இந்தியருக்கு விளையாட்டு ஈழத்துக்கு சீவன் போகுது!


"முள் வேலிக்குள்ளே வாடும் தமிழ் ஈழம் போல் ஆனேனே.
அன்பே உன் அன்பில் நானே தனி நாடாகி போவேனே"

இந்திய தமிழரான யுகபாரதி என்னும் கவிஞர் ராஜபாட்டை என்ற திரைப்படத்துக்காக எழுதிய பாடலின் சரணத்தில் வரும் வரிகள் இவை. வாசிக்கும் போது கோபம் பொத்துக்கொண்டு வந்ததாக நண்பன் சொன்னான். எனக்கு வரவில்லை. இப்போதெல்லாம் கோபம் ஏனோ வருவதில்லை. அடி வாங்கி அடி வாங்கி மரத்து போய்விட்டது. சின்னவயதில் ஆகாயத்தால் வந்து எங்களுக்கு பருப்பு போட்டீர்கள். எடுத்து தின்றோம். ருசியாக இருந்தது. இன்றைக்கு நாங்கள் திருப்பிக்கொடுக்கும் நேரம். ஏழைக்குசேலர்கள் நாங்கள். அவல் தானே தரமுடியும். எடுத்து கொள்ளுங்கள்.

அட ஒருவர் செய்த பிழைக்கு ஏன் ஊரை நொந்து கொள்கிறீர்கள் என்று கேட்கவேண்டாம். நீங்கள் ஒன்றுமே செய்யவில்லை என்று சொல்லவில்லை. ஆனால் அவ்வப்போது கிள்ளுக்கீரையாய் பயன்படுத்தும் போது வலிக்கிறது. கமலை கேரளா கொண்டாடியது என்பதற்காக டாம்999 படத்தை நீங்கள் அனுமதித்தீர்களா? இல்லை தானே. அது போல  முத்துக்குமார்களுக்கு சிரம் தாழ்த்தினாலும் நீங்கள் அடிக்கடி எம்மை வைத்து வியாபாரம் செய்யும் போது வலியோ வலி. யாரிடம் போய் அழமுடியும் சொல்லுங்கள்? அடித்தவனை திருப்பி அடித்து, பின் அவன் காலிலேயே விழுவது ஒன்றும் எமக்கு புதியது இல்லை. என்ன ஒன்று, நாம் அதை ஒரு போதும் ஏற்று கொள்ளமாட்டோம். அவ்வளவே. எங்களுக்கு எப்போது மீசையில் மண் ஒட்டியது?

“யாருமில்லாத தீவு ஒன்று” வேண்டும் என்ற பாடலில் “ஈழத்தில் போர் ஓய்ந்து தேன் முல்லை பூப்பூத்து நீ சூட தர வேண்டுமே” என்று எழுதியபோது, அது உறுத்தவில்லை. அதில் ஒரு நம்பிக்கை இருந்தது. “இலங்கையில் நடக்கின்ற யுத்தம் நிறுத்து, காதல் வந்ததே” என்று பாடிய போதும், நாம் பெரிதாக அலட்டிக்கொள்ளவில்லை. தெனாலியை கூட நகைச்சுவை என்றே கொண்டாடினோம். கன்னத்தில் முத்தமிட்டால் படத்தில் மணிரத்னம் ஈழத்து போரை ஆயுத வியாபாரிகளின் போர் என்று சொன்னபோதும், அவருக்கு புரியவில்லை என்று ஒரு சால்ஜாப்பு சொன்னோம். அப்போதே புன்னகை மன்னனில் பாலச்சந்தர் நடுவுநிலைமை என்று சொன்ன போது கூட, சரி, கலைப்படைப்பு தானே என்று விட்டு விட்டோம். ஆனால் இப்போது ஏனோ வலிக்கிறது.

யுகபாரதியை குறை சொல்லவில்லை. அவர் பாவம், புதுசாக எழுதவேண்டும் என்று எழுதிவிட்டார். ஈழத்தை பற்றி எழுதினால், யார் கண்டது, இதுவும் கொலைவெறி பாடல் போல youtube இலும் வலம் வரலாம். கோல்ட் விருதும் கிடைக்கலாம். அவர் எண்ணத்தில் தப்பு இல்லை. அது வியாபாரம். எங்களுக்கு புரிகிறது.

ஆனால் இந்த விஷயம் எங்களுக்கு அப்படிப்பட்டது இல்லை.  ஈழம் என்ற விஷயம் நிறைய பதிவுகளை எமக்குள் கொண்டது. சிலர் அழுவார்கள். சிலர் உணர்ச்சிவசப்படுவார்கள். சிலர் வைவார்கள். சிலர் தம்மைப் தாமே நோந்துகொள்வார்கள். ஒரு திரி போல, தூண்டிவிட்டால் மீண்டும் போராட வேண்டும் போலவும் இருக்கும். அது வேண்டாம். புரட்சி பேசி நிறைய இழந்துவிட்டோம். பேசவேண்டாம் என்று சொல்லவில்லை. ஆனால் பேசி விட்டு அடுத்தது என்ன என்று உங்களை நீங்களே கேள்வி கேட்டுவிட்டு பேசுங்கள். போகிற போக்கில் பேசிவிட்டு அடுத்த ஐட்டத்துக்கு போவதாக இருந்தால், எங்களை தயவு செய்து விட்டுவிடுங்கள். நாங்கள் இழந்தது ஊண், உணர்வு கொண்ட மனிதர்களை, எம்மோடு கூடித்திரிந்தவர்களை, நாம் வாழ்ந்த வாழ்க்கையை. எங்கள் அடுத்த தலைமுறை அந்த வாழ்க்கையை தொலைத்துக்கொண்டே பிறந்து கொண்டிருக்கிறது, கடவுளை அறியாத மனிதர்கள் போல. வலிகள், ரணங்களாகி நாளடைவில் வடுக்களாகுமா என்று நாளையை யோசிக்க பலர் ஆரம்பித்துவிட்டார்கள்.  இந்த நேரத்தில் எது செய்தாலும் கொஞ்சம் அதிகம் கவனத்துடன் தான் செய்கிறோம். செய்கிறார்கள். நீங்களும் ப்ளீஸ் செய்யுங்கள்.

இன்னமும் நீங்கள் தான் என்று நினைத்துகொண்டிருக்கும் பேதை இனம் நாங்கள். நீங்கள் அவ்வப்போது ஜாலியாக அருவாளை பாயச்சும்போது, திருப்பி பாய்ச்சவும் பயமாக இருக்கிறது. ஊமையாய் அழுகிறோம். இது ஒன்றும் புதுசு இல்லை எமக்கு. நீங்கள் அடுத்தமுறை பாய்ச்சும்போது தயவுசெய்து நெஞ்சில் பாயச்சுங்கள். வலிக்காது. அடிக்கடி அங்கே ஏறியதால் மரத்துபோயவிட்டது.

பூனைக்கு விளையாட்டு சுண்டெலிக்கு சீவன் போகுது என்று அம்மா சொல்லும். ஒளிந்து கொள்ள ஒரு பொந்து கூட இல்லாத சுண்டெலிகள் நாங்கள்.  அடித்து ஆடுங்கள்.

------------------------------------

27 comments :

  1. //அன்பே உன் அன்பில் நானே தனி நாடாகி போவேனே//
    என்ன கொடுமை சார் இது? இப்பிடின்னா எல்லோருமே பேசாமல் காதலித்துக்கொண்டே இருந்திருக்கலாமே? எதுக்காண்டி போராடப்போய் இவ்வளவு பெரிய இழப்பெல்லாம்..?

    //சின்னவயதில் ஆகாயத்தால் வந்து எங்களுக்கு பருப்பு போட்டீர்கள். எடுத்து தின்றோம்.//
    அப்பவே எங்கடை ஐயா சொன்னார். இவங்களை நம்ம்பாதை உள்ளை ஏதேனும் வசியமருந்து போட்டு போடுறாங்களோ தெரியாதெண்டு.. அதால நாங்க அந்தப் பக்கமே போகேல்லே.. எஸ்கேப்.. :)

    //ஏழைக்குசேலர்கள் நாங்கள். அவல் தானே தரமுடியும்.எடுத்து கொள்ளுங்கள்.//
    அதுகூட இருக்குதா நம்மிடம்..?

    //“இலங்கையில் நடக்கின்ற யுத்தம் நிறுத்து, காதல் வந்ததே” என்று பாடிய போதும், நாம் பெரிதாக அலட்டிக்கொள்ளவில்லை.//
    காலமை போய் மத்தியானம் வரைக்கும் உண்ணாவிரதமிருந்திட்டு, ஈழத்தில் போர் முடிஞ்சிட்டு எண்டு சொன்னபோதே அலட்டிக்கொள்ளவில்லை. இதுக்கெல்லாம் போய்..

    //நீங்கள் அடுத்தமுறை பாய்ச்சும்போது தயவுசெய்து நெஞ்சில் பாயச்சுங்கள். //
    உண்மைதான். அடிக்கடி இத்தகைய வலிகளை ஏற்க வேண்டியிருக்காது.

    ReplyDelete
  2. எனக்காகவும் கோபத்தையும் ஆற்றாமையும் கொப்பளித்தமைக்கு நன்றி ஜேகே.
    முடியுமானால் தமிழகத்து சஞ்சிகைகளுக்கு அனுப்பி வைக்கவும்.
    எங்களுக்காய் உண்மையில் உதிர்கின்ற தமிழகத்தின் கண்ணீருக்கு எவ்வளவு மதிப்புக்கொடுக்குறோமோ, அதேயளவிற்கு எமது உணர்வை வியாபாரமாக்கையில் கோபப்ப்டுகிறோம் என்பதை புரிந்து கொள்ளட்டும்.

    ReplyDelete
  3. தமிழ்நாட்டில் வாழும் தமிழன் என்ற முறையில் இது எமக்கு தலைக்குனிவைத் தருகிறது. இதுபோன்ற திருந்தாத, அந்த வலி புரியாத, அதனை வர்த்தகமாக கொண்டு செயல்படும் இவர்களுக்காக நான் உங்களிடம் மன்னிப்பு கேட்டுக் கொள்கிறேன்.

    ReplyDelete
  4. Every Tamilnadu tamils can understand our pain, feelings and the fire inside us. But Tamil who say they are INDIAN can't realize our grievances.samy

    ReplyDelete
  5. மன்மதகுஞ்சு12/13/2011 4:20 am

    எம்மையெல்லாம் ஏற்றிப்போக கப்பல் வருமா என்ற பாடல் கேட்டு நாம் உணர்ச்சி வசப்படவில்லை ... தமிலை குரங்குன்னு சொன்னா மோஞ்சிலேயெ குத்துவேன் என்று ஸ்ருதி குதறியபோது -உலக தமிழர் பெருமைப்படக்கூடிய படம் என்ற போதும் பொங்கவில்லை....1999 ம் ஆண்டு மணிரத்தனம் ஈழத்தை பற்றி திரைப்படம் எடுக்கப்போகிறார் என்றபோது பொங்கி " கன்னத்தில் முத்தமிட்டால் வந்தபோது போராளி என்றால் எப்படி இருப்பான் என்று கூட தெரியாமல் படம் எடுத்து மாங்குளத்தில் யாழ் நூலகத்தை காட்டியபோது பொங்கவில்லை... "முள்வேலிக்குள்ளே வாடும் தமிழ் ஈழம்போல் ஆனேனே,அன்பே உன் அன்பில் நானும் தனி நாடாகிக் போவேனே " பொங்குகின்றோம்... ஞானப்பழத்தில் பாக்யராஜ் இசையமைத்த அந்த ஈழத்தில் போர் ஓய்ந்து என்ற பாடல் பட்டும் படாமலும் எம்மை தழுவி சென்றிருந்தாலும் இந்த ராஜபட்டை பாடல் எம்மை பொங்க வைத்திருப்பதற்கான காரணம் இருப்பது உண்மைதான்..ஆனால் பொங்குபவர்களிடம் ஒரே ஒரு கேள்வி பொங்குபவர்களில் எத்தனை பேர் இன்றும் மெனிக்பாம் முள்வேலி கொட்டில்களுக்கு சென்றிருக்கிறீர்கள் நீங்கள் இலங்கையில் இருந்தபோது..எத்தனைபேர் அந்த மக்களின் வலியை போக்க ஆற்றுபடுத்தியிருக்கிறீர்கள்..? மெனிக்பாம் ஒன்றும் தனித்தீவுக்குள் இல்லை வவுனியாவில் இருந்து 25 கிலோமீற்றரில்தான் இருக்கிறது இன்றும் கூட 7500 பேர் வாழவேண்டும் என்பதற்காய் வாழ்கிறார்களே அவர்களின் ஏக்கம் நிறைந்த முகங்களை ஒருதடவை பார்த்திருக்கிறீர்களா? வேதனைக்குரிய விடயம் 2009 தொடக்ககாலத்தில் பெரும்பான்மை இன டாக்டர்களே அதிகமாக சேவையாற்றினார்கள்..பெரும்பான்மை இனத்தவ மக்களே அதிகமா அந்த முள்வேலி மக்களுக்காக தம்மால் இயன்றது நன்கொடை அளித்தார்கள் இது உறைக்கும் உண்மை.. .. JK உனது பதிவு வரவேற்கத்தக்கது.. உணர்வை நாம் இழந்துவிடவில்லை தேசங்கள் தாண்டினாலும்..எம்மால் முடிந்ததை செய்துகொண்டிருப்போம் ஆனால் இப்படியான ஒரு சிலர் சினிமா ஊடாக நமது விடயத்தை கொண்டு சொல்ல பயன்படுத்தலாம் ,ஆனாலும் அது தவறான அர்த்தத்தை மற்றவர்கள் எடுத்துக்கொள்ளக்கூடாது என்பதே எமது அவா..எத்தனையோ காதலர்கள் காதலுக்காக உயிரையும் கொடுத்திருக்கிறார்கள் அதே போலதான் எமது தமிழ் ஈழத்துக்காக உயிராய் விதைந்தவர்கள் எத்தனையோ பேர் ஆக மொத்தத்தில் இரண்டுமே லட்சியத்துக்கானதே என்பதே எனது அறிவுக்கெட்டிய விளக்கமாக இருக்கிறது,இதில் மற்றவர்களுக்கும் உனக்கும் மாற்றுக்கருத்தும் இருக்கலாம்.. காதலுக்காக உறவு உடை வீடு அனைத்தையும் விட்டு வெளிவரும் காதலரின் காதல் வீரியத்தை தமிழ் ஈழ கனவோட ஒப்பிடுவதில் தவறில்லை,இரண்டும் நல்லதோர் வாழ்க்கைக்காகவே ஆனால் அதற்கான பாடல் காட்சிகளும் படத்தின் காதலும் நிறைவாக இருக்கவேண்டும்.. அப்படி இருந்தால் என்னை பொறுத்தவரை வரவேற்கலாம்...ஆனாலும் படத்தின் டிரையிலர் பார்த்தபோது கேள்விக்குறிதான் மொத்தத்தில் குழந்தை இல்லாத வீட்டில கிழவனுக்கு கொண்டாட்டம் போலத்தான்..எம் இனத்தின் வேதனைகளை சினிமாவில் சொல்லவேணுமென்றால் அதனை தனி படமாக எடுத்தால் இவ்வாறான எண்ணங்களை வரவேற்கலாம்..ஆனாலும் யுகபாரதி ஈழப்போராட்டத்தில் 2003 முதல் குறிப்பான பங்கு வகித்திருக்கிறார் என்பதை மறந்துவிடக்கூடாது..அவரின் சில ஈழ எழுச்சிப்பாடல்களை கேட்டாலே புரியும்..

    ReplyDelete
  6. கௌரி, இத்தனை யோசித்து இருந்தால் அவர் எழுதியிருக்கமாட்டார் என்றே நினைக்கிறேன். எமக்கும் புண் வெந்துகொண்டு இருப்பதால் சின்னதாய் பட்டாலும் கதறுகிறோம். அவர் உணர்ந்து கொள்வார் என்றே நினைக்கிறேன். எம் வருத்தத்தை பதிவு செய்கிறோம். அது போய்சேரும்போது அவரும் வருந்துவார் என்று நினைக்கிறோம்.

    ReplyDelete
  7. பாலா, உண்மை தான், பாடலை கேட்டபோது கோபம் தான் வருகிறது. ஆனால் எல்லாவற்றையும் தூக்கி பிடிக்கிறோமோ என்றும் ஒருகணம் நினைக்க தோன்றுகிறது. அந்த குழப்பத்திலும், ஆற்றாமையிலும் கழிவிரக்கத்திலும் எழுதியது தான். பதிவு யுகபாரதியை மாத்திரம் எதிர்த்து இல்லை. லோஷன் எழுதியது போல பாரதியே சிங்கள தீவு என்று தானே எழுதினான். குற்றம் பார்க்கில் சுற்றம் இல்லை என்று வாலாவிருக்கவேண்டியது தான்.

    ReplyDelete
  8. அன்புள்ள நிவாஸ், மன்னிப்பு எல்லாம் பெரிய வார்த்தை. நாம் ஒன்றும் குற்றம் சாட்டவில்லை. இதில் யாரை நொந்து என்ன பலன். ஒரு ஆதங்கத்தில் எழுதியது தான். இந்தியர்களுக்கு புரியாது என்பது இல்லை. முல்லை பெரியாறு அணைக்காக கேரள மக்கள் எல்லோரையும் நொந்து கொள்ளமாட்டீர்கள் தானே. அது போல தான் இதுவும். தவறு என்றால் அவரே புரிந்துகொள்வார் என்று நினைக்கிறேன்.

    ReplyDelete
  9. @சாமி, அது புரிகிறது. எல்லா இந்திய தமிழரையும் நொந்து கொள்ளவில்லை. ஆனால் இவ்வாறான சமயங்களில் கோபப்படாமல் எம் வருத்தத்தை பதிவு செய்யவேண்டும் என்று நினைத்தே எழுதினேன். எவரின் மனத்தையும் நோகடிப்பது நோக்கமே கிடையாது.

    ReplyDelete
  10. மன்மதகுஞ்சு .. உன் கோபம் புரிகிறது. உன் பதில் இந்த பதிவுக்கு மிக அவசியமானது. நிதானத்துடன் வரும் கோபம், ஆக்கபூர்வமானது. நன்றி அந்த பதிலுக்கு!

    ReplyDelete
  11. nice... thanks for sharing...

    please read my tamilkavithaigal blog www.rishvan.com

    ReplyDelete
  12. ஒரு திரைப்படப் பாடலில் ஈழத்தைப் பற்றியோ அல்லது ஈழம் தொடர்பான உணர்வுகளைப் பற்றியோ தரக்குறைவாகவோ அல்லது மனம் புண்படும்படியாகவோ சொல்லப்பட்டிக்கிறது என்றால்.. ஈழத்தமிழர் அல்லது தமிழர் என்று சொல்லிக்கொள்கிற யாவரும் என்ன செய்ய வேண்டும்?

    ஃபேஸ்புக்கில் அல்லது டிவிட்டரில் அல்லது வேறு பிற இணையத்தளங்களில் அல்லது வேறு எதிலாவது கொஞ்சம் வரிகளை தங்கள் மனப்போக்குக்கு ஏற்ப பதிவு செய்து விட்டுப் போய்விடுவதா?

    அந்தப் பாடல் வரிகளில் என்ன சொல்லியிருக்கிறார்? என்ன சொல்ல வருகிறார்? ஏன் அந்த வரிகளைப் பிடிவாதமாக யுகபாரதி அந்தக் காதல் பாடலில் இணைத்திருக்கிறார்? ராஜபாட்டை என்ற அந்த மொத்தப் படமும், இந்த இரண்டு வரிகளை வைத்துக்கொண்டு உலகத் தமிழர்களின் இல்லங்களுக்கெல்லாம் சென்று விடுமா? ஒரு தமிழனுக்கு தன்னுடைய உணர்வுகளை பதிவு செய்வதில் தணிக்கை உண்டா?

    ஈழம் குறித்த கருத்துகளில் ஈழத்தில் வாழ்ந்த, வாழும், புலம் பெயர்ந்து வாழும் எல்லோரும் ஒரே கருத்தையா கொண்டிருக்கிறார்கள் அல்லது கொண்டிருந்தார்கள்?

    இவர் இந்தியத் தமிழர், இவர் ஈழத் தமிழர், இவர் உலகத் தமிழர் என்று ஒருவருக்கு அடைமொழி கொடுக்கும் உரிமையை, அதிகாரத்தை யார் கொடுத்தது? கொடுப்பது?

    ஈழ விடுதலையில் பேரார்வமும், விருப்பமும், உழைப்பும் கொண்டிருக்கிற தமிழகத் தமிழனுடைய உணர்வுகள் இரண்டாவதாகத்தான் கருத்தில் கொள்ளப்படுமா?

    சிந்திப்பதற்காகத்தான் மனிதனாக இருக்கிறோம். மார்க்ஸ் தொடங்கி பெரியார் வரை தமிழனுக்காகவும் தான் வாழ்ந்திருக்கிறார்கள். ஈழவிடுதலையைக் குறித்து அக்கறையாய், அடுத்த கட்ட நகர்வு குறித்து சிந்திக்காமல், இணையத்தில் கருத்து சொல்லி நேரத்தை காவு கொடுத்துக் கொண்டிருக்கும் அத்தனை தமிழர்களுக்கும் ஒரு பேருதவி செய்யத் திட்டமிட்டிருக்கிறேன்.

    எதிர்வருங்காலத்தில் தமிழ்த் தேசியத் தலைவர் (தமிழீழத் தேசியத் தலைவர் அல்ல) மேதகு.பிரபாகரனை சந்திக்க நேர்ந்தால், இவர்களுக்கெல்லாம் ஒரு பாராட்டு விழா நடத்த வேண்டும் என்று கேட்டுக்கொள்வேன். அந்த விழா, இந்திய தமிழர் தலைமையிலா, நோர்வே தமிழர் தலைமையிலா, அல்லது கென்யத் தமிழர் தலைமையிலா என்பதெல்லாம் இணையத் தமிழர்கள் கூடி முடிவு செய்து கொள்ளட்டும்.

    பேச்சைக்குறைத்து, செயலில் காட்டுங்கள் என்றார் பெரியோர். இங்கு செயல்படுபவர்களின் எண்ணிக்கையைக் காட்டிலும் வெட்டிப் பேச்சில் சுதந்திரத்தைக் கொண்டு வந்து விடும் வேடிக்கை மனிதர்களை பாரதி வந்து தான் சரிசெய்ய வேண்டும்.

    இது முதன்முறையாக நான், இணையத்தில் பங்கேற்று சொல்லும் கருத்து. ஈழ விடுதலை, தமிழர் விடுதலை, என் விடுதலை குறித்து சிந்திக்க, படிக்க எனக்கு நிறைய நேரம் தேவைப்படுகிறது. எனவே, வேடிக்கை மனிதனாய் இப்போது கருத்துச் சொல்லியிருப்பதில் தான் உள்ளபடி நான் வெட்கப்படுகிறேன்.

    ReplyDelete
  13. நண்பர் சே அவர்களே. இதில் என் கருத்தை நான் பதிவு செய்திருக்கிறேன். இந்தியத்தமிழர் என்று வேண்டுமென்றே குறிப்பிட்டேன். அது பெயர் நவிற்சி, தெரிந்து எழுதியது. ஈழத்தமிழர் இருக்கும் போது இந்தியத்தமிழர் இருக்க கூடாதா? எல்லோருமே தமிழர் என்றால், நாளை எல்லோருமே மனிதன் தானே, அதில் ஏன் தமிழர் என்று பிரிக்கிறீர்கள் என்பார்கள்! இது நீண்டு கொண்டே போகும்.

    //ஒரு தமிழனுக்கு தன்னுடைய உணர்வுகளை பதிவு செய்வதில் தணிக்கை உண்டா? //

    இதை தானே நானும் செய்திருக்கிறேன்!மறுவினையும் ஒரு உணர்வு தானே!

    //ஈழம் குறித்த கருத்துகளில் ஈழத்தில் வாழ்ந்த, வாழும், புலம் பெயர்ந்து வாழும் எல்லோரும் ஒரே கருத்தையா கொண்டிருக்கிறார்கள் அல்லது கொண்டிருந்தார்கள்? //

    கொண்டிருக்கவேண்டும் என்று யார் சொன்னது? கருத்தில் வித்தியாசம் இல்லாமல் சமூகமே வளரமுடியாது.

    //ஈழ விடுதலையில் பேரார்வமும், விருப்பமும், உழைப்பும் கொண்டிருக்கிற தமிழகத் தமிழனுடைய உணர்வுகள் இரண்டாவதாகத்தான் கருத்தில் கொள்ளப்படுமா?//

    யார் சொன்னது? மீண்டும் வாசித்து பாருங்கள். எல்லோரையும் பொத்தாம் பொதுவாக விமர்சிக்கவேயில்லை. உணர்வுகள் உணர்வுகளே. அதில் மேலானது கீழானது என்று ஒன்றுமேயில்லை. எம் வசதிக்கேற்ப அதை தீர்மானிக்கமுடியாது என்றே நினைக்கிறேன்.

    நீங்கள் யார் என்று எனக்கு தெரியாது. இன்று தான் வலைக்கு வந்திருக்கிறீர்கள் என்று நினைக்கிறேன். கும்மியடிக்கும் பதிவு இது இல்லை என்பது வாசிக்கும் போதே புரியும். போகிற போக்கில் எழுதிய பதிவு இல்லை இது. இங்கே கருத்திட்ட மன்மதகுஞ்சு போன்றவர்கள் என்ன செய்கிறார்கள் என்பது தெரிந்திருக்க ஞாயம் இல்லை.

    ஆனால் ஒன்று, ஒரே தளத்தில் இயங்குவதால் தான் கருத்து பரிமாற்றங்கள் இங்கே இடம்பெறுகின்றன. அவ்வளவே.

    ReplyDelete
  14. This comment has been removed by the author.

    ReplyDelete
  15. This comment has been removed by the author.

    ReplyDelete
  16. எனக்கு இன்னொன்றுதான் ஞாபகம் வருகின்றது. அது பதிவிற்குச் சம்பந்தம் இல்லாமல் இருக்கலாம். எழுதும் ஈழத்துப் பதிவர்கள் எல்லாம் எதுக்கு இந்தியத் தமிழில் எழுதுகிறார்கள்? (அதுக்காக நான் இந்தியத் தமிழுக்கு எதிரியா என்பது போன்ற டப்பா விவாதத்திற்கெல்லாம் நீங்கள் போகமாட்டீர்கள், என்றாலும் வாசிப்பவர்கள் போகலாம்). என் ஆதங்கம்: ஈழத்து மொழி அதிகம் பதியப்படுவதில்லை என்பதுதான். ஒரு மொழி/(வழக்கு) அழிவிற்கு நாங்களே துணை போகலாமா?

    ReplyDelete
  17. சக்திவேல், நான் இயலுமானவரைக்கும் சீரியஸ் ஆன பதிவுகளில் ஈழத்தமிழை தான் பாவிக்கிறேன். நீங்களும் அதை செய்கிறீர்கள். ஆனாலும் முழுக்க முழுக்க பாவிக்கும் போது சிலவேளைகளில் எழுத்து தனிமைப்படுத்தப்பட்டு விடுகிறது.

    ஆக எழுதுகிறோம் தான். மொழி வழக்கு அழிந்துவிடும் என்று நினைக்கவில்லை. நகைச்சுவையாய் எழுதும்போது சிலவேளை இந்திய வழக்கு வருகிறது. தப்பாகும் போது குட்டுங்கள். திருத்துகிறேன்.

    ReplyDelete
  18. "நீங்கள் யார் என்று எனக்கு தெரியாது. இன்று தான் வலைக்கு வந்திருக்கிறீர்கள் என்று நினைக்கிறேன். கும்மியடிக்கும் பதிவு இது இல்லை என்பது வாசிக்கும் போதே புரியும். போகிற போக்கில் எழுதிய பதிவு இல்லை இது."

    நல்ல பதிலைக் கொடுத்தீர்கள் இந்த கேள்விக்கு பதில் கொடுத்து நேரத்தை வீணடிப்பவாகள் என்று அவர்நினைப்பவர்கள் வரிசையில் நானும் இருப்பதால் இதற்கு எனனில் தோன்றிய பதிவையும் இட்டுவிடலாம் என்று நினைக்கிறேன்...

    சே..! என்னைப்போலவே வாசிப்பவர்கள் ஒவ்வொருவரும் ஏதோ ஒரு வகையில் எம்மால் இயன்ற செயல் உதவிகளையும் செய்து கொண்டு தான் இருக்கிறோம் இதை இவர் பதிவுகளும் அதர்க்காய் அவர்கருத்தோடு அல்லது வாசகர்கள் என்று இங்கே பதிவிடுபவர்களின் கருத்துக்களும் என்னும் எம்மை தூண்டுகின்றன. நேற்றுக்கூட மன்மதக்குஞ்சுவின் கேள்வியின் தொனி என்னை மிகவும் பாதித்தது நிறைய பாதித்தது எங்கிருந்து எடுத்து எங்கு கொடுப்பதென்று இப்போதெல்லாம் பேசாமல் இருக்கும் என்னை நத்தார் எனும் பெயரில் எம்மைச்சூள உள்ள தவிர்க்கமுடியாத செலவுகள் நினைவுக்கு வந்தன உறவுக்குளந்தைகள் பிள்ளைகளின் வகுப்பு நண்பர்கள் இவர்களுக்கு பரிசு கொடுப்பது - இது விதிக்கப்பட் விதியா என்ன? என் மகளிடம் சொன்னேன் உன் பிரன்ஸ், கசின்ஸ் எல்லோருமே வசதியானவர்கள் அவர்களுக்கு நிறையப்பேர் கிவ்ற் குடுப்பாங்கள் நாங்கள் இந்த முறை கஸ்ரப்பட்ட பிள்ளைகளுக்கு குடுப்பம் அவேற்றை உடுப்பில்லை சாப்பாடில்லை புக்ஸ் இல்லை... நத்தார் விடுமுறை விழாக்கள் இப்படி குறைந்தது 300 பவுனை எனக்கு என்தெரிந்தவர்மூலம் அனாதை இல்லம் ஒன்றுக்கு அனுப்ப முடியும் --- இது சிறிது தான் அனால் ஒவ்வொருமாதமும் மட்டுமட்டாகவே வாழ்ககைச்செலவை ஓட்டும் என்குடும்பத்துக்கு இது மிகவும் திருப்தி தந்தது எம்மை சூள உள்ள குடும்பங்களும் இதை பின்பற்ற முனைவார்கள் என்பதில் கூட சிறிய நம்பிக்கை...

    ஆம் தமிழன் தமிழனுக்கோ யாருக்கோ செய்வது என்பது ஒரு கூட்டு முயற்சியே இவர்கள் கருத்து லற்சங்களைக்கொட்டி ஒரு "பெரியபெண்ணாகும் சடங்கையோ" "பிறந்தநாளையோ" கொண்டாடுபர்களை சென்றடைந்தால் எவ்வளவு பெரிய வெற்றி.

    சிந்தனை அதன் வெளிப்பாடு அதில் ஏற்படும் எழுச்சி எல்லாமே சேர்ந்தல் தான் நாம் எதிலும் எழுச்சியடைய முடியும்

    இவர் கூறிய இக்கருத்தில் உங்களுக்கு கருத்து வேறுபாடு இருப்பது அது உங்கள் விருப்பம் ஆனால் இந்தத்தளத்தை சுத்தி ஒரு ஒளிவட்டம் பெருகி அது ஒரு சிறு | பெரு ஆரோக்கியமான கூட்டத்தை உருவாக்க வேண்டும் என்பதே என்போன்றவர்களது ஆசையாகும்.

    அதிகப்பிரசங்கித்தனமாகத் தோன்றினால் மன்னித்துவிடுங்கள் - நன்றி

    ReplyDelete
  19. என்னைப் பொறுத்தவரை 'மன்மதகுஞ்சு' கருத்துடன் ஒத்துபோகிறேன்..எல்லா செயலும் எப்போதும் சரியாகவே அமைந்துவிடாது..ஆனால் நோக்கம் சரியாக இருந்தால் வரவேற்கவே வேண்டும்..அதற்காக
    காதலுக்கும் ஈழத்துக்கும் என்னதொடர்பு என்று நோக்ககூடது :) ஒவோருவர் தமக்குரிய ஊடகத்தினுடு எண்ணத்தை(ஈழ ஆதரவு) வெளிப்படுத்துகின்றனர்..

    "போகிற போக்கில் பேசிவிட்டு அடுத்த ஐட்டத்துக்கு போவதாக இருந்தால்"
    யாராலும் தொடர்ந்து கடினமாக எதட்காகவும் போராட முடியாது ....இது நிதர்சனம்..நாமெல்லாம் உதாரணம்:) (அவர்களைத் தவிர.)..
    ஆகவே இப்படியான விமரசனங்கள் இருகின்ற ஆதரவையும் இழக்கவே வழிகோலும் என்பது எனது தாழ்மையான கருத்து..
    உங்களது பதிவு இங்கும் பகிரப்பட்டுள்ளது

    http://www.yarl.com/forum3/index.php?showtopic=95504

    ReplyDelete
  20. This comment has been removed by the author.

    ReplyDelete
  21. சே அவர்களே. இணையத்தில் கருத்து சொல்பவர்களெல்லாம் வெறும் கருத்து சொல்லி வாளாவிருப்பவர்கள் என்று பொதுமைப்படுத்தி சொல்வது நாடு அழகில்லை என்று நகர எல்லைகளை தாண்ட்டாமல் சொல்லுவது போன்றது. நான் பாரதியின் பெரிய ரசிகன். அந்த மனிதன் தன் உணர்வுகளையும் கோபங்களையும் கவிதையாக பதிந்திருக்காவிட்டால், இன்றைக்கு எம்மில் எத்தனைபேர் பாரதியை அறிந்திருப்போம்? ஒத்த கருத்து இருக்கவேண்டிய அவசியமில்லை நபரே, வேறுபட்ட கருத்துகளை ஒப்புநோக்கி, அவற்றின் அடிப்படையை, நியாயத்தை புரிந்து செயல்வடிவம் கொடுப்பதே சிறந்த தலைவனின் பண்பு. எல்லோரும் ஒத்த கருத்தை கொண்டிருந்தாள் உலகம் ஒரு மாற்றங்களையும் கண்டிருக்காது. இதே வலைப்பூவில்தான் சில நாட்களுக்கு முன் யாழ்மண்ணில் செயற்படுத்தப்படும் ஒரு புது முயற்சியை பற்றி எழுதப்படிருந்தது. நீங்கள் செய்யும் செயத்திட்டங்களையும் பகிர்ந்துகொள்ளுங்கள், இணையம் உணர்வுகளை ஒன்றிணைக்கும்.

    ReplyDelete
  22. JK,

    Please don't take (Indian)Tamil movies seriously, If you like just enjoy them otherwise leave them.
    However, I feel embarrassed about my diffidentness regarding various issues in this world (primarily Eelam issue, it hurts me a lot every minute). What to do? I grown up like that.

    Mohan

    ReplyDelete
  23. எனக்கு ஒன்று மட்டும் புரியவில்ல அந்த வரிகளை ஒரு காதல் பாடலில் போட்டதை ஒரு மாபெரும் தவறாகவும் அதனால் எல்லாமே போய்விட்டதாகவும் கூபாடுப்பாடு போடுகிறீர்களே உங்களை நான் ஒன்று கோட்கிறேன் இப்பே யாழின் நிலை என்ன? அங்குள்ள எம்மவர்களின் நடவடிக்கைகள் எப்படியிருக்கு? எம்மில் எத்தனை பேருக்கு உண்மையில் தமிழ் உணர்வு இருக்கு ? ஈழம் வேண்டும் என்ற எண்ணம் இருக்கு???? எம்மில் எத்தனை பேர் உண்மையான உணர்வேடு தமிழீழம் வேண்டும் என்று பாடுபட்டு கொண்டு இருக்கிறார்கள் (நான் உட்பட) இன்றய நிலையில் ஈழம் கேட்டு போராடிய நாங்களே ஒரு இரண்டு வருடங்களுக்குள் எல்லாவற்றயும் மறந்து விபசாரத்தை வியாபாரமாகவும் கார்னிவேல் களியாட்டங்களிலும் தாய்மொழியை மறந்து சிங்களத்தி கதைப்பதை நாகரிகமாகவும் நினைக்க தொடங்கிவிட்டோம்.. அது மட்டுமா மனித நேயத்தை கூட தொலைத்துவிட்டோம்.. உங்களுக்கு தொரியுமா ? யாழ் வாழ் எம்மவர் குறிப்பாக பேருந்து நடத்துனர்கள், இளம் வயதினர் சிங்களட்தில் கதைப்பதை???? இரு வாரங்களுக்கு முன் ஒரு இளம் குடும்ப பொண் கிணற்ரில் தவறி விழுந்து இறந்தது .. பக்கதில் இருந்த திருமண மண்டபத்தில் திருமணம் நடந்து கொண்டு இருந்தது அனாலும் ஒரு ஆண் மகன் வந்து அந்த பொண்ணை காப்பாற்ற தூக்கிவிடவில்ல கடைசில் அந்த பெண் இறந்தது தான் மிச்சம் ..ஒஓ வீட்டில் ஒரு ஆண் இல்லயா ? சொல்ல மறந்து விட்டேன் அந்த பெண்ணின் சகோதரி மகன் முதல் நாள் ஒரு கோவில் குளத்தில் வீழ்து இறந்து விட்டான் அதற்காக வந்த இந்த பெண் தான் இறந்தது ஆண்கள் எல்லாரும் சுடலைக்கு போய்விட்டார்கள் ... இப்படி இருக்கு எங்கள் மனநிலை இந்த இலட்சணத்தில் நாங்கள் ஈழம் பற்றி ஒருவர் காதல் பாடலில் பாடியதற்கு இத்தனை விமர்சணம்! எங்கள போல் சுயநலமான இனம் எங்கும் இல்ல குறிப்பாக ஈழ தழிழர்... நாம் எப்பவாவது தமிழ்நாட்டில் உள்ள தமிழருக்கு ஏதாவது என்றால் துடித்துபோகிறோமா? கவலைப்பட்டு ஒரு ஆர்ப்பாட்டம் ஊர்வலமாவது போறோமா? இப்ப கூட பொரியாறு பிரச்சனைக்கு ஏதாவது ஒரு நடவடிக்கை எடுத்தோமா?? நான் புலம்பெயர் தமிழரை கோட்கிறேன்? முத்துகுமார் இறந்ததற்கு ஒரு இரங்கள் கூட்டம் அதுவும் அவர் எமக்காக தீகுளித்ததற்காக ... இப்ப யாராவது பெரியாறு அணை உடைக்க கூடாது என்று தீகுளிதிதால் நம் கண்ணிற்கு அது தெரியாது ஒன்று மட்டும் நான் சொல்கிறேன் தமிழ் நாட்டு இளையர்களே ஈழ தமிழன் ஒரு சுயநலவாதி தங்களிற்காக போராடியவர்களையே மறந்து கொன்டிருக்கிறார்கள் அவர்களுக்காக நீங்கள் பாடவும் வேண்டாம் சாகவும் வேண்டாம்.... எமது மன உணர்வு தெரிந்துதான் " நாயே உனக்கும் ஒரு நாடா...." என்று புலிகளே பாடியிருக்கிறார்கள் போலும்........

    ReplyDelete
  24. வணக்கம் நண்பரே
    தங்களது பதிவினை வலைச்சரத்தில் அறிமுகப் படுத்தியுள்ளேன் நன்றி
    http://blogintamil.blogspot.in/2012/03/blog-post_03.html

    ReplyDelete
  25. உங்களுடைய பதிவுகள் பலரை சென்றடைய வேண்டுமா? உங்கள் பதிவுகளை சுலபமாக கூகிள்சிறி இணையத்தளத்தில் இணைக்கலாம். உங்கள் பதிவின் சுருக்கத்தையும் அதன் இணைப்பையும் rss4sk.googlesri@blogger.com என்ற மின்னஞ்சல் முகவரிக்கு மின்னஞ்சல் செய்யுங்கள். இது தமிழ்மணம் பரப்புகிறோம் என்று கூறிக்கொண்டு உங்கள் படைப்புக்களை உங்களிடமே பணம் கறந்து பிரசுரிக்கும் கீழ்த்தர சேவை இல்லை.முற்றிலும் இலவசமான உங்கள் பங்களிப்பை மட்டுமே கொண்ட சேவை.மேலதிக தகவல்களுக்கு கீழுள்ள முகவரிக்கு செல்லுங்கள் http://www.googlesri.com/2012/03/blog-post_4830.html

    ReplyDelete
  26. தென்காசி தமிழ் பைங்கிளி .. என்னை மதித்து .. அதுவும் கவித்துவமாக அறிமுகப்படுத்தியமைக்கு மிக்க நன்றி .. நீங்கள் கவனிக்கும் படி எழுதவேண்டும் என்ற அழுத்தம் இப்போது வருகிறது .. நன்றி...

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே