வியாழ மாற்றம் 28-06-2012 : கந்தசாமியும் கலக்ஸியும்


டேய் ஜேகே

sampanthan1சம்பந்தர்,
தமிழர்களின் ஏக பத்தினி .. சாரி, ஏக பிரதிநிதி கட்சி
காணி அபகரிப்பு சம்பந்தமாக ஈழத்தில் ஆர்ப்பாட்டம் ஆரம்பித்துவிட்டோம். வெளிநாட்டில் இருந்துகொண்டு இதை பற்றி என்ன நினைக்கிறீர்கள்?


நக்கல் நையாண்டி எகத்தாளம் .. புரிகிறது ஐயா! நான் யோக்கியவனாக இருந்தால், டிக்கட் எடுத்து அங்கேயே வந்து, வசித்துக்கொண்டு எதிர்ப்பை காட்டவேண்டும். மாட்டேன் போ! எனக்கு என் கார் வேண்டும். வீடு வேண்டும். வேலை முடிந்து வீட்டுக்கு வந்து டக்ஸ் ரிட்டர்ன் செய்யவேண்டும். ஆயிரம் டொலருக்கு DSLR வாங்குவேன். ஆனாலும் வெளிநாட்டில் உழைச்சு ஒரு சதமும் மிச்சம் முடிக்கமுடியாது என்று நொந்துகொள்வேன்!
பெட்டர் தான் நத்திங் என்பதால், சனிக்கிழமை பின்னேரம் பிளான் பண்ணும் ஆர்ப்பாட்டத்தில், மீடியாவுக்கு முகம் காட்டாமல், கொடியை பிடித்துவிட்டு (இத விட நீங்க பெட்டர் பாஸ்), அப்படியே இரவு BBQ பார்ட்டி போவேன். தண்ணி அடித்துவிட்டு டிரைவ் பண்ணினால் வெள்ளைக்காரன் காசு வறுகுவான். மனிசிக்கு தண்ணியடிக்க பழக்கமாட்டோம். ஆனால் டிரைவிங் பழக்குவோம். வீடு திரும்பும்போது அவள் டிரைவிங். இப்படி எதையும் பிளான் பண்ணி செய்ததால் தான் நாங்கள் வெளிநாட்டில் இருந்துகொண்டு சும்மா புரட்சி பின்னுறோம் தல!
வேலியடைக்காமல் விடுகையில், கட்டாக்காலி ஆடுகளே நுழையும்போது எருமைமாடுகள் எம்மட்டுக்கு? சான்ஸே இல்லை. Forced colonisation தவறு என்று வாய் கிழிய கத்தி என்ன பிரயோசனம்? அவனே பட்டியை கலைத்து விடாவிட்டாலும் கூட, நாளாவட்டத்தில் இந்த பரவலை தடுக்கமுடியாது. அண்மையில் யாழ்ப்பாணத்தில் வசிக்கும் பேராசியர் இங்கு வந்தபோது சந்தித்தேன். சொன்னார்.
“தம்பியவை நீங்க அங்க வராட்டியும் பரவாயில்லை. தயவு செஞ்சு இன்வெஸ்ட் பண்ணுங்கோ. சூப்பர் மார்க்கட் கட்டாத எண்டு அவனை சொல்ல ஏலாது. ஆனா நீங்க கட்டலாம் தானே. உனக்கு கொம்பியூட்டர் தெரிஞ்சா, அதில இன்வெஸ்ட் பண்ணு. கொடி பிடிக்கிறது அரை மணித்தியால விஷயம். ஆனால் காலத்துக்கும் நிலைக்கிற மாதிரி எதையாவது செய்யன். முயற்சி சரிவந்தா யார் கண்டா? நீ அங்க வந்தாலும் வரலாம்”
உரிமையுடன் மேலும் சொன்னார்.
உந்த வெளிநாட்டுகாரர் யாருமே, வன்னி மக்கள் பாவம், உதவி செய்கிறோம், மண்ணை நேசிக்கிறோம் என்று சுனாமி நிவாரணம் போல குடுக்கிறத நிப்பாட்டிட்டு, உங்கட வியாபாரங்களை, தொழில்களை, இன்வெஸ்ட்மெண்டை செய்யுங்கோ. மிச்சதேல்லாம் தானா நடக்கும். அவ்வையாரின் “வரப்புயர” விஷயம் தான் இது.
அத்தோடு நிறுத்தவில்லை அவர்! கடைசி பஞ்ச்.
“ஷோ காட்டுறதுக்காக தயவு செஞ்சு சின்ன பிள்ளையளிண்ட கையில மட்டும் டொலரை செருகிடாதீங்க தம்பியவை”
ouch!

mqdefaultடக்ளஸ் அண்ணே
ஊர்காவற்றுறை
தமிழர்களின் கவன ஈர்ப்பு போராட்டம் ஆயுதகலாச்சாரத்தை மீண்டும் தலைதூக்க ஊக்குவிக்குமாம் என்று யாழ் நீதிபதி சொல்லி கண்டிச்சு இருக்கிறாரே?

வாங்க எம்ஜிஆர்! அவர் இன்னொன்றையும் சொல்லி இருக்கிறார். நோட் திஸ் பாய்ன்ட் யுவர் ஆனர்!
‎//இந்த வழக்கிலுள்ள பிரச்சினையை ஆரோக்கியமான, புத்திசாலித்தனமான, சட்டமுறையான நடவடிக்கைகள் மூலம் அணுகியிருக்க முடியும். ஆவணங்களின் மூலம் உரிய நீதிமன்றின் முன்சென்று தமது உரித்தை நிலைநாட்டியிருக்க முடியும்//
வழக்கின் பிரச்சனையே “இராணுவம் காணி அபகரிப்பது தான்”. ஆக இந்த கண்டனத்தை இராணுவத்தை பார்த்து சொல்லுவதாகவும் எடுத்து கொள்ளலாம் இல்லையா? ஆக நீதிபதி இராணுவத்துக்கு எதிராக கருத்து தெரிவித்து .. அதாவது முப்படைகளின் தலைவரான ராஜபக்ஸ, கோத்தாவுக்கு எதிராக ஒரு நீதிபதி துணிந்து கருத்து தெரிவித்திருக்கிறார், என்றால் பாராட்டு விழா வைக்கவேண்டாமா!
இது எப்பிடி இருக்கு?
vadivelu09அட பாவி பிளேட்டை மாத்தி கோர்த்து விட்டாச்சா? அந்தாளு நீதிபதி பாவம்டா .. ராவுக்கு நித்திரை போச்சு போ .. இதான் மாட்டாருன்னு தெரிஞ்சா நாயை வெட்டி வாசலில போட போறாங்கடா! ஐயாவுக்கு நாளைக்கு மத்தியானக்கறி நாய்க்கறி தான் மச்சி!

steve_reflectingஸ்டீவ் ஜாப்ஸ்
டிசைனர் ஓப் iசொர்க்கம்
அட்டன்ஷன் டூ டீடெயில்ஸ் என்று சொல்லுகிறார்களே அது என்ன?

தலீவா .. நீயி கூடவா! அவசரத்துக்கு ரெண்டுக்கு வருகிறதா? போய் உட்கார்வீர்கள். அம்சமாக முடித்துவிட்டு டொய்லட் பேப்பரை விறு விறுவென்று இழுக்கும் டைமில, எப்போதாவது அந்த பேப்பர் எப்படி தொங்குகிறது என்று கவனித்ததுண்டா? அந்த விஷயத்திலேயே ஒரு பெரும் அக்கப்போர் நிகழ்ந்து இருக்கிறது. உலகம் முழுதும் விஞ்ஞான, உளவியல், மெக்கானிக்கல் ஏன், கணித ஆய்வுகள் கூட இது பற்றி நடந்திருக்கிறது. நடந்தபோது எங்கள் ஊரில் மேலால ஹெலி அடிச்சுக்கொண்டு இருக்க நாங்க பங்கருக்குள்ளேயே .. சரிவிடு.
அமெரிக்கர்களில் 70 வீதமானோர் பேப்பர் முன்னாடியை தான் விரும்புகிறார்களாம்!
நீங்க முன்னாடி கேஸ் என்றால், ஒரு அவுட் கோயிங், காசை தண்ணியா செலவழிக்கும், எக்ஸ்ட்ரோவர்ட் மனிதராம். “You get a kick in trying to sneak 11 items through the 10-items-or-less line at the grocery store” என்கிறது விக்கி! பின்னாடி ஆளா? எல்லோரையும் சந்தேகத்துடன் பார்ப்பீர்களாம். மனைவியை/கணவனை நம்ப மாட்டீர்களாம். சீதைக்கு சிதையூட்டி, யாரோ ஒரு நாதாரி சொன்னான் என்பதற்காக இரண்டு பிள்ளைகளோடு அவளை காட்டுக்கு அனுப்புவீர்கள். அல்லது, அனுப்பியவனுக்கு கோயில் கட்டுவீர்கள்.
இவ்வளவு சின்ன மாட்டருக்குள் ஒரு குடும்பமே பிரியக்கூடிய விஷயம் இருக்கிறதா! அட்டன்ஷன் டூ டீடைல்ஸ் என்பதை அப்பிளும் ஏஆர் ரகுமானும் மட்டும் செய்யவேண்டுமென்பதில்லை. நடைமுறை வாழ்க்கையில் ஒவ்வொரு சின்னவிஷயத்திலும் டீடெயிலிங் முக்கியம் மக்களே! நான் உளறுகிறேன் என்று நினைத்தால் விக்கியில் போய் பாருங்கள். மண்டை காயும்!
ஆண்களுக்கு ஒரு சின்ன டிப்ஸ்! உங்கள் வீட்டிலே பெண்கள் இருந்தால், டொய்லட் பவுலின் சீட் கவரை நிமிர்த்திவிட்டு, ஒண்ணுக்கடித்து விட்டு, அப்படியே மறந்துபோய் விட்டுவிடாதீர்கள். அது ஒருவித ஆணாதிக்க மனோபாவம் என்கிறார்கள். பெண், வீட்டில் இருக்கிறாள் என்ற பிரக்ஞை இல்லாத ஆண் செய்யும் வேலையாம்.  எப்போதுமே சீட் கவரை பழைய படி இருத்தி விட்டு வரவேண்டும். இத்தனை காலமும் நிமிர்த்தாமலேயே அடித்தவரா நீங்கள்! சுத்தம்!
http://en.wikipedia.org/wiki/Toilet_seat#Etiquette
e0c72363-28bf-4840-9129-b94bb59fa8c11வெயிட் எ மினிட் மச்சி .. அடுத்த செக்ஷனுக்கு போயிடாத .. ஒருக்கா நான் போய் நம்ம டொய்லட்டை செக் பண்ணீட்டு வாறன்!

10xsxewமன்மதகுஞ்சு , வவுனியா!
இளம் தலைமுறை நடிகர்களுக்குள் நம்பிக்கை தருபவர்கள் யார் என்று நினைக்கிற மச்சி?

விஜய் பத்து வருடங்களில் சச்சின், நண்பன் என்று ஓரிரு படங்களே நடிக்கிறார். அஜித் கண்டுகொண்டேன் கண்டுகொண்டேனுக்கு பிறகு சீன் மட்டும் போடுகிறார். இடையிலே சூரியா விக்ரம் போன்ற மஷ்ரூம்கள் குடுத்த காசுக்கு மேலாக கூவ, சிம்பு ஒரே ஒரு படம், கௌதம் புண்ணியத்தில், பாடகர் தனுஷ் ஆட்டத்திலேயே இல்லை. தமிழ் சினிமாவில் ஓரளவுக்கு நம்பிக்கை தரும் இளம் தலைமுறை யார் என்று கேட்டால்,
மொக்கை படங்களை கூட, “மே மே…“ என்றும், “matrimony may not be good but alimony” என்றும் தாழிக்க தெரிந்த இரண்டு “தல” பிரம்மா(கள்) தான் நம்பிக்கை நட்சத்திரங்கள்…. ஸ்டில்!
sivaji_photos-13_thumb_thumbkamal_hassan_manmadhan_ambu_thumb_th



கந்தசாமியும் கலக்ஸியும்

தொடர்கதை எழுதடா என்று அக்கா அடிக்கடி கோல் பண்ணி சொல்லும். தயங்கி தயங்கி ஒரு கட்டத்தில் This is it என்று கால் வைத்தாயிற்று. ஆரம்பமே Sci-Fi யா? தமிழில் அதுவும் யாழ்ப்பாணத்திலிருந்து ஏன் உனக்கு தேவையில்லாத வேலை? என்று கேட்டான் நண்பன். எனக்கு “Hitchhiker’s Guide To Galaxy”  வெறும் Sci-Fi நாவல் கிடையாது. யோசிக்கும் முறையையே மாற்றியமைத்த நாவல் அது. அதை அப்படியே தமிழில் கொண்டுவரும் எண்ணம் துளியும் இல்லை. கொண்டுவருவதும் கடினம். அதனால் அதில் உள்ள மூலத்தை எடுத்து என் பாட்டுக்கு ஆடலாம் என்று ஐடியா. தொடர்ந்து அவுட் ஆகாமல் ஆடுவது கஷ்டம் என்று முகவுரை எழுதியபின் புரிந்தது.
“Kandasamy & Galaxy is bit different from ur own style. Not bad, but requires bit more work to smooth it. It seems to be the story triggered by movie Prometheus”
என்று “நொட்டை” அண்ணா டெக்ஸ்ட் வந்தது. கௌரி அன்றிரவே “ஸ்டார்ட்டிங் ஓகே”, “எழுத்துப்பிழை”, “பந்திகள் அதிகம் நீளம்”, என ஒரு லிஸ்ட் அனுப்பினார். இன்னொருவர் விவகாரமாக “சுஜாதா போல வர பார்க்கிறீங்களா?” என்று லொள்ளு பண்ணினாலும், பொதுவாக “விட்டுப்பிடிப்போம்” என்ற கருத்து இருக்கிறது. இவ்வளவு பேர் வாசித்து Facebook இல் ஷேர் பண்ணுவது ஆச்சர்யம், கூடவே பயமும்.
ரெண்டொரு வரிகளில் jkpadalai@gmail.com இற்கு ஒரு ஈமெயில் அனுப்பினாலோ, அல்லது கொமென்ட் போட்டாலோ கொஞ்சம் ஆசுவாசமாக இருக்கும்! தமிழில் தான் கொமென்ட் போடவேண்டும், இல்லாவிட்டால் டிலீட் பண்ணிவிடுவேன் என்றெல்லாம் சொல்லி தமிழ் வளர்க்கும் தீவிரவாதம் எல்லாம் இங்கே இல்லை. எழுதுவது தான் முக்கியம். எழுதுங்கள். வெறும் சுவற்றில் பந்தடிக்க .. சில நேரங்களில் அயர்ச்சி!
நாவலுக்கு ஒரு படம் வேண்டும். சும்மா, விண்வெளி, பறக்கும் தட்டு ம்கூம் என்று மண்டையை பிய்த்துக்கொண்டு இருக்கும்போது, சயந்தன் எடுத்த இந்த படம் ஞாபகம் வந்தது. கூடவே “ஷிரோடிங்கர் பூனை”யும் ஞாபகம் வர, கேட்டேன். “எடுத்துக்கோ தேவா” என்றான்! எப்போதாவது புத்தகமாக வெளியிட வந்தாலும் கூட இதுவே அட்டைப்படம்! Thanks சயந்தன்!
310691_10150312965606415_753825724_n
அதென்ன ஷிரோடிங்கர் பூனை? குவாண்டம் பிசிக்ஸின் நிறுவப்படாத கோட்பாடு இது. எந்த ஒரு இயக்கத்திலும் நிகரான இன்னொரு இயக்கம் (அல்லது இயக்கங்கள்), super positions இருக்கும் என்கிறார் ஷிரோடிங்கர். அதாவது ஒரு பூனை உயிருடன் வாழும்போது, இறந்தும் இருக்கிறது. இந்த வியாழமாற்றம் பதியப்பட்டிருக்கிறது/பதியப்படவில்லை, நீங்கள் இதை வாசிக்கிறீர்கள்/வாசிக்கவில்லை. இப்படி சமகாலத்தில் ஒன்றோடு ஒன்று பிளவு பட்ட நிலைகள் சாத்தியம் என்கிறார் ஷ்ரோடிங்கர். அப்போது எது நிஜம்?, எது பொய்? என்று ஒரு கேள்வி எழுகிறது இல்லையா? நிஜம் என்பது கவனிப்பு சார்ந்தது என்கிறார்கள். நான் பார்க்காத எங்கோ இருக்கும் வன்னி காட்டில் இப்போது நிலா பொழிகிறதா? என்றால் வாயை பிதுக்கி இல்லையாம். நான் பார்க்கும் போது தான் பொழியுமாம். அது ஒரு சுப்பர் பொசிஷன் ஸ்டேட் என்கிறார்கள். இதை அப்படியே விரிவாக்கி தான் டார்க் மட்டரை நிறுவுகிறார்கள். கேதாவை கேட்டால் இந்த தியரியை அதர்வ வேதம் ஏற்கனவே சொல்லிவிட்டது என்கிறான். கஜன் பட்டினத்தார் என்பான். விஷயம் ஒன்று தான். ஈசியாக விளங்குவதற்கு தமிழில் 12B யும் ஆங்கிலத்தில் Dejavu வும் பார்க்கலாம். 12B கிளைமாக்ஸில் சிமரனின் இரண்டு நிலைகள்! அது தான் ஷ்ரோடிங்கர் பூனை!

12B
800px-Schrodingers_cat.svg

 
ஆக நிஜம் எது என்ற கேள்விக்கு சிலவேளைகளில் பூனைக்கு அது தெரியலாம் என்கிறார்கள். ஜோக் இல்லை. நான் யார் என்பது ஒவ்வொருவருக்கும் ஒவ்வொருமாதிரி இருக்கும் இல்லையா. ஒருத்தனுக்கு நான் அயோக்கியன், இன்னொருவனுக்கு பொய்யன், இன்னொருவனுக்கு பாவம், இப்படி .. இதிலே உண்மையான நான் எது என்ற கேள்விக்கு என்னிடம் மட்டுமே பதில் கிடைக்கும். வெளிக்கு தெரியும் நான் ஒப்சர்வேஷன் சார்ந்தது என்பது இந்த விதி. நாம் பார்க்கிறோமோ, இல்லையோ, நிலா வன்னியில் பொழிந்தே தீரும் என்பது எங்கள் மனம் சார்ந்த, பகுத்தறிவு சார்ந்த விஷயமே ஒழிய நிஜம் கிடையாது. வெறும் ஆறறிவு இதை நம்ப மறுக்கிறது!
இப்போது சயந்தன் படத்தை பாருங்கள், பூனை அந்த தாத்தாவை பார்க்கிறதா? தாத்தா பூனையை பார்க்கிறாரா? சயந்தன் இந்த படத்தை எடுக்காமல் இருந்திருந்தால், இந்த பார்வை நடந்திருக்குமா? Momento படத்தில் வரும் வசனம் ஞாபகம் வருகிறது.
Memory can change the shape of a room; it can change the colour of a car. And memories can be distorted. They're just an interpretation, they're not a record, and they're irrelevant if you have the facts.I have to believe in a world outside my own mind. I have to believe that my actions still have meaning, even if I can't remember them. I have to believe that when my eyes are closed, the world's still there. Do I believe the world's still there? Is it still out there?... Yeah. We all need mirrors to remind ourselves who we are. I'm no different. 
261vivek


ஷப்பா இப்பவே கண்ணை இந்த கட்டு கட்டுதே



பூவெழுதும் கவிதை

வைரமுத்துவை விஞ்ஞான கவிஞர் என்று சொல்லி கலாய்க்க பயன்படுத்திய பாடல். படம் பூவேலி. சாதாரண முக்கோண காதல் தான். கார்த்திக், கௌஷல்யா நடிப்பும், நல்ல திரைக்கதை இசையும், என்னுடைய பதினெட்டு வயசு ஹோர்மோன்களும் சேர்ந்து, பார்க்கும்போது உண்டு இல்லை என்று ஆக்கி .. கௌஷல்யாவை தேடி தேடி .. இப்போதும் முகம் கழுவும் போதும் முகத்தில் அப்பியிருக்கும் யாழ்ப்பாணம் புழுதி கரைந்து வடியும்!
“விசர்” பிடிக்கவைக்கும் பாட்டு இது. உன்னி மற்றும் சித்ரா! இசையமைத்த பரத்வாஜ் அவ்வப்போது “காடு திறந்து” பார்த்தார், என் போல ஒரு சிலரே ‘ஓ’ போட்டதால், அவரே “ஓ” போட ஆரம்பித்துவிட்டார்.
வைரமுத்து கும்பகர்ண தூக்கத்தில் கிடந்துவிட்டு திடீர் திடீர் எப்போதாவது தான் முழிப்பார். முழித்தால்? தீனி தான். இந்த படம் வேறு பாலச்சந்தர் தயாரிப்பாயிற்றா! கொம்பை முறித்து எழுத தொடங்க, கவிதை கவிதையாய் கொட்டியது… அர்த்தங்களுடன்!
ஊசி துளைத்த குமிழிகள் போலே
உடைவது உடைவது வாழ்வு
என்று காதலன் சொல்வது சும்மா கிடையாது. அவன் இன்னும் சில நிமிடங்களில் படத்தில் இறந்துவிடுவான்! அதற்கு அவள் சொல்லும் பதிலில் ஓராயிரம் அர்த்தங்கள்.
காற்று துரத்தும் கடலலை போல
தொடர்வது தொடர்வது காதல்
காதல் எப்போதும் துரத்திக்கொண்டே வரும் .. வாழ்வு உடைந்த பின்னும் கூட! படத்தின் இரண்டாம் பகுதியில் அவள் இன்னொருவனை இயல்பாக காதலிக்க தொடங்குகிறாள். கவிஞர் எப்படி செதுக்குகிறார் பாருங்கள்.
இப்போது வைரமுத்து ஏன் பேரரசர் என்பதை நிரூபிக்கும் இடம்!  
mqdefault (1)உலகம் திறந்து வைத்த முதல் சாவி காதல் தான்
திறந்தவன் தொலைத்து விட்டான்
இன்னும் அந்த தேடல் தான்
திறந்தவன் தொலைத்துவிட்டான் சரி. ஆனால் உலகத்தை தான் திறந்தாயிற்றே. இப்போது எதுக்கு சாவி? அதையேன் இன்னமும் தேடிக்கொண்டு? … தளம் விரிகிறதா?   இதை நான் கவிதை என்னும்போது, என்ன  மண்ணுக்கடா உனக்கு கவிதை தெரியும்? என்று கேட்பவருக்கு.
என்கிணறு என் கனவு எது சரியோ எது பிழையோ
இதுதான் நான்
எதுவோ நீ
-- கவிஞர் கேதா
 

ஹாட் நியூஸ்

வியாழமாற்றம் ரொம்ப நீளமாக இருப்பதால் வாசிப்பது கடினமாக இருக்கிறது என்று பலர் அடிக்கடி சொல்லுவார்கள். நேற்று ஸ்கைப்பில் மன்மதகுஞ்சுவுடன் சொல்லி புலம்பியபோது, “அட பாவிகளா .. அவுங்களுக்கு எப்படீடா புரியும் .. நீளமாக இருக்கும் வியாழமாற்றம் தாண்டா செக்ஸியா இருக்கும்” என்றான்! எதையும் எதையும் தொடுக்கிறான்? .. ஏதாவது “A” சேர்ட்டிபிகட் மாட்டரா என்று புரியவில்லை. ஆனாலும் அவன் வாசிப்பு அனுபவத்துக்கு முன்னால் நான் எல்லாம் சப்பை என்பதால், கேள்வி கேட்காமல் தாங்க்ஸ் சொன்னேன்.
நீளம் + செக்ஸி என்றவுடன் இலியானா மூக்கு ஞாபகம் வந்தது!  நித்யா மேனனுடன் பிஸியானதில் ரெட்டியை தாக்கி பொண்ணை தூக்கி பல நாட்களாகி விட்டது.
ஊழையும் உப்பக்கம் காண்பர் உலைவின்றித்.
தாழாது உஞற்று பவர்

மன்மதகுஞ்சு உரை:
மனம் தளராமல் இடைவிடாது முயற்சி செய்பவர், இலியானாவும் புறமுதுகு காட்டக் காண்பர்.







43 comments :

  1. //மொக்கை படங்களை கூட, “மே மே…“ என்றும், “matrimony may not be good but alimony” என்றும் தாழிக்க தெரிந்த இரண்டு “தல” பிரம்மா(கள்) தான் நம்பிக்கை நட்சத்திரங்கள்…. ஸ்டில்!//

    இது பாயிண்ட்டு !!! அப்படியே அவ்வப்போது யதார்த்தப் படங்கள் எடுக்கும் இயக்குனர்களும் நம்பிக்கை தருகிறார்கள். ஆனால் நடிகர்கள் பற்றி நீங்கள் சொன்னது ரொம்பக் கரெக்ட்.

    ReplyDelete
  2. //எப்போதாவது அந்த பேப்பர் எப்படி தொங்குகிறது என்று கவனித்ததுண்டா?//

    இதுவரைக்கும் இல்லை. ஆனா இதுக்குள்ள இத்தனை பிரச்சினை ஒளிந்திருக்கா? யப்பா ...

    ReplyDelete
  3. மறந்துபோன சில நல்ல தமிழ்ப் பாடல்கள் வியாழமாற்றம் படிக்கும் போது தான் மீண்டும் ஞாபகம் வருகிறது. இல்லாவிட்டால் எப்போதாவது சக்தி எஃப் எம்மில் கேட்டால் தான் உண்டு. இந்தவாரமும் அருமையான அறிமுகம்.

    ReplyDelete
  4. //நீங்க முன்னாடி கேஸ் என்றால், ஒரு அவுட் கோயிங், காசை தண்ணியா செலவழிக்கும், எக்ஸ்ட்ரோவர்ட் மனிதராம்//
    அப்ப, இந்த கையில தண்ணிய எந்த சொல்லி, அது இடைவளிகளால் ஒழுகினால், கால் விரல்கள் கூம்பி இராமல் பறந்து இருந்தால், செலவாளி, தரித்திரம் பிடித்தவன் அல்லது பிடித்தவள் என்பதெல்லாம் உண்மையாக இருக்குமோ?

    ReplyDelete
  5. நான் யோக்கியவனாக இருந்தால், டிக்கட் எடுத்து அங்கேயே வந்து, வசித்துக்கொண்டு எதிர்ப்பை காட்டவேண்டும். மாட்டேன் போ! எனக்கு என் கார் வேண்டும். வீடு வேண்டும். வேலை முடிந்து வீட்டுக்கு வந்து டக்ஸ் ரிட்டர்ன் செய்யவேண்டும். ஆயிரம் டொலருக்கு DSLR வாங்குவேன். ஆனாலும் வெளிநாட்டில் உழைச்சு ஒரு சதமும் மிச்சம் முடிக்கமுடியாது என்று நொந்துகொள்வேன்!

    ouch...........

    mano

    ReplyDelete
  6. ///தமிழர்களின் ஏக பத்தினி .. சாரி, ஏக பிரதிநிதி கட்சி///
    பாவங்க அவரு . வச்சுகிட்டா வஞ்சகம் பண்ணுறாரு.

    Toilet Paper ஐ தொங்க விடுவது பற்றிய தகவல் சுவராசியமாக உள்ளது . நமக்கெல்லாம் அப்படி இல்லேங்க .கருவேல மரத்துக்கு பின்னால உக்காந்தம ,ஏகாந்தமா போனோமா ,சின்ன கல்லோ அல்லது கருவேல மரத்து இலையையோ பயன்படுத்தி தொடச்சுட்டா அன்றைய காலைகடன் இனிதே முடிந்தது .

    தங்களின் தொடர்கதைகாக இந்த வாரம் ஆவலுடன் காத்திருந்தேன் . நன்றாக ஆரம்பித்து உள்ளீர்கள் .அறிவியலும், தத்துவ விசாரணையுமாக !!.

    ReplyDelete
  7. அவனவன் என்னென்னத்த யூஸ் பன்னுவானோ அதை வச்சு ஒரு பீதியை கிளப்பி விட்டுர்றான். நம்மாளுக தண்ணியை அதிகமா யூஸ் பண்ணுனா செலவாலியா இருப்பான்னு கதை கட்டி விடுவாங்க. அவன் பேப்பரை யூஸ் பன்னுரதினால அதை தொங்க விடுற ஸ்டைலை வச்சு ஒரு கதையை கட்டி விட்டுட்டாணுகன்னு நினைக்கிறேன்!

    ReplyDelete
  8. உங்கள் பதிவுகளை ரசித்து வசிக்கும் வாசகர்களில் நானும் ஒருவர்.
    இன்றைய பதிவில் சில சந்தேகங்கள் ..நகைசுவையாக எழுதின்னாலும் சில முரண்பாடுகள்
    எங்களுக்காக போராட்டம் நடத்தும் எல்லா உறவுகளும் அப்படி செய்ய மாட்டார்கள் என நம்புகிறேன் ..ஒரு சிலர் செய்யும் தவறுகளை மட்டும் வெளிபடுத்தும் போது எங்கள் மக்களின் போரரட்டம் தவறாக அர்த்த படும் என நீங்கள் நினைக்கவில்லையா ....இங்கே வந்துதான் போராட்டம் நடத்தவேண்டும் என யாரும் எதிர் பக்க முடியாது ..நடை முறைபடாது ..இருக்கிற இடங்களில் தங்களால் முடிந்த வரை நேர்மையாக குரல் கொடுக்க வேணும் என்று தான் எதிர்பக்க படுகிறது
    விடுமுறை நாட்கள் என்று நீங்கள் குறிப்பிடும் போது அதில் என்ன தவறு இர்ருகிறது..நீங்களா வெளிநாட்டு வாழ்க்கையின் நெருக்கடியை ஒத்து கொளுகிரிர்கள் ..பின்னர் என்ன இப்படி
    உண்மையான உணவாளர்கள் பலர் தங்கள் உயிருக்கு மேலாக பணியட்டுவதை கொச்சை படுத்திகிறது ..
    காணி சுவீகரிப்பு திட்டமிட்ட வகையில் நடை பெறுகின்றது என்பது உண்மை ...குடிசன பரம்பலை வேறு படுத்துவதை அடிபடையாக கொண்டது ..நீங்கள் இங்கே சொல்லும் முதலீடு என்னும் விசஜம் பேச சிறப்பானது ..ஆனால் நடைமுறையில் தனியாக இவை திட்டமிட்ட சின்ஹல பரம்பலை தடுக்கும் என நான் நம்பவில்லை ....இன்று யாழ்பணத்தில் கேள்வி பத்திர நடைமுரைகளிலே நிறைய நெருக்கடி இருக்கிறது ..நாங்கள் யாழ்ப்பாணத்தில் சிறிய விடயங்களில் முதலீடு செய்வதேட்கே பெரும் நெருக்கடி எதிர் கொள்ளுகிறோம் ...அதில் சின்ஹலவருகே முதல் நிலை தரபடுகிறது ..உங்களுக்கு தெர்யும ...முதலீடு செய்ய விரும்பிய பலர் எதிர் கொள்ளும் நெருக்கடி ....

    ReplyDelete
  9. I don't understand the question as well as the answer about the Tamil movie promising actors because when the movies are pathetic how an actor/actress can impress. When Rajini and Kamal were raising actors, one or two failures were OK and they could come back. Now days, one failure that is it. Super Good Films, S pictures etc. are some of the examples. In case of actors (besides Simbu), people like Jeeva, Barath, Pasupathi etc. did solid performances in couple of movies but they cannot continue that and I am sure it is not only their fault. Another example, Miskin has to direct a movie with 3 kuthu songs to prove himself before able to continue a movie like Nanthalala then he struggled to release the movie. After releasing everybody cried that it was copy, only a few appreciated his efforts. Let us forget about the people currently in Tamil movie industry, if you watch the Short Films in Youtube or Kalaiengar TV's Nalaya Eiyakunar, you see lot of promising talents. My point here is: there are lot of talents in Tamilnadu (also in other parts of India) but there are no entrepreneurs to produce movies that showcase their talents. Recently, I watched the Iranian movie Children of Heaven, it is a simple story but because of the director/producer's honest intents it came out as a great movie. In my opinion, those children's performances are way above than Rajini and Kamal put together.

    ReplyDelete
  10. நாங்கள் இவ்வளவு நாளாக கேட்ட அதே கேள்வியை இப்பதான் முதற் தடவையாக சமந்தர் ஐயா எங்கட்ட கேக்குறார். கேட்பதில் குற்றம் இல்லை யார் குற்றினாலும் எமக்கு நெல்லு அரிசி ஆனால் சரி.
    அனால் அங்க நடக்கின்ற ஆர்பாடத்தை யார் கணக்கு எடுக்க போகின்றார்கள்... இண்டர்னதியன் மீடியா இருக்கின்றதா ? செவிடன் காதில் ஊதிய சங்கு.....
    மன்னிக்க வேண்டும் நண்பர் ஜக்...நாம் இங்கு கொடிபிடிப்பது குற்றம் என்ற ரீதியில் உங்கள் பதில் அமைந்ததில் எனக்கு பெரிய மன வருத்தம். ஏதோ எங்களால் முடிந்த பங்களிப்பை செய்கின்றோம் உங்களை போல எமக்கு பேனா பிடிக்க வராது கொடி தான் பிடிக்க வரும் ... ஆம் அரை மணித்தியாலம் தான் எமது ஆட்டம்... அதற்கு கூட எவ்வளவு சங்கடம் உள்ளது என்பதை ஒரு முறை வந்து பார்த்தவருக்கு தான் புரியும். ஒரு பக்கம் அடுத்த விடுமுறைக்கு சல் வுக்கு போகவேண்டும் என்று வற்புறுத்தும் ஒன்றும் அறியா மனைவியும் உறவினர்களும்... மறு பக்கம் மீடியா என்ற போர்வையில் வரும் காட்டி குடுக்கும் கூட்டம்.. (மீடியா வந்து படம் எடுக்க வேண்டும் என்று தான் நாங்களும் விரும்புகின்ரூம் .. )

    நீ நலவனா அல்லது கெட்டவனா என்று மற்றவர் என்னை பார்த்து கேட்க வைக்காமல்.. நான் கெட்டவனே என்று இருப்பதில் நான் திருப்தி அடைகின்றேன்.. எல்லோருக்கும் தான் பிறந்த மண்ணில் வாழ்வதே பிடிக்கும் (சொர்கமே என்றாலும் அது நம் ஊரை போல வருமா ).. அதையும் மீறி அவன் கொடி பிடிக்கின்றான் என்றால் () ..........
    நாங்கள் எமது ஊரில் நடக்கும் அநியாங்களை ஒரு கொடியை பாவித்து சர்வதேசத்துக்கு பறை ஆற்றுகின்றோம். அடுத்த தடவை அந்த பேராசிரியரை சந்தித்தால் கேட்கவும் "எப்பவும் மற்றவன் செய்யும் வேலையில் உள்ள பிழையை பிடிப்பதை விட எப்ப நீங்கள் ஒரு வேலையை செய்யபூகிண்றீர்கள் எண்டு..."

    ReplyDelete
  11. கொடி பிடித்தவன்6/29/2012 3:17 pm

    ஆம் எங்களுக்கும் காலத்துக்கு நிலைக்கிற மாதிரி ஏதேனும் செய்ய வேண்டும் என்று ஆசை இருக்காத என்ன... வேலியை சரியாக போடாமல் பயிர் வளர்கிற கதை தான் ஸ்ரீ லங்காவில் இன்வெஸ்ட் பண்ணுறது.... ஸ்ரீ லங்காவில் வடக்கில போட்டால் தெற்கில எடுக்கலாம் அதுவும் சரியாக கோத்தாண்டை வீட்டிலை......... வரப்பை உயர்த்தாமல் உங்கடை வரப்பு எது எண்டு தெரிஞ்சு கொள்ளுங்கோ.. இதை புரியிறதுக்கு பேராசிரியர் ஆகவேண்டிதிலை. (ஏதோ பேராசிரியர் என்றால் புரிந்தது விடும் போல). எதனை தடவை தான் பழைய கதையை திருப்ப திருப்ப சொல்லிக்கொண்டு இருப்பது. புரியாதவனுக்கு எப்படிதான் சொன்னாலும் புரியாது தனக்கு ஒண்டு நடக்கும் வரை.

    ReplyDelete
  12. அண்ணை, சும்மா கூடி கதைச்சிட்டு கலைஞ்சுபோற கூட்டம்போல இல்லாம கொடிபிடிக்கிறவங்களுக்கு நான் தலை வணங்கிறன். எல்லாரும் இங்க இருந்தா வசதி வாய்ப்பு நல்லா இருக்கு, சும்மா எப்பயாவது ஊர் பழங்கதையை கதைச்சு காலத்தை ஓட்டுவம் எண்டு என்னைப்போல யோசிக்கிறதில்லை. பலருக்கு அங்கை இன்னும் நல்ல சுதந்திரமான சூழல் இல்லை எண்ட காரணத்தால்தான் அங்க போகவோ நீங்கள் சொல்லுறமாதிரி முதலீடு செய்யவோ முடியாம கிடக்கு. அங்க இப்ப முதலிட்டு எல்லா பெரிய தலையளுக்கும் குடுக்கவேண்டிய பங்கை பிரிச்சு கொடுத்தபிறகு லாபம் என்ன மூலதனமே மிஞ்சாது எண்டு கதைக்கிறாங்கள். இந்த லட்சணத்தில என்னத்தை கொண்டுபோய் முதலிடுறது. அதுக்கு இங்க ரெண்டு வீட்டில முதலிட்டாலும் கொஞ்சநாள் போக நல்ல லாபத்துக்கு விக்கலாம். பிள்ளையளின்ட கையில டொலரைக்குடுத்தா பழுதாப்போகுந்தான், ஆனால் ஆயிரம் ரூபாய்க்கு குறையக்குடுத்தா தாய் தகப்பன் காறித்துப்பும். குடுத்தாலும் குற்றம் குடுக்காட்டியும் குற்றம் என்னத்தை செய்யுறது. கொஞ்சம் பொறுப்பம் அமரிக்கா, இங்கிலாந்து, அவுஸ்ரேலியா எல்லாம் இப்ப எங்களோடதான் நிக்குது. அவங்கள் உலகத்தில இதுவரையும் செய்த நல்லதுகள் மாதிரி எங்களுக்கும் ஏதாவது செய்வானுகள். வெள்ளைக்காரன் எங்களை கைவிடான்.

    ReplyDelete
  13. வைரமுத்துவின் கவியாளுமை எப்போதும் பிரமிக்கத்தக்கது. வார்த்தைகளுக்கு ஒப்பனை பூசி, வர்ணஜாலம் காட்டும் ஒரு வெறும் கவிஞனாக அவன் பலவேளை புறக்கணிக்கப்ட்டாலும் அவன் கவியோட்டத்தில் கதைசொல்லி, அந்த கதையில் கலை செய்யும் நிபுணன். கற்பனைகளுக்கு என்றைக்கும் வரட்சிநிலவும் தமிழ் சினிமா எனும் பாலையில் வைரமுத்து ஒரு நீரூற்று. அவன் வரிகளில் உறைந்து கிடக்கும் நுட்பம், ஆழம், புதுமை அவன் கவிப்பேரரசன் எனும் பட்டத்திற்கு உரியவன்தான் என்று சொல்லும். ஒவ்வொரு முறை கேட்கும்போதும் அவன் பாடல்கள் ஒரு புதிய தளத்திற்கு கேட்பவனை கொண்டுசெல்லும். பாழுங்கிணற்றில் ஒற்றை கோடியில் தொங்குவதுதான் வாழ்க்கை, அப்போது நாக்கில் விழுவதுதான் காதல். அதை எவ்வளவு நளினமாக சொல்லியிருக்கிறான். வாழ் நினைத்தவனை சாகச்சொல்வதும், சாக கிடப்பவனையும் வாழத்தூண்டுவதும் இந்த பாழாய்ப்போன காதல்தான். இசைப்புயளோடு சேர்ந்து இவன் தொடுத்த கவிச்சரங்களில் சட்டென நினைவுக்கு வருபவை, "முதல் முறை கிள்ளி பார்த்தேன்", " குளிருது குளிருது" இரண்டு பாட்டும் என்ன மண்ணுக்கு நானெல்லாம் கவிதை எழுதிறன் எண்டு என்னை அடிக்கடி கேட்க வைக்கிற பாட்டு. ரிதம் படத்தில "கல கலவென பொழியும் மேகம்" பத்தியம் பிடிக்க வைக்கிற அளவுக்கு கொண்டுபோகும். சொல்லிக்கொண்டே இருக்கலாம், அவன் கவிப்பேரரசன் அவனுக்கு இதெல்லாம் சகஜமப்பா.

    ReplyDelete
  14. வணக்கம்,ஜே.கே!வழக்கம் போல............ என்று சொல்லக்கூடாது!மேட்டரெல்லாம் வேற,நல்ல சுவையா ,கடேசில சுகமா இருந்திச்சு,ஹி!ஹி!ஹி!!!

    ReplyDelete
  15. நன்றி ஹாலிவுட் ரசிகனே ... இப்பவும் ஷக்தி FM இல் நல்ல பாட்டு போடுகிறார்களா? லோஷன் ரவூப் இருக்கும் போதுன் நல்லா இருந்தது!

    ReplyDelete
  16. //அப்ப, இந்த கையில தண்ணிய எந்த சொல்லி, அது இடைவளிகளால் ஒழுகினால், கால் விரல்கள் கூம்பி இராமல் பறந்து இருந்தால், செலவாளி, தரித்திரம் பிடித்தவன் அல்லது பிடித்தவள் என்பதெல்லாம் உண்மையாக இருக்குமோ?//

    கோபி .. இத நாங்க ஒரு ஆராய்ச்சி செய்ய தான் வேணும்!

    ReplyDelete
  17. நன்றி முருகேசன்.

    //கருவேல மரத்துக்கு பின்னால உக்காந்தம ,ஏகாந்தமா போனோமா ,சின்ன கல்லோ அல்லது கருவேல மரத்து இலையையோ பயன்படுத்தி தொடச்சுட்டா அன்றைய காலைகடன் இனிதே முடிந்தது //
    அதிலயும் காய்ஞ்ச இல்லை எடுக்கறோமா, இல்ல பச்ச இலை புடுங்கறோமா என்பதில மாட்டர் இருக்கு!!

    ReplyDelete
  18. நன்றி வரலாற்று சுவடுகள்...

    இந்த தண்ணி மாட்டர் கொழும்பில் இருக்கும் போது வீட்டுகாரர் குறைப்படுவதுண்டு!

    ReplyDelete
  19. நன்றி விஜி.

    //எங்களுக்காக போராட்டம் நடத்தும் எல்லா உறவுகளும் அப்படி செய்ய மாட்டார்கள்//
    எல்லோரையும் அப்படி சொல்லவில்லை. எல்லோரும் அப்படி என்றால் எங்கள் பிரச்சனை இந்த அளவுக்கு உலகத்தின் கவனத்தை பெற்றிருக்காது. தம் வேலையை மறந்து இந்த பிரச்சனைக்காக அல்லும் பகலும் உழைக்கும் நண்பர்களை பற்றி நான் பேசவில்லை. பேசும் அருகதையும் எனக்கில்லை.

    //இப்படி
    உண்மையான உணவாளர்கள் பலர் தங்கள் உயிருக்கு மேலாக பணியட்டுவதை கொச்சை படுத்திகிறது//
    சரியாக வாசித்து பாருங்கள் விஜி. நான் கொடிபிடிப்பதையோ, ஆர்ப்பாட்டம் செய்வதையோ தவறு என்றோ, கூடாது என்றோ சொல்லும் முட்டாள் அல்ல. ஆனால் அது மட்டுமே போதும் என்று வாளாவிருப்பது தவறு என்றே எழுதியிருக்கிறேன். செய்யும் போராட்டத்தை வெறும் கடமைக்கு செய்துவிட்டு நம் வேலையை பார்க்கப்போகும் மனச்சாட்சிகளுக்கு தொப்பி போடும் வேலை தான் இந்த பதிவு.

    //.அதில் சின்ஹலவருகே முதல் நிலை தரபடுகிறது ..உங்களுக்கு தெர்யும ...முதலீடு செய்ய விரும்பிய பலர் எதிர் கொள்ளும் நெருக்கடி//
    அறிந்திருக்கிறேன். அந்த நெருக்கடி வருகிறது. ஆனால் எதுவுமே சில்வர் ஸ்பூனில் வந்துவிடும் என்றால் பிரச்சனையே இல்லையே? .. ஆனால் அப்படி இல்லை. இவன்களோடு மல்லுக்கட்டி, கஷ்டப்பட்டு தான் உரிமைகளை மீட்க முடியும். அதற்கு பொருள் சேதம், களவு எல்லாமே நடக்கும். தயாராகவேண்டும் என்று தான் சொல்லுகிறேன்.

    ReplyDelete
  20. Thanks Mohan.

    Its been a while.. hope you doing well.


    //because when the movies are pathetic how an actor/actress can impress//
    It depends on what we look for in those movies. I personally don't expect Iranian or Kim Kiduk standard in Tamil movies. and Maniratnam/K.S.Ravikumar standard in Hollywood movies. They all have their own flavors. And I kinda prepare myself before watching em. So I don't get those disappointments. Having said that, number of movies I watch are so low now. For example the only Tamil movie I watched this year is Nanban. That tells the story!

    No doubt, its the director who makes the film good and actors are just actors. That's why all the actors need a good script or director to give a big hit. But in case of Rajni/Kamal, though the director/screenplay is dodgy, they can still pull out some magic with their own charisma. For Kamal, his own intelligence is an added ad. But that doesn't mean they are the best actors or anything. Performances are script specific I agree. Even a kid can give better show if the script allows.

    ReplyDelete
  21. நன்றி பெயரில்லா .. அட ஒரு பெயரை போடுங்க தலைவரே!

    ReplyDelete
  22. நன்றி திண்டுக்கல் தனபாலன்.

    ReplyDelete
  23. //அனால் அங்க நடக்கின்ற ஆர்பாடத்தை யார் கணக்கு எடுக்க போகின்றார்கள்... இண்டர்னதியன் மீடியா இருக்கின்றதா ? செவிடன் காதில் ஊதிய சங்கு.....//

    சின்ன ஆர்ப்பாட்டம் என்றாலும் அங்கிருந்து நடக்கும் போது வலு அதிகம். அதற்கு மீடியா தேவையில்லை. எல்லா தூதரகங்களும் உன்னிப்பாக பார்த்துக்கொண்டு இருக்கும். நான் அறிந்த அளவிலேயே, என் உள்ளூரில் மக்கள் போராட்டம், ஆர்ப்பாட்டங்கள் ஆரம்பிக்கவில்லை என்று தூதரக அதிகாரிகள், நம் பாராளுமன்ற உறுப்பினர்களை கேட்ட பிற்பாடே இவையெல்லாம் நடப்பதாக கூட தகவல்கள்.

    //நாம் இங்கு கொடிபிடிப்பது குற்றம் என்ற ரீதியில் உங்கள் பதில் அமைந்ததில் எனக்கு பெரிய மன வருத்தம். //
    இல்லை, நீங்கள் பதிவின் ஆதாரமான விஷயத்தை விட்டு விட்டீர்கள். கொடி பிடிப்பது குற்றம் என்று சொல்லவில்லை. ஆனால் அதை பிடித்தால் மட்டும் போதும் என்று அரை மணித்தியாலம் பிடித்துவிட்டு, தன் வேலையை பார்க்கபோகிறானே அவனுக்கு தான் இந்த தொப்பி. அவன் பிடித்தது கூட தவறில்லை. ஆனால் அதற்கு மேலும் செய்யவேண்டும் .. அதும் செய்யலாம் ஆனால் உனக்கு மனம் இல்லை, என்று தொப்பி மாட்டவே நான் ட்ரை பண்ணினேன்.

    // "எப்பவும் மற்றவன் செய்யும் வேலையில் உள்ள பிழையை பிடிப்பதை விட எப்ப நீங்கள் ஒரு வேலையை செய்யபூகிண்றீர்கள் எண்டு..."//
    அந்த பேராசிரியர், யாழ் மண்ணில் இருந்து, பணியாற்றிக்கொண்டு இருப்பவர். பெயரை போடுவதால் அவருக்கு இடையூறு வரும் என்று சொன்னதாலேயே நான் போடவில்லை. அவரை கேள்வி கிடக்கும் இடத்தின், நான் நிச்சயமாக இல்லை.

    ReplyDelete
  24. நன்றி கொடி பிடித்தவரே

    அம்பானி முன்னேறும்போது தடைகள் வந்துகொண்டே இருந்தது. அவர் எடுத்த ஒவ்வொரு ஸ்டெபையும் தடுத்துக்கொண்டு, லஞ்சம் அது இது என்று. ஆனால் பலவற்றை உறவாடி கெடுத்தார். மற்றதை போராடி வென்றார். சினிமா ஒன்று ஞாபகம் வருகிறது. சிவாஜியில் ரஜனி(வெறும் படம் என்று ஒதுக்க வேண்டாம்) ஒரு ஆஸ்பத்திரி கட்டுவதற்கு எதிர்கொள்ளவேண்டிய பியூரோகிரசியை யோசியுங்கள்.

    இது தான் எங்கள் நிலை. இதை விட மோசம். ஆ ஓ என்றால் புலி என்பார்கள். அதையும் தாண்டி புத்திசாலித்தனமாக எங்கள் நடவடிக்கைகளை செய்யவேண்டும்.

    // ஸ்ரீ லங்காவில் வடக்கில போட்டால் தெற்கில எடுக்கலாம் அதுவும் சரியாக கோத்தாண்டை வீட்டிலை......... வரப்பை உயர்த்தாமல் உங்கடை வரப்பு எது எண்டு தெரிஞ்சு கொள்ளுங்கோ.. //
    இதை கடந்து தான் வரவேண்டும். முதலீட்டு சூழ்நிலைகள் எல்லாம் சில்வர் ஸ்பூனில் கிடைக்கும் என்றால் நாம் போராடவே தேவையில்லையே? இவற்றை கடந்து, சில டொலர்கள் அங்காலே போகும், அதையும் தாண்டி செய்யவேண்டும். நாங்கள் உலகமே சேர்ந்து நமக்கு தீர்வு தரும். அதன்பிறகு ராஜாவாக போய் பிஸ்னஸ் செய்யலாம் என்றால் அது பகல் கனவு. அதற்கு இரண்டு ஆபத்துகள்.

    1) அரசாங்கங்ள் மேற்குலகம் பக்கம் சாய்ந்தால், நாங்கள் மொஸ்கோவிலும், பேய்ஜிங்கிலும் தான் ஆர்ப்பாட்டம் செய்ய வேண்டிவரும், அதன் பிறகு எங்கள் ஆர்ப்பாட்டங்களும் அவுட். பிரச்சனையைம் கத குளோஸ்.

    2) அப்படி இழுபட்டு ஒரு தீர்வு கிடைக்கும் சந்தர்ப்பத்தில், அங்கே சிங்களவர்கள் தான் இருப்பார்கள். அப்படி ஒரு சூழ்நிலை அங்கே.

    ஆக இரண்டையும் சமாந்தரமாக கொண்டு போக வேண்டும். குமாரவடிவேல் குருபரன் சொல்வது போல, ஒரு shadow political and economical arrangement செய்யவேண்டும். பெரிதாக செய்யவேண்டியதில்லை. உங்கள் அளவில், ஒரு கடையையோ, ஒரு கடைக்கு பார்னர்ஷிப்போ, ஐந்து ஏக்கர் வயலை வாங்கிப்போட்டோ .. ஒரு இன்ஸ்டிடியூட் ஆரம்பித்தோ .. செய்யலாம். இந்த வரப்பை கட்டுவதில் எனக்கு பிரச்சனை இல்லை. சிக்கலும் இல்லை.

    ReplyDelete
  25. வணக்கம் கேதா,

    //அண்ணை, சும்மா கூடி கதைச்சிட்டு கலைஞ்சுபோற கூட்டம்போல இல்லாம கொடிபிடிக்கிறவங்களுக்கு நான் தலை வணங்கிறன்.//
    கொடி பிடிக்க கூடாது என்று நான் சொல்வதாக நினைப்பதன் மூலம், நான் சொல்லும் மற்ற விஷயங்களை ஈசியாக புறக்கணிக்கமுடிகிறது இல்லையா. அல்லும் பகலும் ஆர்ப்பாட்டம் செய்து, எங்கள் பிரச்னையை உலகம் பூரா எடுத்து செல்பவருக்கு நான் புதிதாக தலை குனிய தேவையில்லை. ஏற்கனவே அவர்களுக்காக நான் குனிந்த தலையை உயர்த்தவே இல்லை கேதா. மரியாதை மிகவும் இருக்கு.


    //அங்க இப்ப முதலிட்டு எல்லா பெரிய தலையளுக்கும் குடுக்கவேண்டிய பங்கை பிரிச்சு கொடுத்தபிறகு லாபம் என்ன மூலதனமே மிஞ்சாது எண்டு கதைக்கிறாங்கள்.//
    இதை சமாளிக்க தான் வேண்டும். மற்றவன் போராடுவான். அமரிக்கா தீர்வு கொடுக்கும். அன்ரி காணி பாரப்பா. எல்லாம் சேப், என்றவுடன் நாடு திரும்புவது ... எனக்கு உறுத்துகிறது... மே பி, அது தான் நான்!

    //அதுக்கு இங்க ரெண்டு வீட்டில முதலிட்டாலும் கொஞ்சநாள் போக நல்ல லாபத்துக்கு விக்கலாம். //
    இத நான் உள்குத்தாவே எடுக்க இல்ல தல!

    //கொஞ்சம் பொறுப்பம் அமரிக்கா, இங்கிலாந்து, அவுஸ்ரேலியா எல்லாம் இப்ப எங்களோடதான் நிக்குது. அவங்கள் உலகத்தில இதுவரையும் செய்த நல்லதுகள் மாதிரி எங்களுக்கும் ஏதாவது செய்வானுகள். வெள்ளைக்காரன் எங்களை கைவிடான்.//
    அதே அதே

    ReplyDelete
  26. கேதா இந்த வைரமுத்து விஷயம்!

    நம்மவர்களால் எவ்வளவு ஈஸியாக ஒருவனை புறக்கணிக்க முடிகிறது பாருங்கள். வைரமுத்து கண்ணதாசன் முன்னாலே நத்திங் என்கிறவர்களை நான் நிதமும் சந்திக்கிறேன். எங்களுக்கு எப்போதுமே ஒரு நிலா, ஒரு சூரியன் தான் இருக்கலாம். பாவம் வைரமுத்து இந்த சிக்கலாம் உதித்தும் மறைந்துபோய் கிடக்கும் சூரியன்!

    "கல கலவென பொழியும் மேகம்" பாட்டை பற்றி நீ ஒருமுறை சொன்னபின் அன்றிரவு கேட்டு பார்த்தேன். சனியன் பிடிச்ச பாட்டு .. எப்பிடி எப்பிடி ஓடுகிறது. கொஞ்சம் சரியா வாலை பிடிக்காட்டி, அது பாட்டுக்கு எங்கேயோ ஓடிடும். அப்படி ஓடியதால் தான் நம்மில் பலருக்கு அவனை கவிஞனாக பார்க்கமுடிவதில்லையோ?

    ReplyDelete
  27. நன்றி யோகா!

    ReplyDelete
  28. உங்கள் பதிலுக்கு நன்றி ....இங்கே முதலீடு என்பதர்ற்கு அப்பால் ஓர் அரசியல் அபிலாசைகள் நோக்கிய நகர்வுகளுடன் பொருளாதாரரீதியாக மக்களை கட்டிஎளுப்பும் வகையில் ஒரு பொறிமுறை(Mechanism) தாபிகபடவேனும் ..அவை பொருளாதார சமுக ரீதியல் மக்களை தாங்கி வாழ்பவர் நிலையில் இருந்து முன்னோக்கி நகர்த்த உதவும் ....புலம்பெயர் தமிழருடன் இணைந்து தாபிக்க படவேண்டிய இவ் பொறிமுறையால் கூட்டான முதலீடுகள் கவனம் செல்லுதபடலாம் .மாறாக தனிப்பட்ட முதலீடுகள் எதிர் பார்க்கும் மட்டில் சத்திய பட மாட்டாது என்பததிட்கு அப்பால் எதிர் பார்க்கும் பயன் தராது ...நடைமுறையில் இங்கு இறக்கும் நெருக்கடியில் பெரும்பாலனவர் தனிப்பட்ட முதலீடில் அரவம் கொள்வர் என எதிர் பார்க்கவும் முடியாது ..அது தனி மனித இயல்பு

    ReplyDelete
  29. அன்புள்ள விஜி

    //.இங்கே முதலீடு என்பதர்ற்கு அப்பால் ஓர் அரசியல் அபிலாசைகள் நோக்கிய நகர்வுகளுடன் பொருளாதாரரீதியாக மக்களை கட்டிஎளுப்பும் வகையில் ஒரு பொறிமுறை(Mechanism) தாபிகபடவேனும்//
    அதில் மாற்று கருத்து இல்லை. அதற்குரிய முயற்சிகள் நடப்பதாக கேள்விப்படுகிறேன். அப்படி நடக்கும்போது கலந்துகொள்வதில் எந்த பிரச்சனையில்லை. ஆனால் அப்படி பொறுப்பானவர்கள் செய்ய நாங்கள் முதலீடுகளை செய்யலாம் என்று நினைப்பது ஒரு பக்கம். நான் பேச வந்தது Niche investment சார்ந்த விஷயம். அது குட்டி குட்டி முதலீடுகள். எப்போது வியாபிக்கும் என்று தெரியாமலேயே அது நடக்கும். அது ஒரு வித சமூக மாற்றத்துக்கு வழிகோலும். சிலிக்கன் வாலி முதலீடுகள் இப்படி ஆரம்பித்தவை தான். -அதற்கென்று ஒரு கட்டமைப்பு ஆரம்பத்தில் இருக்கவில்லை. அரசாங்கத்தின் பங்கு கொஞ்சமும் இல்லை. entrepreneurs தம்மை தாமே வளர்த்துக்கொண்டனர். அதுவே யூதர் போன்ற இனமாக எங்களுக்கு சிறந்த மொடல் என்று நினைக்கிறேன். இந்த சமயத்தின் ஒஸ்கார் ஷிண்ட்லர் என்ற ஒரு சின்ன முதலாளி யூதர்களுக்கு செய்த பங்களிப்பை ஞாபகப்படுத்துகிறேன். அவர் செய்தது பிஸ்னஸ், அதுவும் சின்ன பிஸ்னஸ் .. ஆனால் பல தலைமுறைகளை காப்பாற்றியது.

    //நடைமுறையில் இங்கு இறக்கும் நெருக்கடியில் பெரும்பாலனவர் தனிப்பட்ட முதலீடில் அரவம் கொள்வர் என எதிர் பார்க்கவும் முடியாது ..அது தனி மனித இயல்பு//
    ஏற்று கொள்கிறேன் .. நான் எழுதுவது ஒரு பொதுப்பாட்டுக்கு தான் .. ஆயிரம் பேர் வாசிக்கையில், ஒருவராவது அட, இதை செய்யலாமே என்று யோசித்தால், அது தான் எனக்கு வேண்டும். மிகுதி 999 பேர் என்னோடு கோபித்து கொண்டாலும், அவர்களுக்கு அப்புறம் புரியும் என்றும் தெரியும். இதிலே யாரையும் காயப்படுத்தும் நோக்கம் இல்லை. உறுத்தும் நோக்கம் மட்டுமே.

    ReplyDelete
  30. thanks for your reply....go ahead...we support always

    ReplyDelete
  31. //எந்த ஒரு இயக்கத்திலும் நிகரான இன்னொரு இயக்கம் (அல்லது இயக்கங்கள்), super positions இருக்கும் என்கிறார் ஷிரோடிங்கர்.// சிந்தனையை தூண்டும் விடயம். இவ்வாறான விடயங்களை பகிர்ந்துகொள்வதற்கு, சந்தேகங்களை தீர்த்துக்கொள்வதற்கு எனக்கு யாரும் கிடைப்பதில்லை. Schrodinger equation உண்மையில் இலத்திரன்கள் எவ்வாறு சாத்தியமான எல்லா துணிக்கை நிலையையும் கொள்ளக்கூடியது என்பதை அடிப்படையாகக் கொண்டது இல்லையா? இந்த கொள்கை எவ்வாறு தற்போதுள்ள String theory (இழை கொள்கை) மற்றும் M-theory என்பவற்றுடன் வேறுபடுகின்றது. சிலர் கூறக் கேள்விப்பட்டேன், இக்கொள்கைப்படி நமது பிரபஞ்சம் பதினொரு பரிமாணங்களைக் கொண்டதெனவும் அதில் நமது ஒவ்வொரு இயக்கத்தால் ஏற்படும் விளைவுகளும் சாத்தியமான எல்லா நிகழ்தகவுக்குமுரிய மாற்றங்களை ஏற்படுத்தும் என்று. அதாவது உதாரணத்திற்கு நான் இப்போது தும்மினால் அதனையொட்டி நகரும் இயங்கள் வேறு என்றும், நான் தும்மாவிட்டால் என்னால் இப்பிரஞ்ச கால ஓட்டத்தில் ஏற்படும் விளைவுகள் வேறுபட்டதாகவும் இருக்குமென்று. இது தொடர்பாக உங்களது கருத்து அறிய ஆவலாக உள்ளேன்.

    ReplyDelete
  32. ஆளில்லாத காணிக்கு எத்தினை பேர் தான் அண்ணா சம்பளமில்லாம காவல் இருப்பினம்? அநியாயமா இருக்கு. காணி சொந்தகாரரை போய் காவாந்து பண்ண சொல்லி எழுதக்கூடாதா ?
    இல்லாட்டி ஆளுக்கு நாலு ஏக்கர் காணி வாங்கி குறைஞ்ச வாடகைக்கு குத்தகைக்கு விட்டு இயற்கை விவசாயம் பண்ணலாம். நஞ்சில்லா உணவு. காவலுக்கு வேலியும் ஆளுமாச்சு. பளபள ஷாப்பிங் malls தான் இந்த கப்பம் வாங்கிற பணக்கார பிச்சைக்கரரின்ட கண்ணை உறுத்தும். இதில அந்த பிரச்சினை குறைவு. நமக்கும் துரும்பு அசைச்சு போடேலாத குற்ற உணர்வும் இல்ல. Simple ideas will do great things sometimes .

    ReplyDelete
  33. வாங்க மனோகரன்

    //சந்தேகங்களை தீர்த்துக்கொள்வதற்கு எனக்கு யாரும் கிடைப்பதில்லை//
    இந்த பிரச்சனை எனக்கு கன நாளா இருக்கு.

    //Schrodinger equation உண்மையில் இலத்திரன்கள் எவ்வாறு சாத்தியமான எல்லா துணிக்கை நிலையையும் கொள்ளக்கூடியது//
    இதை ஸ்ரோடின்கர் அவ்வளவு ப்ரோமொட் பண்ணவில்லை. சாத்தியமான எல்லா நிலைகளும், அந்த அணுத்தொகுதி "அளவிடப்ப்படும்வரை" கொண்டிருக்கும் என்றும் அளவிட்ட பின்னர் அது ஒரு நிலையே எடுக்கும் என்கிறார். உதாரணமாக, ஒரு அணுகுண்டு அதை கணிப்பிடும்வரை "வெடித்தும்/வேடிக்காததுமான" நிலை என்கிறார். நான் பார்க்கும் போது ஒன்று வெடிக்காத குண்டாக இருக்கும். இல்லை வெடித்து சிதறி இருக்கும். எங்கள் பார்வை தான் இங்கே "அளவிடை" ஆகிறது.

    M-Theory என்னை எப்போதும் குழப்பியிருக்கிறது. ஸ்ரோடின்கர் இரண்டு ஸ்டேட்ஸ் என்று சொன்னது ஒரு உதாரணமே ஒழிய .. it can take number of super positions. அந்த அடிப்படையில் M-Theory எந்த அடிப்படையில் வேறுபடுகிறது என்றால், அது observation சார்ந்தது இல்லை. இங்கே measured state என்று ஒன்றில்லை. பல கொம்பினேஷன்ஸ் கொண்டதே "everything" என்று சொல்லுகிறது. இந்த வித்தியாசம் ஸ்ரோடிங்கர் தத்துவத்தின் அடுத்த கட்டம் என்றே நினைக்கிறேன். ஸ்ரோடின்கர் தத்துவத்தின் மிகப்பெரிய ஓட்டை என்று நான் நினைப்பது "existence of the state based on the measurement/observation". அது ஓரளவுக்கு தேவை இல்லை என்று M-Theory சொல்கிறது என நினைக்கிறேன். ஆனால் எனக்கு ஸ்ரோடிங்கர் அளவுக்கு M-Theory விளக்கம் பெரிதாக இல்லை. ஸ்ரோடிங்கரை கூட, யாராவது என்னை குழப்பிவிட்டால் குழம்பிவிடுவேன்!

    ReplyDelete
  34. வாங்க தன்யா

    //ஆளில்லாத காணிக்கு எத்தினை பேர் தான் அண்ணா சம்பளமில்லாம காவல் இருப்பினம்? //
    அது கேள்வி!

    //. காணி சொந்தகாரரை போய் காவாந்து பண்ண சொல்லி எழுதக்கூடாதா ?//
    சொல்லலாம் .. சமாதானம் வரட்டும் .. நாடு சீராகட்டும். போகலாம் என்பார்கள்!!

    //நமக்கும் துரும்பு அசைச்சு போடேலாத குற்ற உணர்வும் இல்ல. Simple ideas will do great things sometimes .//

    செய்யலாம். யாருக்குமே உறுத்தாமல் செய்யலாம் என்பது தான் என் வாதமே. நிறுவனப்படுத்தி செய்யும்வரை தனிநபர்கள் பொறுக்க தேவையில்லை! .. செய்திடலாம்! .. மெல்பேர்ன் வாறதா கேள்வி பட்டேன் .. பேசுவோம்.

    ReplyDelete
  35. JK, If you think it is worth then either write in your post or reply to this comment on these questions:

    //I personally don't expect Iranian or Kim Kiduk standard in Tamil movies.// Why JK? Do you think Tamils (in other words you and me) do not deserve/like that standards/flavors? Is it due to the so called Tamil Culture?

    //though the director/screenplay is dodgy, they can still pull out some magic with their own charisma// Do you really think the magic is only due to them...I think it is partially because of us (older/middle aged generation)...I don't think they are now connecting with younger generation to create the magic...

    Like you,some how I stopped watching Tamil movies from 2010, I realized it a month ago so I subscriped for Tamil TV channels and started watching TV programs, may be after 2 monts I will start watching Tamil movies also. I find it difficult to manage time with 2 kids while both of us working...I read the 2nd episode of Kanthaswamy and Galaxy it is going good...I will comment it later.

    Take care.

    ReplyDelete
  36. //நக்கல் நையாண்டி எகத்தாளம் .. புரிகிறது ஐயா!’//
    பேசாமல் கலப்படமில்லாத பாலில் காப்பி போடலாம்
    பெண், வீட்டில் இருக்கிறாள் என்ற பிரக்ஞை இல்லாத ஆண் செய்யும் வேலையாம்.
    ஏன் சார் கடுப்பேத்திறீங்க
    , சயந்தன் எடுத்த இந்த படம் ஞாபகம் வந்தது. கூடவே “ஷிரோடிங்கர் பூனை”யும் ஞாபகம் வர,
    அருமையான தெரிவு
    “விசர்” பிடிக்கவைக்கும் பாட்டு இது.
    நல்ல அனுபவம்
    கேள்வி கேட்காமல் தாங்க்ஸ் சொன்னேன்.
    விமர்சனம் இல்லை

    ReplyDelete
  37. Thanks Mohan,

    //Why JK? Do you think Tamils (in other words you and me) do not deserve/like that standards/flavors?//
    Its not they deserve or not .. its like, I am a consumer, I go to a textile shop to buy my dresses and grocery shop to by groceries. If tamils keep selling what they make now, how would I expect anything other than what they do? I can't go to a textile to buy a kilo of Sugar?

    //I think it is partially because of us //
    May be .. Though I see young people do admire them, it can still be a generation's issue. I never enjoyed MGR for some extent, I thought Sivaji was overacting a lot. Same can be said for these two in future.

    ReplyDelete
  38. வாங்க கீதா

    //ஏன் சார் கடுப்பேத்திறீங்க //
    அனுபவம்

    //விமர்சனம் இல்லை//
    அதுவே விமர்சனம் தான்.

    ReplyDelete
  39. ஷிரோடிங்கர் பூனை விளக்கம் சூப்பர்..... அதுவும் 12B படத்தை உதாரணம் காட்டியது விளங்கிக் கொள்ள இலேசாக இருந்தது..! சுஜாதாவில் “கடவுள் இருக்கிறாரா” ல் இதைப்பற்றியும் சுஜாதா விரிவாக ஆராய்ந்திருக்கிறார்.!

    மன்மதக் குஞ்சுவின்ர கொமண்ட்....! நச்... போட்டோக்காகவே போட்டிருக்கு பொழிப்புரை..! (ஜொள்ளு..! )

    ReplyDelete
    Replies
    1. ஹ ஹா .. நன்றி செழியன்.

      Delete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே