வியாழ மாற்றம் 10-05-2012 : என்ன செய்யப்போகிறேன்?

 

டேய் ஜேகே

Obama Lies Energyஒபாமா, அமெரிக்கா,
ஐரோப்பாவில் என்ன தான் நடக்கிறது? சார்கோசி போய்விட்டார். கிரேக்கத்தில் தொங்குபாராளுமன்றம். ஜெர்மனியில் கூட அஞ்செலா இடைத்தேர்தலில் வாங்கிக்கட்டுகிறாராமே?

பாரிசில் இருக்கும் அக்காவுடன் இதற்காகவே ஸ்கைப்பில் கதைத்தேன். வீடியோவை ஒன் பண்ணியதும் இரண்டு மருமக்களும் கைத்தட்டி துள்ளிக்குதித்து சொன்னது “மாமா உங்கட சார்கோசியை நாங்க வீட்டுக்கு அனுப்பீட்டோம்”. ஏனென்று கேட்டபோது தான் பிரெஞ்சுக்காரர்கள் சார்கோசி மீது எவ்வளவு கடுப்புடன் இருந்திருக்கிறார்கள் என்று புரிந்தது. யூரோ என்ற படுகுழிக்குள் விழுந்து மீள முடியாமல், Austerity Plan என்று அவர்கள் கொண்டுவந்த சிக்கனத்திட்டம் அவ்வளவாக மக்களை கவரவில்லை. எல்லாவற்றிலும் கை வைக்க தயாராக இருந்திருக்கிறார்கள். பொதுச்சேவை, மராமத்து, சேமலாபம் என்று மக்கள் வரியில் வழங்கப்படும் சேவைகள் எல்லாவற்றிலும் சிக்கனம். பிரான்சும் ஜேர்மனும் ஏன் தங்கள் பணத்தை தேவையில்லாமல் கிரேக்கத்துக்கும் இத்தாலிக்கும் அழ வேண்டும் என்பது சாதாரண மக்களுக்கு புரியவில்லை. இந்த வலது சாரி பொருளாதார கொள்கைகள் கொஞ்சம் பிசகினால் சங்கு தான். அது தான் ஜெர்மனியிலும் பிரான்சிலும் இடதுசாரிகள் வென்றமைக்கு முக்கிய காரணம். மேலும் சார்கோஸி, தான் தோற்கப்போகிறேன் என்ற பயத்தில், ஜூத சிறுவர்கள் கொலை செய்யப்பட சம்பவத்தை வைத்து முஸ்லிம்கள் மீது இனவாதத்தை தூண்ட முயற்சிக்க, பிரெஞ்சுக்காரர்கள் விழித்துக்கொண்டு விட்டனர். கோவிந்தா! கிரேக்க நிலைமை இன்னும் மோசம். நாடு அதள பாதாளத்துக்கு .. போதாக்குறைக்கு austerity திட்டம் இன்னும் கழுத்தை திருகும் என்ற பயத்தில் தொங்கு பாராளுமன்றத்துக்கு வாக்களித்துவிட … இரண்டு மூன்று வருடத்தில் யூரோ அமைப்பு பெட்டிக்குள் முடங்கிவிட தான் சான்ஸ் கூட!

eklavya2வில்லிபுத்தூரர், author of மகாபாரதம்
டேய் ஜேகே, நான் எழுதினதே புனைவு! அத வரலாறு என்று சொல்லி திரிபுபடுத்தி எழுதுறது ஞாயமா? ஏகலைவன் அரசன் என்று வேறு எழுதியிருக்கிறாய்? உதைக்கிறதே?
மிஸ்டர் வில்லி, மகாபாரதமே குழப்பங்களின் ஒட்டுமொத்த பிளேஸ் தானே. இந்த கதையின் முடிச்சே ஏகலைவனில் இருந்து தான் ஆரம்பித்தது. ஏகலைவனின் குருதட்சணை காட்சிக்கு பிறகு அவனுக்கு என்ன நடந்தது என்று அறிய ஆர்வம். ஏகலைவன் நிடத நாட்டுக்கு மன்னனாக இருந்திருக்கிறான். என்ன எங்கேயோ கேள்விப்பட்ட நாடா? நம்ம நள மகாராஜா சூதில் பறிகொடுத்த அதே நாடு தான்! உண்மையில் அது காடுகள் பலவற்றை உள்ளடக்கிய நாடு(நாடு-காடு எதிர் எதிர் பதமில்லையா?). ஏகலைவன் அப்புறமாக அரசசேவை செய்து  ஜராசந்தனுக்கு நம்பிக்கையானவனாய் வாழ்ந்திருக்கிறான். சிசுபாலனுக்கு ருக்மணியை மணம் முடித்துவைக்க ஜராசந்தன் சார்பில் ருக்மணியின் அப்பன்காரனிடம் தூது போயிருக்கிறான். நிச்சயதார்த்தம் முடியும் தருவாயில் கிருஷ்ணன் ரெட்டியை தாக்கிவிட்டு பொண்ணை தூக்கிவிட்டான். அப்புறம் ஜராசந்தனுக்கும் கிருஷ்ணனுக்கும் நடந்த யுத்தத்தில் ஏகலைவன் கொல்லப்பட்டிருக்கிறான். ஆக ஒன்றையும் ரெண்டையும் கூட்டிப்பார்த்தேன், ஏகலைவனுக்கும் கிருஷ்ணனுக்கும் ஆகாது. ஸோ ஏகலைவன் இயல்பாக கௌரவர் பக்கம் சாய்கிறான். ஓரளவுக்கு முடிச்சு விழுகிறது. இனி கதைக்கு ஒரு நோக்கம், தீம் தெரிவு செய்து பின்னவீனத்துவம் இணைத்து கரைசேர்த்தால் “கதை சொல்லாத கதை” ரெடி!

mayilமயிலன்
பொம்பள மனசு பற்றி என்ன நினைக்கிறீர்கள் தம்பி?
என்ன தலைவரே, நம்மள பார்த்தா ஆபரேட் பண்ணுப்பட்ட ஆளு மாதிரி இருக்கா? பொம்பள மனசு பற்றி நாங்க என்னவெல்லாம் நினைக்கிறோமோ அவை ஒன்றுக்குமே பொருந்தாத புதிரான மனசு தான் பொம்பள மனசு! அட அதைத்தானே நான் நினைக்கிறேன் .. ஸோ அதுவும் இல்லையா? மூடு குழம்பி போச்சு! மன்மதகுஞ்சு ஒரு பாதாம் பீர் ப்ளீஸ்!

james-cameron-king-of-the-world1110282240562ஜேம்ஸ் கமரூன்
தம்பி எங்களோட புது ப்ராஜெக்ட்ல ஜாய்ன் பண்ணுறீங்களா?
ஓ ..வால் வெள்ளி, பூமிக்கு அண்மையில் சுற்றும் குட்டி குட்டி வான்கற்களில் இருந்து கனியம் எடுக்கும் திட்டமா? புதுமையான விஷயம் தான் பாஸ். உங்கள் டீமை பார்த்தாலே ஆச்சர்யம். கூகிள் அதிபர்கள் லாரி பேஜ், எரிக், மைக்ரோசாப்ட் சிமோனி என்று வித்தியாசமான கூட்டணி தான். பூமியை சுற்றி கிட்டத்தட்ட 9000 வான்கற்கள் சுத்துகின்றனவாம். இந்த கற்களில் நீர் செறிந்த பனிக்கட்டிகள் இருக்காம். அவற்றில் இருந்து எரிபொருள்/குடிநீர் போன்றவை எடுக்கலாமாம். பூமியில் இருந்து கொண்டுபோவதைவிட, ஆங்காங்கே பவர் ஸ்டார் நடாத்தும் x2_c638ae2தண்ணீர்பந்தல் போல தோண்டி எடுத்துக்கொண்டு போனால், அடுத்த தலைமுறை காந்தி கூட கிண்டி யாத்திரை வெள்ளிவரை போகும் அளவுக்கு விண்வெளி வசப்படுவிடும். ஆனால் இவர்களின் டார்கட் அதுவல்ல. இந்த கற்களை தோண்டினால் நிறைய உலோகம் கிடைக்குமாம். அதுவும் தங்கம் பிளாட்டினம் போன்ற அறிய ஐட்டம்ஸ். பூமிக்கு கொண்டுவந்தால் தங்கம், பிளாட்டினம் போன்றவற்றை தொழிற்துறையில் கூட பாவிக்கலாமாம். ஒரு குட்டி கல் பில்லியன் டொலருக்கு மேல் பெறுமதி வருமாம். இதெல்லாம் சரிவருமா? கஷ்டம் இல்லையா என்று கேட்டதுக்கு கென்னடி சொன்ன பஞ்ச் டயலாக்கை அடிக்கிறார்கள்.
“We choose to go to the moon in this decade and do the other things, not because they are easy, but because they are hard!”

0ஜெயராஜ், இலங்கை
மெல்பேர்னில் எழுத்தாளர் விழாவாமே. மழைக்கு ஒதுங்கும் ஐடியா இருக்கா?
அடடா .. வருகிற ஞாயிறு மாலை, பிரஸ்டனில் நடக்க இருக்கிறது. கவியரங்கம் அல்லது கருத்தரங்கு செய்யுங்கள் என்றார்கள். நமக்கு கவிதை ஆகாது. கருத்தரங்கு ஓகே என்றுவிட்டேன். கோகிலா மகேந்திரன், மாத்தளை சோமு என எல்லோரும் வருகிறார்கள். இருபது வருஷங்களுக்கு பிறகு யசோ அக்காவை சந்திக்கப்போகிறேன். எனக்கு சின்னவயதில் இலக்கியத்தையும் இசையையும் ரசிக்க கற்றுத்தந்த எழுத்தாளர். அவரை இவ்வளவு காலத்துக்கு பின், ஒரே மேடையில் சந்திக்கிறேன் என்று எண்ணும்போது, அக்காவுக்கு ஓரளவு பெருமை சேர்த்திருக்கிறேன் என்று நம்பத்தோன்றுகிறது. “புலம்பெயர்ந்த படைப்பாளிகள், பதிவுலக தளத்தில் தமிழுக்கு செய்யும் பங்களிப்பு” பற்றியது என்னுடைய டாபிக். கருத்தரங்கு என்றவுடன் புரியாத ஆராய்ச்சி தமிழில் “விழுமியல், வரலாற்று கோட்பாட்டு ரீதியான, யௌவன விருத்தாப்பியங்கள்” போன்ற டகால்டி தமிழில் பேசும் ஐடியா கிடையாது. என் ஸ்டைலில் கொஞ்சம் குசும்பு, சீரியஸ், அவ்வப்போது விஷயம் என்று கலந்து கட்டும் யோசனை இருக்கிறது. ஆஸிகளே டைம் கிடைத்தால் சும்மா வந்து எட்டிப்பாருங்கள்!

41654_100001612310791_4570591_nமன்மதகுஞ்சு : மச்சி நீ படிச்ச ஸ்கூலில அவிங்க ஹெட் மாஸ்டர்டா, உன்னைய விட்டா கொஞ்சம் இவனாட்டம் பேசுவாய் .. அடக்கி வாசிக்கணும் தம்பி!பார்த்து இதமா தொடங்கி பதமா முடிச்சு வையி! கண்டறியாத பின் நவீனத்துவம் புடலங்காய் ஒன்றும் வேண்டாம்! புது காளைமாடு வாலில டின்னு கட்டின மாதிரி தலை தெறிச்சு ஆடிடாதே.. அடக்கி ஆடு! ஓகே!

இந்த வார போட்டோ

சில மாதங்களுக்கு முன் மன்மதகுஞ்சுவிடம், வன்னிப்பக்கம் போனால் நம்ம வட்டக்கச்சி மகாவித்தியாலய படம் ஒன்று எடுத்து அனுப்பு என்று சொன்னேன். தல சொன்ன வாக்கை காப்பாற்றிவிட்டது.
VMV
வன்னியில் இடம்பெயர்ந்து இருந்தபோது எனக்கு பதினைந்து பதினாறு வயசு. பசுமரத்தாணி. வட்டக்கச்சி மகாவித்தியாலயம் ஒரு கலவன் பாடசாலை. சென்ஜோன்சில் எப்போதாவது வரும் டீச்சர்மாரை லொள்ளுவிட்டுக்கொண்டிருந்தவனுக்கு திடீரென்று ஒரு கிராமப்புற கலவன் பாடசாலை என்றவுடன் சும்மா ஜிவ்வென்று .. அதுவும் அப்போதெல்லாம் கொஞ்சம் புத்தி வேறு ஓரளவுக்கு வேலைசெய்ததால் வகுப்பிலும் முதலிடம். பொண்ணுங்க எல்லாம் கியூவில் வந்து டவுட் கேட்க நான் நிறுவினது எல்லாமே “வெளிப்படை உண்மை” தான்! O/L பரீட்சை அங்கே தான் எடுத்தேன்.காலை பரீட்சைக்கு முட்டை பொரியலும் புட்டும் கிடைக்கும். இரவு பத்துமணிக்கு, பின்னேரம் கறந்த பசுப்பாலில் டீ. அம்மாவை விட வட்டக்கச்சி மாமி தான் பார்த்து பார்த்து கவனித்தார். எனக்கும் இன்னொரு அண்ணாவுக்கும் என்று கன்றுக்குட்டிகள் மழைக்கு ஒதுங்கும் கொட்டிலை சரிக்கட்டி தந்திருந்தார்கள். கிரவல் மண்ணில் நாங்களே மெழுகி கறுப்பு பெயிண்ட் அடித்து, அரிக்கன் லாம்பில்(மேசை விளக்கு அணைந்துவிடும்), அப்படி ஒரு சிட்டுவேஷனில் படிப்பது போன்ற ஒரு சந்தோஷம் உலகத்தில் வேறு என்ன இருக்கு?
5ரிசல்ட் வந்தது. 7டியும் 1சியும். ஆங்கில இலக்கியம் ‘சி’ என்று என்னைவிட, என் குடும்பத்தை விட வட்டக்கச்சி அதிகம் கவலைப்பட்டது. இப்போதும் கூட இந்த பாடசாலை 1996ம் ஆண்டு சஞ்சிகையில் என் பெயர் விவரம் இருப்பதாக சொல்லிக்கொள்வார்கள். பத்து வருடங்கள் படித்தும் சென்ஜோன்ஸ் கொடுக்க தவறிய அங்கீகாரத்தை இடம்பெயர்ந்து இரண்டு வருடங்களே படித்த எனக்கு இந்த பாடசாலை கொடுத்தது. அகதியாய் வந்தவனுக்கு, இடம் கொடுத்து, சாப்பாடு கொடுத்து படிக்க கொட்டில் கொடுத்து பார்த்து பார்த்து செய்து, நான் படித்து நல்ல ரிசல்ட் எடுப்பதை எப்போதுமே பெருமையாய் பார்த்து, இன்றைக்கும் என் பெயரை சொல்லி சொல்லியே தம் பிள்ளைகளுக்கு பாடம் சொல்லிக்கொடுப்பதாக சொல்லுவார்கள்.எப்படிப்பட்ட ஊர் அது.
4சென்றவருடம் அவர்கள் வீட்டுக்கு போயிருந்தேன். அப்போது தான் மானிக்முகாமிலிருந்து வீடு திரும்பியிருந்தார்கள். நான் வந்துவிட்டேன் என்று, நின்ற ஒரே சேவலையும் சட்டிக்குள் வைத்து, கோப்பையில் எப்போது கொஞ்சம் இறைச்சிக்கறி குறையுதோ, சடாரென்று பாய்ந்து வந்து ஒரு கரண்டி போட்டு .. என்ன மாதிரி சனங்கள்? கால் தூசிக்கு பெறுவோமா?
அந்த குடுப்பத்திலேயே ஒரு பையன் பதினாலு வயசு, ஆள் எங்கே என்று தெரியாது. இன்னொரு பையனும் கடைசி நாள் அன்று தான் …. காயங்கள் இல்லாத நபர்களே கிடையாது. கால் இல்லாமல் போனாலும், கை போனாலும், இன்றைக்கும் பத்து இருபது ஏக்கரில் நெல் விதைக்கும் நம்பிக்கை இன்னும் போகவில்லை.
என்ன செய்யப்போகிறேன்?

Spring, Summer, Fall, Winter... and Spring

கிம்கிடுக் பெயர் கேள்விப்பட்டிருப்பீர்கள். அவர் இயக்கிய படம். இடம் கொரியா. ஒரு வயோதிப பௌத்த துறவி, அவரிடம் ஒரு சிறுவன் குருகுல வாசம். ஆளில்லாத ஒரு காட்டுப்பகுதியில், ஆற்றின் நடுவில் மிதக்கும் வீடு. கதை நான்கு பருவங்களை சுற்றி நடக்கிறது.
300383_image2_1வசந்த காலம். சிறுவனுக்கு மகாயான தத்துவம், மூலிகை மருத்துவம் என பல விஷயங்களை போதிக்கிறார். சிறுவன் பிராணிகளை துன்புறுத்துகிறான். தவளை காலில் கல்லு கட்டுகிறான். மீன் செட்டையை சுற்றி நூலால் இறுக்கி கட்டுகிறான். பாம்பை கொடுமைப்படுத்துகிறான். தூர நின்று அவதானித்த துறவி, அன்றிரவு சிறுவன் நித்திரையில் இருக்கும் போது பாறாங்கல்லை அவன் காலில் கட்டிவிடுகிறார். காலையில் எழுந்த சிறுவன் அழுகிறான். அவனை அப்படியே போய், அந்த பிராணிகளை காப்பாற்றினால் தான் கட்டை அவிழ்த்துவிடுவேன் என்று துறவி சொல்ல, சிறுவன் முனகியபடியே கல்லை இழுத்துக்கொண்டு அந்த தவளையை தேடி போய் அதை காப்பாற்றுகிறான். ஆனால் பாம்பும் மீனும் இறந்துவிட்டது. சிறுவன் கதறுகிறான்.
spring-summer-fall-winter-and-spring5 (1)கோடைக்காலம். இப்போது அந்த சிறுவன் இளைஞன். துறவியை தேடி ஒரு தாயும் மகளும் வருகிறார்கள். அந்த மகளுக்கு ஏதோ ஒரு நோய். குணப்படுத்தி தருமாறு சொல்லி துறவியிடமே ஒப்படைத்துவிட்டு தாய் கிளம்புகிறாள். காட்டுப்பகுதி, கோடைக்காலம். இரண்டு இளைஞர்கள்! சூடு கிளம்புகிறது! இருவருக்கும் காதல் or whatever you name it. ஆனால் இந்த தொடர்பால் அவளுக்கு கொஞ்சம் கொஞ்சமாக நோய் குணமாகிறது! ஒருநாள் இளைஞனும் அந்த பெண்ணும் ஆற்று நடுவே படகில் ஆடையின்றி கிடப்பதை துறவி கண்டுவிட, அவர் அந்த பெண்ணை வீட்டுக்கு அனுப்பிவிடுகிறார். அந்த இளைஞனால் அவளை பிரிந்து இருக்கமுடியவில்லை. துறவியை பிரிந்து ஓடுகிறான்!
இலையுதிர் காலம். இளைஞனுக்கு நடுத்தர வயது. திரும்பி வருகிறான். மனைவி இன்னொருவனை விரும்புவது தெரிந்து அவளை குத்தி கொன்றுவிட்டு இரத்தக்கத்தியுடன் வந்து நிற்கும் அவனை துறவி அடித்து விளாசுகிறார். ப்ரஜ்ஞா பரமிதா என்ற மகாயான பௌத்த வேதத்தை தரையில் செதுக்க சொல்லுகிறார். முடிவில் அவனை கைது செய்து கூட்டிப்போகிறார்கள். கொஞ்ச நாளில் அந்த துறவியும் தன் இறுதிக்காலம் வந்துவிட்டது அறிந்து ஆற்றின் நடுவே படகில் தன்னை தானே எரியூட்டி இறந்துபோகிறார்!
600full-spring,-summer,-fall,-winter...-and-spring-posterபனிக்காலம்! அந்த இளைஞன் தண்டனை முடிந்து திரும்புகிறான். ஆறு உறைந்து போய் இருக்கிறது. பனியை வெட்டி குருவின் பற்களை வெளியே எடுக்கிறான். அந்த இடத்தை செப்பனிட்டு குரு செய்த வேலையை தொடர்கிறான். இப்போது ஒரு தாய் தன் குழந்தைக்கு வருத்தம் என்று சொல்லி இவனிடம் ஒப்படைக்கிறாள். அவள் திரும்பி போகும் வழியில் அந்த துறவி போட்ட பனித்துளைக்குள் விழுந்து உயிரிழக்க, இவன் மனம் வருந்தி, தன் காலில் தானே கல்லை கட்டி தனக்கு தானே தண்டனை கொடுக்கிறான். இப்போது அந்த குழந்தை அநாதை. அவனிடம் குருகுல வாசம் இருக்கிறது!
வசந்த காலம். அவன் சிறுவனாய் இருந்த போது செய்த தவறுகளை இந்த குழந்தையும் செய்ய .. வாழ்க்கை ஒரு வட்டமடா என்ற விஜய் தத்துவத்துடன் படம் முடிகிறது!
இந்த படம் ஒரு போரிங் படம்! தானே செதுக்கிய தானைத்தலைவன் அஜித் நடிக்காத படம். அதனால் எல்லோருக்கும் பிடிக்கவேண்டிய தேவை இல்லை. இரண்டு மணிநேரமாய் வாழ்க்கை ஒரு வட்டம் மாட்டரை கிம்கிடுக் போன்ற தேர்ந்த இயக்குனர்கள் வெறுமனே சொல்லவேண்டிய தேவையில்லை! இன்னொரு மாட்டரும் இருக்கிறது! பல பருவங்களில் மனிதன் செய்யும் தவறு அவனுக்கு எவ்வாறு உணர்த்தப்படுகிறது என்பதை மகாயான பௌத்த தர்மத்தின் அடிப்படையில் படம் சொல்லுகிறது. எவர் சொல்லியும் எந்த மனிதனும் திருந்துவதில்லை. ஆனால் தானே பட்டு தெளிவான். ஒரு கட்டத்தில் தன் தவறுக்கு தானே தண்டனை வழங்குவான். இன்னும் எழுதலாம் … ரொம்ப லெந்தாக போய்விட்டது. ஒரு மூட் இருந்தால் பாருங்கள். அட்டு சீனுக்காக பார்க்கவேண்டாம் பாய்ஸ்!
 

இந்த வார பாடல்

“டேய் இந்த மெலடி எண்ட கருமம் உண்மையிலேயே எது தம்பி?”
சுகிந்தன் அண்ணா கேட்டபோது அவர் காரில் “ஓ போடு” போய்க்கொண்டிருந்தது.
“மெலடி தான் அண்ணே டியூன் ..மெட்டு .. உயிர் .. அதை சுற்றி உருவாவது தான் பாட்டு”
“அப்ப இந்த ஒபோடு பாட்டில மெலடி இல்லையா?”
இருக்கு .. அழகான ஒரு மெலடி இருக்கு ஆனா அதற்கு மேலால ரிதம் ஆக்கிரமிச்சிட்டுது …  அந்த ரிதத்தை தூக்கிட்டு மெலடியை மட்டும் எடுத்தா இன்னும் புரியும், உதாரணத்துக்கு இந்த பாட்டு
அப்பிடி என்றால் ஸ்லோவான பாட்டில மெலடி அதிகம் இருக்குமா? தாளம் கூடினா மெலடி குறையுமா?
அப்பிடி இல்ல அண்ணே .. தாளத்துக்கும் டியூனுக்கும் சம்பந்தமில்லை .. டியூன் தான் மெட்டு, அத போடோணும் முதலில .. அப்புறம் தான் அதற்கேற்ற தாளம் முடிவு செய்யோணும் .. சில நல்ல உயிரை எடுக்கும் மெலடி பாடல்கள் வேகமான தாளத்திலும் வந்திருக்கு .. “சின்ன ராசாவே சித்தெரும்பு உன்னை” பாட்டும் “உள்ளத்திலே நல்ல உள்ளம் உறங்காது” பாட்டும் ஒரே மெட்டு தான் ..
படம் மகாபிரபு. தேவா இசை. ஜானகி எஸ்பிபி. இந்த பாட்டு எப்போது கேட்டாலும் மீண்டும் மீண்டும் கேட்கத்தொன்றும். ஸ்டார்ட் சும்மா ஒரு தேவா பாட்டு போல, “செங்குருவி செங்குருவி” பாணியில் தான் ஆரம்பிக்கும். ரிதம் கூட வேகமான 1.2.1.2 நடை. “அன்றாடம் நூறு சேதிகள்” என்று எஸ்பிபி சரியான தாளத்தில் எடுக்கவே தடுமாறும் அளவுக்கு வேகமான பாட்டு. சரி இன்னொரு தாளம் போட வைக்கும் பாட்டு என்று ஸ்கிப் பண்ணினால் என்றால் ஐயோ பாவம் நீங்கள்! அவ்வளவு இருக்கு இதில!
சரணம் ஆரம்பிக்கும் போது தான் பாட்டின் வீரியமே தெரியவரும்.
தாளம் ஸ்டில் “சாங்கு சக்கு சக்கு சை சா” தான் .. தேவா மாற்றவில்லை ..
கல்யாண வேளை வரும் காதலன் வந்து மாலையிட
கண்ணாடி கன்னங்களில் கைநகம் கொண்டு கோலமிட
மேலே இருந்து கீழே ஓடும் மெட்டு. பஸ்சின் பூட்போர்டில் தொங்கும்போது அவள் உள்ளே நிற்பதை கண்டுவிட்டால் வயிற்றை ஒரு உருட்டு உருட்டும் பாருங்கள். கையை விட்டால் கீழே விழுந்துவிடுவோம். உள்ளே போகமுடியாமல் ஏற்கனவே கிரவுட்! அவள் வேறு எந்த ஸ்டாப்பில் இறங்கப்போகிறாள் என்ற குழப்பம். ஜானகிக்கு ஸ்ருதி பிசகவில்லை.
அதே வேகம் அதே தாளம் … காதலுக்கு குறைவில்லை .. மெட்டுக்கும் குறைவில்லை .. அருவி வேகமாக ..
முப்பாலும் சர்க்கரையும் மூடியிருக்கும் பாத்திரமே
எப்போது உண்ணுவது எல்லையை மீறும் ஆத்திரமே
51v tn4bJLL._SL500_AA300_ஸ்டில் அதே தாளம். ஆனால் மெட்டு மட்டும் எம்மை எங்கோ அழைத்துசெல்லும். தேவாவுக்கு இன்னமும் திருப்தியில்லை. அடுத்த அஸ்திரம் வருகிறது. தாளத்துக்கு தோதாக தலைவர் வயலினில் ரிதம் கொடுக்க தொடங்குகிறார். harmonic rhythm என்று அழைப்பார்கள்.
பத்து பேர்களின் பார்வை படும் பகல் நேரத்தில் தூர நில்லு
மிச்சம் மீதிகள் ஏதுமின்றி அந்தி ஆனதும் அள்ளிக்கொடு
எஸ்பிபி & ஜானகி, they probably realised its a special song. தாளத்துக்கு முரணான பாவங்கள் கொடுக்கவேண்டும். அந்த contrast தான் பாட்டின் ஜீவன் என்பதை புரிந்து பாட, சரணத்தின் முடிவு வந்துவிழுகிறது
திங்கள் காய்ந்திருக்க தென்றல் காற்றடிக்க நீ நினைத்த கதையை நடத்து
இப்படிப்பட்ட மெலடி பாடல்களுக்கு இந்த வகை தாளம் கொடுத்தால் நடனத்தை கவிதை போல அமைக்கலாம். பாடல் காட்சியை இன்னும் பார்க்கவில்லை. சோகம் என்னவென்றால் பாடல் எழுதிய நாதாறிக்கு கொஞ்சம் கூட ரசனை இல்லை. இப்படிப்பட்ட ஒரு மெட்டு, இந்த தாளத்துக்கு பின்னி பெடலெடுத்திருக்கவேண்டாம்?
இந்த பாட்டு யூடியூபில் கூட இல்லை. ஏத்தீட்டோம்ல! ஒரு பாட்டை இப்படி டீப்பாக ரசிப்பது சுத்த பைத்தியக்காரத்தனம் என்று சொன்னீர்கள் என்றால், பைத்தியம் மேலும் மேலும் முற்றவேண்டும் என்று கடவுளை வேண்டிக்கொள்கிறேன்!
 

மன்மதகுஞ்சு ஸ்பெஷல்

சென்றவாரம் அல்கைதாவிடம் இருந்து ஒரு ஈமெயில் மிரட்டல் வந்தது. மன்மதகுஞ்சு ஸ்பெஷல் போடாவிட்டால் படலையை குண்டுவைத்து தகர்த்துவிடுவோம் என்று! அந்த வேலையை சத்தம்போடாமல் மன்மதகுஞ்சு கவிதையே செய்கிறது என்பது வேற விஷயம்! ஆக, நேற்று அவனின் facebook சுவரில் இதை எழுதிப்போட்டேன்.bean
“டேய் குஞ்சு.. உன்னுடைய காதலிகளை தொகுத்து ஒரு மாட்டர் கவிதை எழுதி தாறியா? அடுத்த வியாழமாற்றம் உனக்கு தாண்டி! அப்பப்ப மானே தேனே போட்டுக்க! “
அவன் பதில்
“எதுக்கும் யாம் அஞ்சமாட்டோம், நம்மிடம் இல்லை ஒளிவு, யாம் உமக்கு வாக்கு கொடுக்கிறோம், அடுத்த வியாழமாற்றம் என் கைபிடிக்காத கண்ணியமான காதலிகள்”
தலைவர் இத facebook ல போட்ட உடனேயே, மூன்று பெண்கள், அவனின் நண்பிகள், ஒருவர் எனக்கும் நண்பி, டெக்ஸ்ட் பண்ணினார்கள் (எப்படித்தான் இதுகளுக்கு மட்டும் என் நம்பர் கிடைக்குதோ!)
“ஜேகே, குஞ்சு என்னய பற்றி ஏதாவது அனுப்பினால் பிரசுரிக்கவேண்டாம். என் பையன் படலை வாசகன். புரிந்துவிடும்”
அட பாவி அன்ரியை கூடவா! என்று நினைத்துக்கொண்டே அடுத்த மெசெஜ் பார்த்தேன்.
“ஜேகே, நான்கு பையன்கள், ஏழு பேரப்பிள்ளைகள், அதில ஒன்று பெரிய பிள்ளை ஆகிவிட்டது. நிறைவான வாழ்க்கை. கட்டைல போற வயசில எதுக்கு ஸ்காண்டல்? அவன் என்னை பற்றி ஏதாவது எழுதி அனுப்பினால் ப்ளீஸ் போடாதே!”
அட நாறப்பயலே போயும் போயும் ஆச்சியையா .. .. அடுத்த மெசேஜ்.
“ஜேகே, உனக்கு ஞாபகம் இருக்கிறதா? நான் குஞ்சுவின் சைக்கிள் பாரில் இருக்க, அவன் மாடு மாதிரி பெடல் மிதிப்பான். நீங்கள் உங்கள் ராலி சைக்கிளில் ஜம்மென்று பக்கத்தில் வருவீர்கள். அவன் ஏதோ தன்பாட்டுக்கு பாடிக்கொண்டு வர, நாங்கள் கண்ணாலேயே பேசுவோமே மறந்துட்டியா? அது மூதேவி நினைக்குது ஏதோ அவன தான் நான் லவ் பண்ணினேன் என்று. ஏதாவது எழுதி அனுப்பும். பிரசுரி! பழசை நினைத்து பார்ப்பதிலும் சுகம் தானே!”
இதோ கவிதை அன்பர்களே. தெரிவிப்பது நாங்கள். தீர்மானிப்பது நீங்கள்!
ஸ்கொலர்சிப்புக்காய் கோண்டாவில் கிளாஸ் போன நேரம்
கோட்டையில் சண்டை உக்கிரமான காலம்
jayam-32குரங்கு பெடல் போட்டு டபுள்ஸ்
எல்லாம் குச்சொழுங்ககை வரைதான்
மெயின் ரோட்டு வந்துவிட்டால் நெருக்கம் குறைத்து
நினைவில் வாளியால் தண்ணீர் ஊத்துவாள்
முன் பாரில் அவளை வைத்து மெதுவாக
நாச்சிமாரில் அவனும் ராலியில் வருவாக
சைக்கிள் மிதிக்கையில் தாவடி வெளிவரும்
கூடவே எதிர்க்காத்தும் எம்மை தேடி வரும்
கீரைப்பிடி கூந்தல் என் முகம் தழுவும்
தேங்காய் எண்ணெய் வாசம் அன்று மட்டும் பிடித்துப்போகும்
மனசுக்குள்ளே ராசா பாடல் முணுமுணுக்கும்
வயித்துக்குள்ளே பசி பறந்து
ஒருவித உணர்வு நிரப்பும்
சத்தியமாய் சொல்வேன் இதுவும் காதல்தான்





























23 comments :

  1. இன்றூ 16 வது பிறந்தநாள் காணும் தங்கத்தலைவி " நமீதா" வின் பிறந்தநாளான இன்றூ அவர் பற்றி எந்த கருத்தையும் தெரிவிக்காததையிட்டு முதலில் நான் எனது வன்மையான கண்டனங்களை பதிவு செய்து கொள்ள விரும்புகிறேன்.

    நமீதா தற்கொலைப்படை
    தலைமைச்செயலகம்
    வவுனியா..

    கிரேக்கத்தின் கடன் மேல் கடனினால் யூரோ வீழ்ச்சிக்கு மேல வீழ்ச்சியா போய்கொண்டிருந்த நேரத்தில பாதிக்கப்பட்ட பல கோடி பேரில நானும் ஒருத்தன்மச்சி,. நம்ம நிறூவனத்துக்கு யோவிலதான் பணம் ஜேர்மனில இருந்து வரும்
    1 EURO= LKR 175 rate 2009 இல் வன்னி மக்களுக்காக ஜரோப்பிய ஒன்றீய நிதியுதவியில் 3200 வீடுகள் நிர்மானத்துக்காக எழுத்தப்பட்ட நிகழ்ச்சித்திட்டம் 2011 படுமோசமாக பாதிக்கப்பட்டது இந்த யூரொ வீழ்ச்சியால்,எம்மைபோல பல நிறுவனங்கள் கூட.. இறுதியில் 143 ரூபாய்க்கு கூட வந்து எம்மோட கழுத்தை இறுக்கியது.ஆனால் புலப்படாத உண்மை எப்படி கிரேக்கத்தோட பொய்யான பொருளாதார விபரங்களை வைத்து கொண்டு யூரோ அமைப்பில் இணைத்தார்களோ..

    அதுசரி புதுசா வந்த பிரான்ஸ் அதிபர் ஹோலன்ட் நம்ம எஸ் ஜே சூர்யா ஆ,ஆ ரேஞ்சில லிவிங் டுகெதர் நடத்திறதால முதல் பெண்மணீ அந்தஸ்து கொடுக்கேலாது ,கலியாணம் கட்டினாத்தான் எண்டு சொல்லிட்டாங்களாமே..

    ஜேம்ஸ் கமரூம் மேட்டர் செம இன்ரஸ்டிங்கா இருக்கு ,தேடி புடிச்சு படிச்சு பார்க்கணும்..

    என்ன மச்சி பொம்பிளை மனசு உனக்கு தெரியாதா. பொம்பிளை மனசு ஒரு கண்ணாடி மாதிரி, நீ என்ன பிரதிபலிக்கிறியோ அதைத்தான் அதுவும் பதிலாய் கொடுக்கும்,இந்த அரைக்கிணறூ ஆழம் எண்டு சொல்லுறதெல்லாம் சும்மாதான்,சிம்பிளா புரிஞ்சு கொள்ளலாம்..

    அந்த கொரிய படத்தை நம்ம MR ஒரு பார்சல் அனுப்பிவிடுமச்சி,புத்தமதம் என்ன சொல்லிப்போயிருக்கிறதெண்டு டைம் பாசுக்காவது பார்க்கட்டும்

    அது என்னவோ மைனா என்றூ தொடங்கும் பாட்டுக்கள் எப்போதும் ஹிட்டாகிவிடுகிறது, மைனாக்குஞ்சு மாதுளம்பிஞ்சு பாட்டு, அண்மையில் வந்த மைனா பாடல் எண்டு எல்லாமே.. இந்த பாட்டு லீவியின் சினிமாப்பாடலில் 1995 இல் ஓயாமல் ஒலித்துக்கொண்டிருந்தகாலம்,சர்வதேசஒலிபரப்பு முதல்ல் 5 பாடல்களுக்குள் இருந்த காலம் கூட..

    மச்சி யாரு அந்த கம்பஸ் லேன் பொண்ணா மெசேஜ் அனுப்பினது, கேட்டதா சொல்லிடுடா.. பார்த்து எம்புட்டு நாளாச்சு

    ReplyDelete
  2. //என்ன தலைவரே, நம்மள பார்த்தா ஆபரேட் பண்ணுப்பட்ட ஆளு மாதிரி இருக்கா? //

    வெவகாரமான ஆளுதான் நீங்க...

    //பொம்பள மனசு பற்றி நாங்க என்னவெல்லாம் நினைக்கிறோமோ அவை ஒன்றுக்குமே பொருந்தாத புதிரான மனசு தான் பொம்பள மனசு! //

    அட பலே பலே...

    //அட அதைத்தானே நான் நினைக்கிறேன் .. ஸோ அதுவும் இல்லையா? மூடு குழம்பி போச்சு! மன்மதகுஞ்சு ஒரு பாதாம் பீர் ப்ளீஸ்!//

    ஐயயோ... என்ன தலைவரே அதுக்குள்ள நம்பிக்கைய செதசுட்டீங்க...

    ReplyDelete
  3. டேய் ஜேகே மட்டும்தான் வாசித்தேன்...((வில்லிபுத்தூரர், விளக்கம் அட்டகாசம்...))
    மற்றவைகளை நேரம் இருக்கும்போது வருகிறேன்...

    ReplyDelete
  4. "வன்னி - என்ன மாதிரி சனங்கள், கால் தூசிக்கு பெறுவோமா"

    ReplyDelete
  5. 95 ம் ஆண்டு இடம்பெயர்ந்து நாங்கள் வந்து இருந்த இடம் கிளிநொச்சி வைத்தியசாலை வைத்தியர் விடுதி .அம்மாவுடன் இருந்தேன் .இதே பாடசாலையில் தான் பதிந்து கொண்டேன் .ஆனால் விஞ்ஞான பிரிவிற்கு ஆசிரியர் இல்லாத காரணத்தால் அவர்களாகவே பிரத்தியேக வகுப்பிற்கு அனுப்பினார்கள் .யாழ் பல்கலைக்கழக வைத்தியபீட இடம்பெயர்ந்த மாணவர்கள் படிப்பித்தார்கள் பணம் எடுக்கவில்லை பாடசாலைக்கு போவதில்லை ஆனாலும் வரவாக பதிந்தார்கள் .அங்கிருந்த சனங்கள் செய்த உதவியை மறக்கவே முடியாது கிளிநொச்சி என்றால் காடு என்று தான் நினைத்த எனக்கு நூலகம், டியூசன் நடக்கும் இடம், கந்தசாமி கோவில், இரணமடு குளம் எல்லாமே காட்டினார்கள் .நிறைய தூரம் என்பதால் சைக்கிள் கூட தந்து உதவினார்கள் சாப்பாடு சொல்லவே தேவையில்லை விடுதிக்கே கொண்டு வந்து தருவார்கள் .அவர்களிடமிருந்து நிறைய கற்றுகொண்டோம் இன்று நான் பல்லையாவது கழட்ட கூடிய நிலமைக்கு அவர்களும் ஒரு காரணம் இன்று...பழகிய அத்தனை வீட்டிலும் சோகம் பணம் பொருளால் ஈடு செய்ய முடியாத சோகம்


    பாடல் பற்றிய விமர்சனம் பிறகு

    ReplyDelete
  6. கலக்கல்ஸ் பாஸ்!
    கிம் கிடுக் எனக்குப் பிடித்த இயக்குனர்களில் ஒருவர். இந்த மாதிரியான படம் பார்க்க ஒரு மூட், வெறுமையான மனநிலை வேண்டும். அது எனக்கு தாரளமாக வாய்த்திருப்பதால் மிகப் பிடிக்கும் (முடியல எப்பிடியெல்லாம் சொல்ல வேண்டியிருக்கு! :-)

    வட்டக்கச்சி! - எனது பழைய ஞாபகங்களைத் தூண்டிவிட்டது! சில பதிவுகள் எழுத முயற்சித்து சோம்பேறித்தனம் காரணமாக டிராப்டில் தூங்குகின்றன! மீண்டும் தூசிதட்ட முயற்சிக்கிறேன். மறக்க முடியாத அன்பான மக்கள்!

    பாஸ்! நீங்க மியூசிக் பற்றி நிறைய விஷயங்கள் சொல்றீங்க! நிறைய அனுபவிச்சு, உணர்ந்து படிச்சிருபீங்க போல! நமக்கு எல்லாமே புதுசா இருக்கு! :-)

    ReplyDelete
  7. @மன்மதகுஞ்சு ...

    //இன்றூ 16 வது பிறந்தநாள் காணும் தங்கத்தலைவி " நமீதா" வின் பிறந்தநாளான//
    நீ சொல்லலாம் .. ஆனா நான் ஒன்னா இருந்துகொண்டு பதிவில வாழ்த்து சொல்லுறது அழகில்ல பாஸ் .. நேராவே அதெல்லாம் முடிஞ்சுது!

    //ஆனால் புலப்படாத உண்மை எப்படி கிரேக்கத்தோட பொய்யான பொருளாதார விபரங்களை வைத்து கொண்டு யூரோ அமைப்பில் இணைத்தார்களோ..//

    எல்லா நாட்டையும் இணைக்கவேண்டும் என்று அவசர அவசரமாக இணைத்ததன் பலனை அனுபவிக்கிறார்கள்.

    //அந்த கொரிய படத்தை நம்ம MR ஒரு பார்சல் அனுப்பிவிடுமச்சி//
    கிம்கிடுக் தூக்கில தொங்கிடுவாருடா!

    //லீவியின் சினிமாப்பாடலில் 1995 இல் ஓயாமல் ஒலித்துக்கொண்டிருந்தகால//
    ஞாபகம் இருக்கிறது .. பார்த்திக்கும் இந்த பாட்டு பிடிக்கும்.

    //மச்சி யாரு அந்த கம்பஸ் லேன் பொண்ணா மெசேஜ் அனுப்பின//
    இப்படி பொதுவாக கெட்டா யாரெண்டு தெரியும் .. அடையாளம் சொல்லு!

    ReplyDelete
  8. @நன்றி மயிலன் .. ஆனந்தவிகடன் விஷயம் எல்லாம் கேள்விப்பட்டேன் .. வாழ்த்துக்கள் தலைவரே!

    ReplyDelete
  9. உண்மை தான் பாலா!

    ReplyDelete
  10. கீதா
    உங்கட பதிலே தனி பதிவா நீளுதே...

    //கிளிநொச்சி என்றால் காடு என்று தான் நினைத்த எனக்கு நூலகம், டியூசன் நடக்கும் இடம், கந்தசாமி கோவில், இரணமடு குளம் எல்லாமே காட்டினார்கள் //

    அங்கே இருக்கும் சனசமூக நிலையங்களையும் நூலகங்களையும் பார்த்தபோது எனக்கும் அந்த ஆச்சர்யம் .. அனேகமான பொழுதுகள் அங்கே தான் கழிந்தன ..

    ReplyDelete
  11. ஜீ

    உங்கள் வன்னி அனுபவங்களை எழுதுங்கள் ... வன்னி அனுபவங்கள் என்று தொடர்பதிவு ஆரம்பியுங்க .. நான் எப்போதும் இணைய ரெடி!

    ReplyDelete
  12. உஊமபதபமா இல்லையே என்ற கவலை நமக்கில்லை என்றாலும் உங்கள் பாடல் ரசனையை இரு பத்திகளில் அடக்க முடியாது .ஏன் வரவேற்பில்லை என்பது புரியவில்லை .

    மெட்டு தாளம் புரிந்தாலும் இப்படி ஒரு விளக்கத்திற்கு நன்றி ஐேகே .
    //எஸ்பிபி & ஜானகி, they probably realised its a special song.//
    எப்படி தான் இருவருக்கும் chemistry workout ஆகுதோ தெரியவில்லை அனேகமான பாடல்கள் பொருந்துகிறது .முத்துமணி மால என்ற பாடல் கூட ஜானகி படித்திருக்கலாமே என்று எண்ணத்தோன்றும் அப்படி பல பாடல்கள்

    ஒரு பாட்டை இப்படி டீப்பாக ரசிப்பது சுத்த பைத்தியக்காரத்தனம் என்று சொன்னீர்கள் என்றால்,.....நாங்களும் இணைந்து கொள்கிறோம்

    தயவுசெய்து முதல் விமர்சனத்தை எடுத்து விடவும் நிறையவே நீண்ட சுயசரிதையாக இருக்கிறது please...

    ReplyDelete
  13. உஊமபதபமா இல்லையே என்ற கவலை நமக்கில்லை என்றாலும் உங்கள் பாடல் ரசனையை இரு பத்திகளில் அடக்க முடியாது .ஏன் வரவேற்பில்லை என்பது புரியவில்லை .

    மெட்டு தாளம் புரிந்தாலும் இப்படி ஒரு விளக்கத்திற்கு நன்றி ஐேகே .
    //எஸ்பிபி & ஜானகி, they probably realised its a special song.//
    எப்படி தான் இருவருக்கும் chemistry workout ஆகுதோ தெரியவில்லை அனேகமான பாடல்கள் பொருந்துகிறது .முத்துமணி மால என்ற பாடல் கூட ஜானகி படித்திருக்கலாமே என்று எண்ணத்தோன்றும் அப்படி பல பாடல்கள்

    ஒரு பாட்டை இப்படி டீப்பாக ரசிப்பது சுத்த பைத்தியக்காரத்தனம் என்று சொன்னீர்கள் என்றால்,.....நாங்களும் இணைந்து கொள்கிறோம்

    தயவுசெய்து முதல் விமர்சனத்தை எடுத்து விடவும் நிறையவே நீண்ட சுயசரிதையாக இருக்கிறது please...

    ReplyDelete
  14. உஊமபதபமா இல்லையே என்ற கவலை நமக்கில்லை என்றாலும் உங்கள் பாடல் ரசனையை இரு பத்திகளில் அடக்க முடியாது .ஏன் வரவேற்பில்லை என்பது புரியவில்லை .

    மெட்டு தாளம் புரிந்தாலும் இப்படி ஒரு விளக்கத்திற்கு நன்றி ஐேகே .
    //எஸ்பிபி & ஜானகி, they probably realised its a special song.//
    எப்படி தான் இருவருக்கும் chemistry workout ஆகுதோ தெரியவில்லை அனேகமான பாடல்கள் பொருந்துகிறது .முத்துமணி மால என்ற பாடல் கூட ஜானகி படித்திருக்கலாமே என்று எண்ணத்தோன்றும் அப்படி பல பாடல்கள்

    ஒரு பாட்டை இப்படி டீப்பாக ரசிப்பது சுத்த பைத்தியக்காரத்தனம் என்று சொன்னீர்கள் என்றால்,.....நாங்களும் இணைந்து கொள்கிறோம்

    தயவுசெய்து முதல் விமர்சனத்தை எடுத்து விடவும் நிறையவே நீண்ட சுயசரிதையாக இருக்கிறது please...

    ReplyDelete
  15. >மெல்பேர்னில் எழுத்தாளர் விழாவாமே. மழைக்கு ஒதுங்கும் ஐடியா இருக்கா?

    நம் போன்ற 'பழசுகளுக்கு' இலவச 2-way ரிக்கற் உண்டா?

    ReplyDelete
  16. @கீதா ..

    "இந்த வார பாடல்" தான் முதலில் எழுதுவது .. எழுதுவதற்கு அவ்வளவு விருப்பம்! உயிர் இல்லையா!

    //முத்துமணி மால என்ற பாடல் கூட ஜானகி படித்திருக்கலாமே என்று எண்ணத்தோன்றும் அப்படி பல பாடல்கள் //
    என்ன இப்பிடி சொல்லீட்டீங்க .. எனக்கு அந்த பாட்டில பிடிச்சதே சுசீலா தான்! சுசீலாவின் வெறித்தனமான ரசிகன் நான்!!! ஹ ஹா

    ReplyDelete
  17. @கீதா
    //தயவுசெய்து முதல் விமர்சனத்தை எடுத்து விடவும் நிறையவே நீண்ட சுயசரிதையாக இருக்கிறது please...//

    அந்த கருத்தில் நிறைய உண்மையும் அன்பும் இருக்கிறது .. இவற்றை எழுதுவதால் யார் வாசிக்கிறார்கள் என்பதைவிட உங்களுக்கு ஒரு திருப்தி வரும் பாருங்கள் ... அது தான் முக்கியம்.

    ReplyDelete
  18. @சக்திவேல் அண்ணே
    //நம் போன்ற 'பழசுகளுக்கு' இலவச 2-way ரிக்கற் உண்டா?//
    நிறைய பேர் "தமிழ்" வளர்க்க சிட்னியில் இருந்து வருகிறார்கள் ... 2-way ரிக்கட் கொடுத்து தமிழ் வளர்க்க அழைக்கலாம் தான் .. உங்களுக்கு அவமானம் என்பதால் டிக்கட்டை கான்சல் பண்ணீட்டன்!

    ReplyDelete
  19. இப்போதுதான் முழுமையாய் படித்தேன் ஜேகே.. அந்த காமரூன் பத்தி மட்டும் கொஞ்சம் புரியவில்லை..

    மன்மத குஞ்சு இந்த வாரம் கவிதையை விட, அந்த முன்னுரை அட்டகாசம்...:)

    ReplyDelete
  20. நொட்டை5/15/2012 12:09 pm

    இந்த பாட்டு சனியனை பற்றி எவ்வளவுதான் படிச்சாலும் ஒண்டும் புரியுதில்லை பாஸ்...
    மெட்டு, ராகம், தாளம், ஏற்றம், இறக்கம் ....வேறை எதோ ஒண்டு சொன்னானே. tune .. பாட்டு கேட்க்கும் போது இவ்வளவும் உங்களுக்கு கேக்குதோ.... எனக்கு டண்டனக்கா நக்க நக்க... டண்டான் டக்க நக்க நக்க மட்டும் தான் கேட்குது...
    இத விளங்க ஒரு சனி இரவு appointment தர முடியுமா ??

    ReplyDelete
  21. நன்றி மயிலன்
    கமரூன் விவகாரம் இங்கே
    http://news.yahoo.com/james-cameron-mining-asteroids-possible-102602583.html

    ReplyDelete
  22. நொட்டை

    பாஸ் இந்த வாரம் பாடிடுவோம்!!

    ReplyDelete
  23. அய்யா என் பிள்ளை பரயமும் படிப்பும் ஏழாம்வகுப்புவரை அங்கேதான் அங்கேதான் வட்டக்கச்சி ..கடைசியாய் நான் பார்த்தது 1985 ல்
    அந்த நினைவுகள் இன்றும் வாழ வைக்கிறது .ஜெயா 52 Germany

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே