வியாழ மாற்றம் 31-05-2012 : நாய்கள்!


நாய்கள்!

உனக்கப்ப ஒரு வயசு கூட ஆகேல்ல எண்டு நினைக்கிறன். ஏதோ ஒரு எலெக்ஷன். இவங்கள் அமுதலிங்கம், செல்வநாயகம் எல்லாம் சேர்ந்து எடுத்த மாவட்ட சபையா தான் இருக்கோணும்... மறந்துபோச்சு. சுன்னாகம் மயிலினி மகாவித்தியாலயத்தில தேர்தல் வாக்களிப்பு நிலையம். நான் தான் எஸ்பிஓ (Senior Presiding Officer).  நிலையத்து பொறுப்பதிகாரி. முதல் நாளே போய் வோட்டிங் பொக்ஸ் எல்லாம் செக் பண்ணி ரெடி பண்ணி வைக்கோணும். கச்சேரிக்கு போறன். அங்க வாசலிலேயே மறிச்சு திருப்பி அனுப்பீட்டாங்கள்.
குளியாபிட்டியாவில இருந்தெல்லாம் சிங்களவனை இறக்கியிருக்கிறாங்கள். அவங்கள் தான் எல்லா வேலையும் பார்ப்பாங்கள். எங்கள வேணுமெண்டா நேரே வரச்சொன்னாங்கள். அதிகாரிக்கு கொடுக்கவேண்டிய வாகனமும் இல்லை. என்னடா இது சனியன் எண்டு நினைச்சுக்கொண்டே வீட்ட போறன்!

JPLTCB64
அடுத்தநாள் மே 31. 1981 ஆ 82 ஆ? சரியா ஞாபகம் இல்ல. அண்டைக்கு காலம யாழ்ப்பாணம் முழுக்க டென்ஷன் .. கச்சேரி முழுக்க ஆர்மியை இறக்கீட்டான். ஆனா மயிலணி பூத்தில சனமெண்டா .. அப்பிடி ஓரு சனம். தொண்ணூறு வீதம் வோட் விழுந்துது. பின்னேரம் கொஞ்சம் கொஞ்சமாக நியூஸ் வர தொடங்கீட்டுது. மூண்டு போலீசை பெடியள் போட்டவங்கள் எண்டு நினைக்கிறன். கூட்டணியிண்ட ஓபிஸ் சுக்கல் நூறு. டவுணுக்க கடையெல்லாம் உடைக்க தொடங்கீட்டாங்கள். பெட்டியை எடுத்துக்கொண்டு ஆர்மி பாதுகாப்போட பஸ்சில போறம். தாவடிச்சந்தில ஒரு கடைல நிப்பாட்டி ஆர்மியே கதைவை உடைச்சு சிகரெட் எடுக்கிறான். நாங்க ஒண்டும் பறயேல்ல! வீடு போனா காணும்.
நியூஸ் வெளிய வரத்தொடங்கீட்டு. சென்றல் கொலிஜ் பக்கத்தால, அப்ப யாழ்ப்பாணம் எஸ்பியா இருந்த சுந்தரலிங்கம் போய்க்கொண்டிருந்தார். அவருக்கு கீழ வேலை செஞ்ச போலீஸ் காரனெல்லாம் கூவடிக்கிறானாம். சுப்பிரிண்டனுக்கு கூவடிக்கிற அளவுக்கு சேட்டை கூடிப்போச்சுது. இவர் உடனே கொழும்புக்கு அறிவிச்சிருக்கிறார். அங்கால பக்கம் இருந்து எந்த ரெஸ்போன்ஸும் இல்ல. இது சரிவராது எண்டு அவரும் வீட்ட போய்ட்டார்.
ajan_news_1288707822626
இவன் மினிஸ்டர் காமினி எல்லாம் யாழ்ப்பாணத்தில தான் நிக்கிறான். ராவைக்கு தொடங்கீட்டான்கள். ஜேஆரும் சப்போர்ட். ரெண்டு மூண்டு நாளைக்கு எரிஞ்சுது. ரெண்டு மூண்டு சனத்தையும் கொண்டிட்டான்கள் ... அவங்கள் சதிராடுறாங்கள் .. எங்களால ஒண்டும் செய்ய ஏலுதில்ல!
இவன் அல்பிரட் துரையப்பா கலாதியா தொடங்கின லைப்ரரி. அரண்மனை மாதிரி… கிட்ட போனாலே சும்மா நிமிர்த்திக்கொண்டு நிப்பார்! இந்தியால இருந்தெல்லாம் வந்து படிக்கிறவங்கள். ஒரு லட்சம் புத்தகங்கள்.. .. ஏடெல்லாம் இருநதுது ..ஸ்கந்தாவில படிக்கேக்க நானும் தம்பியும் அடிக்கடி போய் நிறைய வாசிச்சிருக்கிறம். நல்லூர் மாதிரி தாண்டா எங்களுக்கு அது .. கோயில்.
ச்சே .. எரிச்சிட்டாங்கள் .. நாயள்!

வாரணம் மூன்று!

ElephantAsian
என்னுடைய “புலம்பெயர் இலக்கியத்தில் வலைப்பூக்கள்” என்ற சாரத்தில் எழுதிய “வாரணம் மூன்று” என்ற கட்டுரைக்கு ஏன் அப்படி ஒரு தலைப்பு? என்று கேட்கிறார்கள்! சம்பந்தமே இல்லையே?சம்பந்தர் பேசுவதில் மட்டும் ஏதும் சம்பந்தம் இருக்கோ?
எழுதும்போது ஏதாவது உருப்படியாக சொல்லவேண்டும் என்று தான் தொடங்கினேன். ஆ ஊ என்றால் போர், அகதி, மரணம், கஷ்ட ஜீவனம், எங்கட ஊர் போல வருமா? என்ற புலம்பல்களை ... வாசித்து வாசித்து வெறுத்துப்போய், டேய் கொஞ்சம் ஹன்சிகாவை கண்ணுல காட்டுங்கப்பா என்று சொல்லும் விஷயம்! நீட்டி முழக்கி கட்டுரை பாணியில் எழுதியும் தள்ளிவிட்டேன். திரும்பவும் வாசிக்கும் போது தான் புரிந்தது. Its not me! ஏண்டா எழுதினோம் என்று இருந்தது!  வாசித்துக்கொண்டிருக்கும்போது அப்பா மொத்தமாக மூன்று தடவை “என்னடா பட்ட பகலில குறட்டை விடுறாய்” என்று தட்டி எழுப்ப வேண்டியிருந்தது. அப்படி அவர் தட்டி எழுப்பிய இடங்களில் ஒவ்வொரு நிறத்தில் ஒவ்வொரு யானையை புகுத்தினேன்! ஒன்று வெள்ளை யானை, மற்றையது கறுப்பு களிறு! கடைசியாக நீலப்பிடி!
images
மீண்டும் ஒருமுறை வாசித்துப்பார்த்த போது அந்த மூன்று யானைகளும் தான் கட்டுரையில் உருப்படியாக இருந்தது போல தோன்றியதால் தலைப்பை “வாரணம் மூன்று” என்று வைத்தாயிற்று.
இத்தால் ஈழத்து இலக்கியவாதிகளுக்கு சொல்லிக்கொள்வது என்னவென்றால், தமிழை வளர்க்கிறேன் பேர்வழி என்று பல்கலைக்கழகங்களில் தள்ளாத “வாலிப” வயதிலும் PhD படிப்பவர்கள் செய்யவேண்டிய விஷயத்தை, பொது ஜனங்கள் வரும் மேடைகளில் அலசவேண்டாம் பிளீஸ்.. மக்களுக்கு தமிழை சுவாரசியமாக கொண்டுசெல்லவேண்டும் .. “ஆவியை ஜனகன் பெற்ற அன்னத்தை அமுதில் வந்த தேவியை பிரிந்ததாலே திகைத்தனை போலும் செய்கை” என்ற வாலி வதை பாடலையோ, அல்லது, “நாணம் என் நாணம் ஒரு வானவில் வரைகிறதே, மௌனம் என் மௌனம் ஒரு வார்த்தைக்கு அலைகிறதே” என்ற சினிமா பாடலையோ கூட அழகாக ரசிக்கும்படி விமர்சித்து பேசினால் கூட்டம் கும்மும். அதை விடுத்து புலம்பெயர் இலக்கியம் என்றால் … தக்காளி புன்னாலைக்கட்டுவான் பஸ் கூட புத்தூரோட ப்ரேக் போட்டிடும்!
try-_white-elephant_-gift-exchange-800x800
இதில சின்ன கொமெடி ஒன்றும் நடந்தது. இங்கே தமிழ்முரசு சஞ்சிகை தளம்(முதலில் ஈழமுரசு என்று தவறுதலாக எழுதிவிட்டேன், மன்னிக்க),  .. என்னிடம் ஒரு வார்த்தை கேட்டிருக்கலாம்! கேட்கவில்லை .. அப்படியே கொப்பி பேஸ்ட் பண்ணி போட்டிருக்கிறார்கள் .. அதே யானைகளோடு! 

பிரெஞ் ஒபன்

inext_p_snc_GangulywithClarஅட போங்கப்பா .. தலைவரை ஐபிஎல் இல சப்போர்ட் Federer_Su12பண்ணினா தக்காளி பூனா வாரியர்ஸ் கட்டக்கடைசியா வந்திருக்கு. முக்காடு போடாக்குறையா facebookல அலையவேண்டியதா போச்சுது. இப்ப பிரெஞ் ஓபன். பாரிஸில் இருக்கும் மருமகள் ஏற்கனவே ரெண்டு மூன்று ஈமெயில் அனுப்பினாப்ள. மாமா யாருக்கு நீங்க சப்போர்ட்? வேற யாரு? ஒரே நிலா ஒரே சூரியன் நம்ம ரோஜர் பெடரர் தான். நமக்கு டெனிஸ் என்றால் அது பெடரர் தான்.  பெடரரை வெல்வதாலேயே வீணாய்ப்போன நடாலை எனக்கு கண்ணுல காட்டகூடாது. முப்பது வயதில் முதல் முதல் டெனிஸ் ராக்கட் பிடிச்ச போது கூட அடிச்ச முதல் அடி பாக் ஹாண்ட் ஸ்லைஸ் தான். பெடரரை அவ்வளவு பிடிக்கும். ஆனாலும் கிளே என்றால் அண்ணன் கொஞ்சம் அடங்கீடுவார். வயசு வேற போச்சுதா. இரண்டாம் சுற்றிலேயே லைட்டா பேஸ்மண்ட் நேற்று ஆடினாப்போல இருந்திச்சு…. ஆடும் வரை ஆடு ராஜா! ஆடாவிட்டாலும் நீ தான் எமக்கு ராஜா!

டொக் …டொக் …டொக்

விசுக்கென்று அறைக்குள் நுழைந்து கதவை உள்பக்கமாக தாழ்பாள் போட்டான் நரேன். பக்கத்தில் நடுங்கியபடியே, ஓடிவந்த மூச்சிறைப்புடன் அபி. பயத்தில் இன்னமும் சிவந்துபோய் இருந்தவளை பார்க்க நரேனுக்கு அந்த பதட்டத்திலும் முத்தமிடவேண்டும் போல் .. “ஏன் ..கதவை திறந்தால் உயிர் போய்விடும் இந்த இடத்தில் எதற்கு இப்பிடி ஒரு சிந்தனை?”, நரேன் அபியை அணைத்துக்கொண்டே அறை நடுவே வந்தான். ஒரே ஒரு பல்ப். எரித்துக்கொண்டிருந்தது.
நாங்க எங்கடா இருக்கிறம் இப்ப?
உஷ் … இது ..
ஆள்காட்டி விரலை அவளின் உதட்டில் வைத்து அழுத்தினான் நரேன். ஹார்ட் பீட் நூற்றி இருபது இருக்கலாம். ட்ரெட்மில்லில் ஓடும்போது, நூற்றி ஐம்பதை தாண்டினால் தான் இரத்தத்தில் இருக்கும் கொலஸ்டரோல் குறைய தொடங்குமாம். பிரவீன் சொல்லியிருக்கிறான். பிரவீன் … எங்கே போயிருப்பான் .. தப்பியிருப்பான் அவன் .. எமக்கு முன்னாலேயே ஓடிப்போனானே.
என்னத்தையாவது பேசடா … பயமா இருக்கு
கொஞ்சம் நேரம் பொறு அபி..
அபி பயத்தில் மூடிய கண்ணை இன்னும் திறக்கவில்லை. நரேன் இப்போது நிமிர்ந்து பார்க்கிறான். அறை மிக விசாலமாக தெரிந்தது ..மிக விசாலமாக .. வெளிச்சத்தில் அறையின் சுவர்களை கூட காணவில்லை. திரும்பிப்பார்த்தான். கதவு தெரிந்தது .. இரண்டு புறமும் சுவர் .. நீண்டு நீண்டு ..என்ன மாதிரியான கட்டடம் இது? ச்சே இப்படி வந்து மாட்டியாச்சு. அடியும் விளங்கேல்ல நுணியும் விளங்கேல்ல.  அபி இன்னமும் கண்ணை திறக்கவில்லை.
6306182-classic-light-bulb-on-the-dark-roomஅபி…
ம்ம்ம்..
இத பார்த்தா அறை போல தெரியேல்ல .. திடீரென்று ஒரு  மூலையில் இருந்து அதுகள் வந்திட்டா?
என்னடா சொல்லுற? பயமுறுத்தாத.. ..இது அறை தானேடா .. வெளிய இருந்து திறக்கும்போது ..உள்ளுக்க பல்ப் மேசை  கூட…
அபி பேசிக்கொண்டு இருக்கும்போதே அவசரமாக ஏதோ அரவம் கேட்டு அவளின் வாயைப்போத்தினான் நரேன். கதவுக்கு வெளியே தான் ஏதோ சத்தம் .. வந்துவிட்டுதுகளா?
டொக் …டொக்….டொக்
இந்த கதவு தான் தட்டப்படுகிறது. இருவருக்கும் ஐந்தும் கெட்டு அறிவும் கெட்டுவிட்டது. அபியை மேசைக்கு அடியில் ஒளியும் படி சொல்லிவிட்டு மெதுவாக நரேன் கதவடிக்கு போனான். ஆயுதம் இல்லை.
டொக் …டொக்….டொக் .. ப்ளீஸ் கதவை திற .. ப்ளீஸ்
உள்ளே நரேனும் அபியும் இருப்பது தட்டுபவனுக்கு தெரிந்திருக்கவேண்டும். இல்லை பொதுவாக தான் சொல்லுகிறானா? திரும்பி அபியை பார்த்தால் .. நடுங்கிக்கொண்டு இருந்தாள். இன்னமும் சிவந்து .. அவளை அப்படியே .. ச்சே புத்தி புத்தி..
நரேன் … நீ தான் எண்டு தெரியும் .. பிளீஸ் திற .. அவங்கள் வைகுண்டத்துக்கும் வந்திட்டாங்கள்!
திடுக்கிட்டான் நரேன். வைகுண்டமும் போச்சா. கடவுளே என்ன ஊழிடா இது.. கொஞ்சமே தைரியத்தை வரவழைத்துக்கொண்டு மெதுவாக பேசினான் நரேன்.brahma
நீ யார் என்று முதலில் சொல்லு .. உன்னை எனக்கு தெரியுமா?
தெரியுமாவா? உன்னை படைச்சதே நான் தாண்டா .. அப்பன்டா!
காலஞ்சென்ற சபாபதிப்பிள்ளை தணிகாசலம், நரேனின் அப்பன், ஐஞ்சாம் வகுப்பு ஸ்கொலர்ஷிப்பில பெயிலானதுக்கு முதுகுல போட்டது சன்னமாக அவனுக்கு ஞாபகம் வர,
நரகத்தையும் பிடிச்சிட்டாங்களா?
டேய் நான் வேத முதல்வன்டா .. உன்னை .. அபியை … இந்த அறையை .. எல்லாத்தையும் படைச்சவன்!
ஓ நீயா .. சொறி நீங்களா .. உங்களுக்கே ஆப்பு வச்சிட்டாங்களா? என்று சொல்லிக்கொண்டே தாழ்ப்பாளை மெதுவாக திறந்துகொண்டிருக்கும்போதே வெடுக்கென்று புகுந்தான் அவன்.
அவன்! வேத முதல்வனா அவன்? ம்ம்ஹூம். கன்னங்ககறுப்பாக .. மூன்று தலையை வேறு காணோம்.. ஏமாற்றிவிட்டான் பாவி. இவன் அவன் ஆளா? எங்களை போல அகதியா? மூன்று பேருக்கு இந்த அறைபோதுமா? நரேன் யோசித்துக்கொண்டே இருக்கும்போது இப்போதைக்கு நான்முகன் நடு அறைக்கு போய்விட்டிருந்தான். அபி பயத்தில் விறைத்து இன்னும் சுருண்டு  போயிருந்தாள்.
நீங்கள் நான்முகன் தான் என்பதற்கு என்ன அடையாளம்? நான்முகன் ஆரியன் அல்லவா? உங்களை பார்த்தால் கறுப்பாக இருக்கிறதே? சிவனா? இல்லை சுமந்திரனா? சொல்லுங்களேன்.

2255781557_d7148597a7சிரித்தான். பல்லெல்லாம் கறுப்பு. வெளியில் தெரியும் எந்த இடமும் வெள்ளை இல்லை. கறுப்பு. சனீஸ்வரன் போல .. ஏமாற்றுப்பட்டுவிட்டோம் ச்சே .. எழுந்து ஓடும்போது ஏழரை ஆரம்பித்ததை மறந்தேவிட்டேனே என்று நரேன் குழம்பிக்கொண்டிருக்க, நான்முகன் aka சனியன் இப்போது அபியை பார்த்தான். அபி இன்னமும் சுருண்டு, நடுங்கி .. முன்னே சொன்ன எல்லா விவரணங்களும் இன்னமும் அப்படியே.
சொல்லுங்க .. நீங்க யாரு … நீ..ங்க தான் பிரம்மன் எண்டதுக்கு
வாயை மூடுமாறு சைகை செய்துகொண்டே மேலே எரிந்துகொண்டிருந்த பல்ப்பை பார்த்து கை நீட்டினான் அவன்.. பல்ப் பட படவென்று மின்னத் தொடங்கியது .. வெளிச்சமும் இருளும் .. வெளிச்சமும் இருளும் … இருண்டபோது தான் தூரத்தில் சின்னதாய் இன்னொரு எல்ஈடி பல்ப்பும் இருந்தது தெரிய .. திடீரென்று ஒட்டுமொத்தமாய் பல்ப் அணைந்துவிட்டது. வீல்…… என்று கத்தினாள் அபி. எல்ஈடி இன்னமும் எரிந்தது. அந்த வெளிச்சத்தில், மிரண்டுபோயிருந்தாலும் அபியின் அழகு. எல்ஈடி தோத்துது போ!
ஹ ஹ ஹ .. சிரித்துக்கொண்டே “இப்ப பாரு” என்று நான்முகன் aka சனியன் சொல்ல மீண்டும் பல்ப் எரிந்தது. அறை முழுதும் வெளிச்சம்.  காய்த்துகொண்டிருந்த எல்ஈடியை காணவில்லை!
கடவுள் என்று சொல்லிக்கொண்டு வந்தவன் வித்தை காட்டுகிறான். அபி நரேனிடம் “இவனை எப்படியாவது வெளியே அனுப்பு” என்று கிசுகிசுக்கிறாள். நமக்கே சாப்பாடு இல்லை. மூன்றுபேரை இந்த அறை தாங்குமா?. நரேனுக்கு ஒன்றுமே புரியவில்லை. பிரச்சனைக்கு ஒளிந்து ஓடி அறைக்குள் வந்தால் இவன் இப்படி வந்து ஒட்டிகொண்டானே. பிரம்மஹத்தி!IMG2716-L
“பசிக்குதா அபி ?”
கேட்டுக்கொண்டே அவன் தன் கறுப்புக்கோட்டுக்குள் இருந்து எதையோ எடுக்கும்போது தான் அபி கவனித்தாள். அட … கறுத்தக்கொழும்பான். கோண்டாவில் உயர் சாதி மாம்பழம்! இப்போது அபியின் சிவந்த உதடுகளில் இலேசாக ஈரம் ஊறத்தொடங்கியது. “எத்தனை நாளாயிற்று இந்த மாம்பழத்தை சாப்பிட்டு. இவர் கடவுளே தான்!” என்று அபி யோசிக்கும்போது, அந்த கிரனைட்டை கண்ட நரேன் வெலவெலத்து போனான். இவன் ஏன் கிரனேட்டை எடுக்கிறான்?  .. என்ன இது! சோதனை உள்ளேயுமா? ஆண்டவா!
டொக் …டொக்….டொக்

இந்த வார பாடல் : Walking in the moon light!

எந்தா மலையாள ஓமணகுட்டி ஈ நித்யா இருக்காளோ .. அவள் அடிக்கடி பறையுமாக்கும். ஜேகே நேனு(டேய் இது தெலுங்கடா) வல்லிய சிந்து பாடும் கண்டேளா( இது பாலக்காடாக்கும்) .. ஈ பாட்டை ஒருக்காவேணும் நிண்ட படலையில் போடணுமாக்கும் குட்டா!
nithya-menon-free-wallpapers121
“குட்டா” என்று கூப்பிட்ட பின்னும் போடாவிட்டால் எங்கள் காதலுக்கு என்னப்பா மரியாதை? சத்யம் சிவம் சுந்தரம் படத்துக்காக வித்தியாசாகர் இசையில் தல ஹரிஹரன் பாடியது. முதலில் கேளுங்கள் .. அப்புறம் பாட்டுக்கு!


ஒலிப்பதிவு நடந்துகொண்டிருக்கும் போது வித்தியாசாகர் பாத்ரூம் போயிருக்கவேண்டும் போல … கிடைத்த காப்பில் ஹரிஹரன் கிறிஸ்கைல் ஆகிவிட்டார். வழமையான ஹரிஹர சங்கதிகள் பிர்க்காகள் மட்டுமில்லாமல் இந்த பாட்டில் எக்ஸ்ட்ராவாக ஒரு அழகான பாவமும் இருக்கும். “மெய்யோடு சேர்த்தால் ஆராய்ச்ச மேளம்” என்னும்போது கதகளி தாளமும் தவழ .. one of the best romantic songs மீண்டுமொருமுறை வித்தியாசாகர் பள்ளியில் இருந்து.
இந்த பாடல் வெளியானது 1999. இதே பாடல் தான் எட்டு வருடங்கள் கழித்து “கண்ணால் பேசும் பெண்ணே” ஆனது. எஸ்பிபி தேவையில்லாமல் “வாயை” கொடுத்துவிட்டார்.  என்ன தான் சிரித்து மழுப்பினாலும்  .. ஹரிஹரன் version உடன் ஒப்பிடும்போது மாற்று கொஞ்சம் குறைகிறது என்று சொல்… ஆ அம்மா.. யாரோ படலையடியில கல்லெறியிறாங்கள் .. ஓகே ஓகே எஸ்பிபி பாட்டும் நல்லாத்தான் இருக்கு.


குத்துங்க எஜமான் குத்துங்க!

இந்த மன்மதகுஞ்சுக்கு அப்பன் காரன் எந்த நேரத்தில ……. சாரி .. பெயர் வச்சானோ தெரியாது. அனுப்புற படங்கள் எல்லாம் அந்த மாதிரியாகவே இருக்கு!
AuN-DWFCIAAgmnk.jpg large
டேய் .. நாங்களும் என்ஜினியரிங் தாண்டா செஞ்சோம்! பைனல் இயர்ல ஒரு ஜில்லையும் காணோம் .. ஜங்கையும் காணோம் ஜக்கையும் காணோம். அப்புறம் சாப்ட்வேர் கம்பெனி .. அத ஏண்டா கேக்கிற? .. எச்ஆர்ல ஒரு சிங்களத்தி கொஞ்சம் ஓகே … சிரிச்சேன் ..சிரிச்சா. பார்ட்டிக்கு போனா, நான் கொறிச்சேன் .. அவ வெறிச்சாடா! அடுத்தநாளு கடற்கரைல எங்கூட ஆணி புடுங்கிற ஒரு நாதாறியோட பொரிச்சாடா! மக்கா கடலை பொரிச்சாடா! இனி குரைச்சென்ன வரப்போகுதெண்டு, ஆன் சைட்டுக்கு சிங்கப்பூர் போனா .. டிரெஸ்ஸு எல்லாம் ஓகே தாண்டா…போட்டத விட போடாதது தான் அதிகம் தெரியும்! ஆனா தக்காளி அதுக சைனீஸ்காரிக சிரிச்சாலே டெரரா இருக்கும்டா! பேசினா அதுக்கப்புறம் எந்த பொண்ணுங்கள பார்த்தாலும் பேதியாயிடுவ .. அப்படி ஒரு பிடாரிங்க! வேணாம்டா வம்பு .. பேசாமா நித்தியானந்தரா போய் அவ்வப்போ ஆன்மீக பரிசோதனைகளை செய்வோம் எண்டு ஆஸ்திரேலியா வந்தா .. கேதா சொல்லுறான்
“அண்ணே நீங்கல்லாம் ஆணியே புடுங்க போறதில்லை”

31 comments :

  1. டொக் டொக் டொக் முடித்த இடம் சற்று விளங்க இல்லை நண்பரே.. விளக்கம் ப்ளீஸ்...

    ReplyDelete
  2. நீங்கள் விளக்கிய பிறகும் வாரணம் மூன்று தலைப்பு பற்றிய குழப்பங்கள் இருக்கத்தான் செய்யுது..

    அப்புறம் சேம் பிஞ்ச்.. நானும் பெடரர் வெறியன் தான்.. விளையாட்டைத் தாண்டி ஒரு சாந்தம் அவரது வசீகரம்...

    ReplyDelete
  3. வெளில இருந்து பாக்குற எல்லாருக்கும் என்ஜினீயர் பொண்ணுங்க அப்படிதான் தெரியுதுங்க... ஆனா அது பொய்ன்னும் என்னால ஒத்துக்க முடியல... என்னோட தோழி ஒருவளிடமே இந்த மாற்றத்தை நான் கவனித்திருக்கிறேன்...

    ReplyDelete
  4. @மயிலன்!

    //டொக் டொக் டொக் முடித்த இடம் சற்று விளங்க இல்லை நண்பரே.. விளக்கம் ப்ளீஸ்...//
    மீண்டும் அந்த கடைசி பந்தியை வாசியுங்கள். கதவு தட்டப்படுகிறது .. யாராக இருக்கலாம் என்ற ஹின்ட் கொடுக்கப்பட்டு இருக்கிறது!

    ReplyDelete
  5. @மயிலன்!

    //நீங்கள் விளக்கிய பிறகும் வாரணம் மூன்று தலைப்பு பற்றிய குழப்பங்கள் இருக்கத்தான் செய்யுது.. //

    IT யின் சில specifications மிக நீளமாக இருந்தால், engineers வாசித்து பார்க்கிறார்களா என்று செக் பண்ண "white elephant" என்ற தொடர் பாவிப்பதுண்டு. சிலவேளைகளில் தூங்குகிறார்களா என்று பார்க்க presentation slides இல் கூட செய்வார்கள். செய்தும் இருக்கிறேன்! .. அதை கொஞ்சம் ட்ரை பண்ணினேன்.. மற்றும் படி சீரியஸாக ஒன்றும் இல்லை!

    //அப்புறம் சேம் பிஞ்ச்.. நானும் பெடரர் வெறியன் தான்//
    Federer விளையாடும்போது கை கால் கூட அசைப்பதில்லை! superstitious!

    ReplyDelete
  6. //வெளில இருந்து பாக்குற எல்லாருக்கும் என்ஜினீயர் பொண்ணுங்க அப்படிதான் தெரியுதுங்க..//
    அது சும்மா ஜோக் பாஸ். தவிர நான் ஒன்றும் வெளியில் இருந்து பார்க்கவில்லையே! இலங்கையில் அப்படி இல்லை தல!! ... ஹாட் நியூஸ் எல்லாம் சீரியஸா எடுத்தா இன்றைக்கு மன்மதகுஞ்சுவை கல்லால அடிச்சே கொன்னிருப்பாங்களே!!

    ReplyDelete
  7. ஏடெல்லாம் இருநதுது .. நல்லூர் மாதிரி தாண்டா எங்களுக்கு அது .. கோயில்.

    100 % True

    ReplyDelete
  8. அண்ணை! நூலக எரிப்பு சம்பந்தமான விபரணம் அற்புதம்..

    அதுசரி
    //
    எச்ஆர்ல ஒரு சிங்களத்தி கொஞ்சம் ஓகே … சிரிச்சேன் ..சிரிச்சா. பார்ட்டிக்கு போனா, நான் கொறிச்சேன் .. அவ வெறிச்சாடா! அடுத்தநாளு கடற்கரைல எங்கூட ஆணி புடுங்கிற ஒரு நாதாறியோட பொரிச்சாடா!
    //

    யாருன்னு சொல்லவே இல்லையே! யாருட்ட கேட்டு confirm பண்ணுறது என்றே தெரியலையே :)

    ReplyDelete
  9. நன்றி பெயரில்லா நண்பரே!

    ReplyDelete
  10. நன்றி Vimal ..

    //யாருன்னு சொல்லவே இல்லையே! யாருட்ட கேட்டு confirm பண்ணுறது என்றே தெரியலையே :)//

    ஏன் தெரிஞ்சா நீங்களும் கடலை போடலாம் என்றா? அதெல்லாம் ஆணியே புடுங்கபோறது இல்ல நீங்க! அண்ணன் ஆசில இருந்து குச்சி ஐசும் குருவி மிட்டாயும் வாங்கி அனுப்புறன்.. சூப்பிட்டு கம்முனு இருங்க!!

    ReplyDelete
  11. கோயில்களை எரிபதுவும் குண்டு போட்டு நாசம் பண்ணுவதும் அவர்களுக்கு ஒன்றூம் புதிதல்ல,ஆனாலும் இறைவன் நின்றூ கொல்லுவான் என்ற பதம் ஜே.ஆரோட கட்சிக்கு நல்லா பொருந்தும்.மனுசிக்கு அசிட் ஊத்தி வண்ணார்பண்ணை சிவன் கோயிலுக்கு பீப்பா உருட்டின அத்துலக் முதலி இல் இருந்து கடைசியா கர்ம வீரர் ஜானகபெரேரா வரைக்கும் 100% சரியாகி போச்சு.. சரி விடு இப்ப இருக்கிறவங்களுக்கும் நின்றூ சாதிப்பார்...

    கங்குலி இனி மைக்கு தூக்கத்தான் சரி மட்டையை அல்ல என்பதற்கு இந்த ஜபில் சாட்சி என்னத்தை சொல்ல.. ஒரு வேளை நக்குமா ஸ்டேடியம் வந்திருந்த அடி பின்னி பெடலெடுத்திருப்பாரோ என்னவோ..

    'ஒலிப்பதிவு நடந்துகொண்டிருக்கும் போது வித்தியாசாகர் பாத்ரூம் போயிருக்கவேண்டும் போல"

    ஹரிஹரனிடம் இருக்கும் கெட்ட பழக்கமே இதுதான் இசையமைப்பாளர்கள் வெளியில போற நேரமா பார்த்து சுயபரிசோதனை செய்து பார்த்துவிடுவது,இதேபோல தேவாவின் " தாட்சாயனி " பாடலில் ஹை பிட்சில கத்துவதை கேட்டிட்டு பார்த்தி டங்கசனானது உனக்கு தெரியும்தானே..

    ஆனா எஞ்சினியரிங் படிச்ச ஒரு சில பெண்களை எனக்கு தெரியும் ( கம்பியூட்டர் எஞ்சினியரி தவிர்த்து),ரொம்ப சாதுவா அப்பாவியா அடக்கமா இருப்பாங்க,இந்த கம்பியூட்டர் படிச்சவங்கதான் ரெம்ப சோல்டரை ஏத்துவாங்க.. விடு விடு...இதுக்கெல்லாம் பார்த்தா பிகர் செட் ஆகாது மச்சி ஊரில ஒரு கயல்விழியோ,கவிநயாவோ காத்திட்டு இருக்கும் குடும்பத்துக்கு குத்துவிளக்கு ஏத்த...

    ReplyDelete
  12. //நாய்கள்// நாய்கள்... மாறவுமில்லை இன்னும் மோசமான நிலைமை.. பல்கிப் பெருகிவிட்டன!
    டொக் டொக் சரியாப் புரியல..இப்போ யோசிக்க முடியல! :-(
    இப்போது நாய்கள் மத்தியில் கடுமையாக ஆணி பிடுங்கிக்கொண்டிருப்பதால அப்புறமா மீட் பண்றேன் பாஸ்! :-)

    ReplyDelete
  13. விடிய வந்தவுடனையே நூலகத்தை பற்றி வாசிச்சு வயிறு இப்பவும் பத்தி எரியிது

    ReplyDelete
  14. மன்மதகுஞ்சு

    //சரி விடு இப்ப இருக்கிறவங்களுக்கும் நின்றூ சாதிப்பார்...//
    அவங்களுக்கு சாதிக்கிறது இருக்கட்டும் ..பாதிக்கப்பட்ட மக்களை தெய்வம் என்ன செய்ய போகிறது ...

    //ஒரு வேளை நக்குமா ஸ்டேடியம் வந்திருந்த அடி பின்னி பெடலெடுத்திருப்பாரோ என்னவோ//
    இப்ப நக்மா இருந்தாலும் ஆட முடியாத அளவுக்கு வயசாயிடுச்சு .. இனி ஜோடி நம்பர் ஒன் தான்!

    //" தாட்சாயனி " பாடலில் ஹை பிட்சில கத்துவதை கேட்டிட்டு பார்த்தி டங்கசனானது உனக்கு தெரியும்தானே.//

    சிவ சிவா தாட்சாயினியை பரப்பேனா .. பார்த்தியை .. மறக்கவே ஏலாது.

    //ஆனா எஞ்சினியரிங் படிச்ச ஒரு சில பெண்களை எனக்கு தெரியு//
    எனக்கேவா?!

    //கயல்விழியோ,கவிநயாவோ காத்திட்டு இருக்கும் குடும்பத்துக்கு குத்துவிளக்கு//
    அந்த கவிநயா இன்னமுமா என்னைய காத்திட்டிருக்கு ... ஸ்கைப்புக்கு வா மச்சி!

    ReplyDelete
  15. //டொக் டொக் சரியாப் புரியல..இப்போ யோசிக்க முடியல! :-(//

    வாங்க ஜி .. வாசிச்சு பாருங்க .. அது ஒரு உருவகம் .. வாசிச்சா உங்களுக்கு நிச்சயம் புரியாம போகாது ..

    ReplyDelete
  16. வாங்க Dhanya ..

    உங்களுக்கு ஞாபகம் இருக்கோ தெரியாது .. அப்பவெல்லாம் ஸ்கூல் முடிஞ்சா எரிஞ்ச லைப்ரரியால பார்த்துக்கொண்டே போறதுண்டு ... காலமுள்ள வரைக்கும் .. எப்போதாவது தப்பாக போகும்போது அந்த லைப்ரரியி நினைத்தால் ... மீண்டும் நாமாகிவிடுவோம் .. இது அப்பா எனக்கு சொன்ன விஷயம் ... நாங்களும் சொல்லுவோம் .. அடுத்த தலைமுறை ஆங்கிலத்தில் தன்னும் சொல்லியே தீரும்!

    ReplyDelete
  17. நூலகம் எரிப்பு:
    1981 என்றுதான் ஞாபகம். நான் 6ம் வகுப்பு. (6ம் ஆண்டு அல்ல, அப்பெல்லாம் 'வகுப்பு' தான்). 3, 4ம் வகுப்புகளிலிருந்தே புத்தகப்பிரியன் நான். அந்த வயதிலும் மிக்க துயருற்றேன். அதற்கு முன் அப்பா கைபிடித்து சென்றல் கொலிஜ்'இற்குக்கிட்ட நடக்கும்போது அப்பா சொன்னது, "அங்கை பார், உதுதான் யாழ்ப்பாணம் பெரிய லைப்ரறி, நீ கொஞ்சம் வளந்தாப்போல மெம்பர் ஆகலாம்" என்று. அப்பா சென்றல் கொலிஜ் இல் ஒருகாலத்தில் படிப்பித்தவர் என்பதால் அவரிற்கும் நூலகத்திற்குமான பிணைப்பு அதிகம் இருந்திருக்கும். என்றாலும் நூலக எரிப்பிற்குப் பிறகு அதிகம் அதைப்பற்றிப் பேசியதில்லை. வெறுத்துப் போய்விட்டாரா அல்லது நான் சின்னப் பெடியனென்று யோசித்தாரோ தெரியவில்லை.

    நாய்ப்பிறப்புககள் என்றுகூடச் சொல்லமுடியவில்லை. நாய்கள் அவ்வளவு மோசமா? நாய்கள் புத்தகங்களை எரிக்குமா?

    ReplyDelete
  18. உண்மை தெரியாமல், எல்லாரும் நாய் பேய் எண்டு பேசப்படாது.
    நிதானமா பேச வேணும்.
    அந்த நுலகம் என்னண்டு அழிந்தது எண்டு உங்கள் ஒருவருக்கும் தெரியாத புது புலனாய்வு தகவல் , எம் ஜி ஆரிடம் இருந்து...
    இதைப் பார்த்த பிறகாவது உண்மை பேசப் பழகுங்கள்.

    யாழ் நுலகம் எரிந்தது எப்படி ??
    21 வருடங்களின் பின் வெளிவரும் உண்மை !!!

    எம் ஜி ஆரின் திடுக்கிடும் புலனாய்வு அறிக்கை

    http://www.youtube.com/watch?v=lC3x9-Zjl0w&feature=player_embedded&fb_source=message

    ReplyDelete
  19. //டொக் …டொக் …டொக்// தனிப் பதிவாக்க சொல்லி ஏற்கனவே உங்களிட்ட சொன்னனான். நாய்கள் கூட ஒரு தனி சிறுகதை ஆகியிருக்கலாம்.

    அட பக்கிகளா இப்பவாச்சும் புரியுதா....
    //என்ன இது! சோதனை உள்ளேயுமா? """ஆண்டவா!""""
    டொக் …டொக்….டொக்//

    ஜேகே மன்னிப்பாராக: இந்த முடிவைப் பற்றி தனியே எண்குணத்தவன் குணங்கள் எண்டு ஒரு சிலாகிப்பு எழுதலாம். வேணாம் விடுங்கள் அன்பே சிவம் கமல் சொன்ன மாதிரி இதென்ன ஐ லவ் யூ வா அசிங்கமா சொல்லிண்டு.

    ReplyDelete
  20. (ஜெகேக்கும் எனக்கும் நடந்த ஜீ-சாடை இங்கே உங்கள் பார்வைக்காய்)

    ஜேகே: ஒரே குஷ்டமப்பா, அட சீ கஷ்டமப்பா.

    நான்: ஏன் ஜேகே ?

    ஜேகே: நம்ம பேஸ் புக்கு படலையில ஒரே விளம்பரம் கூடிட்டுது. அதை கட்டி மேய்க்க முடியல.

    நான்: அட இதெல்லாம் இருந்தா தானே நீங்கள் பிரபல பதிவர். இல்லாட்டி பிரபல பதிவர் கவிஞ்ஞர் எண்டு சொல்லும் பதிவர்.

    ஜேகே: நக்கல் ? டேய் நானே கடுப்பில இருக்குறான் நீ அடுப்பில வாட்டாத - அகா சாந்தம் சீ சந்தம்.

    நான்: என்ட குருவாயூரப்பா - நித்தியா மேனனிட்ட கேட்டு ஒரு தாயத்து வாங்கி கட்டுங்கோ

    ஜேகே: போடாங், நாம குச்சு மிட்டாயும் குருவி ரொட்டியும் வேண்டியே கந்தறுந்துடுவம் போல.

    நான்: அட விடுங்க ஜேகே எவ்ளோ பண்ணிடீங்க இதைப் பண்ண மாடீங்களா

    ஜேகே: பாஸ், கொமென்ட் பாத்தன், முடிவை சொல்லீட்டீங்க, நல்லது தான். பலருக்கு அது ரீச் ஆக இல்ல.

    நான்: அட பய புள்ளைக பாவமில்லை, நானும் எவளோதான் பொறுக்குறது

    ஜேகே: அத தனியா கொஞ்சம் elaborate panni சிறுகதையா போடுற ஐடியா இருக்கு; அந்த தேன் நூல் .. சிற்றின்பம் விஷயமும் சரியா போய் சேர இல்லை

    நான்: வாசிப்பவனின் பின் புலம் மற்றும் வாசிப்பு தளம் ஒரே மாதிரி இருக்காதே - நீங்கள் கொஞ்சம் ஹின்ட் குடுக்கலாம்.
    நான் விட்டா இதை ஆதாம் ஏவாள் கதை எண்டும் சொல்லுவன், ஆனா எல்லாத்தையும் நானே சொல்லுறது சேரி இல்லை – இல்லை ?

    ஜேகே: இது ஆதாம் ஏவாள தான் remake
    கருத்தக்கொழும்பான் தான் ஆப்பிள்!
    உள்ளுக்கு வந்தது சாத்தான்.
    கடவுளை மனிசன் வெளிய விட்டு பூட்டிட்டான்!

    நான்: அட இதை இப்படிக் கூட சொல்லலாம் ->
    I Am Legend படக் களத்தில நடக்குது எண்டு. (//கதவுக்கு வெளியே தான் ஏதோ சத்தம் .. வந்துவிட்டுதுகளா?//)
    எனக்கு ஆதாம் ஏவாள் விளங்கீட்டிது - நான் கொஞ்சம் முட்டாள் தான் ஒத்துக்குறன் ஆனா அவ்ளோ இல்லை. அது மனிதத்தின் தொடக்கத்தில எண்டால் இது முடிவில - லைக் ஊழி.

    ஜேகே: apocalyptic களமாக யோசிக்கலாம் ... நாங்களும் அப்படி தான் உருவானவர்கலாகவும் இருக்கலாம் .. ஏதோ ஒன்றின் apocalyptic தான் நாங்கள்

    நான்: ( மனசுக்குள், apocalyptic அது மரமில்லை ?)
    ஆனா கடவுளை வெளியில வைச்சு பூட்டின எண்டுறதை விட
    கடவுள் கூப்பிட்ட பிறகும் கதவு தட்டிக் கொண்டிருக்குறார் எண்டு எகத்தாளமா ? நீங்க தான் எஸ் ஜே சூரியா ரகம் –> இருக்கு ஆனா இல்லை.

    ஜேகே: அது பொருந்துது இல்ல,
    சனியனை பார்த்து ஏமாந்தால கடவுளையே நம்பாம போனது மாதிரி தான் முடித்தது ...
    இதில கடவுள் perspective missing தான் ..
    அதை கூட சிறுகதையா எழுதலாம்

    நான்: உள்ளே ஒரு பிரச்சனை கடவுள் தேவைப்படும் போது - அழைப்பும் இருக்கையில்
    கூப்பிட்ட பிறகு
    கதவு தட்டிக் கொண்டு இருக்கும் கடவுள்
    நம்ம டெலி சீரியல் பெட்டரோ ?


    ஜேகே: ஆனா நாங்க அறியவில்ல? .. சூப்பர்.

    நான்: இதை இன்னமும் நீட்டி முழக்கலாம்….செரி விடுங்க.

    ஜேகே: கொஞ்ச நாளா டூ மச்சா இலக்கியப் பதிவா போயிட்டு இருக்கு… நாம்மள இலக்கிய வாத்தியார் எண்டு நினைச்சிடப் போறாங்கள், விடக் கூடாது.

    thanks machchi!

    நான்: (ஜெர்க் ஆகி, மனசுக்குள் “அட நம்மள அப்படியா நினைக்குறாங்க - சொல்லவே இல்லை”, இலக்கியப் பதிவு எண்டு இந்தாள் எதை சொல்லுது ஓரளவு விளங்காத பதிவா இல்லை ஒரேடியா விளங்காத பதிவா - இது விளங்கிடும்.)
    ஆமா விடக் கூடாது (எதை?)

    ReplyDelete
  21. நன்றி சக்திவேல் அண்ணே .. உங்கள் அனுபவத்தை பகிர்ந்தமைக்கு .. இது எங்கட உயிரோட சேர்ந்து வாற விஷயம் .. மறக்கமாட்டோம்!

    ReplyDelete
  22. பாலா ... இவங்கள என்ன செய்யலாம் ... உண்மைய சொல்லாம இருக்கலாம் .. பொய்யை இப்படி இட்டுக்கட்டினா ... என்ன போழைப்போ தெரியாது...

    ReplyDelete
  23. தம்பி வாலிபா .. டேஞ்சர் ஆசாமிடா நீயி .. gchat ல பேசும்போது கவனமாக இருக்கோணும் போல! .. எண்டாலும் உன் கமெண்ட் அழகு!

    ReplyDelete
  24. \\\\\\உங்களுக்கு ஞாபகம் இருக்கோ தெரியாது .. அப்பவெல்லாம் ஸ்கூல் முடிஞ்சா எரிஞ்ச லைப்ரரியால பார்த்துக்கொண்டே போறதுண்டு ... காலமுள்ள வரைக்கும் .. எப்போதாவது தப்பாக போகும்போது அந்த லைப்ரரியி நினைத்தால் ... மீண்டும் நாமாகிவிடுவோம் .. இது அப்பா எனக்கு சொன்ன விஷயம் ... நாங்களும் சொல்லுவோம் .. அடுத்த தலைமுறை ஆங்கிலத்தில் தன்னும் சொல்லியே தீரும்///

    சத்தியமான ஒரு வார்த்தை.அடுத்த தலை முறை
    எம்மை விட துடிபாக நிற்பார்கள்

    ReplyDelete
  25. //வாரணம் மூன்று!....

    டொக் …டொக் …டொக்..........//
    ஒன்றுமே புரியவில்லை more time please

    //குத்துங்க எஜமான் குத்துங்க!//

    அரிசி மட்டும் ஆவாது

    //பேசாமா நித்தியானந்தரா போய் அவ்வப்போ ஆன்மீக பரிசோதனைகளை செய்வோம் எண்டு ஆஸ்திரேலியா வந்தா ..//
    பயபுள்ளக ரொம்ப ஸ்கோப்போட தான் வந்திருக்காப்போல ஆணி என்ன குண்டூசியே .........பாவம்டா

    ReplyDelete
  26. நன்றி கரிகாலன்.

    ReplyDelete
  27. வாங்க கீதா .. காத்து இப்பெல்லாம் எப்போவாவது இருந்திட்டு தான் அடிக்குது போல :)

    ///ஒன்றுமே புரியவில்லை more time please//

    அதுக்கு தான் வாலிபன் விளக்கமா கமெண்ட் போட்டிருக்காப்ல!

    //அரிசி மட்டும் ஆவாது //
    நல்ல நேரத்தில திருவாய் மொழிஞ்சீங்க போங்க!

    //பயபுள்ளக ரொம்ப ஸ்கோப்போட தான் வந்திருக்காப்போல ஆணி என்ன குண்டூசியே .........பாவம்டா//

    ம்ம்ம் ... நல்ல நட்புகள் அப்பா .. சமாளிக்கவே முடியல!

    ReplyDelete
  28. http://www.youtube.com/watch?v=lC3x9-Zjl0w&feature=player_embedded&fb_source=message

    வரலாறு வென்றவர்களால்தான் எழுதப்படுகிறது.
    அல்லது, பலமுள்ளவன் சொல்வது தான் வரலாறாகிப்போய்விடுகிறது.
    நாங்கள் தோற்றவர்களாகவே இருந்துவிடுவது அல்லது காத்திரமான பதிவுகளை மேற்கொள்ளாது விடுவது, இதுபோன்ற புனைவுகளை வரலாறாக்கும் பணியில் எமது பங்கையும் சேர்த்ததாகி விடும்.

    நாங்கள் இதிலும் தோற்றவர்களாகிவிடக்கூடாதென்ற அங்கலாய்ப்புதான் எழுத்தாளர் ஒன்றுகூடலில் மாத்தளை சோமுவின் கோபமான வார்த்தைகளாக தெறித்திருந்தது என நான் நினைக்கிறேன்.


    இங்கு தான், எழுத்து கைவரப்பெற்ற உங்களைப்போன்றவர்களின் பணி ஆகக்குறைந்தது அணிலின் பங்கையாவது செய்கிறது.
    அது இலக்கியத்தின் எந்தக்கூறாக இருப்பினும் சரி.

    நாம் கடந்து வந்த வரலாற்றின் ஒருபக்கத்தை மட்டும் மிகைப்படுத்தி, புனைவுகளுடன் எள்ளல் துள்ள {வெறும் இலக்கியம் என்ற வகைப்படுத்தலில் நல்ல படைப்புகளாகக்கூட இருக்கலாம்} தொடர்ச்சியாக தர, ஷோபாஷக்தியும், யோ கர்ணனும், கருணாகரனும் ஜெயமோகனும் இன்னும் பலரும் எழுதிக்குவித்தபடியே இருக்கிறார்கள்.
    { உண்மையில் அவரகள் எழுதுகின்றவேகம் அத்தகையது}

    ஒரு காலத்தில், அவையே வரலாற்றுப்புனைகதைகளாகி, வரலாறாகவும் மாறிவிடலாம்.

    ஆதலால் தான் , எழுத்துவலமை உடையவர்களை நோக்கி உரிமையுடன் கூடிய கோபத்துடன் மாத்தளை சோமு பாய்ந்திருந்தார்.
    என்னைப்பொறுத்த வரை அது உரிமையுடன் கூடிய தர்மமான கோபமே.

    அதற்காக , ஒரு கலைஞனின் படைப்புகள் , ஏதோ ஒரு அழுத்தத்தின் கீழேயே உருவாகவேண்டும் என நான் கூறவரவில்லை.
    ஆனால், உங்களிடமிருந்து அதிகம் எதிர்பார்க்கிறோம்.
    தயவு செய்து எழுதிக்குவிக்கவும்.

    ReplyDelete
  29. நன்றி பாலா

    பாலா நீங்கள் சொன்ன விஷயங்கள் எனக்கு புரியாமல் இல்லை. ஆனால் நீங்கள் சொன்ன எழுத்தாளர்களில் ஜெயமோகனை தவிர ஏனையவர்கள் அனைவரும் எழுத்தை அரசியலுக்காக பாவிப்பவர்கள். அவர்களின் முதன்மை தளம் அரசியல். அல்லது ஒரு காலத்தில் அரசியலில் ஈடுபட்டவர்கள்.

    நான் அவ்வகையினன் இல்லையே. என்னுடைய அவ்வப்போது வெளிவரும் அரசியல் விஷயங்கள் ஒரு சாதாரண பொதுமகனுக்கு வரும் ஆதங்கங்கள் தானே ஒழிய அரசியல் என் தளம் இல்லை. நான் போராளியும் கிடையாது. வாசிப்பு தந்த அனுபவத்தில், ஒருவித கிறக்கத்தில் எழுத வந்தவன் நான். என்னிடம் சமூக பொறுப்பை எதிர்பார்க்கலாம். பொறுப்பில்லாமல் நான் எழுதுவதுமில்லை. ஆனால் அதை தாண்டி எனக்கொரு அரசியல் பொறுப்பை ஏற்படுத்திக்கொண்டு இயங்கும் அளவுக்கு எனக்கு தளம் இல்லை. அறிவும் இல்லை.

    ஒரு மென்பொருள் பொறியியலாளனாக எனக்குள்ள பொறுப்பை செய்வது போலவே எழுத்திலும் செய்கிறேன். ஆனால் அதை தாண்டி .. செய்வதாய் இல்லை. புரியும் என்று நினைக்கிறேன் ..

    எனக்கு பிடித்ததை எழுதுவதால் தான் மற்றவர்க்கும் அது பிடிக்கிறது. எப்போது மற்றவர்களுக்காக எழுத தொடங்குகிறேனோ அப்போது அழிந்துவிடுவேன்!

    ReplyDelete
  30. "எனக்கு பிடித்ததை எழுதுவதால் தான் மற்றவர்க்கும் அது பிடிக்கிறது. எப்போது மற்றவர்களுக்காக எழுத தொடங்குகிறேனோ அப்போது அழிந்துவிடுவேன்!"

    அருமை.

    ReplyDelete
  31. http://www.dailymotion.com/video/xr9o68_y-y-y-yy-yy-y-y-y-yy-y-y-y-vdo_school இந்த சலனப் படமே பேசும். அது சலனப் படுத்தாவிடில் ஒரு நல்ல மனோதத்துவரை அணுகவும்.

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே