வியாழ மாற்றம் 26-04-2012 : எங்கள் புருவங்கள் தாழ்ந்துள்ளன


டேய் ஜேகே

Sushmita-Sen-157சுஷ்மிதா சென்,
டெல்லி
எங்கள் தூதுக்குழு வருகையை பற்றி என்ன நினைக்கிறீர்கள் ஜேகே? தமிழ் பத்திரிகைகள் எல்லாம் நான் தமிழருக்கு ஆதரவாய் பேசியதையும் தீர்வுக்கு அழைப்பு விடுத்ததையும் பாராட்டியிருக்கின்றனவே! பல இலங்கை அமைச்சர்களின் கண்ணில விளக்கெண்ணைய விட்டு ஆட்டிடோம்ல! 

விளக்கெண்ணெய்! டெல்லி போய் சுருதி லைட்டா மாறிக்கேட்டுதே சுஷ்மா! யாராவது தமிழரை பார்த்து ஹாய் சொன்னாலே சந்தோஷப்படும் அளவுக்கு “எங்கள் புருவங்கள் தாழ்ந்துள்ளன!” அதனால உங்களை எங்கட ஆட்கள் பாராட்டினதுல ஆச்சரியம் இல்லை! ஆனால் விளக்கெண்ணைய சத்தம் போடாம உங்கட கண்ணுல விட்டது உண்மையிலேயே இலங்கை அரசாங்கமே தான்! இந்தியா ஜெனீவா தீர்மானத்துக்கு ஆதரவாக வாக்களித்ததுக்கு காரணம் யுத்தக்குற்றங்கள் அல்ல என்பதை, நீங்கள் அதை வலியுறுத்தாதன் மூலம் நிரூபித்துவிட்டீர்கள். இது போதும் அரசாங்கத்துக்கு!
இதை விட முக்கிய விஷயம் அரசியல் தீர்வு நகர்வு பற்றிய உங்கள் கருத்து! பாராளுமன்ற தெரிவுக்குழுவில் இணையுமாறு அரசாங்கம் கூட்டமைப்பை சேருமாறு கேட்க, இன்று வரை கூட்டமைப்பு கண்டிப்புடன் அதை மறுத்தே வருகிறது. அதற்கான காரணங்களும் தெளிவானவை!தெரிவுக்குழு என்பது திருநெல்வேலி ஒரிஜினல் அல்வா என்று ஐஸ்வர்யாராய் பொண்ணுக்கு கூட தெரியும்! ஆனால் நீங்கள் என்னவென்றால் “கூட்டமைப்பை கன்வின்ஸ் பண்ணி அழைத்துவரவேண்டியது அரசின் கடமை” என்று அறிக்கை விட்டிருக்கிறீர்கள். அது அரசாங்கத்தை சாடுவது போல மேலுக்கு தெரிந்தாலும் மறைமுகமாக தெரிவுக்குழுவை நீங்களும் ஏற்றுக்கொள்ளுகிறீர்கள் என்று அர்த்தப்படுகிறது இல்லையா? “தெரிவுக்குழு தேவையில்லை, கூட்டமைப்புடனேயே நேரடிப்பேச்சுவார்த்தை நடத்தவேண்டும்” என்ற கூட்டமைப்பு கோரிக்கையை புத்தியாக மறந்துவிட்டீர்கள். இப்படியே போனால், அடுத்த வருட தூதுக்குழுவில் வரப்போகும் தீபிகா படுகோன், “அரசு சொல்லுவது படியே தெரிவுக்குழுவில் இணையுங்கள்” என்று கூட்டமைப்புக்கு அழுத்தம் கொடுக்க, கூட்டமைப்பும் “இராஜதந்திர நகர்வாக” அதை மேற்கொள்ள .. வெயிட் .. ஹலோ .. யாரு .. மேகலாவா? அரசியல் படலைல வேண்டாமா .. இது சுஷ்மிதா சென்னோட .. ஓகே ஓகே!

சம்பந்தர், விடமேறியோன்!
திருகோணமலை
இலங்கையனாய் இறப்பதில் பெருமை கொள்ளுகிறேன்! எவ்வளவு பெருமையாக இருக்கிறது தெரியுமா?
கேள்விப்பட்டேன். சுஷ்மிதா சென்னும் கேட்ட உடனேயே வந்து ஆரத்தழுவினாங்களாமே? உங்க ராஜதந்திரத்துக்கு ஒரு அளவே இல்லையா பாஸ்? எவனாவது ராஜதந்திரம் என்ற சொல்லுக்கு மீனிங் சொல்லுங்கடா நகுல பாண்டிகளா! தல கன்பியூஸ் ஆகுதில்ல?
உங்களுக்கு என்னைய மாதிரி பயல் எல்லாம் அட்வைஸ் பண்ணுற நிலைமையை பார்க்க எனக்கே கண் கலங்குது! சொல்லவேண்டியத சொல்லுறன்! ஐயா, தமிழர்கள் தீர்வுக்கு முட்டுக்கட்டை போடவில்லை, உண்மையாக தான் இருக்கிறார்கள், தவறு விடுவது அரசாங்கம் தான் என்று காட்டுவதற்கு இல்லாத டகால்டி வேலையெல்லாம் செய்கிறீர்கள்! ஆனால் எவ்வளவு கூவினாலும் அவன் தரமாட்டான் ராஜா!  ஒருத்தன் அந்தா உருவு உருவுறான் .. அட்லீஸ்ட் அத பிடிச்சுக்கொண்டாவது கத்துவீங்களா? பாஞ்சாலி போல கையை கூட விட்டுபுட்டு “ஐய நின் பாத மலரே சரண்” பாடுறீங்க … கிருஷ்ணா இப்பெல்லாம் ரொம்ப பிஸி பாஸ்!!

sujathaசுஜாதா, வைகுண்டம்
ஜேகே உன்னோட “ஆறா வடு” நூல் விமர்சனம் வாசிச்சன்!  நீ என்ன பெரிய “இவனா?”. நாவல வாசிச்சமா, நல்லா இருக்கா என்று ரெண்டு கமெண்ட் போடாம, எதுக்கு போயி trasngressive, foreshadowing என்று பீட்டர் விடுறாய்? ஆடிக்கொருக்கா ஆவணிக்கொருக்கா வரும் புத்தகங்களை கூட இப்படி ஏதாவது எழுதி தொலைச்சிடுவீங்க! வெளங்கிடும் தமிழ் இலக்கியம்!
மன்னிச்சுக்க வாத்தியாரே! கொஞ்சம் ஓவரா போயிட்டமோ? விமர்சனம் வாசிச்சிட்டு ஒரு பத்துபேராவது புத்தகத்தை ஒர்டர் பண்ணியதா ஈமெயில் அனுப்பினாங்களே! நான் நல்லாத்தானே எழுதினேன்! சந்தர்ப்ப சாக்கில் சில  நாவல் உத்திகளை விளங்கப்படுத்த அந்த பதிவை பயன்படுத்தினேன் அவ்வளவே. இதுக்கு போயி என்னைய திட்டலாமா? ஒரு கலைஞன் விமர்சிக்கப்படுவது நல்லது தானே. அது சரி சயந்தனின் “நீளப் பிரபுக்கள்” என்ற நேற்றைய சிறுகதை வாசிச்சீங்களா? “ஒரு கக்கூசு கட்டியது குற்றமாய்யா..?” என்று நம்மளையும் சைட்டோட சைட்டா கலாய்ச்சு இருக்கிறார்! பின்னவீனத்துவத்துல எழுதினாலும் பிடிச்சிடுவோம்ல! தக்காளி எங்களுக்கேவா!!

nithya-menon-2-1நித்யா, பாலக்காடு
ஜேகே .. ஞான் பிரேமம் கொண்டேன் எண்டு எப்படி அறியுமாக்கும்?

ம்ஹும் .. ம்ஹும் .. காதல்! பெண்ணுக்கு காதலா? மௌனராகம் படம் தெரியுமா? அதுல “சின்ன சின்ன வண்ணக்குயில்” என்று ஒரு ஜானகி பாட்டு இருக்கு! கண்ணை மூடி கேட்டுக்கொண்டே அப்பிடியே சரணத்துக்கு தாவுங்க! “மாலை சூடி .. ம்ம்ம்ம் … மஞ்சம் தேடி ம்ம்ம்ம்“ என்று ஒரு இடம் வரும். கேட்கும் போது அடிவயிறு பிசையுதா? பாட்டை அதுக்கு மேலே கேட்கமுடியாம நிறுத்தணும் போல இருக்கா? Then you are in love!


here_I_am_boy_cartoonவாலிபன், அதேன்ஸ்!
சூப்பர் ஆன்சர் அண்ணே! அப்பிடியே எனக்கும் காதல் வந்தா எப்படி கண்டு பிடிக்கிறது எண்டு சொல்லுறது?
டேய் .. உனக்கு காதல் வந்தா தான் கவிதை கவிதையா எழுதித்தள்ளுவியே! அமெரிக்கன் மெட் டிபார்தட்மென்ட் வேற பொண்ணுங்களுக்கெல்லாம் தனியா சுனாமி வார்னிங் கொடுக்குமே!!

10xsxew
மன்மதகுஞ்சு, வவுனியா
தல, சென்றவாரம் நான் எழுதின ஜட்டி” கவிதைக்கு ரெஸ்பான்ஸ் எப்படி? கண்ணதாசனுக்கு பிறகு நான் தான் என்கிறாங்க! இதையெல்லாம் தலையில ஏத்திறதா விடுறதான்னு தெரியலடா!
உன்னய மொதல்ல லாரில வச்சு ஏத்த போறாங்கடா! பொண்ணுங்க எல்லாம் அந்த கவுஜக்கு பிறகு படலை பக்கமே வரல தெரியுமா? “ச்சீ ஜேகே நீங்க சுத்த மோசம்” என்று பாக்கியராஜ் படத்தில வர்ற வசனம் எல்லாம் ஈமையிலில வருது! கஷடப்பட்டு கட்டின வீடடா இந்த படலை! பத்த வச்சிடாதடா பரட்டை!

இந்த வார புத்தகம் “The White Tiger”

whitetigerஎனக்கொரு கெட்ட பழக்கம் இருக்கிறது. புக்கர், புலிட்சர் பரிசு வென்ற புத்தகங்கள், ஓரளவுக்கு ஆசிய கலாச்சாரம் ஒட்டிய கதைகளம் என்றால் வாங்கிவிடுவேன். தக்காளி எதுக்கு தான் அப்பிடி ஒரு விருது குடுக்கிறாங்கள் என்ற ஆர்வம் தான். அத்தோடு என் ரசனைக்கேற்ற ஆங்கிலப்புத்தகங்களை அறிமுகம் செய்யக்கூடிய நண்பர்களும் பக்கத்தில் இல்லை. இப்படிப்பட்ட தேடல் சில நேரங்களில் சில வைரங்களை கொண்டுவரும். சிலநேரங்களில் பித்தளை தான். அப்படி அண்மையில் வாசித்த ஒரு பித்தளை தான் “The White Tiger”. ஆஸ்திரேலியாவில் பிறந்து சென்னையில் வளர்ந்த அரவிந்த் ஆதிகா எழுதிய நாவல்.
இந்தியாவுக்கு விஜயம் செய்யும் சீன அதிபருக்கு, பெங்களூரில் ஒரு சின்ன கோர்ப்பரேட் ட்ரான்ஸ்போர்ட் கம்பனி நடத்தும் அசோக் சர்மா aka பலராம் எழுதும் கடிதம் தான் நாவல். அது சும்மா உத்திக்காக. கதை என்னவோ வழமையான சேட்டன் பகத் வகை கதை தான். போதிகாயாவுக்கு அருகே உள்ள குக்கிராமத்தில், இனிப்புகள் செய்யும் கீழ் சாதி(?)யில் பிறக்கும் ஒருவன், எப்படி ட்ரைவராகி, ஒரு கட்டத்தில் தன் முதலாளியையே கொன்றுவிட்டு, பணத்தை எடுத்துக்கொண்டு பெங்களூர் வந்து பிசினஸ் செய்வது தான் லைன். இப்படி வளருவதற்கு என்னென்ன தகிடுத்தனங்கள் செய்யவேண்டியிருக்கிறது, எந்த வித தார்மீக நெறிகளும் இருக்கக்கூடாது என்று சொல்லும் பத்தோடு பதினொன்று வகை நாவல். டிரைவர்கள் வாழ்க்கையை ஓரளவுக்கு டீடைலாக சொல்லியிருக்கும் நாவல். கொஞ்சம் மைக்ரோஸ்கோப் வைத்து பார்த்தால் இது தான் விகாஸ் சோப்ரா எழுதிய Q&A நாவலின் கதையும் கூட. சேட்டன் பகத்தின் “Revolution 2020” கதையும் இது தான். அயர்ச்சி! கீ.ரா, சுஜாதா, புதுமைப்பித்தன் போன்றோர் ஆங்கிலத்தில் எழுதாததால் போனவன் வந்தவன் எல்லாம் புக்கர் வாங்கிக்கொண்டு இருக்கிறான்! பெஸ்ட் செல்லர் கொடுக்கிறான்!
இந்த நாவலில் கவனத்தை ஈர்த்த ஒரு சம்பாஷனை வருகிறது. வட இந்தியர்கள், பெங்களூர்காரர்களை பற்றி பேசும் வசனம் இது!
“One in every three new office buildings in India is being built in Bangalore. It is the future.”
“Fuck all that. I don’t believe a word. The south is full of Tamils.You know who the Tamils are? Negroes. We’re the sons of the Aryans who came to India. We made them our selves.And now they give us lectures. Negroes”
இந்த புத்தகம் எழுதப்பட்டது 2008இல். அலுவலகத்தில் ஹர்ஷாலிடம் காட்டி “இப்படித்தான் வட இந்தியர்கள் நினைப்பார்களா?” என்று கேட்க, “ஒரு காலத்தில், ஆனால் இப்போது நிலைமை மாறிவிட்டது, என்னுடைய நெருங்கிய நண்பர்கள் எல்லோரும் தென் இந்தியர்களே ..ஈவின்  நீ உட்பட” என்றான். நான் இந்தியன் இல்லை என்று மீண்டும் ஒருமுறை சொல்ல விழைந்தாலும், அட இலங்கையனாக சாவதிலும் அவ்வளவு பெருமை இல்லை என்பதால் பேசாமல் விட்டுவிட்டேன்!
இந்த குப்பைக்கு எப்படி புக்கர் கிடைத்தது என்று ஒரு சின்ன ரிசேர்ச்! அரவிந்த் டைம்ஸ் பத்திரிகையில் வேலை பார்த்திருக்கிறார். நூல் வெளியானவுடன், வெள்ளைக்காரன் ஆகா ஓகோ என்று இரண்டு வரி எழுதியதோடு மட்டுமில்லாமல் புத்தகத்தை பதித்தும் வெளியிட, அவ்வளவு அங்க இங்க ஆளை பிடிச்சு புக்கர் வாங்கியாச்சு. சாகித்திய அக்காடமி ஒன்றும் உலகில் தனித்து இயங்கவில்லை!

இந்த வார காமெடி!

சுகிந்தன் அண்ணா நேற்று “ஜேகே டேய், நீ ஏதும் கவித அது இதுன்னு அழும்பு பண்ணினால் நான் அதையெல்லாம் தாண்டி பாய்ஞ்சு அடுத்த ஐட்டத்துக்கு போயிட்டே இருப்பேன். அதனால தான் போனவார ஜட்டியை மிஸ் பண்ணீட்டேன்” என்றார்! இப்படி இன்டர்வெலுக்கு எஸ்கேப்பாகுபவர்கள், சீரியஸ் விஷயங்களை படிக்காமல் ஹன்சிகா, நித்யா மேனன் மாட்டர்களை தேடுபவர்கள், மன்மதகுஞ்சுவை மட்டும் படிப்பவர்களுக்கு கருட புராணத்தின் படி ஜெயமோகனின் “விஷ்ணுபுரமும்” சாருவின் “தேகம்” நாவலும் தந்து வாசிக்கவைத்து வதையிலேயே வவுத்தாலே போவீர்கள்!!
கொல கொலயா முந்திரிக்கா .. பவர் ஸ்டாரை தொட்டா நீ கத்திரிக்கா!

இதுவும் ஒரு காதல் கதை!

வாலிபனின் “காதல் கவிதை” தொடருக்கு போட்ட கமெண்ட் இது. அவன் கணக்கெடுக்கவில்லை!கொஞ்சம் மெருகேற்றி போட்டிருக்கிறேன்! வாசித்துவிட்டு நீங்களாவது துப்புங்கள்!
nome1நானும் எழுதுறது எல்லாம் கவிதை என்று நினைச்சு கொஞ்ச நாளுக்கு பிறகு வாசிச்சு பார்த்தால் எல்லாமே வெறும் எழுத்துக்குப்பை. சரி இனியாவது கவிதை எழுதுவம் எண்டா, எங்கே அதுவும் ரெண்டு மாசத்துக்கு பிறகு குப்பையாயிடுமோ எண்ட பயத்தில நல்ல கவிதைக்கு கற்பனையை தேடி தேடி ..யாக்கை இழந்து, அழகொடிந்து பூதகணமாகி அது இருக்குமிடம் கைலாயம் கண்டு, புனிதம் வணங்கி காலால் அன்றி தலையால் நடந்து நடந்து உருண்டு பிரண்டு நாக்கு வறண்டு கண்கள் இருண்டு கண்ணீர் திரண்டு தொண்டை உலர்ந்து டேக்ஸ்வில்லர் பாலைவனத்தில இருக்கிற நீர்குட்டையை கண்டு சரி அதை குடிப்போம் என்றால், பக்கத்தில விஷ போத்தல், தக்காளி எவனோ நான் சாகட்டும் எண்டு கலந்தது அறிந்து,  நீயிருந்தால் இறவாமையும் போயிருந்தால் பிறவாமையும் வேண்டி ஆண்டி அமர்ந்திருக்கும் அந்த மலை ஏறினால், அவள் கடைசியில் அங்கே ஓய்யாராமாய்! என்னை கண்டதும் பக்கத்தில் இருந்த நந்தவனத்து போண்டியிடம் கேட்டாள்!
"எம் பெருமானே! தலையினால் நம்மை நோக்கி நடந்துவரும் இவன் யாரோ?"
 
marudhamalai_049மன்மதகுஞ்சு : என்ன எழவோ ஒண்ணுமே புரியல! இதுக்கு டியூட்டி பிரீ ஐடம் தான் அடிக்கணும் .. ரைட்டு! ஓகோ .. மேகலா கதையை பின்நவீனத்துவத்துல மாப்ள எழுதியிருக்கியா? சிங்கமோ எண்டு பயந்து போனன்! தக்காளி நீயி உருண்டு புரண்டு டைம் வேஸ்ட் பண்ணி போன காப்ல அங்க ஒருத்தன் கிடாய் வெட்டி பக்கத்தில ஒக்காந்திட்டான் பார்த்தியா? பேசாம புயப்பக விமானம் பிடிச்சு போயிருக்கலாம்ல! 

இந்த வார பாடல்

சின்னவயதில் ஜெயலலிதா என்றால் “அவள் சும்மா சதிர் போடுவாள், ஒரு டான்ஸ்” என்று தான் எங்கள் ஊரில் சொல்லக்கேட்டு இருக்கிறேன். ஆனாலும் அந்த “டான்ஸ்” இருவருள்ளம் படத்தில் நடித்ததை பலர் சிலாகிப்பதில்லை! ஜெயலலிதாவுக்கு நடிக்க தெரியும் என்று நான் முதலில் அறிந்த படம் தான் சுமதி என் சுந்தரி! 96ம் ஆண்டு வட்டக்கச்சியில், மெசின்(டிராக்டர்) பட்டறியில் பதினாலு இன்ஞ் கருப்பு வெள்ளை டீவியில் ஒருத்தன் அன்டேனா சுழட்ட சுழட்ட, குழம்பி குழம்பி பார்த்த படம்! நடிகையாகவே நடிக்கும் ஜெயலலிதா சாதாரண வாழ்க்கைக்கு ஏங்கி வீட்டை விட்டு வெளியேறி திருட்டுத்தனமாக ஊட்டிக்கு போகிறார். அங்கே சிவாஜியை சந்திக்க, அவரோ இவர் நடிகை என்று தெரியாமல் குசும்பு பண்ண, ஊட்டி சூழலில், ஒரு முதல் தர ரொமாண்டி காமெடி படம்.

பொதிகையில் 97/98ம் ஆண்டளவில் எஸ்பிபி அவர் பாடியதில் பிடித்த சில பாடல்களை தொகுத்து ஒரு நிகழ்ச்சி வழங்கியிருந்தார்.  அதிலே இந்த பாடலும் ஒன்று. சிவாஜிக்கு எஸ்பிபி பாடும் முதல் பாடல். கொஞ்சம் டிஎம்எஸ் பாணியிலேயே பாடுவோம் என்று நினைத்திருக்க, சிவாஜியே தேடி வந்து “நீ உன் பாணியிலேயே பாடு, நான் நடிப்பில் பார்த்துக்கொள்ளுகிறேன்” என்றாராம். அப்படியே பாட, எல்லோருக்கும் இது சிவாஜிக்கு சரிவருமா என்று டவுட். பாடல் வெளிவந்தது. காட்சியில் சிவாஜிக்கு எஸ்பிபி குரல் அச்சு அசலாய் பொருந்தியிருந்தது.  அப்படி ஒரு எக்ஸ்பிரஷனை கொடுத்து நடித்திருந்தார் நடிகர் திலகம்!
சிவாஜி மாதிரி கொடுத்த காசுக்கு மேலே கூவாமல்(!) ஜெயலலிதாவின் மிகவும் நுணுக்கமான சப்டிலான நடிப்பு இந்த பாடலின் மூடுக்கு மிக பொருத்தம். அவர் அசைவுகளில் ஒருவித ரிதமிக் சென்ஸ் இருக்கும். என்ன ஒன்று,  “புன்னகை புரிந்தாள்” என்ற இடத்தில் சிரிப்பு சொதப்பிவிட்டது. பத்தாக்குறைக்கு சிவாஜி “அறக்குளா மீன் அரைக்கிலோ என்ன விலை?” என்று கேட்குமாப்போல ஒரு ரியாக்ஷன் கொடுக்க! முடியல!
கண்ணதாசனின்(அவர் தானே?) குறும்பும் இந்த பாட்டில் தெறிக்கும்!
Jayalalitha_Stills (7)தரையோடு வானம் விளையாடும் கோலம்
இடையோடு பார்த்தேன் விளையாடக் கேட்டேன்!
செவ்வானம் போலே புன்னகைப் புரிந்தாள்
ச்சோ ஸ்வீட்! குறும்பு மட்டுமில்லை .. அடுத்தடுத்த சரணங்களில் சீரியஸ் பிஸ்னஸ்!!
மலைத்தோட்டப் பூவில் மணமில்லை என்று
கலைத்தோட்ட ராணி கை வீசி வந்தாள்
ஒளியாகத் தோன்றி நிழல் போல் மறைந்தாள்!
இது தான் படத்தின் கதையே! மூன்று வரிகளில் முடித்துவிட்டார். அப்புறம் தத்துவம் வருகிறது.
மறுவீடு தேடி கதிர் போகும் நேரம்
மணமேடை தேடி நடைப் போடும் தேவி
பொன் ஊஞ்சல் ஆடி என்னுடன் கலந்தாள்!
என்ன சொல்லுகிறாரா? பகல் முழுக்க  என்ன தான் ஆடினாலும் அது சாய்ந்துவிட்டால் வீட்டுக்கு போகவேண்டும் தானே. அதை போலவே புகழ், பணம் என்ற வெளிச்சத்தில் என்ன தான் ஆட்டம் போட்டாலும் ஒரு கட்டத்தில், அந்த பணமும் புகழும் இன்னொருவரை தேடி போக, அந்த நடிகையும் மணமேடை நாடியே போகவேண்டுமாம். அப்படியென்றால் அவள் அதை விரும்பி ஏற்கவில்லையா? இயலாக்கட்டத்தில் தான் வருகிறாளா? என்று குசும்பு கேள்வி வருமென்று தெரிந்து, “இல்லை இல்லை அதை கூட தேவி விரும்பி, சந்தோஷமாக தான் ஏற்று வருகிறாள்” என்று அடுத்து வரும் “பொன் ஊஞ்சல ஆடி என்னுடன் கலந்தாள்” என கவிஞர் பாடுகிறார். Male chauvinism தான். ஆனால் எப்படி கவிதை புனைகிறார்கள்? எவ்வளவு ஆழமாக யோசித்து எழுதுகிறார்கள் என்பது தான் என் context.
vadivel-300-300x205மன்மதகுஞ்சு : யாருடா நீயி? ஒரு நாள் ஹன்சிகா, இன்னொருநாள் நித்யாமேனன், அடுத்த நாள் இலியானா, ஆடிக்கொருக்கா மதுபாலா.. இதில ஜெயலலிதா வேறயா? தக்காளி இந்த படத்த பார்த்தா கலைஞரு தன்னோட வாழ் நாள் லட்சியமா தமிழீழத்தை அடையிறத தள்ளிப்போட்டிட்டு வேற பிளான் பண்ணுவாரேடா!
 

 

லவ்வுன்னா லவ்வு மண்ணென்ணெய் ஸ்டவ்வு!

nithya-menon-free-wallpapers109
சுடர் விளக்கே மங்கை உன் மனதுக்குள் பாரமென்ன?
சிரிக்க வைத்தும் மங்கை உன் மதி முகம் தேய்வதென்ன?
உனக்கு இனி தேய்பிறை
இல்லை இல்லை .. இனி என் பாட்டிலே!
  

  
manastanமன்மதகுஞ்சு  : மச்சி நீயி என்ன தான் முக்கு முக்கினாலும் பொண்ணுக்கு தமிழ் வராதுடா! நீ வேற மலையாளம் பேசினா கெட்ட கெட்ட வார்த்தையா வருமேடா? சொல்லுரத கேளு .. சரியான அழுமூஞ்சிடா அவ! நீயோ ஒரு வதை! சமாளிக்க மாட்டாய்! புட்டுக்கு தேங்காய்ப்பூ போடுறதுல மட்டும் தாண்டா உங்க ரெண்டு பேருக்கும் பொருத்தம் மச்சி!

மீண்டும் அடுத்த வாரம்!







28 comments :

  1. டேய் ஜேகே... (கோவிச்சுக்காதிங்க.. ஹை மதன் மாதிரி இதுவும் ஒரு முத்திரையா ஆயிடுச்சு...ஹி ஹி)
    மேட்டருக்கு வரேன்...
    பொம்பள மனசு...
    இத பத்தி நீங்க என்ன நெனைக்கிறீங்க...? அடுத்த வாரம் மொதல்ல இதுக்கு பதில் சொல்லிட்டு அப்புறம் மத்த அப்பாட்டக்கரெல்லாம் கவனிங்க...

    ReplyDelete
  2. தவிர.. இந்த வாரம் வழக்கத்தைவிட அருமை...
    குறிப்பாக வாலிபன் கவிதைக்கு எழுதியருந்த கருத்துரையும்... புத்தக விமர்சனமும்...
    இந்த பவர் ஸ்டார் உங்களையும் விடலையா? :)

    ReplyDelete
  3. பல குப்பைகளுக்கு கிடைத்த புக்கர் போலதான் இதுவும்... நோகாதீர்கள்...

    ReplyDelete
  4. தல கண்டுக்காம இல்லை, மண்டையை இன்னும் காய வைக்குது, இது எது என்று நிஜமாயே இன்னும் முடிவுக்கு வர முடியவில்லை. சீரியஸ் மாட்டார் எண்டு முதலில நினைத்தன், பிறகு லயன் காமிக்ஸ் தடாலெண்டு குமரன் தக்காளி எண்ட, மறுபடி கலைமகள் தேநீர் சாலை போய் காயப்பட வேண்டி வருமோ எண்டு பயம் வேற. அதலா இராஜதந்திர தனமா கமுக்கமா இருக்கலாம் எண்டா பப்ளிக்கில போஸ்டர் ஒட்டிவிட்டியலே, நாம எழுதுறத கவிதை எண்டு கூசாம சொல்லுரதால தான் உங்கள நாங்கள் எல்லாம் நல்லவாஆஆஆர் எண்டுறம்.

    அமா ஒரு பயித்திய பாத்திரத்தை கடைசியில செருவுறது ஓகேவா ?

    ReplyDelete
  5. மச்சி அந்த சின்ன சின்ன வண்ணக்குயில் பாட்டு இதை முழுசா http://www.youtube.com/watch?v=CtWiXPBXElI கேட்கும் போது அடிவயிறு பிசையுதா? பாட்டை அதுக்கு மேலே கேட்கமுடியாம நிறுத்தணும் போல இருக்கா? Then you are in ????????

    ReplyDelete
  6. சம்மந்தன் இப்போது இரட்டை படகில் கால் வைத்திருக்கிறார், சரியான முடிவெடுக்கவே மூச்சில நுரை கக்குது, முதல்ல அவர் மீண்டும் கூட்டமைப்பு உறுப்பினர்களுக்கிடையே ஒற்றுமையை ,கட்டுக்கோப்பை கொண்டு வரவேண்டும், ஆளுக்கொருத்தனா பேட்டி கொடுக்கிறாங்க, கட்சிக்கென்றூ பேச்சாளரை நியமனம் பண்ணூங்க, இளைஞர்களை கட்சிக்குள் உள்வாங்க அரசியல் கூட்டங்கள் நடத்துங்கள்,உங்கள் பலத்தை காண்பிக்க அதுவே ஒரே ஒரு வழி.அரசும் சரி கொழும்புக்கட்சிகளும் கூட்டமைப்பை ஒரு முதுகெலும்பில்ல கட்சியாகத்தான் பார்க்கின்றன அதை அவர்கள் முதலில் போக்க வேண்டும்.

    என்ன மச்சி சட்டென்று அம்மா துதி பாடத்தொடங்கிட்டாய் , ஓ.பன்னீர்செல்வத்தை விடா மோசமா பெண்டாகிட்டாய்..

    அதெ என்னவோ தெரியல இந்த கேரளத்து பைங்கிளிகளை ஜொள்ளு ஊத்துறாய்,ஊருக்கு வந்து நல்லூர் திருவிழா பாரு,எத்தனை அழகுப்பதுமைகள் வீதி உலா வருமெண்டு

    ReplyDelete
  7. வணக்கம் தலைவரே,

    நாட்டு நடப்பு, நூல் விமர்சனத்தின் feedback, கவுஜ காமெடி, பவர் ஸ்டார் வம்பு, வீடியோ பாடல் என கலக்கலான தொகுப்பினை தந்திருக்கிறீங்க.

    ரசித்தேன். தொடருங்கள்.

    ReplyDelete
  8. //“சின்ன சின்ன வண்ணக்குயில்” என்று ஒரு ஜானகி பாட்டு இருக்கு! கண்ணை மூடி கேட்டுக்கொண்டே அப்பிடியே சரணத்துக்கு தாவுங்க! //

    தானும் ரசித்து மற்றவர்களையும் ரசிக்க வைக்கும் அதிஷ்டகார கலைஞன்.
    அப்புறம்..... கண்ண மூடிட்டே இருங்க பாஸ் .....


    //நாவல வாசிச்சமா, நல்லா இருக்கா என்று ரெண்டு கமெண்ட் போடாம,//

    பதில் ஜேகேயிற்கு சொல்வதற்காகவே இங்கு பலர் ஓர்டர் பண்ணியிருக்கிறார்களாம்


    //கஷடப்பட்டு கட்டின வீடடா இந்த படலை! பத்த வச்சிடாதடா பரட்டை!//
    நீங்கள் எல்லாம் தேநீர் சாலைக்கு போய் கேஜேயை கடுப்பேத்திற காப்ல என்டர் ஆயிட்டான்லே
    கோவில் கட்டி பாலாபிஷேகமே நடந்திட்டிருக்கு .......ஆப்பு தான்

    //தொண்டை உலர்ந்து டேக்ஸ்வில்லர் பாலைவனத்தில இருக்கிற நீர்குட்டையை கண்டு சரி அதை குடிப்போம் என்றால்//
    அடுத்த களத்துக்கு ரெடியாகுங்கோ

    // பத்தாக்குறைக்கு சிவாஜி “அறக்குளா மீன் அரைக்கிலோ என்ன விலை?” என்று கேட்குமாப்போல ஒரு ரியாக்ஷன் கொடுக்க! முடியல!//
    கடவுளே... கடவுளே ....எங்கே இருந்து தான் இப்படி வருகிறதோ

    ReplyDelete
  9. நொட்டை4/27/2012 5:25 pm

    "டேய் ஜெகே....
    பதிவுக்கு டபுள் ஓகே..."
    எப்படி இது....நாங்களும் எழுதுவமிலை... கவிதை
    அதுஇருக்க பெண்ணுக்கு ஓத்த சொல் நிலவா? எல்லா கவிதையிலும் இந்த ஒருமைப்பாடு பாவிக்கப்படுவதேனோ?

    ReplyDelete
  10. //அயர்ச்சி! கீ.ரா, சுஜாதா, புதுமைப்பித்தன் போன்றோர் ஆங்கிலத்தில் எழுதாததால் போனவன் வந்தவன் எல்லாம் புக்கர் வாங்கிக்கொண்டு இருக்கிறான்! பெஸ்ட் செல்லர் கொடுக்கிறான்!//
    அதுதான் உண்மை என் நானும் நினைக்கிறேன்!
    இந்தப் புத்தகத்தை எனக்கும் ஒரு நண்பர் முன்னர் பரிந்துரைத்திருந்தார். இப்போ தெளிவாயிடுச்சு! நன்றி!

    ReplyDelete
  11. //“சின்ன சின்ன வண்ணக்குயில்” //
    சின்ன வயசில அடிக்கடி டீ.வி.ல போடுவாய்ங்க! ரேவதி ஆடுவது செம்ம காமெடியா இருந்தாலும் நீண்ட நாட்கள் ஞாபகத்தில் இருந்தது! நல்ல பாடல்! நல்ல ரசிகன் பாஸ் நீங்க!

    ReplyDelete
  12. //அயர்ச்சி! கீ.ரா, சுஜாதா, புதுமைப்பித்தன் போன்றோர் ஆங்கிலத்தில் எழுதாததால் போனவன் வந்தவன் எல்லாம் புக்கர் வாங்கிக்கொண்டு இருக்கிறான்! பெஸ்ட் செல்லர் கொடுக்கிறான்!//
    நீங்கள் இதைச்சொல்லும் விதமும் சுஜாதா சொல்வது போலவே இருக்கிறது! முதலில் சொல்ல மறந்துவிட்டேன்....!

    ReplyDelete
  13. @நன்றி மயிலன் .. கோர்த்து விடுற மாதிரி ஒரு கேள்வி .. ட்ரை பண்ணுவோம்ல!

    ReplyDelete
  14. @வாலிபன் ..

    அது கொஞ்சம் யோசிச்சு எழுதினது தான் .. ஆனால் நமக்கு தெரிஞ்ச பின்நவீனத்துவம் ட்ரை பண்ண தான் காரைக்கால் அம்மானையும்! டேக்ஸ் வில்லரையும் மிக்ஸ் பண்ணினன்!

    அமா ஒரு பயித்திய பாத்திரத்தை கடைசியில செருவுறது ஓகேவா ?!

    அட கடவுளே .. கதைய சரியா வாசிச்சீங்களா? அவரு தான் கதை முழுக்கா வர்றாரே! சின்ன கமென்ட என்றாலும் டிசைன் இருக்கு தல!!

    ReplyDelete
  15. @மன்மதகுஞ்சு

    // அடிவயிறு பிசையுதா? பாட்டை அதுக்கு மேலே கேட்கமுடியாம நிறுத்தணும் போல இருக்கா? Then you are in ????????//
    எவ்வளவு ரொமாண்டிக்கா ஒரு பதில் போட்டா இப்புடி நாறடிக்கிற மச்சி!

    //சம்மந்தன் இப்போது இரட்டை படகில் கால் வைத்திருக்கிறார்//
    சம்பந்தரின் Gentleman politics உலகத்துக்கு "தேவைப்பட்டால்" பயன்படும். ஆனால் நாங்கள் யாருக்குமே வேண்டப்படாதவர்கள் என்பதால் கொஞ்சம் கடுமையாக நிற்கவேண்டிய தேவையும் இருக்கிறது. சும்மா சொல்லிவிட்டும் போகலாம். ஆனால் இந்த அரசியல் கொஞ்சம் கஷ்டம் தான்!

    //அதெ என்னவோ தெரியல இந்த கேரளத்து பைங்கிளிகளை ஜொள்ளு ஊத்துறா//
    ஈ நித்யா ஓமனக்குட்டின்னா ஞானுக்கு வல்லிய இஷ்டம்!

    ReplyDelete
  16. @நிரூபன்

    வாங்க தல .. நாற்று குழுமம் கதி கலங்குது .. கமெண்ட் போட வருவம் என்றால் .. இரண்டு மகசினுக்கு எழுத கிடக்கு ... ஆனாலும் நம்ம தொகுதியை விட்டிட மாட்டோம்ல!

    ReplyDelete
  17. @கீதா .. வாங்க வாங்க

    //கண்ண மூடிட்டே இருங்க பாஸ்//
    அப்பிடி இருக்கிறதால பாட்டு மட்டும் தான் தேருது!

    //அடுத்த களத்துக்கு ரெடியாகுங்கோ //
    விஷயத்த லீக் பண்ணிட்டோமோ?

    //நீங்கள் எல்லாம் தேநீர் சாலைக்கு போய் கேஜேயை//
    யாரு கேஜே .. புது பதிவரா?!

    ReplyDelete
  18. நொட்டை அண்ணா
    கவிதையா? அனுப்பினா நாங்களும் வாசிப்பம்ல ;)

    ReplyDelete
  19. வாங்க ஜீ

    //இந்தப் புத்தகத்தை எனக்கும் ஒரு நண்பர் முன்னர் பரிந்துரைத்திருந்தார். இப்போ தெளிவாயிடுச்சு! நன்றி!//
    புத்தகமும் பொண்ணும் யாருக்கு பிடிக்கும் யாருக்கு பிடிக்காது என்று சொல்ல முடியாது தல! எனக்கு ஏற்கனவே Revolution 2020, Q&A வாசிச்சதால அயர்ச்சி ... எழுத்து நடையும் எரிச்சல் வர வைத்தது. உங்கள் நண்பருக்கு சிலவேளைகளில் பிடித்திருக்கலாம். சுஜாதா ரசிகர் நீங்கள் என்பதால் இதை பிடிப்பதற்கு சந்தர்ப்பம் குறைவு!!

    ReplyDelete
  20. யாரு நந்தவனத்து போண்டியா ? அம்மை செரி அப்பனுமா முதலிலிருந்து ? நம்மக்கு டீ வரலப் போல ?

    ReplyDelete
  21. இந்த கேள்வியையும் சேத்துகோங்க அண்ணாச்சி, "இன்றைய நிலையில் தமிழருக்கு (தமிழரென்ன, முழு இலங்கயருமே தான்) தேவை, அரசியல் அரியாசனமா அல்ல பொருளாதார செழிப்பா", இதை யாரிடமாவது கேட்டுவிட்டு, பிறகு திருப்பி, சம்பந்தரை ஒரு கேள்வி கேளுங்க.

    ReplyDelete
  22. @வாலிபன் ..

    டெக்ஸ் வில்லர் போற வழில இருந்த நீர்க்குட்டைல விஷத்தை கலந்தவர் யாரா இருக்கும் என்று நினைக்கிறீங்க? விஷத்த தொண்டையிலே வச்சிருக்கிறவர் யாரு? யோசிச்சீங்களா?!!!

    ReplyDelete
  23. @கோபி ...

    அடுத்த வாரம் போட்டிட்டா போச்சு!

    ReplyDelete
  24. //யோசிச்சீங்களா?// நம்மகிட்ட அந்த கெட்ட பழக்கமில்லை.

    ReplyDelete
  25. வாலிபன் ... நாம மட்டும் யோசிக்கிறோமா? சும்மா சப்பை கட்டு கட்டுறது தான்!

    ReplyDelete
  26. தலைவர் மலையாளக் கரையோரத்தைப் பற்றி எப்பவும் சிலாகிக்கின்றார். எதாவது ஒரு மேகலா அங்கும் இருக்கலாம்! "ஒரு நல்ல்ல்ல கதா பறையுங்கள்" (ஏதோ என்னாலான மலையாளம்)
    -----
    "பொட்டுவைத்த முகமோ.." எல்லாம் கேட்கின்றீர்கள். உங்கள் வயதினரும் கேட்பது பாடலாசிரியரின்/இசையமைப்பாளாரின் வெற்றி. (இப்பாட்டு எங்கள் தலைமுறையினருக்கே பழைய பாட்டுத்தான்)

    ReplyDelete
  27. >இந்த குப்பைக்கு எப்படி புக்கர் கிடைத்தது என்று ஒரு சின்ன ரிசேர்ச்! ----- அவ்வளவு அங்க இங்க ஆளை பிடிச்சு புக்கர் வாங்கியாச்சு. சாகித்திய அக்காடமி ஒன்றும் உலகில் தனித்து இயங்கவில்லை!

    ------
    கோவி மணிசேகரனுக்கு சாகித்த அகாடமி கிடைத்ததில் ஆச்சரியம் இல்லை.

    ReplyDelete
  28. சக்திவேல் அண்ணே ... மலையாள கடலோரம் கவிபாடும் குருவி என்று ஒரு கமராவை எடுத்துக்கொண்டு வெளிக்கிடவா?

    //உங்கள் வயதினரும் கேட்பது பாடலாசிரியரின்/இசையமைப்பாளாரின் வெற்றி//

    அண்ணே என் சட்டத்தில், பாட்டுக்கு முதலில் நல்ல இசை இருக்கவேண்டும் .. அப்புறகம் நூறு தடவை கேட்கும் போது நன்றாக இருந்தால் வரிகள் பிடித்துபோவதுண்டு(இது ஆளாளுக்கு மாறுவதுண்டு). நான் A.M. ராஜாவின் "வெறியன்". அவர் இசை இன்னமும் பழசு இல்லையா?

    சாகித்திய ஆகாடமி, புக்கர் எல்லாமே ஒரே குட்டை தான். புலிட்சர் ஓரளவுக்கு பரவாயில்லை. நோபல் கூட ஓகே, ஆனால் அநேகமால நோபல் இலக்கியங்கள் புரியாத உருவக நடையோடு இருக்கும். மண்டை காயும்.

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே