வியாழமாற்றம் 14-11-2013: மரத்தில் காய்க்கும் ஆடு



images
மரத்தில் நிஜமாகவே ஆடு காய்க்கும் என்று அண்மைக்காலம் வரை நம்பியிருக்கிறார்கள். ஒற்றை தண்டால் ஆட்டின் வயிறு இணைக்கப்பட்டிருக்கும் என்றும், ஆடு காய்த்து, தனக்கு எட்டக்கூடிய இடத்தில் கிடைக்கும் புல்லை மேய்ந்துவிட்டு, பின்னர் பசி தாளாமல் இறந்துவிடும் என்றும் இட்டுக்கட்டியிருக்கிறார்கள். கண்ணால் கண்டதாக கதைவிட்டிருக்கிறார்கள். தண்டை ஓடித்துவிட்டால் ஆட்டின் கதை கந்தல்.
CottonPlantநான்காம் நூற்றாண்டில் அலக்சாண்டர், இப்போது இந்தியா என்று அழைக்கப்படும் பிரதேசத்தை ஆக்கிரமித்தபோது அங்கே மக்கள் பருத்தி உடைகள் உடுத்தியிருந்ததை பார்த்தார்கள். கம்பளி போல இருக்கிறது, ஆனால் மரத்தில் இருந்து எடுக்கிறார்களே என்று ஆச்சர்யப்பட்டிருக்கிறார்கள். அதே சமயம் சீனத்து புராதன கதைகளில் இப்படி செடியில் இருந்து ஆடு, கோழி முதல் மனிதன் வரை வளருமாம். அதையும் இதையும் இணைத்து இந்தியர்கள் மரத்தில் வளரும் செம்மறி ஆட்டில் இருந்தே கம்பளி எடுக்கிறார்கள் என்று கதை ஐரோப்பாவில் பரவிவிட்டது. இந்த விலங்கை/தாவரத்தை பத்தொன்பதாம் நூற்றாண்டு வரைக்கும் ஆராய்ச்சியாளர்கள் தேடியிருக்கிறார்கள் என்றால் பாருங்களேன். ஜூதர்கள் மரத்தில் காய்க்கும் மனிதன் இருப்பதாகவும் நம்பியிருக்கிறார்கள்.
ஹென்றி லீ என்பவர் “The Vegetable Lamb of Tartary: A Curious Fable of the Cotton Plant” என்று ஒரு ஆராய்ச்சி நூலே எழுதியிருக்கிறார். அதில் கிடைக்கின்ற தகவல்கள் சுவாரசியமானவை.
he told me that this plant, if plant it should be called, had blood, but not true flesh: that, in place of flesh, it had a substance similar to the flesh of the crab, and that its hoofs were not horny, like those of a lamb, but of hairs brought together into the form of the divided hoof of a living lamb. It was rooted by the navel in the middle of the belly, and devoured the surrounding herbage and grass, and lived as long as that lasted; but when there was no more within its reach the stem withered, and the lamb died
அட! என்ன இது லூசுத்தனமா யோசிச்சிருக்கிறாங்கள்? என்று நினைத்தால் அது தவறு. நம் அறிவியல் இப்படித்தான் வளர்ந்து வந்திருக்கிறது. ஒவ்வொரு முறையும் சரி என்று ஒன்றை நிரூபித்து பின்னர் “ம்ஹூம் அதில்ல இதான் சரி” என்றது. நியூட்டனின் விதிகள் ஓடும் இயக்கத்தில் முரணாக இருந்தது என்று ஐன்ஸ்டீன் கண்டுபிடிக்கும் வரைக்கும் யாருக்கும் தெரியாது. தெரிந்தபோது நம்மை சுற்றியுள்ள பிரபஞ்சம் கொஞ்சம் தெளிவானது. நீல்ஸ்போர் குவாண்டத்தின் கற்பனைக்கெட்டாத சாத்தியக்கூறுகளை விவரித்தபோது ஐன்ஸ்டீன் நக்கலாக சிரித்தார். குவாண்டம் சரி என்று இப்போது கொஞ்சம் கொஞ்சமாக நிரூபிக்கப்பட்டு வருகிறது. நீல்ஸ் போர் அதை இப்படி சொல்வார்.
“நாங்கள் நிஜமென்று நினைக்கும் எல்லாமே நிஜமற்ற பொருட்களாலேயே ஆக்கப்பட்டிருக்கிறது”
இதை புரிய கொஞ்சம் அணுவுக்குள் போய் uncertainity principle ஆராயவேண்டும். இன்னொருநாள் பார்ப்போம். ஐன்ஸ்டீன் இல்லை எல்லாமே certain என்றார். இதுதான் அறிவியல். Science is revision in progress என்பார்கள்.  அந்த தேடல் கூர்ப்பின் அடிப்படை. அதனால் தான் தப்பி பிழைத்திருக்கிறோம். இப்போதைய நிஜங்கள் கூட இன்னொரு இருநூறு ஆண்டுகளில் யாரோ ஒருவனால் உடைக்கப்படும். முதல் உடைபடும் நிஜம் கடவுளாக இருக்கலாம். கடவுளே வந்துகூட அதை உடைக்கலாம்!
நிஜத்தை அறியும் வரை தேடல் தொடரும்… நிஜம்? தேடல் தொடரும்வரை நிஜம் என்பதே கிடைக்காது. இந்த ஆட்டம் ஒன்றே சாத்துவதம்.
Goundamani-Sathyaraj-250_18072008

   வர வர ஜேகே ஜக்கி ஆகிட்டு இருக்கான்டா.. ஜாக்கிரதை




ராமர்பிள்ளை

இவரும் ஒருவகையில் நம்ம வேளாண் விஞ்ஞானி பொன் ஐங்கரநேசன் போல தான். மூலிகையில் இருந்து பெட்ரோல் உருவாக்குவேன் என்று சொல்லி ஒரேநாளில் உலக பிரபலமானார். புறநானூற்றில் இருக்கும் மூலிகை சம்பந்தமான விஷயங்களை வைத்தே பெட்ரோல் தயாரித்ததாக சொன்னார். லீட்டர் ஐஞ்சு ரூபாய்க்கு விற்கலாம் என்றார். நம்பி தமிழ்நாடு அரசாங்கம் மூலிகை பயிரிட என்று 20 ஏக்கர் நிலம் ஒதுக்கியது. இரண்டு வருடங்களில் தலைவர் போலி ஆசாமி என்று கண்டறிந்து சிபிஐ உள்ளே தூக்கி போட்டது.  டெட்ராஹைட்ராபூரா, லோலிக் அமிலம் என்று வாயினுள் நுழையாத சில விஷயங்களை தண்ணீரில் கலந்து அண்ணர் உலகம் பூரா பேமஸ் ஆயிட்டார்.
23-ramar-pillai200
சிங்கன் இப்போது என்ன செய்கிறார் என்று கூகிளினேன். செம போர்ம்ல தான் இருக்காப்ல. சிபிஐ விசாரணை இன்னமும் முடியவில்லை. இப்போதும் மூலிகை பெட்ரோல் கொண்டுவரப்போவதாக தான் சொல்கிறார். திசைகாட்டிகள் என்ற தளத்தில் பேட்டி என்ற பெயரில் ஒரு பன்னாடை இவரை சம்பந்தமே இல்லாதை கேள்விகளை கேட்க, அண்ணரும் அடி பின்னியிருக்கிறார். சாம்பிளுக்கு ஒன்று.
நீங்கள் பேசுவதை பார்த்தால் நீங்கள் தமிழ் உணர்வாளர் என்று தெரிகிறது மேதகு. வே. பிரபாகரன் அவர்கள் குறித்து என்ன நினைக்கிறீர்கள்?என் வாழ்வில் நான் இருவரை மாவீரன் என்று சொல்வேன் ஒருவர் அண்ணன் பிரபாகரன் மற்றொருவர் வீரப்பன்! எந்த எதிர்பார்ப்பும் இல்லாமல் இந்த இனத்திற்காக வாழ்ந்தவர் அவர் அவரை எவராலும் அழிக்க முடியாது. மேலும் ஒன்றை சொல்லவேண்டும் என்று நினைக்கிறேன் ஒருவேளை நான் ஈழத்தில் பிறந்திருந்தால் என் கண்டுபிடிப்புகள் உலக அளவில் போற்றப்பட்டிருக்கும் என்று நினைக்கிறேன்.
senthil-goundamani-250_19022008தமிழ்நாட்டில் மூலிகை பெட்ரோல்காரனுக்கு கூட பிரபாகரன் கிள்ளுக்கீரை ஆகிவிட்டார். அப்புறம் ஜெயலலிதா ஏன் முள்ளிவாய்க்கால் முற்றத்து சுவரை இடிக்கமாட்டா? அடிங்கடா அடிங்க … நல்லா அடிங்க. எவ்வளவு அடிச்சாலும் ஈழத்தமிழன் தாங்குவாண்டா.


காதல் டைம்.

அக்கா திடீரென்று கோல் பண்ணி, ஹலோ கூட சொல்லாமல், “டேய் இதை கேளு” என்றார். அந்தப்பக்கம் போனுக்கூடாக சிஸ்டத்தில் பாட்டு “டன் டின் டன் டின்” என்று ஆரம்பிக்க, அந்த நிமிஷமே தடால் என்று விழுந்தேன். என்ன பாட்டுடா.
Vaagai Sooda Vaa1“சர சர சாரைக்காத்து வீசும்போது”
”சாரைப்பாத்து பேசும்போது”
”சாரைப்பாம்பு போல நெஞ்சு”
”சத்தம்போடுதே”
சுஜாதா வாசித்துக்கொண்டே இந்த பாட்டை இயர்போனில் ஒருமுறை கேளுங்கள். மெல்லிய குளிரில் வீட்டுமுற்றத்தில் இருந்தால் நல்லது. மெல்பேர்ன் ஐடியல். மிதமான ஒலியில் கேட்கவேண்டுமே. காதலி காதுக்குள் வந்து மூக்கு நசு நாடு என்று முட்ட கிசுகிசுப்பது போல கூசசித்தள்ளும். தலை கொஞ்சம் மடங்கி அனிச்சையாய் சிரிப்பீர்கள். ஒத்தை சொல்லில் சொன்னால், காதலிப்பீர்கள்.
உருமியில் வரும் “சின்ன சின்ன கண்ணனுக்கு” பாட்டை கொஞ்சமே ஞாபகப்படுத்தும் இந்த பாட்டுக்கு இசை ஜிப்ரான். மின்னியிருக்கிறார். பாடிய சின்மயிக்கு ஏன் தேசியவிருது கிடைக்கவில்லை?
வரிகளில் கவிப்பேரரசரின் ஆட்சி. ஏறி இருந்து மனுஷன் எழுதியிருக்கு. பாடல் காட்சியும் அதகளம். இவளுக்கு உள்ளம் உடம்பு என்று யாவுமான காதல். அவனோ படித்த அசடு. ஒரு இடத்தில் கரும்பலகையில் “மதி” என்று இவளுக்கு அவன் எழுதக்கற்று தருவான். அவளோ இவனை காதலாய் பார்ப்பாள். “என்ன சனியண்டா, ஒண்டுமே விளங்குதில்ல” என்ற ஒரு ரியாக்ஷன் குடுப்பாள். சின்மயிகுரல்  கீச்சென்று உயர் ஸ்வரத்தில் பாடும் இடம்.
மீனுக்கு ஏங்குற கொக்கு நீ…
கொத்தவே தெரியல … மக்கு நீ…
இதுக்கு மேலே எவன் தாங்குவான். கோல் போட்டேன்.
Vaagai Sooda Vaa Movie Stills 001 04039ஹலோ ..
என்னடா ..இந்த டைம்ல .. வியாழமாற்றம் எழுதேல்லையா?
இல்ல சும்மா … வந்து
என்ன வந்து போய்?
இல்ல .. அது .. காதல்
போனை வச்சிட்டு போய் எழுது!


சொன்னோட வச்சிட்டுது … ..சரியான மொக்கு


கம்பவாரிதி வாங்கச்சொன்ன சீப்பு

அலுவலகத்தில் இருந்தபோது தான் ஈமெயில் வந்து. “ஜெயராஜ் அண்ணா எழுதித்தந்தவர்” என்று இருந்தது. விறுவிறு என்று கொம்பியூட்டரில் எழுத்துரு இன்ஸ்டோல் பண்ணி வாசிக்க தொடங்கினால், முடியவில்லை. கண்ணீர் முட்டி ரெஸ்ட் ரூம் போகவேண்டியிருந்தது. என்ன தவம் செய்தனை ஜேகே?
kampavaruthy_jeyaraj (1)
நான் எந்த மேடை ஏறினாலும் சுஜாதாவுக்கும் கம்பவாரிதிக்கும் மானசீக வணக்கம் சொல்லியே பேச்சை ஆரம்பிப்பேன். அதிலே முன்னவர் எம்மோடு இல்லை. மற்றவர் என்னை வாசித்து, நெருங்கி வந்து கையைப்பிடித்து “முருகா முருகா முருகா” என்று குரல் தழுதழுத்து, ஊரு திரும்பி இப்படி மனம்விட்டு ஒரு கடிதம் எழுதினால் எப்படி இருக்கும் எனக்கு?
என் படலை எனக்கு இன்னொரு அம்மாவை தெரிந்தது.

கம்பவாரிதி வெறும் கடிதத்தோடு நின்றுவிடாமல் கொஞ்சம் வீட்டுப்பாடமும் தந்திருக்கிறார். சீப்பு பற்றி அவரும் ஒரு கவிதை எழுதி, அதே போல பத்து கற்பனையில் எழுதி அனுப்பு என்றிருக்கிறார். ஒவ்வொரு வாரமும் ஒரு கவிதை என்று ட்ரை பண்ண போகிறேன். நேரிசை, விருத்தப்பா, புதுக்கவிதை, ஹைக்கூ என்று கொஞ்சம் விதம் விதமாக ஆடிப்பார்க்கலாம். இது இந்தவாரத்து கவிதை.
மொட்டைதலை முருகேசன்
        தொப்பிஒண்டு மாட்டிகொண்டு
பெட்டிக்கடை ஓடிபோயி
        சீப்புரெண்டு வாங்கிவந்தான்.
கண்ணாடி முன்னநிண்டு
         கரைஉச்சி பிரிச்சுவார
முடியாம தவிச்சபோது
        முன்னாடி வாழ்ந்தவாழ்க்கை
முடியாக முளைச்சுவந்து
        வெடியாக சிரிக்ககண்டான்.
காயா? பழமா?


என் கொல்லைப்புறத்து காதலிகள் - சச்சின்

வெட்டிக்கிடந்த வாழைமரத்தின்  அடித்தடலை எடுத்து, இரண்டு அடிக்கு வெட்டி இரண்டு காலிலையும் முழங்கால் வரைக்கும் வைத்து கட்டுவேன்.  அதுதான் பாட். இன்னொரு தடலை சின்னனா வெட்டி காற்சட்டை ஒருபக்கம் செருகினால் அது சைட் பாட். போல் கார்ட் என்ற மாட்டர் இருப்பது அப்போது தெரியாது. அப்பா அந்தக்காலத்தில யமாகா-350 வச்சிருந்தவர். அதிண்ட பிஞ்சுபோன ஹெல்மட்டை எடுத்து தலையில் மாட்டி பட்டி இழுத்து டைட் பண்ணியாயிற்று. கையில் தென்னைமட்டையில் சரிக்கட்டின பேட். வீட்டு சன்ஹூட் படியில ஜம்மென்று ஹீரோ குந்தியிருக்கிறார்.
இப்போது இரண்டு விக்கட்டுகள் டவுன். அடுத்தது தலைவர். இரண்டுகால்களையும் ஸ்ட்ரெச் பண்ணியபடி முற்றத்துக்குள் இறங்கும்போது கிரவுண்ட் பூரா ஒரே சத்தம். சூரியனை பார்த்து கும்பிட்டுக்கொண்டே கேட்டடில போய் நின்று அம்பயர் லெக்ஸ்டொம் கேட்டு சுற்றும் முற்றும் திரும்பிப்பார்க்க வேண்டும். “அந்த ஏரியா”வில் கைவைத்து கொஞ்சம் மேலே இழுத்து விடவேண்டும். பின்னர் ஸ்டாண்ட் எடுத்து ரெடியாகியாச்சு.

அடுத்ததாக தேசிக்காய் மரத்தடில நிண்டு  அப்துல் காதர் பந்தை நக்கி நக்கி போடுவதாக நினைத்துக்கொண்டு ஒரு சல்லிக்கல்லை பொறுக்கி தூக்கிப்போட்டிட்டு, அது ஒரு கூக்ளி, டவுன் த ட்ராக் சார்ஞ் பண்ணி வந்து அந்தக்கல்லுக்கு ஓங்கி ஒரு அடி.
கல்லு சர்ர்ர்ர் என்று சன்ஹூட் தாண்டி, எழுமிச்ச மரம் தாண்டி, கிணற்றடி அன்னமுன்னா மரம் தாண்டி, சீமை கிழுவைக்குள்ளாள போயி முன்வீட்டு கமலராணி அக்காவீட்டு ஒட்டு கூரையில விழுந்து டக்கடடிக்கடடிக் என்று உருண்டு பின்னர் எங்கேயோ செருகியிருக்கவேண்டும். அடுத்த கல்லு புரக்டர் வளவுக்குள். நான்காவது சிக்ஸர் நம்வீட்டு புகைக்கூண்டுக்குள், அம்மாவிடம் இருந்து “டேய் கல்லு விளையாடாத” சத்தம் கேட்கும். பெருமிதமாக பூங்கன்று சுற்றுவட்டார மரத்தையல்லாம் பார்க்க, கரகோஷம் வானை பிளக்கும்.
சச்சின் … சச்சின் … சச்சின் ...
sachin2
வார இறுதியில்!
&&&&&&&&&







15 comments :

  1. "சர சர" பாட்டு வைரமுத்துவுக்கும் சின்மையிக்கும் தேசிய விருதை வாங்கிக்குடுக்காவிட்டாலும் தென்னகத்தில் ஃபிலிம் ஃபேர், விஜய் விருதுகள் என்று 6-க்கும் மேற்பட்ட விருதுகளை இருவருக்கும் தனித்தனியாக பெற்றுக்கொடுத்திருக்கிறது...

    "நான் ராவணன் படத்திற்கு தான் விருதை எதிர்பார்த்தேன் ஆனால் இந்தப்பாட்டு எனக்கும் சின்மயிக்கும் எதிர்பாராமலே நிறைய விருதுகளை வாங்கித்தந்திருக்கிறது" என்று ஃபிலிம் ஃபேர் விருது வாங்கும் போது வைரமுத்து சொல்லியிருந்தார். அப்படி எதிர்பாராமல் வந்து மனதை வருடிய பாடல்களில் அதுவும் ஒன்றாகிவிட்டது...

    உபரி: இந்தப்படத்தின் இயக்குனர்தான் சமீபத்தில் தனுஷ்-ஐயும் நஸ்ரியாவையும் வைத்து நையாண்டி பண்ணி மொக்கை வாங்கியவர்....

    கொல்லைப்புறத்துக்காதலியை மேலும் எதிர்பார்த்துக்காத்திருக்கிறேன்...

    ReplyDelete
  2. Most of the songs in "Vahai sooda vaa" are very good sara sara is one of of my favorites, Heard that on "sooriyan FM" search for it on you tube saw the clip then search for movie watch it too. its a good movie you will like it .

    சொன்னோட வச்சிட்டுது … ..சரியான மொக்கு tell her watch it too

    ReplyDelete
    Replies
    1. Thanks Manoharan ..

      //சொன்னோட வச்சிட்டுது … ..சரியான மொக்கு tell her watch it too//

      Baass ... neenga love pannonum athu vilanga!

      Delete
    2. athu vilakinapadyathan appady sonnen ippa nenga than makuu..............

      Mano

      Delete
  3. பாஸ் இந்த ஆ+வரம்+காலுக்கும் ஐங்கரநேசனுக்கும் என்னய்யா தொடர்பு? ... இல்லை ஊரின் பெயர்காரணம் தெரிந்து பயன்படுத்தியதா?

    ReplyDelete
    Replies
    1. இது சிறுகதை .. ஐங்கரநேசன் ஆவரங்காலில் இருக்கும் ஒரு வேளாண் விஞ்ஞானி.

      Delete
  4. கோக் can எண்ட இடத்திலேயே இது ஒரு சிறுகதை எண்டு விளங்குது ;)
    சீப்பை உதாரணத்துக்கு கொடுத்து கம்பவாரிதி உங்களை நக்கல் அடிக்கிறாரோ எண்டு நினைச்சன் !!!
    vakeesan-uk

    ReplyDelete
    Replies
    1. ஒரு வேளாண் விஞ்ஞானி பாத்திரத்துக்கு அவர் பெயரை பயன்படுத்தினால் நன்றாக இருக்குமென்று யோசித்தது .. அவ்வளவு தான். பெயரை பாவித்த பின்னர் தான் அந்த கோக் டின் வரியை பாவிச்சன்.

      //சீப்பை உதாரணத்துக்கு கொடுத்து கம்பவாரிதி உங்களை நக்கல் அடிக்கிறாரோ எண்டு நினைச்சன் !!!//
      ஹ ஹா .. படைப்பையும் படைப்பாளியையும் போட்டு குழப்பும் ஆள் இல்லை அவர்!

      Delete
  5. கருத்துக்களை மக்கள் மனதேற்றும் நுட்பம் (உங்களுக்கு) வாய்த்தது பெரிய பேறேன்றால், மானசீக குருவிடமிருந்து இப்படியொரு கடிதம் (உங்களுக்கு) வருவது அதை விட பெரும் பேறு. வாழ்த்துகள் ஜே.கே.

    //நம் மண்ணின் அறிஞர்கள், விமர்சகர்கள் அனைவராலும்
    நிராகரிக்கப்பட்டவன் நான்.//
    தெற்காசியாவில் பரவலாக உள்ள இந்த குணம், தமிழனின் தனிப்பெருங்குணம். தமிழனின் வரலாற்றில் பல சாதனையாளர்கள் அவர்களுக்குரிய அங்கிகாரத்தை அடையவில்லை. நாளைய தமிழனினம் இதிலிருந்து விடுபடுமா? விடுபட வேண்டும் என்பது என் ஆசை.

    //இதுக்கு மேலே எவன் தாங்குவான். கோல் போட்டேன்.//
    யார் யாருக்கு கோல்(call) போட்டாங்க? நானும் மக்கு, தெளிவாக சொன்னால் தான் புரியும்.

    ReplyDelete
    Replies
    1. நன்றி மோகன் ...

      //நாளைய தமிழனினம் இதிலிருந்து விடுபடுமா? விடுபட வேண்டும் என்பது என் ஆசை.//
      ஆறு மாசமா நல்லதொரு பதிப்பாளர் கிடைத்தால் ஒரு புத்தகம் வெளியிடலாம் என்று எண்ணினேன். சான்சே இல்ல. நீங்க வேற பாஸ்.

      //யார் யாருக்கு கோல்(call) போட்டாங்க? நானும் மக்கு, தெளிவாக சொன்னால் தான் புரியும்.//
      கோல் ஆருக்கு போடுவோம் பாஸ் .. மனிசிக்கு தான்.

      Delete
  6. இல்ல தம்பி .. இந்த செடில ஆட்டுக்குட்டியே காய்க்க போகுது”

    “முடியல” என்ற வடிவேலு டயலாக் வாய்நுனி வரைக்கும் வந்தாலும் அடக்கிக்கொண்டேன்.

    laughing, laughing laughing


    siva

    ReplyDelete
  7. Just i got interested in this article.............just for you guys to read. Please don't compare with politics here....http://www.tamilwin.com/show-RUmrzCTVMaix7.html

    Ajanthan

    ReplyDelete
    Replies
    1. Probably I should change the name of the character.. People often thinks its a true story, but it was written just for fun. I might change the name.

      BTW, the point about paartheenium is true.. Its disastrous and I got to know about it when I lived in Vavunia.

      Delete

இந்த பதிவின் நீட்சி தான் உங்கள் கருத்துகளும். தெரிவியுங்கள். வாசித்து மறுமொழியுடன் வெளியிடுகிறேன்.

அன்புடன்,
ஜேகே