வியாழ மாற்றம் 07-06-2012 : மஞ்சள் வானம் .. தென்றல் சாட்சி

டேய் ஜேகே

மன்மதகுஞ்சு,
வவுனியா
கலைஞரின் பிறந்தநாள் விழாவில் யாரோ குஷ்புவின் இடுப்பை கிள்ளி விட்டார்களாமே? ஒரே குழப்பமா இருக்கு பாஸ்!  வேணும்னா லைன்ல எல்லாரையும் கிள்ளவிட்டு யாருன்னு கண்டுபிடிக்கலாமா?

இவ்வளவு கலைநயமான மாட்டரை செய்தவர் நிச்சயம் ஒரு “கலைஞரா” தான் இருப்பாரு பாஸ்!நம்ம கலைஞர் தான் பிள்ளையையும் கிள்ளி தொட்டிலையும் ஆட்டுவாரே! இம்முறை ஆட்டுக்கல்லு ஆப்பிட்டாப்ல!

பவர் ஸ்டார்,
சர்வதேசம் என் முகவரி!
ஹிட்லர், ஸ்டீவ் ஜாப்ஸ் ஒப்பிடுக?

சர்வாதிகாரிகள்! நினைத்தது நடப்பதற்காக என்னவென்றாலும் செய்பவர்கள். சாம தான பேத தண்ட தகிடுத்தனங்கள் எல்லாமே யூஸ் பண்ணி... சாத்தியப்படாத எல்லைகளை வகுத்து அதை அடைவதற்காக அல்லும் பகலும் உழைப்பார்கள். ஹிட்லர் அதற்கு “triumph of the will” என்பார். ஸ்டீவ் ஜாப்ஸ் பேசுவதை “reality distortion field” என்பார்கள். முன்னால் இருப்பவர்களை மயக்கும் பேச்சு அது. நாஸிக்களும் ஆப்பிள் நிறுவனமும் கிட்டத்தட்ட ஒரே வகையானவை. தலைவர் சொல்லுக்கு மறுபேச்சு இல்லை. ஜனநாயகம் கிலோ என்னவிலை? மற்றையவர்களின் பலவீனத்தை சுட்டிக்காட்டியே தம் எண்ணங்களை சந்தைப்படுத்துபவர்கள். ஹிட்லருக்கு ஜுதர்கள் என்றால் ஸ்டீவுக்கு அடோப், அன்ரோயிட், மைக்ரோசாப்ட். வெறுப்பென்றால் அப்படியொரு வெறுப்பு!

கொஞ்சம் பெர்சனலாக போனால் ஹிட்லர் இளம்வயதில் அப்பாவை இழந்தபோது அம்மாவுக்கு பதின்ம வயது. வேலையில்லாமல் அங்கேயும் இங்கேயும் அலைந்தார். ஸ்டீவ் ஜாப்ஸின் பெற்றோர் பிறந்தவுடனேயே அவரை தத்துக்கொடுத்துவிட, அவரும் இள வயதில் திக்கின்றி திரிந்தார். அந்தக்காலத்து ஹிப்பி. இந்தியாவுக்கு கூட சென்று என்லைட்மென்ட் தேடி .. குளிக்காமல் திரிந்து . இருவருமே தமது முதல் குழந்தையை தங்களுடையது என்று முதலில் ஏற்றுக்கொள்ளவில்லை. மரக்கறி தான் சாப்பிடுவார்கள். புற்றுநோய் வந்தபின் ஸ்டீவ் மீனை கொஞ்சம் ட்ரை பண்ணினார்!

இன்னும் சொல்லிக்கொண்டே போகலாம். முக்கியமான விஷயம் இரண்டுபேருமே misfits, crazy and different. ஸ்டீவ் இவர்களுள் தனித்துதெரிவதற்கு முக்கிய காரணம், அவர் தனக்கு பின் அப்பிள் நிறுவனத்தின் நிலை என்ன என்பதை இருக்கும் போதே யோசிக்கத்தொடங்கிவிட்டார். ஹிட்லர் அப்படியில்லை. தானும் நாஸிக்களும் இல்லாத ஜெர்மனி இருக்கவே தேவையில்லை என்று பெர்லினை நிர்மூலமாக்க சொன்ன சுயநலவாதி!

இருவருமே ஐம்பத்தாறு வயசில் இறந்தார்கள்!

ஒரு சர்வாதிகாரியின் நோக்கம் தவறும்போது எவ்வளவு கொடுமைகள் விளையும் என்பதும், நன்மை பயக்கும் பட்சத்தில் எவ்வளவு முன்னேற்றம் என்பதற்கும் இருவரும் சிறந்த உதாரணங்கள்!

ஞானி
நாடோடி!
மதனை ஆனந்தவிகடனில் இருந்து விலக்கி விட்டார்களே?

துன்பியல் சம்பவம்! சுஜாதாவின் இடத்தை பிடித்திருக்கக்கூடிய திறமை(இருவரும் ஸ்ரீரங்கத்துகாரர்கள், ஏதாவது கட்டுத்தறி மாட்டரோ?). சுஜாதாவின் தேடல் இருந்தாலும் கிரியேட்டிவிட்டி மதனிடம் கொஞ்சம் மிஸ்ஸிங். சுவாரசியமாக பொது விஷயங்களை தருவதில் கில்லாடி. ஆனந்தவிகடனுக்கும் குமுதத்துக்கும் உள்ள ஒரே வித்தியாசம் என்னவென்று கேட்டால் இந்த ஹாய் மதன் தான்! இப்போது அதுவும் இல்லை! விலக்குவதற்கு சொன்ன காரணம் படு மொக்கை. நடுவுநிலைமை இல்லையாம்! என்றைக்கு எந்த பத்திரிக்கை நடுவுநிலைமையோடு இருந்திருக்கிறது? பப்ளிக் சென்டிமெண்ட்டுக்கு மாறாக ஜல்லிக்கட்டுவை எதிர்த்து பத்தி எழுதினீர்கள் என்று தானே ஞானி உங்களையும் தூக்கினார்கள்! நடுவு நிலைமை அங்கேயே ரிப்பேர் பாஸ்!

எனக்கென்ன கவலைன்னா, ஹாய் மதனும் நின்றுவிட்டதால, தக்காளி “டேய் ஜேகே” க்கு எதிர்பார்ப்பு எகிறப்போகுதல்லோ!

லாரி பேஜ்
கூகிள்
Facebook பங்குகள் இறங்கியது சம்பந்தமாக ஏதும் புதுத்தகவல்கள்? Facebook இதை எப்படி எதிர்கொள்ளப்போகிறது?

Facebook பங்குகள் தேனிலவு முடிந்த தம்பதியர் வாழ்க்கை போல கட கடவென்று சரிந்ததுக்கு, அதற்கென்று நிலையான ஒரு வருமான மொடல் இல்லை என்று பேசியிருந்தோம் இல்லையா? Facebook விளம்பரங்களை நாங்கள் ஏன் கணக்கெடுப்பதில்லை என்ற உளவியல் விளக்கமும் டிஸ்கஸ் பண்ணினோம். கீதா உட்பட்ட 80% பாவனையாளர்களுக்கு இந்த விளம்பர மாட்டரே தெரியாது!

இப்போது facebook புதிய வியாபார யுக்தியை கையாளபோகிறது. “Pay-For-Promotion” என்று அழைக்கபடும், உங்கள் ஸ்டேடஸ், நீங்கள் ஷேர் பண்ணும் விஷயங்கள் எப்போதுமே மற்றவர்கள் பார்வையில் படுமாறு டைம்லைனில் இருக்கவேண்டும் என்று நினைத்தால் அதற்கென்று பிரத்தியேகமாக நீங்கள் பணம் கட்டலாம். அதற்கு “Announce” என்று பெயர் வைத்திருக்கிறது. உதாரணமாக நான் பணம் கொடுத்தால், வியாழ மாற்ற பதிவின் லிங்க் எப்போதுமே உங்கள் Facebook Wall இல் முதலில் இருக்குமாறு ஏற்பாடு செய்யலாம்! அதனால் எனக்கு ஹிட்ஸ் அதிகரிக்கும். என்னை விடுங்கள், ஒரு பைசா தேறாது. ஆனால் வியாபார நிறுவனங்கள் இதன் மூலம் அதிகமான வரவுகளை சம்பாதிக்கலாம். ஆயிரம் பேர் வந்தால் அதில் ஐந்து பேராவது இளிச்சவாயனாக அந்த கம்பனி பொருட்களை வாங்குவான் இல்லையா? கூடிய சீக்கிரம் பில்லியன் பயனாளர்களை எட்டபோகும் Facebook இற்கு இது ஓரளவுக்கு பயன்தரக்கூடிய feature தான். பவர்ஸ்டார்கள், சுதந்திர போராட்ட வீரர்கள், இலக்கிய போராளிகள், விஞ்ஞானிகள் என்று தம்மைத்தாமே காட்டிக்கொள்ளும் கைப்பிள்ளைகள் நாளொரு வண்ணமும் பொழுதொருமேனியுமாக வளர்வதை பார்த்தால், இந்த Announce feature பில்லியன் பில்லியனாய் உழைத்துக்கொட்டப்போகிறது என்பது மட்டும் நிச்சயம்.

மற்றபடி facebook பத்துவருடங்களில் காணாமல் போய்விடும் என்ற விஷயம் … Facebook என்றால் என்ன, படலை என்றால் என்ன, தேங்கினால் அது காணாமல் தான் போகும்! புதுப்பித்துக்கொண்டே இருக்கவேண்டும்.. இதைத்தான் நாளைய அமெரிக்க ஜனாதிபதி விஜய் “நதி போல ஓடிக்கொண்டிரு” என்று அட்வைசினார்!

 நடராஜா அஜீத்,
நடைபாதை!
நடனத்தில் என்னுடைய வாரிசு என்று யாரை சொல்லுவீர்கள்?

வேற யாரு? நம்ம சனத் ஜெயசூர்யா தான்! நம்பிக்கை இல்லையா? இந்த வீடியோவை பாருங்கள்! அதுவும் அந்த கடைசி ஸ்டெப் இருக்கே பாஸ் …. கடவுளா பார்த்து மைக்கல் ஜாக்சனை முதலிலேயே அனுப்பி வச்சிட்டான்!

உங்களில் யார் அடுத்த அஜீத்?

இலக்கிய சந்திப்பு

இந்த வாரம் இரண்டு சுவையான சம்பவங்கள். வாலிபன் இலக்கிய ஆர்வம் கொண்ட இளைஞர்களை(டேய் டேய் டேய்…)  திரட்டி “ஃ - தமிழரின் புதிய ஆயுதம்” என்ற ஒரு இயக்கம்(!) ஆரம்பித்திருக்கிறான். ஓரளவுக்கு தரமானது என்று நினைக்கும் படைப்புகளை இங்கே வைத்து கும்ம போகிறார்கள் போல் தெரிகிறது. சும்மாவே கொஞ்சம் புரியாத பதிவாக எழுதினால் வாலிபன் அவற்றை இலக்கிய நண்பர்களுடன் பகிர்ந்து கும்முவான். இப்போது சலங்கையை வேறு கட்டியாச்சு! ஆரம்பத்தில் என் பதிவையும் அப்புறம் லோஷனையும் அறிமுகப்படுத்தினார்கள். நான்கு லைக்குகள்! கல்லு நகரவில்லை. நேற்றைக்கு லோஷனுக்கு பிறந்தநாள் விழா கொண்டாடினார்கள். நானும் லைக்கினேன்! இன்றைக்கு “மட்டக்களப்பில் காதல் தோல்வியால் இளம் ஜோடி ஒன்று தற்கொலை” பற்றிய ஒரு இலக்கிய பதிவு! கணையாழி எல்லாம் புரட்டிப்பார்த்தும் இதை எப்படி விமர்சிப்பது என்று தெரியவில்லை! இதன் வெற்றி, இங்கே தரப்படும் படைப்புகளின் தரத்திலும், மட்டுறுத்தலிளும் தங்கியிருக்கிறது. பார்ப்போம்.

மணிமேகலை அக்கா இரண்டு வாரங்களுக்கு முன் நான் ஒபிசில் ஏதோ ஒரு அல்கோவோடு அல்லுப்பட்டுக்கொண்டிருக்கும் போது கோல் பண்ணினார். ஹாய் கூட சொல்லாமல் “தம்பி நீ சிட்னி வருகிறாய்” என்றார்! கவிஞர் கேதாவை விட்டுவிட்டு என்னை மட்டும் அழைத்தால் தமிழ் கூறும் நல்லுலகம் செருப்பால் அடிக்கும் என்றேன். விளைவு, நானும் கேதாவும் இந்த வாரம் சிட்னியில் பேசுகிறோம். நான் சிறுகதைகள் சம்பந்தமாக உளருவதாக இருக்கிறேன். கேதா கவிதைகள் பற்றி! தலைப்பு? வேறொன்றுமில்லை, ஜீவ நதி சஞ்சிகையை அடிப்படையாக வைத்து சிறுகதை கவிதைகளின் போக்கு எப்படி, அதை எந்த பாதையில் கொண்டுபோகலாம் என்ற ஒரு உரையாடல் அரங்கு. சிலவேளைகளில் மாட்டை மரத்தில் கட்டிவிட்டு மரத்தின் வரலாறு பேசும் ஐடியாவும் இருக்கிறது! சிறுகதை பற்றிய என்னுடயை பார்வை கொஞ்சம் விவகாரமானதால் சுவாரசியமான புழுதி கிளம்பலாம். கிளப்பலாம்!

அமைப்புக்கு என்ன பெயர் வைக்கலாம் என்றார்கள். நோக்கத்தை கேட்டேன். இலக்கியத்தில் உயர்தர ரசனையை மேம்படுத்துவது என்று குண்டை தூக்கிபோட, உடனேயே “உயர்திணை” என்று ஒரு சொல்லு தட்டுப்பட, அது எல்லோருக்கும் பிடித்துவிட …

“உயர்திணை அமைப்பின் இலக்கிய ஒன்றுகூடலுக்கு அன்புடன் அழைக்கிறோம்”

பாஸ் .. அவனவன் கார் ரென்ட் பண்ணி பத்து மணி நேரம் டிரைவ் பண்ணி கூட்டத்துக்கு போறான். சிட்னியிலேயே இருந்துகொண்டு சீண்டாமல் போனால் வெயிட் .. கருட புராணம் ரெபரன்ஸ் ப்ளீஸ்!

கண்ணன் அருணாசலம்

அவரவர் தமக்கு தெரிந்த துறையினூடாக சமூகத்துக்கு என்ன செய்யமுடியுமோ அதை செய்யவேண்டும். நீ சாப்ட்வேர் என்ஜினியர் என்றால் அதன் மூலம் என்ன செய்யலாம் என்று யோசித்து செய். எழுதுவாயா? அதில் ஏதாவது உருப்படியாக .. கண்ணன் இந்த ரகம்! பிரிட்டன் ரிட்டர்ன்! தமிழ் அவ்வளவாக தெரியாத … தமிழன்!

எனக்கு ஆவணப்படம் எடுக்கத்தேரியும். என் வழி தனி வழி என்று ஆசிய ஆவணப்படங்களுக்கு முன்னோடியாக ஈழத்தவரான இவர் அங்கிருந்தே தொடர்ந்து சிக்ஸ் அடித்துக்கொண்டிருப்பது உங்களுக்கு தெரியுமா? Documentary எடுத்தாரானால் தூக்கிச்சாப்பிடும்! இந்த வகை documentary எடுப்பதற்கு நல்ல கமெரா மட்டுமே இருந்தால் போதாது. நல்ல கண்கள் இருக்கவேண்டும். மற்றவர்களுக்கு தட்டுப்படாத விஷயத்தை கண்டு கேட்டு உய்த்து அறியும் கண்கள். அது இருப்பவன் தான் எழுத்தாளன். கண்ணனும் எழுத்தாளன் தான். கமராவில் எழுதுபவர். ஈழத்தின் மிக முக்கிய படைப்பாளிகள் முதல் ஐந்து பேர்களுக்குள் வரவேண்டியவரை வெறும் ஐந்து பேர் மாத்திரமே அறிந்திருப்பது … அட நமக்கென்ன புதுசா பாஸ்!

http://kannanarunasalam.com/

 

எழுதாதே .. மஞ்சள் வானம் .. தென்றல் சாட்சி!

வாலிபன் என்னை “Midnight In Paris” பார்க்கசொல்லி எப்போதோ சொன்னான். சென்றவாரம் நிவேரன் டோரேன்சில் சுட்டு தர .. மழைக்கால மெல்பேர்ன் அழகாய் தெரிய ஆரம்பித்தது!

கில், எழுத்தாளன், தன்னுடைய முதல் நாவலை முடிப்பதற்கு தடுமாறிக்கொண்டு இருக்கிறான். அவனும் காதலியும்(fiancée) பாரிஸ் போகிறார்கள். கில்லுக்கு பாரிஸ் பிடித்துவிட்டது. அதுவும் மழை நேரத்து பாரிஸ்! ஒரு நாள் இரவு மப்பில், மந்தாரமான பாரிஸ் முழுதும் அலைந்து திரிந்து கடைசியில் ஒரு புறநகர் பகுதியை அடைகிறான். அப்போது ஒரு பழங்கால கார் ஒன்று அவனை ஏற்றிக்கொண்டு ஒரு பாருக்கு போகிறது. From this moment!

அந்த பாரில் எல்லோருமே 1920களில் கோலோச்சிய இலக்கிய கர்த்தாக்கள். எர்னெஸ்ட் ஹெமிங்வே மட்டுமே எனக்கு தெரிந்தவர். அவர் மூலம் ஒரு இலக்கிய விமர்சகர்.. பிக்காசோ போன்றவர்களை கில் சந்திக்கிறான். ill tempered ஆன பிக்காசோவின் மனைவி அட்ரியானா மீது கில்லுக்கு காதல்.  அவளுக்கும் தான். அப்புறம் நிஜம் நிழல் குழப்பம், இவன் போலவே அவளுக்கும் அவள் நிஜம் பற்றிய குழப்பம், கில்லின் உண்மையான(?) காதலியின் துரோகம்.. அதை ஹெமிங்வே கண்டுபிடிப்பது ... அப்படி இப்படி என்று படம் முடியும் போது நள்ளிரவு! மெல்பேர்ன் குளிரில் நடுங்கிக்கொண்டு முச்சந்தியில் நிப்போமா என்று கூட யோசிக்கவைக்கும் திரைக்கதை. சென்ற டிசெம்பரில் நண்பர்களுடன் கிப்ஸ்லாண்ட் மலைச்சாரலுக்கு காம்ப் அடிக்கப்போன போது தான் பக்கத்தில் ஹெமிங்வே இல்லாத ஏக்கம். புத்தகங்கள் சிலவேளைகளில் எதிரியாகிவிடுவதுமுண்டு! அட .. படத்தை பற்றி பேசுவோம் .. ஒரே வார்த்தை .. “அருமை”. பார்த்து பிடிக்காவிட்டால் சொல்லுங்கள். ஆளுக்கு நூறு டொலர் மணியோர்டர் அனுப்புகிறேன்! காசா பணமா!

வாலிபனுடன் பேசும்போது இந்த knot ஐ எடுத்து அழகாக தமிழில் எழுதலாம் என்றேன். அவனும் கேதாவும் ஏற்கனவே பிளான் பண்ணியிருந்திருக்கிறார்கள் போல. எப்படி எழுதலாம்? ஸ்கெட்ச் போட்டு பார்ப்போமா?

தமிழிலக்கியத்தில் ஆங்கிலேயர் அடிமைக்காலம் அப்புறம் திராவிட போராட்டம் என்று ஒரு அழகான இலக்கிய மறுமலர்ச்சி நாற்பது .. ஐம்பதுகளில் நடந்தது அல்லவா? அந்தக்காலத்துக்கு போய் பாரதி, புதுமைப்பித்தன் என்று சீண்டலாம். கொஞ்சம் முன்னே வந்து சுஜாதாவை கூட அழைக்கலாம். ஆனால் அது very close to present. திரில் இல்லை. மெனக்கெட்டு சங்ககாலம் போனால் அடித்து ஆடலாம். அதிலும் கடைச்சங்கம் தான் பெஸ்ட். வள்ளுவர் இருக்கிறார். விமர்சகராய் நக்கீரன்!வரலாற்றில் மூன்று ஔவையார் காலம் இருக்கிறது என்பார்கள். Era லாஜிக் பார்க்கவேண்டாம் என்றால் கம்பர், ஒட்டக்கூத்தர் கூட சேர்த்து கதகளியே ஆடலாம்.

எண்ணா யிரத்தாண்டு நீரிற் கிடந்தாலும்
உண்ணீரம் பற்றாக் கிடையேபோல் – பெண்ணாவாய்
பொற்றொடி மாதர் புணர்முலைமேற் சாகாரை
எற்றோமற் றெற்றோமற் றெற்று.

என்று காதலனை பிரிந்து பிரிவுத்துயர் எய்யும் இளமையான ஒளவை பாட்டை அவளின் காதலுக்கே பயன்படுத்தலாம். தற்கால எழுத்தாளர் ஒருவர், அதென்ன ஒருவர்? சாட்சாத் நானே! protagonist ஆக மாறி, இளமைகால ஒளவைக்கு காதல் கொண்டுவந்து, அவள் கடைசி மட்டும் ஏன் தனித்தே இருந்தாள் என்று காரணம் கற்பித்து … கடைச்சங்கத்துக்கும் கந்தர்மடச்சந்திக்கும் லிங்க் ஏற்படுத்தி .. மிக அழகாக ஒரு சிறுகதை,

எழுதலாம் … துறு துறுவென்று இருக்கிறது … எழுதவா?

இந்த வார பாடல்

சுட்ட பழம் எது சுடாத பழம் எது என்று கூட தெரியாத அளவுக்கு உருவும் நம்ம ஊர் இசையமைப்பாளர்கள் கண்களில் சிலவேளைகளில் மிக அருமையான ஆங்கில மேலடிகள் டிமிக்கி விடுவதுண்டு. அப்படியான ஒரு பாட்டு தான் இன்று! பாடலில் வரும் வயலினுக்காக .. சொத்தை எழுதி கொடுத்துவிட்டு நடுத்தெருவில் கூட நிற்கலாம்.

அந்த வயலின் இருக்கிறதே. உயர் சுரத்தில் கிறு கிறுவென்று ஓடித்திரியும் ஒரு அதிசய பீஸ். தன் பாட்டுக்கு பின்னாலே பல விளையாட்டுகள், ஐபொடில் .. பக்கத்தில் பெண்கள் யாரும் இருந்தால் வாயில் பிளாஸ்திரி ஒட்டிவிட்டு, அமைதியாக கேட்டுப்பாருங்கள். விசுக் என்று அடிவயிற்றில் இருந்து ஈரல், சதயம், இதயம் எல்லாம் தாண்டி மூளைக்கு மாறி மாறி ஓடித்திரியும். ஒருவகை காதல் போல. காதலித்திருக்கிறேன்!

ஷானியா ட்வைனை பற்றி ஏற்கனவே “Notting Hill” பாட்டு மூலம் ஜொள்ளு விட்டிருக்கிறேன்.  அருமையான குரல் கொண்ட மிகத்திறமையான பாடகி. ஐந்து தடவை கிராம்மி வாங்கியவர். கொம்போஸர்.  சமகாலத்து mainstream பாடகிகளான மரியா கிரே, செலியன் டியோன் வரிசையில் வரக்கூடியவர். பொப் பாடல்களிலும் ஒருவித country இசையோடு சாஸ்திரிய வயலின் செல்லோ எல்லாம் கலந்தடிக்கும் fusion கம்போஸர். தேடித்தேடி இசைகேட்பவர்கள் ஷானியாவை தவறவிட்டுவிடாதீர்கள். அதிலும் அவரின் From This Moment .. ஐயோடா!

கேட்டுக்கொண்டிருக்கும் போது தேவையே இல்லாமல் கார்த்திக்ராஜா ஞாபகம் வந்தது. இளைய இசையமைப்பாளர்களில் உயர் சுரங்களில் வயலினை ஓட விடும் இசையமைப்பாளர் இவர். குறிப்பாக டும் டும் டும் படத்தின் பாடல்கள். ரகசியமாய் பாட்டை தெரிந்திருக்கும் தானே.  ஆனால் “அத்தான் வருவாக” பாட்டில் கூட இதை அழகாக பாவித்திருப்பார்! ப்ச்ச் … ராஜாவின் உண்மையான வாரிசு .. கிளிக்காக முடியவில்லை!

மன்மதகுஞ்சு ஸ்பெஷல்

இந்த வாரம் அனுப்பிய படம். இந்தக்கடையில் தான் மன்மதகுஞ்சு அவ்வப்போது பாத்திரம், அடுப்பு இத்யாதி இத்யாதி எல்லாம் வாடகைக்கு எடுப்பானாம்.
எடுத்தபோது கிளிக்கிய படம்!

மாடி மனை வீடு தானா சந்தோஷம் எனக்கு?
நீ மூணு மொழம் பூ கொடுத்தா முந்தான ஒனக்கு

வாலு போச்சு கத்தி வந்தது பழங்கதை இருக்கு அடி
வசதி வந்தது வாழ்க்கை போனது நம்மோட கணக்கு

இருவர்க்கும் ஒரு தலையணை உறக்கம் வராதா?
இருக்கட்டும் இவனுக்கும் அந்த நெனப்பு வராதா? 

ரெக்கை கட்டிப் பறக்குதடி அண்ணாமலை சைக்கிள்
ஆசைப்பட்டு ஏறிக்கோடி ஐயாவோட பைக்கில்

ஜேகே: தக்காளி, இவன் மன்மதகுஞ்சுவோட சைக்கிள் துருப்பிடிச்சிட்டு எண்டல்லோ நெனைச்சிருந்தோம். படுபாவி நல்லெண்ணைய போட்டு பளபளப்பா தான் பயபுள்ள வச்சிருக்காப்ள! நம்ம சைக்கிள்ள ஏதோ நம்ம ரேஞ்சுக்கு ஒரு ஹன்சிகா .. சுருதி கூட ஏறமாட்டேங்குதே! அண்ணே நல்லெண்ணெய் ஒரு லீட்டர் பார்சல்!