சுவாமிநாதனைப்பார்த்த போது சுவாமிநாதான் சொன்னாராம் " சார் சின்ன வயசில என்னோட காது உங்ககிட்ட இருந்திச்சு இப்போ உங்க காது என்கிட்ட இருக்கு என்று..இதே போல் நாமும் செய்யாது அனவரின் திறமையை வெளிபடுத்தினால் எமக்கு சந்தோஷமே எனது பங்களிப்பும் ஆதரவும் “YARL IT HUB” ற்கு உண்டு..


    லாஸ்ட் பட் நோட் லீஸ்ட் 'ஜஸ்வர்யா போல பொஞ்சாதி கிடைக்க கொடுத்து வைக்கணும்டா ..5000 ரூபாக்கு கட்டிப்புடிக்க சொன்னா 5 கோடிக்கு கட்டிப்புடிக்கிறானே இந்த தனுஷ் பயபுள்ள"

    நீ கவலைப்படாதே JK ஸ்ருதி போனா சுவாதி (அவ்வ்வ்வ் அது 1995 பிகாரா இருந்த ஆண்டியாச்சே, டேய் இப்போவெல்லாம் ஆண்டி ஹீரோவுக்குத்தாண்டா கோமுட்டித்தலையா மவுசு அதிகம்)

    ReplyDelete
  4. ///எல்லோருமே எழுத வருவதில்லை, அதுவரைக்கும் இலாபமே// வாஸ்தவம்தான்....

    //எல்லோருமே எழுத வருவதில்லை// - அப்படியா ? வீரகேசரி வாங்கி கவிதை வாசியுங்கள்.... :)

    ஒரு முக்கோணத்தில் நீங்கள், குகன், தீபன் - ஒரு கோடு; YARL IT HUB (YIH) இன்னொரு கோடு, 'மயக்கம் என்ன' படம் மூன்றாவது கோடு பற்றி பேசுகிறது: தத்துவ எல்லைகளில் ஆராயலாம், இப்பெல்லாம் எனக்கு அதுக்கு மூச்சிரைக்குது.

    YIH: மழைக்காலத்தில் வெள்ளப்பெருக்கில் அக்கினிக்குஞ்சுகளுக்காக வலை வீச தாயாராகி இருக்கிறது, பிடிச்சிட்டம் எண்டு வையுங்கோ, எரிக்க நிறைய காடிருக்கு - நாங்க தண்ணீரில நனைஞ்சு போகாமப் இருக்க முயலுவம் - மிச்சம் வகுத்தான் வகுத்தபடி.

    ReplyDelete
  5. நன்றி சூர்யா ஜீவா .. போன வாரம், ஊறுகாய்னு ஒரு கமெண்ட் போட்டீங்க. இன்னிக்கு எல்லா மீல்ஸ்லயும் ஊறுகா போட்டாச்சு .. ஹ ஹா

    ReplyDelete
  6. விமல் மாற்றுவோம் என்று தான் ஆரம்பிக்கிறோம்... மாற்றலாம் .. அட்லீஸ்ட் ஒரு அணில் ரோல் ஆவது தர மாட்டாங்களா?

    ReplyDelete
  7. ஹே குஞ்சு ... அந்த கம்பஸ் முன் ஒழுங்கைல தாண்டா நான் இருந்தேன் ... இல்லாத மேகலாவ கொண்டு வந்து நிறுத்தாத!!

    மச்சி இசை பற்றிய கருத்து உன்னோட கமென்ட் வர மொதல்லயே, நம்மள நாமே கலைச்சிட்டோம்ல!!

    " சார் சின்ன வயசில என்னோட காது உங்ககிட்ட இருந்திச்சு இப்போ உங்க காது என்கிட்ட இருக்கு என்று." சூப்பர் மச்சி .. Yarl IT Hub க்கு நீ நிச்சயம் தேவை பாஸ் ... ஆரம்ப வேலைகள் நடை பெறுகிறது. Oncall ல ரெடியா இரு!!!

    ReplyDelete
  8. வாலிபா மச்சி .. ஒன்னோட ஏழாம் அறிவுடை நம்பிகளில் ஆடிய ஆட்டமே இன்னும் மூச்சிரைக்குது .. அதுக்குள்ளேயா? ஆணியே வேணாம்... முக்கோணம் எண்டா அது உண்ட பதிவில குறிப்பிட்ட முக்கோணம் தான் எனக்கு தெரியும் ;)!!!!

    ReplyDelete
  9. >நண்பர்களே, இந்த “♫♫ உ.. ஊ.. ம ப த ப மா ♪♪” இசைத்தொடருக்கு அவ்வளவு ஆதரவு இல்லை போல இருக்கிறது.

    ஐயையோ T.R..மகாலிங்கம், M.K தியாகராஜ பாகவதர் பற்றி எல்லாம் எழுதோணும் எண்டு பெரிய ஆசை எல்லாம் இருக்கு. "பாட்டும் நானே, பாவமும் நானே..." மாதிரித்தான் போய் விடும் போல :-(

    ReplyDelete
  10. >ஐம்பது பேருக்கு அவன் திறமை தெரிந்தாலே ஆச்சரியம். இதிலே உள்ள விஷயத்தை பாருங்கள். நம்பிக்கை ஊட்டவும், தூக்கிவிடவும் ஒரு சூழல் இருக்கவில்லை.

    நம்மவரின் ஒரு சிறப்புத் தகுதி "மற்றவனின் திறமையை மட்டம் தட்டுவது. மட்டம் தட்ட முடியாதளவு திறமையாளன் எனில், அடுத்த தாக்குதல் "கண்டு கொள்ளாமல் விடுவது". தீபனா? அவருக்குப் பியானோவும் வாசிக்கத் தெரியுமா? என்பர் ஒருசில நெருங்கியவர். மிகுதிப் பேர் "எனக்குப் பியானோ என்றால் என்னவென்றே தெரியாது" என்பர். போட்டிகள் நல்லது. மிக நல்லது. பொறாமை மிகக் கெட்டது.

    ஏதோ, நல்லது இனிமேலாவது நடந்தால் நல்லது.

    ReplyDelete
  11. @நன்றி சக்திவேல்.

    இசைப்பதிவு எனக்கு மிக திருப்தியை கொடுப்பது. ஆனால் இசை ரசனை ஆளாளுக்கு மாறுபடும் என்பதால் எத்தனை பேர் ரசிக்கிறார்கள் என்று புரியவில்லை. ஏனைய தொடர்களுக்கு இருக்கும் வரவேற்பு இதற்கு இல்லை. ஆனாலும் நாங்கள் எழுதுவோம்!!

    இந்த திறமையை கண்டு கொள்ளாமல் விடுவது எங்கள் சமூகத்தின் நோய். எனக்கு யாழ்ப்பாணத்து நண்டுகள் கதை தான் ஞாபகம் வருகிறது. ஒரு நண்டு கிணற்றில் இருந்து வெளியே எம்பிக்குதிக்க முயற்சி செய்ய மற்றயது இழுத்து கீழே விழுத்துமாம்

    நான் எழுதுவதற்கும் விமர்சனம் வருகிறது. வேலை வெட்டி இல்லாதவன் என்பது தான் பொதுவாக அவர்களின் அபிப்பிராயம்! ஆனால் நண்பர்கள் பாராட்டி குட்டும் போது இது எல்லாம் பறந்துவிடும்.

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே