சில வருடங்களாகவே பொட்காஸ்ட் தொடர் ஒன்றை ஆரம்பிக்கவேண்டும் என்றொரு ஆர்வம் உள்ளூற ஊறிக்கொண்டிருந்தது. அது நான் தொடர்ச்சியாகக் கேட்டுப் பயனடைந்துகொண்டிருக்கும் சில பொட்காஸ்டுகளின் பாதிப்பால் ஏற்பட்ட ஒன்று. The History of Literature, Paris Review, The New Yorker Fiction, The New Yorker Writer’s Voice, Not Stupid, The Minefield, If You’re Listening, Ladies We Need to Talk என்று பல பொட்காஸ்ட் தொடர்களின் ஆதர்ச இரசிகன் நான். இந்த பொட்காஸ்டுகள் அனைத்துமே ஆழமான விசயங்களையும் அன்றாட விசயங்களையும் மிக இயல்பாகவும் முன்முடிவுகள் இல்லாமலும் அலசுபவை. கேட்கும்தோறும் புதியவற்றை நமக்கு அறிமுகப்படுத்துபவை. பெரும்பாலானவற்றுக்குக் காணொளிகளும் இல்லை. வெறுமனே ஒலி மாத்திரம்தான். நடைப்பயிற்சியின்போதும் நீண்ட தூரப் பயணங்களின்போதும் காதுகளில் ஒலிக்கவிட்டால் நேரம் கரைவதே தெரியாது. பல சமயங்களில் புதிய அத்தியாயங்களைக் கேட்பதற்காகவே நடைப்பயிற்சிக்குப் போன சம்பவங்களும் உண்டு. அத்தனை அலாதியான அனுபவத்தையும் தேடலையும் கொடுப்பவை இவை.
இவ்வாறான பொட்காஸ்டுகளை செய்வதற்கு முன்னர் பெருந்தேடலும் தயார்படுத்தலும் தேவை என்று தோன்றியது. எழுத்துப்போலவே. அதனாலேயே பொட்காஸ்ட் செய்யவேண்டும் என்ற ஆர்வம் அண்மைக்காலத்தில் மேலும் அதிகரித்தது. அதைக் காரணம் காட்டி மேலும் தேடலாம் அல்லவா? இந்த வருடம் Unaccustomed Earth, Kite Runner என்ற இரண்டு புத்தகங்கள் பற்றியும் கிட்டத்தட்ட இரண்டு மணி நேரங்கள் பொட்காஸ்ட் அத்தியாயங்களில் பேசியிருக்கிறேன். ஆனால் பொதுவெளியில் அவற்றின் இணைப்புகளைப் பகிரவில்லை. இந்த ஆண்டு இறுதி விடுமுறையில் மேலும் இரண்டு புத்தகங்கள் பற்றி நானும் ஜீவியும் பேசியிருக்கிறோம். அவற்றையும் கூடிய விரைவில் பகிர்கிறேன். பொட்காஸ்டுக்கான மொழி நமக்கு சரியாக இன்னமும் வசப்படுவதாயில்லை. நாம் இந்த நிலத்தில் கேட்பதும் வாசிப்பதும் தொடர்பாடல் செய்வதும் ஆங்கிலத்தில் என்ற நிலை இருக்க, தமிழில் உரையாடலை ஆரம்பிக்கையில் தன்பாட்டுக்கு ஆங்கிலம் சொல்வழி கேட்காமல் வந்து உட்கார்ந்துவிடுகிறது. மொழியை இறுக்கிப்பிடித்தால் பொருள் விடுபட்டுப்போகிறது என்பதால் சொல்ல நினைத்தை, வசப்பட்ட வார்த்தைகளில் பகிர்ந்திருக்கிறோம்.
நேற்று ஸம்ரக்ஷணா வீட்டுக்கு வந்திருந்தார். அவரோடு சேர்ந்து செய்த அத்தியாயம் இது. ஒரு மணி நேரத்துக்கும் அதிகமாகப் பேசியதை ஒரளவுக்கு எடிட் பண்ணியிருக்கிறேன். இப்படியான நீண்ட விரிவான உரையாடல்கள் உள்ள அத்தியாயங்களை அவ்வப்போது செய்யவேண்டுமென்று ஆசை. சொல்லும் பொருளும் பொறுமையும் காலமும் கூடிவருகையில் அத்தியாயங்களும் உருப்பெறும் என நம்புகிறேன்.
இந்த அத்தியாயம் - The River Carried Us - 2025
இவ்வாறான பொட்காஸ்டுகளை செய்வதற்கு முன்னர் பெருந்தேடலும் தயார்படுத்தலும் தேவை என்று தோன்றியது. எழுத்துப்போலவே. அதனாலேயே பொட்காஸ்ட் செய்யவேண்டும் என்ற ஆர்வம் அண்மைக்காலத்தில் மேலும் அதிகரித்தது. அதைக் காரணம் காட்டி மேலும் தேடலாம் அல்லவா? இந்த வருடம் Unaccustomed Earth, Kite Runner என்ற இரண்டு புத்தகங்கள் பற்றியும் கிட்டத்தட்ட இரண்டு மணி நேரங்கள் பொட்காஸ்ட் அத்தியாயங்களில் பேசியிருக்கிறேன். ஆனால் பொதுவெளியில் அவற்றின் இணைப்புகளைப் பகிரவில்லை. இந்த ஆண்டு இறுதி விடுமுறையில் மேலும் இரண்டு புத்தகங்கள் பற்றி நானும் ஜீவியும் பேசியிருக்கிறோம். அவற்றையும் கூடிய விரைவில் பகிர்கிறேன். பொட்காஸ்டுக்கான மொழி நமக்கு சரியாக இன்னமும் வசப்படுவதாயில்லை. நாம் இந்த நிலத்தில் கேட்பதும் வாசிப்பதும் தொடர்பாடல் செய்வதும் ஆங்கிலத்தில் என்ற நிலை இருக்க, தமிழில் உரையாடலை ஆரம்பிக்கையில் தன்பாட்டுக்கு ஆங்கிலம் சொல்வழி கேட்காமல் வந்து உட்கார்ந்துவிடுகிறது. மொழியை இறுக்கிப்பிடித்தால் பொருள் விடுபட்டுப்போகிறது என்பதால் சொல்ல நினைத்தை, வசப்பட்ட வார்த்தைகளில் பகிர்ந்திருக்கிறோம்.
நேற்று ஸம்ரக்ஷணா வீட்டுக்கு வந்திருந்தார். அவரோடு சேர்ந்து செய்த அத்தியாயம் இது. ஒரு மணி நேரத்துக்கும் அதிகமாகப் பேசியதை ஒரளவுக்கு எடிட் பண்ணியிருக்கிறேன். இப்படியான நீண்ட விரிவான உரையாடல்கள் உள்ள அத்தியாயங்களை அவ்வப்போது செய்யவேண்டுமென்று ஆசை. சொல்லும் பொருளும் பொறுமையும் காலமும் கூடிவருகையில் அத்தியாயங்களும் உருப்பெறும் என நம்புகிறேன்.
இந்த அத்தியாயம் - The River Carried Us - 2025
The river bore us through 2025; now it carries us on toward 2026.
இனிய புத்தாண்டு வாழ்த்துகள்.
சுட்டிகள்
Apple Podcast
Apple Podcast