பிடிச்சதும் பிடிக்காததும் 2012

 

நான்கு வருடங்களாக இப்படி பிடித்ததையும் பிடிக்காததையும் தொகுப்பது தொடர்கிறது.  இப்போது பழையதை வாசித்துப்பார்க்க ஒரு வித சுவாரசியம்; 2008 இன் சிறந்த படமாகவும், இசை அல்பமாகவும் கருபழனியப்பனின் “பிரிவோம் சந்திப்போம்” படத்தை குறிப்பிட்டிருந்தேன். இன்றைக்கு எனக்கு “பிரிவோம் சந்திப்போம்” தமிழில் ஹேராமுக்கு பின்னர் வந்த சிறந்த படம் என்று தோன்றுகிறது. Best emerging application என்று 2009 இல் Google Wave ஐ சொல்லியிருந்தாலும் அது பின்னர் டிஸ்கன்டினியூ ஆகிவிட்டது. 2010 இல் man of the year விருது அசாஞ்னேக்கு குடுத்திருந்தேன். தல ஈகுவடோர் எம்பசிக்குள் படுத்து கிடக்கிறார். சென்ற வருடம் Yarl IT Hub ஒரு சிறந்த தொழில்நுட்ப முயற்சி என்று சொல்ல, நினைத்ததற்கு மேலாக அது யாழ்ப்பாணத்தில் பல செயற்பாடுகளையும் நெட்வோர்க்கிங்கையும் உருவாக்கியது. இதை யார் யார் வாசிக்கிறார்களோ இல்லையோ, எனக்கொரு பெர்சனல் தொகுப்பு தான். 2012 எனக்கும் மிகவும் அமைதியாக சிம்பிளாக எந்த சிக்கலுமில்லாமல் கடந்து போன வருடம். ஒருவேளை சிக்கல்களை சிம்பிளாக எடுக்க பழகிவிட்டேனோ தெரியாது. All is well.

 

அரசியல்


முக்கிய சம்பவம் : சிரிய உள்நாட்டு யுத்தம்

512529247சிரிய உள்நாட்டு யுத்தமும், அமெரிக்கா உத்தியோகபூர்வமாக ஆயுதக்குழுக்களை அங்கீகரித்ததும் மிகமுக்கிய திருப்பம். இப்போது பஷாரின் வீழ்ச்சி என்பது just a matter of time. அதற்காக சிரிய எதிர்காலம் ஒன்றும் அவ்வளவு நம்பிக்கை தருமொன்றாக தோன்றவில்லை. ஆயுத குழுக்களுக்கிடையே சாதிய, இன, அதிகார வேறுபாடுகள் தலை தூக்கிவிட்டன. இருந்தாலும் பஷாரின் ஆட்சியை ஏற்றுக்கொள்ளவே முடியாது. அரேபிய வசந்தம் எகிப்தில் தோற்றுக்கொண்டிருந்தாலும், பஷார் ஆட்சி கவிழ்ந்தால், சீன, ஈரானிய, இலங்கை போன்ற ஏனைய சர்வாதிகார நாடுகளுக்கு ஓரளவுக்கு கலக்கம் வரும். மியான்மர் அரசுக்கு அந்த கலக்கம் ஏற்கனவே வந்து கொஞ்சம் இறங்கி வந்திருப்பது சந்தோஷம்.

சிறந்த அரசியல்வாதி : ஆங் சாங் சூகி

Suu-Kyi-Nobel-Prize-shattered-my-isolation-K01MEAHK-x-largeஎப்போதோ பெற்றுக்கொண்ட நோபல் பரிசுக்கான உரையை இந்த வருடம் அவர் வழங்கியபோது உதிர்த்த பக்குவம் அலாதியானது. மியான்மர் இடைத்தேர்தல்களில் மக்களின் அங்கீகரிப்பு மீண்டும் ஒருமுறை. ரோஹிங்கயா மக்கள் விஷயத்தில் சர்ச்சையான கருத்தை இவர் தெரிவித்தாலும், கத்தியின்றி யுத்தமின்றி மண்டேலாவுக்கு பிறகு ஒரு காந்தியவாதி என்று தயக்கமில்லாமல் இவரை சொல்லலாம். கொஞ்சம் கொஞ்சமாக தன் புத்திசாலித்தனத்தால் ஆட்சியாளர்களை அரித்து, உலகை தன் பக்கம் எப்போதும் வைத்திருந்த அதிசயப்பெண். இவரைப்பற்றி அறிய அறிய மேலும் மேலும் ஆச்சர்யப்படுத்துவார். What a woman.

துன்பியல் சம்பவம் :  பத்திரிகையாளர்கள் மீதான அடக்குமுறைகள்

alwaysalion_news_1289910599234எனக்கு மிகவும் பிடித்த பத்திரிகையாளர்களின் ஒருவரான பிரெடெரிக்கா ஜோன்ஸ், கோத்தபாயாவின் மிரட்டலை அடுத்து நாட்டைவிட்டு தப்பி ஓடிய ஆண்டு இது. நடுவுநிலை பத்திரிகையான சண்டேலீடரை இலங்கை அரசாங்கம் கையகப்படுத்தியதும், பிரெடெரிக்காவை பன்றி, அது இது என்று கெட்ட தூஷணத்தால் ஒரு நாட்டின் பாதுகாப்பு செயலர் பொதுவெளியில் சொல்லியும் கூட யாருமே எந்த கேள்வியும் கேட்காததும், ஜர்னலிசம் எந்த அளவுக்கு இலங்கையில் வீழ்ச்சியடைந்துவிட்டது என்பதற்கு பலத்த உதாரணம். ஈழத்தவரோடு மிகவும் நெருக்கமான மேரி கொல்வின் சிரியாவில் கொல்லப்பட்டதும் இன்னொரு அடி. அசாஞ்னே (அவர் பத்திரிகையாளர்?) ஈக்குவடோர் எம்பஸியில் சிக்கிக்கிடப்பது இன்னொரு துன்பியல் நிகழ்வு.

கேவலமான அரசியல்வாதி : ஆத்தா அம்புட்டுதேன்!

 

விளையாட்டு
மிகச்சிறந்த விளையாட்டு சம்பவம் : ஒலிம்பிக்ஸ்

நேர்த்தியாக நடந்து முடிந்த விளையாட்டுகள். சுவாரசியம் குறையாத போட்டிகள். ஆஸ்திரேலியா கொஞ்சம் பின் தங்கியது வருத்தம் தான் என்றாலும் இங்கிலாந்தின் எழுச்சி சிறப்பானது.

roger-federer-27vவிளையாட்டு வீரன் : ரோஜர் பெடரர்

ஓய்வு பெறவேண்டும் என்று அத்தனை வெற்று வெத்துகளும் ஆளாளுக்கு கூவிக்கொண்டிருக்கும்போது அநாயசமாக விம்பிள்டன் வென்று மீண்டும் நம்பர் வன்னுக்கு முன்னேறி அத்தனை பேர் முகத்திலும் கரியை பூசிய என் ஆதர்ச நாயகன். சல்யூட்.

Sally Pearson2விளையாட்டு வீராங்கனை : சாலி பியர்சன்

சென்ற வருடத்து என்னுடைய வீராங்கனையும் கூட! அவுஸ்திரேலிய நீச்சல் வீரர்கள் சொதப்பிவிட, மொத்த தேசமே இவரைத்தான் ஒலிம்பிக்ஸில் நம்பியிருந்தது. அத்தனை கனவுகளின் சுமையையும் தாங்கியபடி கேர்டில்ஸில் சும்மா டக் டக் டக்கென்று பாய்ந்து தங்கம் வென்ற மங்கை. 2008 ஒலிம்பிக்ஸில் சில்வர் வென்ற போது அவர் குதித்த குதியை பார்த்த நாள் முதல் நான் அவர் ரசிகன்.

 

விஞ்ஞானமும் தொழில்நுட்பமும்
சிறந்த கண்டுபிடிப்பு : ஹிக்ஸ் பொஸான்

எங்கிருந்து இந்த திணிவு வந்து சேர்ந்தது என்று எல்லா விஞ்ஞானிகளுக்கும் கண்ணாமூச்சி ஆடிக்கொண்டிருந்த மாட்டர்! இப்போது இது இருக்கிறது என்று நிரூபிக்கப்பட்டதால், இதிலிருந்து குழப்பமில்லாமல் அடுத்தகட்ட ஆராய்ச்சிகளை செய்யலாம். எதிர்காலத்தில் சின்னதாக பூமி போன்ற ஒரு மாதிரி செய்வதற்கு கூட இந்த கண்டுபிடிப்பு பயன்படலாம். நாமெல்லாம் துள்ளிக்குதித்து கொண்டாடவேண்டிய ஆச்சர்ய விஞ்ஞானம். அலுவலகத்தில் நிஜமாகவே குதித்தார்கள். இங்கே எழுதியிருக்கிறேன்.

சிறந்த ஐடி தொழில்நுட்பம் : Windows 8 (RT and Pro)

c8d8763d-f1a4-4533-9f06-1b827d059236_22

மைக்ரோசாஃப்ட் பல ஆண்டுகளுக்கு பிறகு ஆட்டத்தில் இணைந்திருக்கிறது. அற்புதமான டைல்ஸ் டிசைன் எங்களுக்கு புதுசு. Surface ஐ பார்க்க ஆசையாய் இருக்கிறது. இப்போது Surface ஐ Windows 8 pro வில் கொண்டுவரப்போவதாக சில உள்வீட்டு தகவல்கள். நிஜமானால பி.சி தலைமுறை முடித்துவைக்கப்பட்டு எல்லாமே டப்லட்டில் செய்யக்கூடியதாக இருக்கலாம். Eagerly waiting.

காமெடி விருது : Apple Maps

maps22n-2-webஇப்படி ஒரு அரை அவியல் ஐட்டத்தை perfection க்கு பெயர் போன அப்பிள் வெளியிட்டது ஆச்சர்யம். இரண்டு கிலோமீட்டர் இடைவெளியில் இருக்கும் இடத்தை ஐம்பத்தாறு கிலோமீட்டர் தூர பாதையில் காட்டிய அபூர்வ மென்பொருள்! மெல்பேர்ன் சிட்டி ஏரியாவில் ஒரு முகவரியை தேடியவரை எண்பது கிலோமீட்டர் தள்ளி இருந்த பூங்கா ஒன்றுக்குள் இது அனுப்ப, அடுத்தநாளே போக்குவரத்து போலீசார் வோர்னிங் குடுக்கவேண்டி வந்தது. To add injury to the wound, கூகிள் இந்த மாதம் அதன் iOS Google Maps மென்பொருளை வெளியிட, டிம் குக் கையை பிசைந்துகொண்டிருக்கிறார். 2013 இல் அப்பிளின் டிவி வெளிவராவிடில் ஏற்கனவே சரிந்துகொண்டிருக்கும் பங்குகள் படுத்துவிடும்.

 

திரை விருதுகள்

இந்த வருடம் வெளியான படங்களில் “நண்பன்”, “நான் ஈ”, “பிட்ஸா”, “நடுவில கொஞ்ச பக்கத்த காணோம்”, “துப்பாக்கி”, “நீ தானே என் பொன் வசந்தம்” என்று ஆறு தமிழ் படங்கள் பார்த்தாயிற்று. சென்ற வருட எண்ணிக்கையை விட இது ஒன்று அதிகம்! ஆங்கில படங்கள் ஒரு தொகை, எல்லாமே டிவிடி தான் . இந்த ஆண்டு வெளியாகிய எதுவுமே பார்க்கவில்லை. SBS புண்ணியத்தில் பல பிரெஞ்ச், ஸ்பெயின், அரேபிய படங்கள் பார்க்கும் சந்தர்ப்பமும் கிடைத்தது.

imagesசிறந்த இயக்குனர் :  பாலாஜி தரணிதரா (நடுவில கொஞ்ச பக்கத்த காணோம்)

சுவாரசியமான ஸ்கிரீன் ப்ளே. பலே நடிப்பு. ஒரு சின்ன knot ஐ வைத்துக்கொண்டு திரைக்கதையை நகர்த்திய புத்திசாலித்தனம். பாலாஜி யாரென்று தெரியாது. ஆனால் கலக்கியிருக்கிறார். ஹட்ஸ் ஒப்.

சிறந்த படம் : நடுவில கொஞ்ச பக்கத்த காணோம்
சிறந்த நடிகர் : விஜய் (நண்பன்)

vijay-nanban-new-photo-209அழகான “Five point someone” நாவலை கடித்து குதறிய திரைக்கதை என்று த்ரீ இடியட்ஸ் மீது எனக்கு ஒரு கடுப்பு கொஞ்சம் இருந்தது. தமிழில் இது ஏற்கனவே தெரியுமென்பதால் பார்க்கும்போது உறுத்தவில்லை. சச்சின் விஜயை காணாமல் கிடந்த என் போன்றவர்களுக்கு here you go என்று அவர் கலக்கிய படம். அதே பழைய ரொமாண்டிக் மானரிசம். மைக் மோகன் போல தானும் போய்விடக்கூடாது என்பதற்காக காதல் படங்களை விஜய் கைவிட்டது எமக்கு தான் இழப்பு என்பதை படம் பார்க்க மீண்டும் புரிந்தது.

SamanthaPic-12
 
சிறந்த நடிகை : சமந்தா (நீ தானே என் பொன் வசந்தம்)

தனியாக வியாழமாற்றத்தில் ஜொள்ளிவிட்டேன். புதிதாக சொல்ல ஒன்றுமில்லை. தேவதை.

பிடிக்காத படம் : பிட்ஸா

பேய்ப்படங்கள் பொதுவாகவே பிடிப்பதில்லை. நிஜ வாழ்க்கையில் நிறைய பேய்களை பார்த்ததோ என்னவோ, படத்தில் பார்க்கும்போது சனியன் பயமே வரமாட்டேங்குது. பார்த்துக்கொண்டிருக்கும்போது கொட்டாவி. கிளைமக்ஸில் அது வெறும் ஜோடிக்கப்பட்ட கதை தான் என்று சொன்னது எப்படி இருந்தது என்றால், பாட்ஷா படத்தின் முடிவில் ரகுவரனும் ரஜனியும் திடீரென்று கட்டிப்பிடித்து முத்தம் கொடுத்துவிட்டு நாங்க சும்மா ஒளிச்சுப்பிடிச்சு விளையாடினோம். நல்லா ஏமாந்தீங்களா என்று சொன்னால் எப்படியிருக்குமோ அப்படி இருந்தது.

ஆங்கில படங்கள்   : Down Fall, Midnight in Paris

Down Fall, ஹிட்லரின் இறுதிக்காலத்தை வெளிப்படுத்திய படம் . தோற்கும் நிலையில் உள்ள அணி எப்படியான உளைச்சல்களுக்கு ஆகும் என்று சொன்ன விதம் ஏதேதோ எல்லாம் ஞாபகப்படுத்தியது . எல்லோரும் பார்க்கவேண்டியது.  Midnight in Paris பற்றி விரிவாக இங்கே எழுதிவிட்டேன்.

இசை விருதுகள்
சிறந்த பாடகர் : ஏ ஆர் ரகுமான் (ஏலே கீச்சான்(கடல்),  கியா ஹாய் மொகாபட், (ஏக் தீவான தா))

தல ஏதோ ஒரு ஜொலி மூடில் முதலாவதையும் பக்கா பீலிங்கோடு இரண்டாவதயும் பாடியிருக்கும். மீண்டும் மீண்டும் ஆச்சரியங்களை மாத்திரமே தந்துகொண்டிருக்கும் இசை அதிசயம்.

சிறந்த பாடகி : ஸ்ரேயா கோஷல் (சின்ன சின்ன, உருமி)

ஒரே சொல் அற்புதம். என்ன ஒரு இனிமை. இப்படி உணர்வோடு யாரால் பாட முடியும். சுசீலா, சித்ரா வரிசையில் ஜம்மென்று மூன்றாவதாக இடம்பிடிக்கும் தேன் குரலாள். கேதாவும் வீணாவும் சேர்ந்து கேட்டுப்பாருங்க அண்ணே என்று சொன்னபோது, அதிலேயே கேட்டு சொக்கிப்போய் இரண்டுநாளாய் அலையவிட்ட பாடல். Genius.

shreya-ghoshal


சிறந்த இசையமைப்பாளர் : இளையராஜா  (நீதானே என் பொன் வசந்தம்)

தனியாக பதிவு எழுதவைத்த பாடல்கள். ராஜாங்கம் மீண்டுமொருமுறை. ரீரெக்கோர்டிங்கில் அதிசயமாக சொதப்பினாலும், பாடல்கள் அத்தனையும் முத்துக்கள். கேட்க கேட்க புதுசு புதுசாக நோட்டுகள் எட்டிப்பார்க்கின்றன. சற்றுமுன்பு எல்லாம் மீண்டும் கேட்க மண்டை விறைக்கிறது.

சிறந்த பாடல் : ஆஹா காதல் கொஞ்சி கொஞ்சி (மூன்று பேர் மூன்று காதல், யுவன்)

இந்த பாடலை பற்றி ஏற்கனவே வியாழமாற்றத்தில் எழுதிவிட்டேன். எனக்கென்றே யுவன் இசையமைத்தது போல ஒரு மெலடி. உருகி உருகி கேட்க கிடைத்த தேன்.

சிறந்த பாடல் வரிகள் : சற்று முன்பு பார்த்த மேகம் மாறிப்போக (நா.முத்துகுமார், நீதானே என் பொன் வசந்தம்)
அதிக தடவை கேட்ட தமிழ் பாட்டு : பூ முடித்து பொட்டு வைத்த வட்ட நிலா
அதிக தடவை கேட்ட ஆங்கில பாட்டு : From this moment on.
அதிக தடவை கேட்ட ஹிந்தி பாட்டு : Shining in the shade in sun like a pearl.

 

புத்தகங்கள் & இலக்கியம்
வாசித்த புத்தகங்கள்
  1. வாடைக்காற்று - செங்கை ஆழியான்
  2. பூவரசம் வேலியும் புலுனிக்குஞ்சுகளும் - புதுவை இரத்தினதுரை
  3. கற்றதும் பெற்றதும் – சுஜாதா
  4. விடிவதற்குள் வா – சுஜாதா
  5. நகரம் – சுஜாதா
  6. கோபல்லகிராமம் - கீ ரா
  7. கோபல்லபுரத்து மக்கள் - கீ ரா
  8. காட்டாறு - செங்கை ஆழியான்
  9. 100-00-0000-053-3_b[2]கூடாரத்து வாழ்க்கை - செங்கை ஆழியான்
  10. கனக துர்கா - பாஸ்கர் சக்தி
  11. Hitchhikers Guide to galaxy – Douglas Adams
  12. Restaurant at the end of universe – Douglas Adams
  13. Mostly Harmless – Douglas Adams
பிடித்த புத்தகம் :  Mostly Harmless, ஜே ஜே சில குறிப்புகள்
பிடித்த கவிதை : காற்றில் ஒடிந்த தளிர்கள் (கேதா)
பிடித்த சிறுகதை : துப்பாக்கி(ஜி, அந்த முடிவுக்காக!), கதையல்லாத கதைகள்(யோ.கர்ணன்)
எழுதியதில் பிடித்த சிறுகதை : காடு திறந்து கிடக்கிறது
எழுதியதில் பிடித்த கொல்லைப்புறத்து காதலிகள் : கடவுள்
எழுதியதில் பிடித்த இசைப்பதிவு : என் பதின்மத்து இளையராஜா!
ஏண்டா எழுதினோம் என்று நினைத்த பதிவு :  வாரணம் மூன்று!

 

இந்த வருடத்து சிறந்த புகைப்படங்கள்

கீழே தந்திருக்கும் மூன்று படங்கள் பார்த்தவுடன் அடித்துப்போட்ட படங்கள். கையில் DSLR வைத்திருந்தும் ஒரு படம் கூட நான் Facebook இல் போடாததற்கு இவர்கள் தான் காரணம். மிரட்டுகிறார்கள்!

SAIN_2012_58905

 

இது சயந்தன் எடுத்த படம். யாழ்ப்பாணத்து வெங்காய முளை ஒன்று. என் வீட்டில் கன்வாஸ் பண்ணி மாட்டி இருக்கும் கதை சொல்லும் படம்.


 

425199_10150656790488313_1302189436_n

இது கேதா எடுத்த படம், நேஷனல் ஜியோகிராஃபிக் வெப்சைட்டில் போட்டிக்காக அனுப்பினான். அருமையான படம். இதற்கு ஹைக்கூ கூட எழுதினோம்.

தூண்டில் வீசும் சிறுவன்.
விண்மீன் எல்லாம் கடலில் விழுந்து
மண்புழு தேடி அலைகிறது!

 


310691_10150312965606415_753825724_n[3]

 

இது இன்னொரு சயந்தனின் படம். கந்தசாமியும் கலக்ஸியும் தப்பித்தவறி நூலுருப்பெற்றால் அட்டைப்படமாக போடுவேன் என்று அனுமதி வாங்கி வைத்திருக்கும் படம். Thoughtful photographer.

 




Person Of The Year

(இம்முறை ஆளுக்கில்லை, மாட்டருக்கு)

Higgs Boson

This document provided by European Organization for Nuclear Research (CERN) on December 13, 2011 in Geneva shows a graphic showing traces of two high-energy photons measured in the Compact Muon Solenoid (CMS) experience. Physicists at the CERN said that they had narrowed the search for the elusive sub-atomic Higgs Boson particle that would confirm the way science describes the Universe.  AFP PHOTO / FABRICE COFFRINI  RESTRICTED TO EDITORIAL USE MANDATORY CREDIT "AFP PHOTO / CERN " NO MARKETING NO ADVERTISING CAMPAIGNS - DISTRIBUTED AS A SERVICE TO CLIENTS (Photo credit should read HANDOUT/AFP/Getty Images)

&&&&&&&


பிடிச்சதும் பிடிக்காததும் 2011

My Picks Of 2010

My Picks Of 2009

My Picks Of 2008


22 comments :

  1. இவ்வருடத்தின் உங்கள் முழு பார்வையையும் ஒரு பதிவுக்குள் அடக்கிவிட்டீர்கள்..உங்கள் ரசனையைக்கண்டால் பொறாமையா இருக்கு! நாங்க இன்னும் ரொம்ப வளர வேண்டும் என தோன்றுகிறது நன்றி ஜேகே

    ReplyDelete
  2. உங்களைப்போன்றே எனக்கும் கரு பழனியப்பனை ரொம்ப பிடிக்கும் அவரின் பிரிவோம் சந்திப்போம், மந்திரப்புன்னகை அருமையான படங்கள்.

    மலயாளப்படமான ordinary ஐ ரீமேக்க போவதாக கேள்விப்பட்டேன்..!

    ReplyDelete
  3. மிகச் சிறந்த அலசல். இதில் தவறுவதாக எனது கருத்து பலஸ்தீனிய நாட்டின் அங்கீகாரம் குறித்து வாக்கெடுப்பு, பாகிஸ்தான் பெண் மசாலா,
    மேற்கிந்தியத்தீவுகளின் உலக கிண்ண வெற்றி மேலும் துப்பாக்கியை விட பீட்சா மேல்.

    ReplyDelete
  4. நன்றி ரியாஸ் .. கரு பழனியப்பன் எனக்கு மிகவும் பிடித்த இயக்குனர். அவரின் ரீமேக் படத்துக்காக காத்திருக்கிறேன்.

    ReplyDelete
  5. நன்றி சுகர்மன். இந்த பாலஸ்தீன அங்கீகாரம் பற்றி யோசித்தேன் தான். பொதுச்சபையில் அதற்கு கிடைத்த அங்கீகாரம் ஏற்கனவே எதிர்பார்த்தது thaan. ஆனால் பாதுகாப்பு சபையில் அது செல்லாது. இது எந்த அளவுக்கு முக்கியத்துவம் என்று சொல்ல தெரியவில்லை. அப்பாசின் அரசியலுக்கு ஒரு முக்கிய வெற்றி என்பதை மறுக்க மாட்டேன்.

    மேற்கிந்திய தீவுகள் அணி வென்றது இப்போது தான் ஞாபகம் வருகிறது. அந்த தொடரை பெரிதாக கவனிக்கவில்லை.

    துப்பாக்கி எனக்கு பார்க்கும்போது அவ்வளவாக போரடிக்கவில்லை. பிட்சா ஏற்கனவே சொன்னது போல எந்த சுவாரசியத்தையும் கொடுக்கவில்லை. போரடித்தது. எனக்கு பிடித்த ஒரே திகில் படம் ஈஹில் deth. அதுவும் சிறுவயதில் பார்த்ததால். ஆளாளின் ரசனை வேறு வேறு தான்.

    ReplyDelete
  6. எனக்கு பிட்ஸா மிகவும் பிடித்திருக்கிறது, உண்மையில் அந்த முடிவின் புத்திசாலித்தனத்தை ரசித்தேன், கதை சுவரசியமாகவே நகர்ந்த்ததாக தோன்றிகிறது
    ஜே,ஜே சில குறிப்புக்கள் பாதிபடித்து விட்டு எஸ்.ரா விற்ற்கு தாவிட்டேன் திரும்ப படிக்க வேண்டும்,
    நல்ல அலசல்>>>

    ReplyDelete
  7. உங்கள் தெரிவுகள் சுவாரசியம்.. ஏதாவது இங்கிலீஷ் படம் பார்த்தீங்களா.. அதைப்பத்தி இங்கிலீஷ் பதிவு போடுவீங்களா

    ReplyDelete
  8. நன்றி சாய் பிரசாத் . ஜே ஜே சில குறிப்புகள் , ரிலாக்ஸான மன நிலையில் இருக்கும்போது மீண்டும் வாசித்து பாருங்கள், Its a gem.

    ReplyDelete
  9. நன்றி விமல், இந்த ஆண்டு வெளியான படம் எதுவும் பார்க்கவில்லை . தவிர சினிமா பகுதி நீண்டுவிட்டது . நீங்க இப்ப கேட்ட காரணத்தால் அதையும் சேர்த்திருக்கிறேன்! பார்த்திட்டு சொல்லுங்க!

    ReplyDelete
  10. ஒரு சின்ன கேள்வி.. பிடித்தது பிடிக்காதது தெரிவுசெய்யவேண்டுமெனில் அனைத்தையும் பார்க்கவேண்டும்,அப்போதுதான் உன்னால் சரியாக பிடித்ததை தெரிவு செய்ய முடியும்.. ஏன் சொல்கிறேன் என்றால் சினிமாவில் நீ கொடுத்த விருதுகள் ஏற்றுக்கொள்ளமுடியாது இருக்கின்றது... சீனு ராமசாமியின் நீர்ப்பறவை படம் பார்த்தியா.அதன் பாடல் வரிகள்,இசை,பின்னணீ இசைக்கோர்ப்பு,ஒளீப்பதிவு அனைத்தும் கச்சிதம்.கடலும் கடல் சார்ந்த காட்சிக்களும் எம்மை முல்லைத்தீவிற்கோ,மன்னார்ர் கடற்பகுதிக்கோ அழைத்து சென்றூ வரும்... கடல் படத்தை கூட விமர்ச்சிக்க நீர்ப்பறவை படத்தை அளவுகோலாக எடுக்கும் அளவுக்கு படைத்தீருக்கிறார்கள்..பார்த்துவிட்டு சொல்லு,ராஜா மீதுள்ள காதலால் கண்ணை மூடி நீ.தா.எ.வ ரா்ஜா சாருக்கு விருது கொடுத்திருக்கிறாய்

    ReplyDelete
  11. //பிடித்தது பிடிக்காதது தெரிவுசெய்யவேண்டுமெனில் அனைத்தையும் பார்க்கவேண்டும்//
    இந்த விஷயம் ஒஸ்கார் , சாகித்திய அக்கடமி , மகரயாழ் என்று எல்லா விருதுகளுக்கும் பொருந்தும்!

    மன்மதகுஞ்சு, நான் பார்த்த படங்களை குறிப்பிட்டு விட்டே தெரிவுகளை சொல்லியிருக்கிறேன். அது மட்டுமின்றி இது எனக்கு பிடித்த விஷயங்கள் மட்டுமே இது . எல்லோருக்கும் பிடிக்கவேண்டும் என்று நான் நினைத்தால் அது முட்டாள்தனம். என் தெரிவுகள் சரியாக இருக்கவேண்டிய தேவையும் கிடையாது .

    //ராஜா மீதுள்ள காதலால்// இசை மிகவும் பெர்சனல் உணர்வை கொடுக்ககூடியது . நான் ஒரு நாள் பூரா "கூட வருவியா" கேட்பேன் . எம்மில் பலருக்கு அப்படி ஒரு பாட்டு இருப்பதே தெரியாது . அவர் இப்படி இசை தொடர்ந்து கொடுப்பாரேயானால் அந்த காதல் மேலும் மேலும் பொங்கி வழியும்!

    ReplyDelete
  12. Super year end awards.
    photos eduththa annakalukku vaalthukkal.
    superb meaningful clicks.
    Nanum Raja'ku than best music directer kudupan.
    And Iman'ku kumki pada musicku aaruthal parisum
    Achhu-Malaipoluthin mayakathiley music'ku best young talent awrd'm kuduppan.
    best singer male-Karthik(En uyire song for malaipoluthin mayakathiley)
    female-Ramya(satru munbu partha)
    worst singer award-Yuvan shanker raja(Intha varusam paadina ellaa paaddukkum)

    ReplyDelete
  13. நன்றி இரோஷன் ...

    ரம்யா அரை மார்க்கால தான் விடுபட்டு போனா!! She was awesome.

    யுவன் பாடியது என்னை பெரிதாக கவரவில்லை தான். ஆனால் இசையில் பிடிக்காது என்று ஒன்று இல்லை தான். எங்களால் ரசிக்கப்படும் பாடல், இன்னமும் நாங்கள் ரசிக்க தொடங்காத பாடல் என்று தான் வகைப்படுத்த முடியும். அது என்னுடைய விதி!

    மாலைப்பொழுதின் மயக்கத்திலே கேட்க தொடங்கேல்ல .. இப்பவே டவுன்லோட் பண்ணுறன்.

    ReplyDelete
  14. //எங்களால் ரசிக்கப்படும் பாடல், இன்னமும் நாங்கள் ரசிக்க தொடங்காத பாடல் என்று தான் வகைப்படுத்த முடியும்.//
    உண்மை.....
    மாலைபொழுதின் மயக்கத்திலே பாடல் எழுதியது நம்ம மிசஸ் ரகுவரன் ரோகிணி.
    "உனக்குள் நானே" பாட்டுக்கு பிறகு எழுதி இருக்க. எனக்கு இந்த ஆல்பம் ரெம்ப பிடிக்கும்.
    கேட்டுட்டு சொல்லுங்க எப்டின்னு

    ReplyDelete
  15. இதை யார் யார் வாசிக்கிறார்களோ

    I am reading.

    siva59s@yahoo.com

    ReplyDelete
  16. I too read those Sujath books in 2012. Thease are avilable in London libraries.

    Pizza-Film I watched upto intervel. I want to watch the rest. Ananda Vikadan has given goodmarks.

    siva59s@yahoo.com

    ReplyDelete
    Replies
    1. பிட்சா பலருக்கு பிடித்துத்தான் இருக்கிறது. நமக்கு தான் இந்த பேய் படங்கள் சுவாரசியத்தை கொடுப்பதில்லை.

      Delete

  17. உங்களுக்கும் உங்கள் குடும்பத்தினர் அனைவருக்கும் என் இனிய புத்தாண்டு வாழ்த்துகள்.

    2013ல் உங்கள் நம்பிக்கைகளும் ஆசைகளும் கனவுகளும் கைகூடட்டும்


    அன்புடன்
    மதுரைத்தமிழன்

    ReplyDelete
    Replies
    1. நன்றி மதுரை தமிழரே .. உங்களுக்கும் என்னுடைய புத்தாண்டு நல்வாழ்த்துகள்.

      Delete
  18. நன்றி சிவா!

    ReplyDelete
  19. அச‌த்த‌ல் ப‌திவு ஜேகே... பிடிக்காத‌ ப‌ட‌ம் பிட்ஸா என்கிறீர்க‌ள் கொஞ்ச‌ம் உருத்த‌லாக‌ இருக்கு!!!

    ReplyDelete
  20. நன்றி யசோ அண்ணே .. பிட்ஸா பார்க்கேக்க எந்த திரில்லும் இருக்கேல்ல .. நமக்கு சமந்தா ஹன்சிகா என்றால் தான் திரில்லிங் வருமே தெரியாது!

    சொன்னாப்ல . Final Destination 2 பார்த்தீங்களா? அது திரில்!

    ReplyDelete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே