வியாழமாற்றம் 23-02-2012 : மன்மதகுஞ்சு


மன்மதகுஞ்சுவும் மானங்கெட்ட பொழைப்பும்!

அட்டு பதிவர் ஜேகே, ஆயிரம் followers கண்ட டிவிட்டர் மன்மதகுஞ்சு, கவிஞரும் பிரபல பாடகருமான கேதா, மனுஷ்யபுத்திரன், சாரு நிவேதிதா, அன்னா ஹாசாரே போன்றோர் வழமை போல ஆரஞ்சு பானம் அருந்த திருத்தணி குளத்தடியில் சந்திக்கின்றனர்!
10xsxew_reasonably_smallமன்மதகுஞ்சு: மக்களே எனக்கு நேற்றோட ஆயிரம் followers வந்திட்டாங்க. என் அடுத்த டார்கட் குமுதம் மச்சி!
மனுஷ்யபுத்திரன்: ரியலி? எனக்கு ஒரு ஹைக்கூ எழுதி தர முடியுமா குஞ்சு?
மன்மதகுஞ்சு: யாரடா அது ஹைக்கூன்னா? பிரபல ட்வீட்டரா? சிங்கர் சின்மயி எல்லாம் எனக்கு குட் மார்னிங் சொல்லீட்டு தான் தூங்கவே போவாங்க தெரியுமா? நாங்க எல்லாம் அவ்வளவு பேமஸ்!
ஜேகே: டேய், இரவில தூங்க போகும் போது சொல்றதுக்கு பெயரு குட் நைட்டு! நீ எல்லாம்!
மன்மதகுஞ்சு: தம்பிரி .. தெரியும்டா! ஆனா நாமெல்லாம், ராவு ராவா ட்வீட்டரில சாட் பண்ணீட்டு காலைல தான் தூங்கவே போவம் தெரியுமா?
anna-hasareஹசாரே: நீங்கள்லாம் வேலைக்கே போறது இல்லையா?
மன்மதகுஞ்சு: வேலைக்கு போய் தான் தூங்குவோம் சார்!
ஹசாரே: நாளைய சமூகத்தை நினைச்சா ரொம்ப கவலையா இருக்கு!
கேதா: நாளை என்பது வெறுங்கனவு! நான் நட்டதும் ரோஜா இன்றே பூக்கணும்!
ஜேகே: இவரு கூட நன்னா கவிஜ எழுதறாரே!
மனுஷ்யபுத்திரன்: ஆனா நாங்க பேமஸ் ஆனா தான் சான்ஸ் தருவோம். ரஜனிக்கு இவர தெரியுமா?
சாரு நிவேதிதா : எழுத்தாளர்களை இதற்கு மேல் செருப்பால அடிக்க வேணாம்!!லத்தீன் அமரிக்காவில் எல்லாம் எழுத்தாளர்களை என்னமா கொண்டாடுவாங்க தெரியுமா? மலையாளத்து கலாகௌதில கூட என்னைய தெய்வமா கும்புடுறாங்க!
ஜேகே: சார் நானும் தான் ஆறு மாசமா, எழுதிக்கிட்டு இருக்கேன்! காமடியா எழுதினா வேலை வெட்டி இல்லைன்றாங்க! சீரியஸா எழுதினா, வேலாயுதம் பார்த்த பீதில ஓடுறாங்க பாஸ்!
ஹசாரே: உங்கள போன்ற இளைஞர்கள் உண்ணாவிரதம் இருக்கவேண்டும்! கடந்த முறை உண்ணாவிரதத்துக்கு மைக் செட்காரன் மட்டும் வந்து பஜ்ஜி சாப்ட்டுக்கொண்டு இருந்தான்!
charu01ஜேகே: இந்தாளு வேற உண்ணாவிரதம், ஊழல்ன்னு! யாராவது பிரபலமாக வழி சொல்லுங்கடா ப்ளீஸ்!
சாரு நிவேதிதா: ஒரு புத்தகம் ரிலீஸ் பண்ணுவோம். பிரபலமாகலாம். ஞாநி எல்லாம் வருவாரு!
ஜேகே: அதுக்கு புத்தகம் எழுதணுமே சார்?
சாரு நிவேதிதா: அங்க தான் நீங்க தப்பு பண்ணுறீங்க! என்ன புத்தகம், என்ன கதைன்னேல்லாம் பேச தேவையில்லை. நிகழ்ச்சில, எஸ்ராவை கிழி கிழின்னு கிழிக்கலாம்! ரஜனிக்கு என்ன இலக்கியம் தெரியும்? என் கதை ஒனக்கு சரோஜாதேவியா? நீ மட்டும் காப்பி பண்ணி தானே நந்தலாலா எடுத்தே!  அப்பிடீன்னுட்டு கம்பராமாயணத்த கிழிச்சு போடலாம்!
கேதா: ஏன் சார் அத கிழிக்கிறீங்க?
மனுஷ்யபுத்திரன்: அதுல தானே கூனி பாத்திரம் வருது. சாருக்கு யாராவது மாற்று திறனாளிகளை கேலி செய்தா பிடிக்காது. இப்படி தான் ஜெயமோகனோட பொத்தகம் ஒன்னையும் கிழிச்சாரு!
ஹசாரே: சுதந்திர இந்தியாவில் நாமெல்லாம் என்னத்த கிழிச்சோம்? காந்தி தெரியுமா …
மன்மதகுஞ்சு: இந்தாளு வேற, ஆ ஊன்னா காந்தி, ஹன்சிகான்னு .. ஐயோ ..நான் சொல்றேன் பிரபலமாக என்ன வழின்னு!
கேதா:சொல்லாயோ சோலைக்கிளி சொல்லும் உந்தன் ஒரு சொல்லில் உயிர் ஒன்று ஊசல் ஆடுதே!
மன்மதகுஞ்சு: யாரடா இவன்? கவுந்து விழுந்தாலும் கவித சொல்றான். டேய் ஜேகே எப்பிடிடா ஒனக்கென்னு இப்டில்லாம் வந்து மாட்டுறாங்க!
charu01ஜேகே: நீ வேற .. ஒண்ணுமே மாட்டுது இல்லன்னு நானு நாக்க தொங்க போட்டுக்கிட்டு இருகேன். கடுப்பெத்தறார் மை லார்ட்!
சாரு : ஜேகே நான் எழுதின “காம ரூபக்கதைகள்” வாசிச்சு விமர்சனம் ஒண்ணு போடு!பேமஸ் ஆயிடலாம்?
ஜேகே: ஏன் சார் இந்த கொலைவெறி? புத்தக விமர்சனம் எழுதினா சக்திவேலும் ரங்கனும் தான் கமேண்டு போடுறாங்க! ஹிட்டு எல்லாம் இருநூறு தாண்டினாலே, வைரவருக்கு வடை மாலை பாஸ்!
மன்மதகுஞ்சு: மச்சி பேசாமா ஹன்சிகாட மூஞ்சிய வயிறு முழுக்க பச்சை குத்திக்க. அப்புடியே வயத்த க்ளோஸ் அப்ல படம் புடிச்சு போடு. facebook ல ஹிட் ஆயிடும்!
கேதா: சூப்பர் ஐடியா! நான் வேணும்னா “தொந்தி வைத்த வந்தியதேவா! உன் பொங்கல் பானையில்  காதல் ஹன்சிகாவா?”அது இதுன்னு கவிதை எழுதவா?
Rajini at S.Ramakrishnan Iyal Award Stillsமனுஷ்யபுத்திரன்: கனகரத்தினம் மாஸ்டர், கக்கூஸ் என் பல காவியங்களை எழுதிய ஜேகேக்கு ஏன் இந்த நிலை? நீங்கள் தொடர்ந்து சீரியஸ் இலக்கியம் செய்யுங்கள். காமெடி எல்லாம் இலங்கை தமிழர் மத்தியில் எடுபடாது. அவர்கள் உணர்ச்சி பூர்வமானவர்கள்!
ஹசாரே: லோக்பால் பற்றி எழுதுங்கள் ஜேகே! ஈழத்தமிழர்களுக்கு லோக்பால் பற்றிய விழிப்புணர்வை உருவாக்க வேண்டும்!
சாரு: என்ன எழவுக்கு ஈழத்தமிழருக்கு லோக்பால் சார்?
கேதா: விட்டுடுங்க சாரு. ஜேகேக்கு இன்னிக்கு என்ன எழுதுறதுன்னு தெரியல! வழமை போல மகிந்த, 13+ ன்னு எழுதினா ஒரே விஷயமா இருக்குன்னு சொல்றாங்கலாம். அதோட இளையதளபதி புதுசா ட்ரை பண்ணுறாரு. அதான் லாஜிக் இடிக்குது.
மன்மதகுஞ்சு : மச்சி சூப்பர் ஐடியா!
ஜேகே : என்னடா கொலவெறி சாங்கை மட்டக்களப்பு தமிழ்ல பாடுவோமா? மட்டக்களப்பு தமிழ் தான் தேன் தமிழ். எங்கள் தமிழை கொல்லாதேன்னு தனுஷுக்கு ஆப்பு வைப்போமா?
மன்மதகுஞ்சு: ஒனக்கு வச்சுடுவாங்க மச்சி ஆப்பு! நீ இலங்கை தமிழனே இல்லைன்னுடுவாங்க!


ஜேகே: பேசாமா “நீ தானே உன் வசந்தம்” ட்ரைலர கொல வெறிக்கு மாற்றிடுவோமா?
கேதா: சூப்பர் ஐடியா. பொண்ணு பார்வார்டு கியருன்னு பாட, பையன் ரிவர்ஸ் கியருன்னு திருத்தட்டும்!
ஜேகே: முடிவில இளையராஜாவுக்கு பதிலா தனுஷ்! வாவ்! சீரியசா பாடுனா தான் அந்த நக்கல் எபக்ட் வரும் பாஸ்!
மன்மதகுஞ்சு: இல்ல நிக்கல் எபக்ட்!! பாய்ஸ் .. காமடி எல்லாம் யோசிக்காம செய்யணும். நீங்க என்ன தான் டீடைல்ஸ் கொடுத்தாலும், பார்க்கிறவங்க கவனிக்கவே மாட்டாங்க! காமடி பீஸ் தானே பாஸ்!
கேதா: இல்ல, எதுக்கும் வேப்பம் தோப்பில் இலக்கியம் படைக்கும் சக்திவேல் அண்ணைக்கு போட்டு காட்டுவோம்!
சக்திவேல்: ஐயன்மீருக்கு free time நிறையக் கிடைக்குது போல :-)

கற்றுக்கொண்ட பாடங்கள்!!

இரண்டாம் உலக யுத்தத்தின் பின்னர், மேற்குலகம் நேட்டோ, வார்சோ என்று பிரிந்ததும், அதை தொடர்ந்த நாற்பது வருட பனிப்போரும் ஞாபகம் இருக்கிறதா? யார் என்ன சொன்னாலும், கிழக்கு ஐரோப்பிய கம்யூனிச நாடுகள் பஞ்சத்தில் வாடியதை மறுக்கமுடியாது. இதை கம்யூனிசத்தின் தோல்வியா என்றால் கேட்டால் நிச்சயமாக இல்லை. ஆனால் கம்யூனிசத்தை பின்பற்றியவர்கள், அதை சரியாக pragmatic ஆக உள்வாங்க தவறியதாலும் totalitarian ஆட்சிக்கு அதை பாவித்ததாலுமே அந்த நாடுகள் இந்த நிலைக்கு போயின. மேலும் கம்யூனிசம் என்பது ஒரு ஆட்சி செய்வதற்கான முறைமையா, அல்லது ஒருவித தார்மீக கொள்கையா என்பதில் எனக்கு ஒரு சந்தேகம் இருக்கிறது. மதங்களில் புத்தமதம் எப்படியோ அதுபோலவே ஆட்சி முறைகளில் கம்யூனிசம் என்று நினைக்கிறேன். தப்பானவர் கைகளில் போனால் பிளாப் தான. It just doesn’t fit well there. அதனாலேயே அதை பின்பற்றுபவர்களால் இந்த இரண்டும் கேவலப்படுத்தப்படுகிறது! அதை விடுங்கள்! விஷயத்துக்கு வருவோம்!
Capture
இப்போது கிழக்கு ஐரோப்பிய நாடுகள் பெரும்பாலும் ஜனநாயகம், முதலாளித்துவத்துக்கு தாவி விட்டன இல்லையா. இந்த தலைமுறைக்கு அப்போது நடந்த சம்பவங்கள் ஏன் எதற்கு எப்படி நடந்தன என்ற உண்மை அறியும் ஆர்வம் வந்திருக்கிறது. போரில், நாசிக்களால் சூறையாடப்பட்டு, பின்னாளில் USSR பக்கம் சாய்ந்த போலந்து (Pianist படம் பாருங்கள்), இப்போது பனிப்போர் காலத்தில் நடந்த அநியாயங்களை தோண்ட தொடங்கியிருக்கிறது. 1970ம் ஆண்டு போலந்து துருப்புகள் செய்த அநியாயங்களை சொல்லும் “Black Thursday” என்ற திரைப்படத்தை ஒரே வாரத்தில் ஒரு மில்லியனுக்கும் அதிகமான மக்கள் பார்த்து இருக்கிறார்களாம். லத்வியா நாட்டில் ரஸ்சிய மொழியை இரண்டாம் மொழியாக அமுலாக்கும் சட்டத்துக்கான வாக்களிப்பில் மக்கள் அதை நிராகரித்து இருக்கிறார்கள். தகவல்களுக்கு இங்கே லிங்க்!
நான் உன் அம்மாவை குண்டு போட்டு கொலை செய்தேன். தங்கையை கதற கதற சேற்றில் போட்டு பாலியல் வல்லுறவு செய்தேன். உன் இருப்பிடத்தை சிதிலமாக்கினேன். இதெல்லாம் உன்னை தீவிரவாதியிடம் இருந்து காப்பாற்ற தான். இதை எல்லாம் இனி பேசி என்ன பயன்? பேசாமல் வந்து செட்டில் ஆகு. இந்த இடத்தில விவசாயம் செய். அந்த இடத்தில கடை தொறக்காத! ஒண்ணுக்கு அடிக்கடிகணும்னு என் தம்பியிடம் பெர்மிஷன் எடு என்று ஒருத்தன் கூசாமல் சொல்லிக்கொண்டு இருக்கிறான். உலகமும் இவனே இந்த பிரச்சனையை தீர்க்கட்டும் என்று சிரியா பக்கம் திரும்பிவிட்டது.  போலந்து தேசிய ஒருமைப்பாடு தலைவர் என்ன சொல்கிறார் தெரியுமா?
“In order to defend ourselves in the future against other totalitarian regimes, we have to understand how they worked in the past, like a vaccine”
இன்னும் ஒரு ஐம்பது வருஷத்தில் “Black July” என்ற ஒரு படத்தை மில்லியன் கணக்கில் மக்கள் பார்வையிடலாம். நடந்ததுக்கு வெட்கப்படலாம். அப்போது நான் இருக்கமாட்டேன். ஆனால் இந்த ப்ளாக் இருக்கலாம். வியாழமாற்றம் புத்தமாகவும் இருக்கலாம். மருமக்களுக்கு சொல்லிவைத்தால், ஐம்பது வருஷத்தில் அடடா மாமா அப்பவே எழுதியிருக்கிறாரா என்று புரட்டிப்பார்த்து பெருமைப்படலாம்!
கனவு என்பது நீங்கள் தூக்கத்தில் காண்பது அல்ல,
உங்களை தூங்க விடாமல் செய்வது தான் அது!

– அப்துல்கலாம்!

தோணி இசை வெளியீட்டு விழா

சுவாரசியமான நிகழ்ச்சி இது. நாசரின் பேச்சை கேளுங்கள்!

நாசரின் கதை சொல்லும் திறமை அட போட வைக்கிறது. கொஞ்சம் கூட சுவாரசியம் குறையவில்லை. ஆங்காங்கே விடும் டைமிங் இடைவெளிகள், flow, ராஜாவை சின்னதாகவேணும் நோகடித்துவிடுவேனோ என்ற பயத்தில் காட்டும் அதிகப்படி “ஞான சூனியம்” டாக். ரசித்தேன்!
இறுதியில் ராஜா பேசியது அவருடைய வழமையான பேச்சு. தன்னை பற்றி தானே பேசக்கூடாது என்று சொல்லிக்கொண்டே, “மரி மரி நின்னே” பாட்டுக்கு தியாகராஜர் ஏற்கனவே கீர்த்தனை எழுதி வைத்ததை சொன்னார்! “நானொரு சிந்து” பாடல் உருவான விதம் சொன்னார்.  சூப்பர். அப்படியே விஜய்யை அசிங்கப்படுத்திவிட, எஸ் ஏ சந்திரசேகருக்கு முகம் கறுத்துவிட, ராஜா அப்புறமாக அஜித் பெயரையும் சொல்லி சமாளித்தார்! ஏன் சார் வேண்டாத வேல?

RIP மேரி கொல்வின்

சிரியா யுத்தத்தை கவர் பண்ணிக்கொண்டு இருக்கும் போது கொல்வின் கொல்லப்பட்டு இருக்கிறார். செவ்வாய்க்கிழமை கூட பிபிசிக்கு குழந்தைகள் கொல்லப்படுவது பற்றி சொல்லியிருந்தார். சிவிலியன்கள் மரணம் பற்றி விவரித்ததும், இன்னும் என்ன புடுங்கிக்கொண்டு இருக்கிறீர்கள் என்று உலக நாடுகளை கேட்டதும் ஞாபகம் இருக்கிறது. வியாழமாற்றத்தில் அவர் சொன்னதையும் புதுக்குடியிருப்பு வைத்தியசாலை குண்டுவெடிப்பு பற்றியும் எழுதலாம் என்று நினைத்திருந்தேன். இன்றைக்கு அவர் இல்லை.
Sri_Lanka_Journalist_Wounded_02da3
கொல்வினை எங்களுக்கு ஞாபகம் இருக்குதா? மறந்திருந்தால் எங்கள் அளவுக்கு நன்றி மறந்த நாதாரி இனம் உலகத்தில் இருக்கமுடியாது.  2001ம் ஆண்டு பார்டர் கடக்கும் போது ஒரு செய்தியாளர் மீது குண்டு போட்ட செய்தி ஞாபகம் இருக்கா? அவரே விவரிக்கிறார்.
"I had gone to the northern Tamil area from which journalists were banned and found an unreported humanitarian disaster. As I was smuggled back across the internal border, a soldier launched a grenade at me and the shrapnel sliced into my face and chest. He knew what he was doing."
இறுதிக்கால ஈழ யுத்தத்தையும் மிக அவதானமாக ரிப்போர்ட் செய்தவர். மரியாதைக்கு உரியவர். ச்சே எமக்காக கண்ணை இழந்தவர். இன்று சிரிய மக்களுக்காக தன்னையே இழந்துவிட்டார்.
marie-colvinHow many times must a man look up
Before he can see the sky
How many ears must one man have
Before he can hear people cry
How many deaths will it take till he knows
That too many people have died
The answer, my friend, is blowing in the wind
The answer is blowing in the wind

--Bob Dylan

 

ரிக்கி பாண்டிங்

765520-3x2-940x627ஒரு நாள் போட்டிகளில் இனிமேல பாண்டிங் விளையாட சான்ஸ் இல்லை. டெஸ்ட் மாட்ச்சும் எவ்வளவு காலத்துக்கு என்று தெரியவில்லை. சச்சினின் உலக கோப்பை 2003, பாகிஸ்தான் இன்னிங்க்ஸ் இன்னமும் கண்ணுக்குள் நிற்கிறது. கங்குலி டாண்டனில் இலங்கை அணியை அடிச்சு நொறுக்கியது அடடா! காணக்கண் ஆயிரம் வேண்டும்! டிராவிட், லக்ஸ்மணின் கொல்கொத்தா இன்னிங்க்ஸ். இன்னமும் ஓரிரு வருடங்கள் தான். யார் யார் இவர்கள் எல்லோரும் ஓய்வு பெறவேண்டும் என்று கதறுகிறார்களோ, அவர்கள் இல்லாமல் திடீரென கிரிக்கட்டில் ஒரு வெறுமையை உணர்வார்கள்.

20031227003501803எனக்கென்றால், விளையாடும் தலைமுறை போலவே ரசிகர் தலைமுறையும் இருக்கும். அலுவலகத்தால் வந்து சச்சின் இன்னிங்க்ஸ் பார்த்துக்கொண்டு இருந்தேன். மடித்த கால் நிமிர்த்தவில்லை. சச்சின் அவுட்டானால்? அசந்த சமயம் தெரியாமல் காலை மெல்ல அசைத்துவிட, வெளியே போல பந்தை லீவ் பண்ணுகிறேன் பேர்வழி என்று சச்சின் பாட்டை கொஞ்சம் தூக்க, கருமம், மட்டையில் பட்டு விக்கட்டில் படுகிறது. அப்புறம் வந்தவன் என்னத்த தான் அடிச்சாலும் ம்ம்ஹூம் .. சகிக்கவில்லை!

672174-brian-laraசச்சினும் போனால், இனி கிரிக்கட் பார்க்கும் தேவை இல்லாது ஒழியும். யார் யார் எதுக்காக கிரிக்கட் பார்க்கிறார்களோ தெரியாது. கிரிக்கட் டீம் கேம், டீம் வெற்றி முக்கியம் என்றெல்லாம் உட்டலாக்கடி வேண்டாம். சரியாக சப்போர்ட் பண்ண எனக்கென்று ஒரு அணியும் கிடையாது. இலங்கை அணியை சப்போர்ட் பண்ண, விளையாட்டை விளையாட்டாக பார்க்கும் பக்குவம் மற்றவர்களை போல எனக்கு இல்லை! இலங்கை அணிக்கும் இல்லை! அன்று தொட்டு நான் ரசிப்பது குறிப்பிட்ட ஆட்டக்காரர்களை மாத்திரமே. சேவாக் சச்சின் அடித்தால் ரசிப்போம். பாண்டிங் புல் பண்ணினால் பார்ப்பேன். கங்குலி சார்ஜ் பண்ணி வந்தால் சிக்ஸர் தான். கங்குலி, ஷேன் வார்ன், சச்சின், லாரா, அகரம்.. சேவாக் .. லீவு போட்டுக்கூட மாட்ச் பார்க்கலாம். இப்போது சேவாக் totally out of sorts. சச்சின் மாத்திரமே எஞ்சி இருக்க ம்ம்ம்…
மிஞ்சி மிஞ்சி போனா .. இருக்கவே இருக்கு டென்னிஸ்! அதுவும் கருமம், பெடரர் கொஞ்சம் கொஞ்சமாக டவுன். ஜஸ்டின் ஹெனின் இல்லை. கிம் கிளிஜர்ஸ் விம்பிள்டனுடன் ஓய்வு பெறுகிறாராம். அடுத்த தலைமுறை யாரு? டோமிக்? வோஸ்னியாக்கி? அட போங்கப்பா, எனக்கு வயசாகீட்டுது போல!

என்னை அதிர வைத்த கவிதை!

கற்பூர வாசனை கூட ஓகே, கழுதை, இந்த கவிதை மட்டும் நமக்கு சரிப்பட்டு வருதில்ல.  சுஜாதாவை ரொம்பவே வாசிக்கிறதாலயோ என்னவோ, கவிதைய உணர்ச்சியோட அணுகாம, ரொம்ப டெக்னிக்கலாகவும் நயத்தோடும் அணுகுவதால், யாராவது உணர்வை பிழிஞ்சு கவிதைல காயப்போட்டிருந்தா பக்கம் வைத்து படுக்கமாட்டேன். நேற்று கூட கேதாவிடம் கேட்டேன்
என்னடா இப்பெல்லாம் கவித ரொம்ப எழுதுறது இல்லையா?
கண்ட கண்ட கழுதை எல்லாம் இப்ப கவித எழுதுது! அதால தான் இப்பெல்லாம் நான் எழுதுறதில்ல! ஜேகே அண்ணே நீங்க கூட  வியாழமாற்றத்தில கவித ட்ரை பண்ணுறீங்க இல்ல?
ஆணியே புடுங்கமாட்டேன் என்று இந்த வாரத்துக்கு உறுதிகூறுகிறேன்! பொழைச்சுபோங்கடா போக்கத்த பசங்களா! ஆனாலும் நல்ல கவிதைகள் என்று நான் நினைப்பதை அனலைஸ் பண்ண எனக்கு பிடிக்கும். ஆங்கில இலக்கியம் படிக்கும் போது இது தானே தொழில்! ஒரு சொல்லுக்கே, இல்லாததும் பொல்லாததுமான மீனிங் கண்டுபிடிச்சு சண்முகநாதன் மிஸ்ஸின் மண்டை காய வைப்போம்!
Robert Frost இன் கவிதைகளை பற்றி முன்னரும் சொல்லியிருந்தேன். சிம்பிளான உருவகக்கவிதைக்கு பின்னாலே ஒரு காவியமே இருக்கும். அவ்வளவு விஷயம் உள்ளவர். ஆனால் Frost கொஞ்சம் feel good ரக கவிஞர் இல்லையா! இந்த கேதா இதே ஒருவகத்தை எடுத்து ஒரு கவிதை எழுதியிருக்கான்.
காற்றில் ஒடிந்த தளிர்கள்”  என்ற சாதாரண கவித்துமான தலைப்பு! முதலின் என்னை கவரவில்லை. வாசிக்க வாசிக்க, கவிதை வேறு ஒரு தளத்தில் விரிந்தது. தொடக்கமே அமர்க்களம்!
“அந்த தரிசில் கூட கொஞ்சம் ஈரம் இருந்தது
புழுதிமூடிய பூமிக்கடியில் புகுந்து தேடி, நீரைஉறிஞ்சி
வளரும் மரங்கள் அங்கே வேர்விட்டிருந்தன
தரிசில் தெரிந்த பசுமை
காற்றின் கண்களை குத்தியிருக்கவேண்டும்
மெல்ல மெல்ல தரிசின் மீது வீச தொடங்கியது
தன் பெருநிலத்தின் களைகளின் விதைகளை
தரிசின் நாணல்களிடையே தூவிப்போனது”





முழுக்க வாசிக்க இங்கே போங்க!
கவிதையை வாசித்துமுடிக்கும் போது கால் பண்ணினான்.
“அண்ணே வாசிச்சிட்டீன்களா”
“ஓமடா”
“ஏதாவது புரியாம இருக்கா”
“புரியாதது என்பது எது என்று தெரிந்திருந்தால் அது புரிந்ததாகிவிடுமே!”
“ஆரம்பிச்சாச்சா? முதல் stanza வில என்ன சொல்றன் எண்டு நினைக்கிறீங்க?”
“கிழக்கிந்திய கம்பனியை பற்றி கிழி கிழின்னு கிழிச்சு இருக்கிறே!, நாங்க கண்டுபிடிச்சுடுவோம்ல!!”
“What the f@#k!! … கிழக்கிந்திய கம்பனியா??”






இந்த வார பாடல்

“Ek Deewana Tha” ரகுமான் மீண்டும் எம்மை கொலை செய்ய முனைந்திருக்கிறார்.  நாங்கள் பல்கலைக்கழகத்தில் அசைன்மன்ட் செய்யும்போது சீனியர்கள் செய்ததை எடுத்து கொஞ்சம் கட்டிங், டிங்கரிங் செய்து கொடுக்கும் போது, சிலவேளை ஒரிஜினலை விட அதிகம் புள்ளிகள் எடுப்பதில்லையா? இதுவும் அந்த வகை. தமிழில் “விண்ணை தாண்டி தருவாயா” இசைக்கு தொண்ணூறு புள்ளிகள் என்றால் ஹிந்திக்கு நிச்சயம் தொண்ணூற்றைந்து புள்ளிகள் கொடுக்கலாம். “அன்பில் அவன்” பாடலுக்கு ஹிந்தியில் சந்தம் அருமை. குரல் ஸ்ரேயா கோஷல். வேண்டாம் எழுதிக்கொடுக்க அத்தனை சொத்து இல்லை!
277005xcitefun-ek-deewana-tha-stills-8
“கண்ணுக்குள் கண்ணை” என்ற பாடல் இன்னொரு திருடா திருடா! மன்னிப்பாயாவில் மதுஸ்ரீ. அழகாக தான் பாடியிருக்கிறார். ஆனாலும் எங்களுக்கு ஸ்ரேயா கோஷல் இளையராஜா போல! இணையற்றவர்!!
ரகுமானின் இந்த ஆல்பத்தில் படத்தின் ட்ராக் இசையும் இருக்கிறது. VTV பார்த்து அந்த இசையை கேட்டு, அதை ஜீரணித்துக்கொள்ளமுடியாமல் தினமும் தண்ணி அடிக்கும் நண்பர்களை கேட்டால் சொல்லுவார்கள். அந்த ட்ராக் இசை எப்படி ஒரு உயிர்கொல்லி என்று! இப்போது அதுவும் ஆல்பத்தில். உங்களுக்கு காதலி இருந்திருந்தால் தயவு செய்து கேட்காதீர்கள்!
இதை விட காதலர் தின ஸ்பெஷல், ரகுமானின் மொஹாபட் பாடல். அவருடைய Taj Anthem போன்ற ஒரு பாடல். ரகுமானின் குரலில் தான் எத்தனை பக்குவமும் முதிர்வும். முடியும் சுரங்களில் அழகான fading சங்கதிகள். அப்படி நுணுக்கமாக,  இயல்பாக, அனாயசமாக சங்கதி சேர்த்து பாடுவது ரகுமானுக்கு புதுசு (உடனே அந்த/இந்த பாடலில் அப்படிப்பாடினார் என்று சொல்லவேண்டாம். இந்த பாடலையும் ஹிந்தி மன்னிப்பாயையும் ரிலாக்ஸ் ஆக கேளுங்கள். ப்ளீஸ்!). தமிழில் சுசீலாவும் ஹரிஹரனும் இந்த வகை அனாயச சங்கதிகளை இயல்பாக விழுத்துவார்கள்.  சின்ன சின்ன ஆசையில் ஏலேலோ பாடிய குரல், ஆத்தங்கரை மரமேயில் கோரஸ் பாடிய குரல், இந்த இடத்தில் வந்து நிற்கிறது. அவரோடு சேர்ந்து அவர் குரலும் வளர்ந்தே வந்திருக்கிறது!
என்ன மயிர் கூச்செறிகிறதா? சிங்கப்பூரில் அவரின் இசை நிகழ்ச்சிக்கு கஜனும் நானும் போனோம். அவர் மேடையில் தோன்றும் போது கண் கலங்கியது என்றால் ரோஜர் பெடரர் போல அழுகிறேன் என்று சிரிப்பீர்கள். அவர் சந்தொஷக்கண்ணீரே என்று பாடும்போது …
என்னடா கவலை எனக்கு? … நீ இருக்கும் போது!

ஹாட் நியூஸ்

எனக்கென்னவோ, சாய்பாபா, நித்தியானந்தர் போன்றவர்களை இறைவனின் அவதாரங்களாகவே பார்க்கிறேன். எம்மில் ஒரு கெட்ட பழக்கம், பக்கத்தில் கடவுள் இருந்தாலும் கணக்கில் எடுக்கமாட்டோம். அவன் சிலவேளை கனகரத்தினம் மாஸ்டர் என்று ஒரு கதை எழுதி காட்டினாலும் facebook இல் ஷேர் பண்ணமாட்டோம்! ஆனால் எங்கோ இருக்கும் லிங்க் எல்லாம் ஷேர் பண்ணுவோம்.
அந்த காலத்தில் ஆண்டாளின் நாச்சியார் திருமொழிகள் வாசித்து பார்த்தேன். ஆண்டாளை பார்த்தால் அறுசீர் ஆசிரிய விருத்தம் தெரிந்த ரஞ்சிதா போலவே தெரிகிறார்!  நல்ல காலம் அந்த காலத்தில் சண் டீவி இருக்கவில்லை. இருந்திருந்தால், சுந்தரர், ஆண்டாள் வகையறாக்களை நக்கீரனில் காசு கொடுத்து தான் பார்த்திருக்க முடியும்!!!
niththyவானிடை வாழுமவ் வானவர்க்கு

மறையவர் வேள்வியில் வகுத்தஅவி,
கானிடைத் திரிவதோர் நரிபுகுந்து
கடப்பதும் மோப்பதும் செய்வதொப்ப,
ஊனிடை யாழிசங் குத்தமர்க்கென்று
உன்னித் தெழுந்தவென் தடமுலைகள்,
மானிட வர்க்கென்று பேச்சுப்படில்
வாழகில் லேன்கண்டாய் மன்மதனே.




அர்த்ததத்தை கொஞ்சம் லோக்கலாக சொல்லவா? கொஞ்சம் சாருத்தனம் இருந்தால் நான் அவன் இல்லை!
தேவர்களுக்கு செய்த வேள்வியில் படைத்த நெய்யையும் இன்ன பிற பண்டங்களையும் காட்டு நரி ஒன்று எப்படி வேள்விக்குண்டத்தின் குறுக்கும் நெடுக்கும் பாய்ந்து, மோப்பம் செய்து, நக்கி உண்ணுமோ அப்படி இறைவர்க்கெல்லாம் இறைவனே! மன்மதனே, நீயும், ஊன் இடையாழின் சங்குத்தமர்க்கென்று உன்னித்தெழுந்த என்தட முலைகள், மானிடவர்க்கென்று பேச்சுப்படில் வாழகில்லேன் கண்டாய்!
அடடே, “சந்திரன் மாஸ்டர்” பதிவை சங்கத்தமிழில் எழுதியிருந்தால் இலக்கியம் என்று நான் இறந்த பிறகு போற்றியிருக்கலாம்!
கடவுள் இருக்கிறார்!


17 comments :

  1. இது பதிவு சார்!!!அம்மாடி எம்புட்டு மேட்டரு!!எந்தளவு கலவை`~!!
    இப்பிடியான பதிவுகளை திரட்டிகள் முன்னிலைப்படுத்துதல் அவசியம்!

    ReplyDelete
  2. சாருவோட எக்ஸைல் நாவல் படி மாப்பிளை செம தூக்கல்,
    நாசரோட அந்த நிகழ்ச்சியை நானும் பார்த்தேன், அவர் கதை சொல்ல சொல்ல நானும் 1995 இல் இடம்பெயர்ந்து தங்கியிருந்த சாவகச்சேரிக்கு போய் வந்தேன்,அப்போ ரிலீசாகியிருந்த அவரோட அவதாரம் பாட்டு " தென்றல் வந்து தீண்டும் போது என்ன வண்ணமோ" பாட்டை அடித்தொண்டை குரலில் பாடித்திரிந்தது தென்றலாகி வீசிச்சென்றது.

    மேரி கொல்வினை எந்த தமிழனும் மறக்ககூடாது.தமிழ் ஊடகவியலாளர்கள் தமிழ் மக்களுக்காக ஆற்றாத சேவையை அவர் செய்திருந்தார்.2001 ஓமந்தை காட்டுப்பகுதியூடாக வன்னிக்குள்லே சென்ற போது கிரனைட் தாக்குதலில் அவரின் கண்களை இழந்தாலும் அவரின் விடாத சேவை இன்று வரை தமிழ் மக்களுக்காக ஆற்றீ இருந்தார் ,தமீழத்தின் உயரிய மாமதனிதர் விருத்துக்கு தகுதியானவர் அவர்.அவரின் ஆத்மா சாந்தியடைய பிரார்த்திப்போம்.

    சச்சின் மட்டும் 100 வது 100 அடிச்சிட்டால் இந்த ஓய்வு என்ற விடயல் அடிபட்டு போகும் என்ரு நினைக்கிறேன்.ஆனாலும் ஒரு அணி தனி மனிதனை நம்பியிருக்ககூடாது,இளையவர்களை வழிநடத்தி வழி விட வேண்டும் அதுவே அவருக்கு அழகு.

    மச்சி படம் எவ்வளவு அருமையான காதல் கதை மனதை வருடிய திருடிய படம் ஆனா ஹிந்தியில Ek Deewana ஊத்திகிச்சாம்டா, அதிலும் ஹிந்தி ஊடகங்கல் ரொம்ப கய்வி கய்வி ஊத்த்தியிருக்கானுக,என்ன ரகுமானைப்பற்றீ விமர்சிக்கவில்லை,அவரின் இசை அந்த படத்துக்கு உயிர் கொடுத்திருந்தது என்றே சொல்லலாம்.

    படலையை திறந்து வாற பயபுள்ளைகளுக்கு நீ படைச்சிருக்கிற அன்னாதானம் புடிக்கலைன்னாலும் கடைசி அய்ட்டம் புடிக்காணூமெண்டு பாயாசத்தை அள்ளி ஊத்தியிருக்கிறார் கஜூ,முந்திரி,பாதாம் எல்லாம் கலந்து..அதுக்காகவே லைக் பண்ணீடுவாங்க மாம்ஸ்..

    ReplyDelete
  3. > சக்திவேல்: ஐயன்மீருக்கு free time நிறையக் கிடைக்குது போல :-)

    ஐயோ ஐயோ ஐயையோ. நான் வம்புக்கு வர்ல பாஸ், வுட்டிருங்க.

    (என் தமிழுக்கு என்ன நடந்தது? ஈழத் தமிழிலே எழுதுங்கோ என்று அப்பப்ப comments போடுவேனே :-))

    ReplyDelete
  4. நாமெல்லாம் சாமியாராக முடியாதா? (camera /video camera) அனுமதியில்லை.

    ReplyDelete
  5. சக்திவேல்: சாரு, என்ரை blog ஐ மலையாளத்தில் மொழிபெயர்த்துப் போட்டால் எனக்கு மலையாளக் கரையோரம் சிலை வைப்பாங்களா? இல்லாட்டி ஸ்பானிஷ் இல மொழிபெயர்க்கவா?
    (சாரு தலைதெறிக்க ஓடுகிறார்)

    ஜெமோ: ஈழத்தில இரண்டே இரண்டு bloggers தான் உண்டு. ஒன்று ஜேகே, மற்றது சக்திவேல். இதைச் சொன்னால், ஈழத்து வாசகர்கள் உணர்ச்சி வயப்படுகிறார்கள். விமர்சங்களைத் தாங்கமுடியாத ஈழத்து வாசகர்கள். இந்தியத் தத்துவ ஞான மரபிலே சொல்லப்போனால் ......

    (எல்லோரும் தலைதெறிக்க ஒடுகிறார்கள்)

    ReplyDelete
  6. சில வீரர்கள் விளையாட்டின் போக்கையே மாற்றி விடுகிறார்கள். லாராவும் சச்சினும் துடுப்பெடுத்தாடும் பொது கிரிகட் தெரியாதவன் கூட ரசிக்கமுடியும். அதிலும் இவர்கள் ஆட்டமிழக்கும் போது எதிரணிக்காரன் கூட கொஞ்சம் கவலைப்படுவான். அரவிந்த ஒய்வுபெற்றபோதும், முரளி விடைபெற்றபோதும், ஜெயசூரியா போகமாட்டன் எண்டு அடம்பிடிச்சு அழ, இனி காணும் எண்டு இருத்தினபோதும் இனி என்னத்த பார்க்கிறது எண்டு நினைச்சிருக்கிறன். ஆனால் மகேல, சங்கா, மாதியூஸ், மாலிங்க இப்ப புதுசா சுள்ளான் சந்திமால் எண்டு பெடியள் தொடர்ந்து பார்க்க வைக்கிறாங்கள்.

    தலைவர் தோணி வந்தபிறகு இந்தியாவும் நல்லாத்தான் இருக்கு. நாகம் படுத்திட்டால் நாக்கிளிப்புழு எல்லாம் படமெடுத்தாடுமாம். சச்சின் பாண்டிங் எல்லாம் ஓய்வெடுத்தா நல்லது, இல்லாட்டி ஊரில டெனிஸ் பந்தில விளையாடினவன் எல்லாம் அட்வைஸ் பண்ண தொடங்கிடுவான்.

    ReplyDelete
  7. எல்லாம் சரி நல்ல கலவை but
    ''இலங்கை அணியை சப்போர்ட் பண்ண, விளையாட்டை விளையாட்டாக பார்க்கும் பக்குவம் மற்றவர்களை போல எனக்கு இல்லை! இலங்கை அணிக்கும் இல்லை!"
    how can you say இலங்கை அணிக்கும் இல்லை!
    இப்ப எங்கட ஆட்கள் அவுஸ்திரேலியாவில கொடி பிடிக்கினமாம் இலங்கைக்கு தான் எதிரியாம் பிறகு என்னத்துக்கு புலிக்கொடி ?

    ReplyDelete
  8. மைந்தன் சிவா ..நன்றி!! திரட்டிகள் கவனிக்கணுமா? என்ன இது உள்குத்தா?!

    ReplyDelete
  9. மன்மதகுஞ்சு!!
    சாருவோட சீரோடிக்ரீ வீட்டுக்கு தெரியாம ஒளிச்சு வைச்சு வாசிக்கவேண்டி வந்திட்டுது... அதுக்க Exiled வேறயா? பார்ப்பம் பாஸ்!!

    ReplyDelete
  10. சக்திவேல்! சில தமிழ்களுக்கு அதற்கே உரிய அழகு இருக்கு... எந்த தமிழ் என்பது முக்கியம் இல்லை என்பது அடியேன் சாதாரணனின் எண்ணம்( இப்பெல்லாம் தன்னடக்கமா இருந்தா பெரியா ஆளு இல்ல!!) .. ஹ ஹ ஹ ஹ
    //நாமெல்லாம் சாமியாராக முடியாதா? (camera /video camera) அனுமதியில்லை.//
    உங்கள கூட அரசியல்வாதி ஆக்கீட்டான்களே (முதல்வன் கிளைமாக்ஸ் வசனம்)

    ஜெமோவை நல்லா வாசிச்சு இருக்கீறீங்க!! ஆனாலும் அவர் தன் கருத்தை mathematical ஆக நிறுவும் திறமை கொண்டவர்! அதிலும் சிக்கலான முயலுக்கு மூன்று கால் மாட்டர் எல்லாம் இந்திய தத்துவஞான மரபுப்படி நிறுவுவார்!! அனல்காற்று வாசிச்சன் .. இப்பெல்லாம் அதிகம் போறது இல்ல!!

    ReplyDelete
  11. கேதா .. மகேல, சங்கக்காரா போன்றவர்கள் சிறந்த வீரர்கள் என்பதில் மாற்றுகருத்து இல்லை. ஆனால் அதை ரசிக்கும் பக்குவம் இல்லை. யார் நன்றாக ஆடினாலும் பார்ப்பது இல்லை. சிம்பாவே அணியில் டேய்லர் மிக அருமையாக ஆடுகிறார். என்னால் அவரை சச்சினை ரசிப்பது போல ரசிக்க முடிவதில்லை!! என் கிரிக்கட் ரசனை பருவம் முடிந்துவிட்டது போல ... வயது காரணமில்லை... ஆர்வம இப்போதெல்லாம் டென்னிஸ் இல் அதிகம்..

    ReplyDelete
  12. //''இலங்கை அணியை சப்போர்ட் பண்ண, விளையாட்டை விளையாட்டாக பார்க்கும் பக்குவம் மற்றவர்களை போல எனக்கு இல்லை! இலங்கை அணிக்கும் இல்லை!"
    how can you say இலங்கை அணிக்கும் இல்லை!//

    அதானே சொல்லீட்டனே எனக்கு பக்குவமே கிடையாது பாஸ். மருண்டவனுக்கு இருண்டதெல்லாம் பேய் எண்டு சொல்லுவாங்க! இலங்கை அணி, தங்கள் சம்பளத்தை இராணுவத்துக்கு கொடுத்தததையும், முரளி, தன்னை சகவீரர்கள் நன்றாக நடத்துவதோடு தமிழ்/சிங்கள பிரச்னையை ஒப்பிட்டது, சங்கக்காரா லார்ட்ஸில் தீவிரவாதத்தை வெற்றி கொண்டது பற்றி பேசியது இப்படி பல விஷயங்களை பாழும் மனசுக்கு விளையாட்டாய் எடுக்க முடிவதில்லை.

    அதெல்லாம் மறந்து, களத்தில் இருக்கும் அணியை கிரிக்கட்டாய் எப்போது பார்த்து ர்சிக்கும் பக்குவம் வரும்போது, இலங்கை, கென்யா, கொங்காங் அணிகள் விளையாடும்போதும் கண்விழிந்து ரசிக்கலாம்!

    பார்ப்போம்!

    மற்றபடி புலிக்கொடி காட்டியவனின் உணர்வு அவன் அதை வெளிக்காட்டும் பாணி... அவன் கோபம் எனக்கு தெரியாது. அது தப்பா சரியா என்றும் தெரியாது. ஆனால் வெளிநாட்டு அணிகள் வரும்போது அதன் எதிர்ப்பை காட்டுவது கிரிக்கட்டில் தென்னாப்பிரிக்கா சிம்பாப்வே முதல்கொண்டு நடந்திருக்கிறது...

    ReplyDelete
  13. அன்பிலார் எல்லாம் தமக்குரியர் அன்புடையார்
    என்பும் உரியர் பிறர்க்கு.

    Is this some way refers the following?

    "The grieving mother of the war correspondent killed last week in a rocket attack in Syria said Tuesday that she and her family "won't rest" until her daughter's body is brought home to Long Island."

    ReplyDelete
  14. ஆண்டாளை பார்த்தால் அறுசீர் ஆசிரிய விருத்தம் தெரிந்த ரஞ்சிதா போலவே தெரிகிறார்!

    //இந்த வார்த்தைக்காக நீங்கள் மன்னிப்பு கேட்க வேண்டும்

    ReplyDelete
  15. @Mohan ..

    //Is this some way refers the following?//
    Not sure in which context you ask that question.

    But Colvin's partner sent a message saying she had always been concerned about the living and "please let no more people die ... for her body".

    Does that answer a bit?

    Reference : http://www.heraldsun.com.au/news/breaking-news/marie-colvin-died-trying-to-retrieve-her-shoes/story-e6frf7jx-1226281813013

    ReplyDelete
  16. @samuthra

    எதற்காக மன்னிப்பு கேட்கவேண்டும் அல்லது எது தப்பு என்று சொன்னால் திருத்திக்கொள்ளுவேன்.

    புராணத்தில் வரும் அறுசீர் விருத்தமும், நித்தியானந்த மட காட்சியும் ஒரு தளத்தில் தான் இருக்கின்றன. ஒன்று புனிதம் என்றால் மற்றயதும் தான். ஒன்று அசிங்கம் என்றால் மற்றயதும் தான்.

    ஐநூறு வருஷங்களுக்கு முன்னர் எழுதியதை இலக்கியம் என்று கொண்டாடும் நாம் அதே விஷயத்தை அண்மையில் நடத்தையில் அசிங்கம் என்று சொல்லி மன்னிப்பு கேட்க சொல்வதில் என்ன ஞாயம்?

    That's the subtext of that post! If it was still offending you, I offer my sincere apologies...

    ReplyDelete
  17. JK,
    I should have been bit more clear, I was hurry yesterday, did not write clearly. Yes, you and me are referring the same. Her mother and family wants her body for funeral but she always thought about others safety. In other words, she gave everything including her body.

    Mohan

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே