வியாழமாற்றம் (01-12-2011) : கமலை ஆச்சரியமாக பார்க்கிறேன்


கமல்

kamal-hassan-young-photoஅண்மையில் நடந்த FICCI நிகழ்வில் கமலின் spontaneous ஆளுமையை மீண்டும் ஒரு முறை ரசித்தேன். நிருபர் ஒருவர் “கமல், ரஜனி, அமிதாப் போன்றவர்கள் ஓய்வு எடுத்துகொள்ளலாமே” என்று கேட்க அதற்கு கமல் சொன்ன பதில்,

“ஏன்...நீங்கள் எதற்காக வருகிறீர்கள்.. வயதாகிவிட்டதே என்று நீங்களும் ஓய்வு எடுத்துக் கொள்ளலாமே!”
இது வெறும் கோபத்தில் சொன்ன பதில் இல்லை. கேள்வி கேட்ட நிருபர் நிச்சயமாக வயதில்(!) இளைஞர் ஆக தான் இருக்கவேண்டும். ஆனால் வயதுக்கும் வயோதிபத்துக்கும் சம்பந்தமில்லை, நீ உன்னளவில் வயோதிபனாகி விட்டாய், ஆனால் நான் இன்னும் இளைஞனே என்பது தான் அந்த கமலின் பதில். சச்சினை ஓய்வு பெற சொல்லும் கோஷ்டியும் இதே கோஷ்டி தான். என்னை பொறுத்தவரையில் யாரும் ஓய்வு பெற வேண்டியதில்லை. சச்சின் நன்றாக  விளையாடவில்லையா? தெரிவாளர்கள் தான் அவரை நீக்க வேண்டும்.பெடரர் ஓய்வு பெறவேண்டும் என்று நாம் ஏன் சொல்லவேண்டும்? பிடிக்கவில்லை என்றால் பார்க்காமல் இருக்கவேண்டியது தானே? திறமை குறைந்தால் அவர்களாகவே ஒதுக்கப்பட்டு விடுவார்கள். மரணப்படுக்கையிலும் Steve Jobs அடுத்ததாக Apple TV யை பற்றி சிந்தித்துக்கொண்டே இருந்தார். இளைஞர்களுக்கு வழிவிடவேண்டுமாம். MSV வழிவிட்டா ராஜா வந்தார்? ராஜா வழிவிட்டா ரகுமான் வந்தார்? வருபவர்கள் தூணை கிழித்துக்கொண்டேனும் வருவார்கள்! யாரையும் யாரும் தடுக்கவேண்டாம்!
கமலை ஆச்சரியமாக பார்க்கிறேன்.  இந்த மாதிரி பதிலை உட்கார்ந்து எழுதும்போது யோசிக்கலாம். ஆனால் மேடையில் முகத்துக்கு நேரே கேட்கும்போது உடனே சொல்வது என்பது இலகுவான காரியம் இல்லை. கமலின் பேட்டிகளும் மேடைப்பெச்சுகளும் தொகுக்கப்படவேண்டும். தமிழ் சினிமாவில் intellectual ஆக பேச தெரிந்த மிகச்சில கலைஞர்களில் கமல் ஒரு முன்னோடி.
indexமன்மதகுஞ்சு : மச்சி விஸ்வரூபம் படத்துக்கு “தியா” தான் ஹீரோயினாம். நம்ம சூரியா ஜோதிகாவோட பொண்ணு தான். படம் முடியிறதுக்கு  இன்னும் பதினஞ்சு வருஷம் ஆகும், அப்ப அந்த பொண்ணு வளர்ந்திடும். இப்ப சூரியா கமலோட பொண்ணு கூட நடிக்க இல்லையா? நீயும் அப்ப ஸ்ருதிய விட்டிட்டு அங்க லொள்ளு பண்ண ஆரம்பிச்சுடுவ!!!நமக்கு என்னிக்கு வயசாச்சு?

 

அரசியல்

1135043_370பர்மாவில் நடைபெறும் அரசியல் மாற்றங்கள் கொஞ்சம் ஆர்வத்தை கிளருகின்றன. கிலாரி கிளின்டன் அங்கே விஜயம் செய்ய இருக்கிறார். இராணுவ ஆட்சியாளர்கள் கொஞ்சமே விட்டுகொடுப்பது போல தம்மை காட்டி கொள்கிறார்கள். ஆங் சாங் சூகி அடுத்த தேர்தலில் தானும் நிற்க போவதாக அறிவித்திருக்கிறார். எனக்கு அவரில் எப்போதுமே ஒரு மரியாதை.புத்திசாலிப்பெண்.அவசரப்படுவதில்லை,அதிகம்  உணர்ச்சிவசப்படுவதில்லை. இத்தனை வருடங்களாக காவலில் வைத்திருந்த ஆட்சியாளர்களுடனேயே கொஞ்சம் கொஞ்சமாக கரையான் புற்று போல பேசி பேசி வளர்ந்து வருகிறார். அதே நேரம் வெளிநாடுகளுடனான உறவுகளை அழகாக பேணி பர்மா ஆட்சியாளர்களை சுற்றி வியூகம் வகுக்கிறார்.  இது அரைக்கிணறு தான். ஆட்சியாளர்கள் தமக்கு ஆபத்து என்று வரும் போது மீண்டும் இவரை உள்ளே போடலாம். ஆனாலும் இந்த பெண் அவசரப்படமாட்டார்.  எகிப்து லிபியாவில் நடந்த களேபரம் இங்கே நடக்காமலேயே பர்மிய அமைதி புரட்சி ஒருநாள் ஏற்படும். இங்கே சாவுகள் அதிகம் இருக்காது. ஆங் சாங் சூகியிடம் இருந்து நாம் படிக்க நிறைய இருக்கிறது. நுட்பமான அரசியல் தூரநோக்கு உள்ள பெண். ஒரு சின்ன நூலிழை கிடைத்தாலும் அதில் தொங்கி கரை சேர பார்க்கிறார். இதற்கு ஒரு அசாத்திய பொறுமையும் அவர் சார்ந்தவர்களின் நம்பிக்கையும் வேண்டும்.  அவர் சாதிப்பார் என்றே தோன்றுகிறது. அவரை அதிகம் ஏமாற்றவும் முடியாது. அவர் கட்சி ஆளான Win Tin சொல்கிறார்,
"Changes happen, but actually they happen on paper," Win Tin said. "(There have been) announcements to the media and (talks with) Aung San Suu Kyi and so on. But at the grass roots level, there is no change at all. People suffer a lot ... people suffer human rights violations."
தங்கள் முன் இருக்கும் சவால் என்ன என்றும், அதை எப்படி புத்திசாலித்தனமாக முகம் கொடுக்கவேண்டும் என்றும் இவர்களுக்கு தெரிகிறது. எங்கே போய் முடிகிறது என்று பார்ப்போம்.
18vadi2-cut-out.jpg.crop_displayமன்மதகுஞ்சு : நீ என்ன சொல்ல வாறாய் எண்டு தெரியுது, ஆனா வரலாறு தெரியாம பேசற நீயி ..பர்மா, எகிப்து, லிபியா புரட்சிகாரங்க எல்லாம்  பெரும்பான்மை இனத்து காரங்க, சர்வாதிகார ஆட்சியை மாற்ற போராடினாங்க, ஆனா பெரும்பான்மை சிறுபான்மைய ஒடுக்கிற தேசங்களில இந்த பருப்பு வேகாது பாஸ் … ரஷ்யால செச்சின்யா எண்டு ஒரு பிரச்சனை இருத்திச்சி .. என்னாச்சு பாஸ்? ஒவ்வொரு பிரச்சனையும் ஒவ்வொரு வகை மச்சி .. அவ அத செய்யறா, இவ இத செய்யறானு இனி சொல்லு .. அப்ப நல்லா வாயில வர்ற மாதிரி நானும் சொல்றேன்!

குட்டியின் பதிவு

குட்டி பற்றி எழுதவேண்டும் என்று நீண்ட நாட்களாய் நினைத்திருந்தேன். ஆனால் நண்பியை பற்றி எழுதுவது முறையாகுமா என்ற எண்ணத்தில் எழுதவில்லை. ஞாயிறு அன்று மனம் கேட்கவில்லை.  இறுதியில் “நிலம் விரல் கிளைந்திட” என்று பதிவை முடிக்கும்போது கண்கள் கலங்கிவிட்டது. அன்றைக்கு நண்பன் பாலமுருகன் எங்கள் வீட்டுக்கு வந்திருந்தான். என் எழுத்து உங்களுக்கு நன்றாக இருந்ததோ இல்லையோ, எனக்கு பல நண்பர்களை தேடித்தந்து கொண்டு இருக்கிறது. பாலா இங்கே மெல்போர்னில் இருக்கிறான், சந்திக்க வீடு தேடி வந்துவிட, மணித்தியாலக்கணக்கில் பொன்னியின் செல்வனையும், செங்கை ஆழியானின் கடல் கோட்டையையும் டிஸ்கஸ் பண்ணிக்கொண்டு இருந்தோம். தான் மீண்டும் பொன்னியின் செல்வன் அத்தனை பாகங்களையும் வாங்கி வைத்திருப்பதாக சொன்னான். எனக்கு பொன்னியின் செல்வன் வாங்கித்தந்தவர்கள் யார் தெரியுமா? குட்டியின் அப்பாவும் அம்மாவும் தான்!! What an irony!  அந்த புத்தகங்கள் கூட தொலைந்து விட்டது. ச்சே நிறையவற்றை தொலைத்துவிட்டேன்.

இந்த வார பாடல்!

இசையமைப்பாளர் பிருந்தன் பற்றி இந்த வார ♫♫ உ.. ஊ.. ம ப த ப மா ♪♪ வில் எழுதியிருந்தேன். அவரை எனக்கு முன்னே பின்னே தெரியாது. அவர் ரசிகன் நான். ஆனால் பதிவு எழுதியது தெரிந்து என்னை தொடர்புகொண்டு நன்றி தெரிவித்தார். அவர் மனைவியும் கூட பாராட்டி நன்றி தெரிவித்தார். பிருந்தன், தன்னுடைய புதிய பாடல்கள் சிலவற்றையும் அனுப்பி இருந்தார். Very down to earth people. நட்புகள் தொடருகின்றன. இன்னும் எழுதவேண்டும்!
அடடா, சொல்லவேயில்லை, அந்த பதிவிலே அதிகம் ஆச்சரியப்படுத்துவது ராஜா தான் என்ற வகையில் எழுதியிருப்பேன். இரவு தூக்கத்தில் ரகுமான் கனவில வந்தார்.
ரகுமான் : ஜேகே என்ன இருந்தாலும் அப்பிடி எழுதியிருக்க கூடாது
ஜேகே : இல்ல ரகுமான், மெர்குரி பூக்கள் பாட்டெல்லாம் குறிப்பிட்டு இருக்கிறன், லூஸ்ல விடுங்க பாஸ்
ரகுமான்: அதை விட surprising ஆன song ஒண்ணு இருக்கு, நீ மறந்துட்ட!
ஜேகே: hint ஒண்ணு தாங்களேன்!
ரகுமான்: SPB, ஜானகி பாடியிருக்காங்க!
ஜேகே : காதலன்?
ரகுமான் : Bingo!!

“அடியே உன் தேகம் இரத்த ஓட்டம் பாய்கிற தங்கம்” -- அந்த வரி வரும் இடம், ரகுமான் பின்னி பெடலெடுத்து இருப்பார்.

vadivelu240310_1மன்மதகுஞ்சு:  மச்சி நாங்க இந்த பாட்டில நக்மா இடுப்பு வர்ற இடம் மட்டும் தான் பார்த்தோம். நீ சொல்ற வரி வர்ற இடமெல்லாம் பாக்க டைம் இல்ல…. அந்தா ஆட்டு ஆட்டும்போது எவண்டா மெலடிய ரசிப்பானுக? அவனாடி நீயி?!!

ஆப்பிள்




நான் அடிக்கடி எங்கள் இனத்தை யூதர்களுடன் ஒப்பிடுவேன். போரில் வாங்கிய அடியின் பின்னரான யூதர்களின் வளர்ச்சி அபரிமிதமானது.உலகம் முழுக்க பரந்து, அந்தந்த சமூகங்களுடன் பின்னி பிணைந்து தம்மை ஒரு புறக்கணிக்கப்பட முடியாத இனமாக மாற்றிவிட்டார்கள். இப்போது இஸ்ரேல் தன் நாட்டில் ஒரு சிலிக்கன் வாலி அமைக்க மில்லியன் கணக்கில் செலவு செய்கிறது. ஆனால் அவர்கள் அடிப்படையில் ஒரு தவறு செய்கிறார்கள். சிலிக்கன் வாலி என்பது பணம் போட்டோ, கட்டடங்கள் எழுப்பியோ வந்த நகரம் இல்லை.  அது ஒரு social epidemic. சின்னது சின்னதாய் சேர்ந்து சேர்ந்து வளர்வது தெரியாமல் வளர்ந்து இன்றைக்கு இப்படி நிற்கிறது. முக்கிய சிலிக்கான் புரட்சிகள் அந்த நகரத்து வீடுகளின் கொல்லைபுறங்களில் தான் உருவாகியது. சிறுவர்களை, இளைஞர்களை, அவர்கள் சிந்தனைகளை அவர்கள் வழியிலேயே சிந்திக்கவிடவேண்டும். அவர்கள் தேவை என்று திரும்பும்போது தோள் கொடுக்கவேண்டும்.  இந்த புரட்சியை மிகப்பெரிய கார்ப்பரேட் நிறுவனங்களால் செய்ய முடியாது. இளைஞர்கள் தான் அதை ஏற்படுத்தவேண்டும்.  Hewlett, Packard, Steve Jobs, Bill Gates, Mark Zuckerberg, எல்லோரும் புதிய சிந்தனைகளுடன் இந்த துறைக்கு வந்த இளைஞர்களே!

Are you getting it? Are you getting it? Are you getting it?

யாழ்ப்பாணத்தில் அந்த இளைஞர்களை நாம் தேடப்போகிறோம். இவர்கள் வரிசையில் ஒரு யாழ்ப்பாணத்து இளைஞனோ இளைஞியோ வரப்போகிறார். வர வைக்கப்போகிறோம். எங்கள் நோக்கம் இன்னொரு ஆப்பிள் நிறுவனத்தை உருவாக்குவதில்லை. இன்னொரு மைக்ரோசாப்ட் நிறுவனத்தை உருவாக்குவதில்லை. நாங்கள் இன்னொரு சிலிக்கன் வாலியை யாழ்ப்பாணத்தில் உருவாக்க போகிறோம். என்ன சந்தேகமா? நாளை என்னுடைய பதிவை எதிர்பாருங்கள்!!!
Lets show’em why 2012 won’t be like 2012!!

vadivelu-stills-1மன்மதகுஞ்சு:  மச்சி, இந்த “Are you getting it” என்ற வசனம் ரொம்ப பேமஸ் ஆச்சே! ஆ .. இது ஸ்டீவ் ஜாப்ஸ் “ஐபோன்” அறிமுகப்படுத்தும் போது சொன்னதில்ல? சூப்பர் மச்சி ..  Yarl IT Hub வெற்றி பெற வாழ்த்துக்கள்.  நானும் விஜய் அணில் மாதிரி உதவலாமா  தல?

ஹாட் நியூஸ்

ஜாக்கி சேகர் நேற்று இந்த படத்தை facebook இல் போட்டதில் இருந்து கடுப்புல BP ஏறிப்போச்சு. ஸ்ருதிப்பொண்ணுக்கு ஏன் தான் இப்படி புத்தி போகுதோ!!!… பொண்ணே, அப்பிடியே வலையுலகம் தட்டிபாரு. ஜேகேனு ஒருத்தன் எழுதிறாப்ல .. ஸ்மார்டா இருப்பானு .. இந்த தனுஷ் பயல்லாம் வாணாம்! அசிங்கம்!
கண்ணே கண்ணே காதல் செய்தாய்
காதல் என்னும் பூவை நெய்தாய்
நண்பன் அந்த பூவை கொய்தால்
ஓ நெஞ்சே நெஞ்சே நீயென் செய்வாய்

thalainagaram_150406_16 மன்மதகுஞ்சு: அட நாதாறி பயலே, ஒன்ன பாக்கிறதுக்கு , பேசாம பொறந்த உடனேயே ஸ்ருதிக்கு கள்ளிப்பால் கொடுத்து கொன்னு இருக்கலாம்!!!!  என்ன சின்ன புள்ளத்தனமா பேச்சு!

sruthy

சூர்யா: வடை போச்சே!

11 comments :

  1. மன்மதகுஞ்சு12/02/2011 3:06 am

    மச்சி அந்த நிருபர் கேட்டது இப்பவும் இளைஞன் போல லவ் பண்ணுறதை நிப்பாட்ட சொல்லித்தானே தவிர நடிப்புக்கு அல்ல..கமல் ரஜனி யை விட அமிதாபச்சன் எவ்வளவோ மேல் என்றே சொல்வேன் அதற்கு "பா " படமே போதுமே..

    ஆங் சாங் சூகி தன் வாழ்க்கை காலத்தை வீட்டுக்காவலில் இவ்வளவு காலம் கழித்தாலும் ஜ.நா சபையால் கூட மியன்மாருக்காக ஒன்றுமே செய்யமுடியவில்லை,செய்யவும் முடியாது அதுதான் உண்மை..

    காதலன் பாட்டு வெளிவந்தநேரத்தில 1994 இல நான் கொழும்பில், உறவினர்களுடன் கதிர்காமம் போயிருந்தேன், அந்த காதலன் பாட்டு கசெட்டை தேய தேய பயணம் முழுவதும் கேட்டதை இப்போ என் கண்முன்னால் கொண்டு வந்ததுக்கு ரொம்ப் நன்றி மச்சி


    எங்கள் இனத்தை யூத இனதோடு ஒப்பிட்டு அந்த யூத இனத்தவரை கேவலப்படுத்தாதேடா.. அவர்கள் தங்களின் இன அழிவை தொடர்ந்து அனைவரும் ஒன்று சேர்ந்தார்கள் தமக்கென ஒரு நாட்டை உருவாக்கவேண்டுமென ,அந்த இனத்தின் அனைத்து அறிவாளிகளும் துன்பங்களையும் வேதனைகளையும் மறந்த அனைத்து தயாரிப்புகளிலும் ஈடுபட்டார்கள் இன்று உலகமே வியக்கும் அளவில் தொழில்நுட்ப துறையில் அகலக்கால் பரப்பி நிற்கிறார்கள் அவர்களுடன் ஒப்பிடும் அளவிற்கு..
    என்னத்தை செய்து கிழித்தோம் இன்று யாழில் பல டிப்பார்மென்டுகளில் உயர் அதிகாரிகள் பெரும்பான்மை இனத்தவர்கள்தான் ஆக சுத்தி சுத்தி சுப்பர்ரோட கொல்லைக்குள் ஆகிப்போய்விட்டோம் நாம் ..?????????

    -படத்துல தனுஷோட பெஞ்சாதி ஜஸ்வர்யா தான்டைரக்டர், தன் புருஷன் கிட்டே ஏங்க அப்பிடியே சுருதியோட முகத்தோடு உங்க இதழ்களால உரசுங்க கட்டிபிடிங்க நல்லான்னு சொல்ல சங்கடமா இருந்திருக்காது

    ReplyDelete
  2. //இப்போது இஸ்ரேல் தன் நாட்டில் ஒரு சிலிக்கன் வாலி அமைக்க மில்லியன் கணக்கில் செலவு செய்கிறது. ஆனால் அவர்கள் அடிப்படையில் ஒரு தவறு செய்கிறார்கள். //

    இங்கைகூட ஒருசமயம் தேடல் இயந்திரம் எண்டு சொல்லி பல கோடிகளை வாரி இறைத்தது ஞாபகத்துக்கு வருகிறது, கூகிள் வளர்ச்சியின் அடிப்படை புரியாது.

    //சிலிக்கன் வாலி என்பது பணம் போட்டோ, கட்டடங்கள் எழுப்பியோ வந்த நகரம் இல்லை. அது ஒரு social epidemic. சின்னது சின்னதாய் சேர்ந்து சேர்ந்து வளர்வது தெரியாமல் வளர்ந்து இன்றைக்கு இப்படி நிற்கிறது. முக்கிய சிலிக்கான் புரட்சிகள் அந்த நகரத்து வீடுகளின் கொல்லைபுறங்களில் தான் உருவாகியது.//

    முற்றிலும் உண்மை. ஆனால் அவர்கள் ஒவ்வொருவருடமும் வளரவேண்டும், சாதிக்கவேண்டும் என்ற வெறி இருந்தது. ஆனால் நம்மில் எத்தனை பேருக்கு இன்னும் இருக்கிறது? தேடவேண்டும். தேடுவோம்..

    மன்மதகுஞ்சு சொன்னது…
    //அந்த இனத்தின் அனைத்து அறிவாளிகளும் துன்பங்களையும் வேதனைகளையும் மறந்த அனைத்து தயாரிப்புகளிலும் ஈடுபட்டார்கள் இன்று உலகமே வியக்கும் அளவில் தொழில்நுட்ப துறையில் அகலக்கால் பரப்பி நிற்கிறார்கள் அவர்களுடன் ஒப்பிடும் அளவிற்கு..
    என்னத்தை செய்து கிழித்தோம்//

    அவர்களும் அன்று தாம் என்ன செய்து கிழித்தோம் என்று தான் கேட்டிருப்பார்கள். நாம் என்ன செய்து கிழித்தோம் என்று உணரும்போதே, நம்மையறியாமலே எதோ பெரிதாய் செய்து கிழிப்பதுக்கு தயாராகிவிட்டிருக்கிறோம். Yarl IT Hub போலவே..

    ReplyDelete
  3. @மனமதகுஞ்சு


    //ஆங் சாங் சூகி தன் வாழ்க்கை காலத்தை வீட்டுக்காவலில் இவ்வளவு காலம் கழித்தாலும் ஜ.நா சபையால் கூட மியன்மாருக்காக ஒன்றுமே செய்யமுடியவில்லை,செய்யவும் முடியாது அதுதான் உண்மை..//
    இப்படி நீயும் நானும் யோசிப்போமே ஒழிய ஆங் சாங் சூகி யோசிக்கமாட்டார். அது தான் அவர் வெற்றி. வெற்றி நாளைக்கே வேண்டும் என்று போராடும் பெண் அல்ல அவர். கொஞ்சம் கொஞ்சமாக வியூகம் அமைக்கிறார். அவர் ஒருநாள் மியான்மரின் பிரதமராய் வந்து ஜனநாயகம் ஏற்படுத்துவார். அது இன்னொரு பத்து வருடங்களில் நடக்கும் சாத்தியம் கூட இருக்கிறது.

    யூத இனம் பற்றிய கருத்துக்கு என்னை விட சிறப்பாக கௌரி பதில் அளித்து விட்டார் என்றே நினைக்கிறேன்!

    ReplyDelete
  4. கௌரி, சாதிக்கவேண்டும் என்ற வெறி பலரிடம் இருக்கிறது. ஆனால் எங்கள் கடந்தகால வாழ்க்கை அதற்கான கட்டமைப்பை இழந்து விட்டது. Survival என்பதே ஒரு பெரிய பிரச்சனை என்னும் பொது சாதிப்பதை நாங்கள் நினைத்து பார்க்க முடியாது. ஆனால் இப்போது சாதித்தால் தான் survive பண்ணலாம் என்ற நிலையில் இருப்பதால் நிச்சயம் சாதனைகள் மலரும். மலரவைக்க்போகிறோம். நீங்களும் நானும், ஏன் மன்மதகுஞ்சுவும் இதில் இணைகிறோம்.

    ReplyDelete
  5. படலையில் எனது சந்திப்பும்!!!
    ஹா
    “நானும் ரெளடி ஆகிட்டேன்!!!”
    நன்றி நண்பா,

    உண்மயில் நீண்ட காலத்திற்குப் பின்பு பிடித்ததைத் கதைத்தது சந்தோஷமாய் இருந்தது.
    எனினும் உடலால் களைத்து, மனதால் கனத்து இருந்த நாள் அன்று, அதிகம் பகிர முடியவில்லை என நினைக்கிறேன்.

    ஆனாலும், நிறையகதைக்க வேண்டும், விவாதிக்க வேண்டும் என்றே நினைக்கிறேன்{ உன்னுடன் ஈடு கொடுக்க முடியாவிடினும் கூட}

    அடிக்கடி வருவேன்{சாப்பாட்டிற்காகவும் தான்}

    ReplyDelete
  6. மன்மதகுஞ்சு12/04/2011 6:34 am

    கெளரி உங்கள் கருத்துக்கு மதிப்பளிக்கிறேன் 30 வருடமாக எம்மவர்கள் செய்யததையா இனிவருங்காலங்களில் செய்து விடப்போகிறோம் என்பதே என் கேள்வி..இதனை நாம் விவாதித்தால் நேரம் வீணாகுமே தவிர தீர்வுக்கு முடிவுக்கு வரமுடியாது,150 வீடுகளை எம் தமிழ் மக்களுக்காக நெடுங்கேணியில் கட்டிக்கொடுபதற்க்கே நாம் இன்றும் பட்டுக்கொன்டிருக்கும் பாடு வெளியில் சொல்லமுடியாதது... 17 வருட ஜதேகா ஆட்சி முடிந்தபோது சந்திரிக்காவை கொண்டாடினோம், என்ன நடந்திச்சு,அவர்கள் என்ன அன்று திட்டமிட்டார்களோ அது இன்று எம் இனத்தவரிடையே மிகவும் சிறப்பாக சென்றடைந்துவிட்டது.நாங்க இப்பிடித்தான் செய்ய வேண்டிய நேரங்களில் நமது பங்களிப்பை செய்யாமல் அடுத்த தலைமுறையின் தலையில் சுமத்திக்கொண்டிருக்கிறோம்.இதுதான் உண்மை ஆனால் நாம் வெட்டிபேச்சுக்களால் வீரம் பேசிக்கொண்டிருப்போம் அடுத்த தலைமுறை வரை இப்படியான பதிவுகளுக்கு விமர்சனம் அளிப்பதிலேயே ..இதுவே ரொம்ப லேட்.. கெளரி இன்னும் நாம் என்ன செய்து கிழித்தோம் என்று கேள்வி கேட்காமலேயே இன்னும் நாம் தூங்கிக்கொண்டிருக்கிறோம் என்றுதானே அர்த்தம்.
    ஆனாலும் எமது முயற்சியை கைவிடாமல் தொடர்வோம்

    ReplyDelete
  7. @பாலா .. உண்மை தான் ..அன்றைய தினம் பேசுவதற்கு உகந்த தினமும் இல்லை தான் ...

    Epping தாண்டும் பொது எங்கட வீட்டுக்கு வராமா இனி போக ஏலாது பாஸ்!

    பதிவு எழுத தொடங்கியாச்சா? வாங்க பாஸ்!

    ReplyDelete
  8. @மன்மதகுஞ்சு

    உன் ஆதங்கம் புரிகிறது. நீ செய்யும் வேலைத்திட்டங்களையும் அறியாதாவன் இல்லை.. ஆனால் எதற்கும் ஒரு முடிவை நாமே காணவேண்டும் என்று நினைப்பது தவறு. மரம் நடுகிறோம். நாட்டில் வறட்சி. எல்லாம் பட்டு விட்டது. அதற்காக மீண்டும் நடுவதில்லையா? விவசாயியின் அந்த நம்பிக்கை தான் அவன் வாழ்க்கையின் ஆதாரம்.

    என்னுடைய பதிவுகளின் போக்கை ஒருமுறை திரும்பி பார். எம் வலியை பதிவிடுகிறோம். பின்னர் "ஏழாம் அறிவுடை நம்பிகளில்" நாம் என்ன செய்து கிழித்தோம் என்ற கலந்துரையாடல். இப்போதெல்லாம் என்ன செய்ய போகிறோம் என்ற ஒரு கலந்துரையாடல்.

    இந்த முயற்சியும் பயனற்று போகலாம். ஆனால் முயன்று கொண்டே இருப்போம். வரலாற்றை ஒரு நபர், இரு நபர்கள் தான் எப்போதும் புரட்டி போடுவார்கள். ஒவ்வொரு துறையிலும் அவ்வாறே. ஆனால் அந்த நபர் உருவாகும் சூழலை நாம் உருவாக்கவேண்டும்... அதை நாம் ஆரம்பிக்கிறோம், எம் காலத்தில் அது நடைபெறாவிட்டாலும், எம் அடுத்த தலைமுறை அதை கொண்டு செல்லும் .. என்றோ ஒரு நாள் அந்த மாற்றம் .. அதை பார்க்க நானும் நீயும் இருக்கமாட்டோம் .. எம்மையும் மறந்து விடுவார்கள் .. ஆனால் நாங்கள் அதற்கு உரம் போடுகிறோம் .. அது தான் முக்கியம்

    ReplyDelete
  9. JK Brilliant comment!

    அதை நாம் ஆரம்பிக்கிறோம், எம் காலத்தில் அது நடைபெறாவிட்டாலும், எம் அடுத்த தலைமுறை அதை கொண்டு செல்லும் .. என்றோ ஒரு நாள் அந்த மாற்றம் .. அதை பார்க்க நானும் நீயும் இருக்கமாட்டோம் .. எம்மையும் மறந்து விடுவார்கள் .. ஆனால் நாங்கள் அதற்கு உரம் போடுகிறோம் .. அது தான் முக்கியம்

    ReplyDelete
  10. @மன்மதகுஞ்சு
    //கெளரி உங்கள் கருத்துக்கு மதிப்பளிக்கிறேன் 30 வருடமாக எம்மவர்கள் செய்யததையா இனிவருங்காலங்களில் செய்து விடப்போகிறோம் என்பதே என் கேள்வி..//

    இதை எம்மவர் என்பதை விடுத்து, நாம் என்ன செய்து கிழித்தோம் என்றே கேட்ப்போமே? நமக்கும் தான் முப்பது வயசாகிட்டுது இல்லையா?

    //கெளரி இன்னும் நாம் என்ன செய்து கிழித்தோம் என்று கேள்வி கேட்காமலேயே இன்னும் நாம் தூங்கிக்கொண்டிருக்கிறோம் என்றுதானே அர்த்தம்.//

    இன்று நீங்கள் இவ்வாறு கேட்டதே உணர்ந்து வெளிப்பட்ட ஒரு வலியின் வெளிப்பாடுதானே இல்லையா? தவிர எனது "அவள்" ஒரு தொடர்கதை மற்றும் JKயின் குட்டி கூட சாகும் வரைக்கும் துரத்திக்கொண்டிருப்பார்கள். குறைந்தது அந்தக் குற்ற உணர்ச்சியிலிருந்து தப்பிக்கும் ஒரு முயர்ச்சியாய்த் தன்னும் இருக்கட்டுமே? :)

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே